ಮೀನನ್ನು ಹುರಿಯಬೇಕೇ.. ಕರಿಯಬೇಕೇ?

ಮೀನಿನ ಖಾದ್ಯಗಳ ಹೆಸರು ಕೇಳಿದರೆ ಸಾಕು, ಮಾಂಸಾಹಾರಿಗಳ ಬಾಯಲ್ಲಿ ನೀರೂರುವುದು ಸಹಜ. ಮೀನಿನ ಸೇವನೆ ಆರೋಗ್ಯದ ದೃಷ್ಟಿಯಿಂದಲೂ ಒಳ್ಳೆಯದು. ಇದರಲ್ಲಿ ಅತ್ಯಧಿಕ ಪ್ರೊಟೀನ್ ಅಂಶವಿದೆ. ಅಲ್ಲದೇ ಮೀನಿನಲ್ಲಿ ಒಮೆಗಾ– 3 ಕೊಬ್ಬಿನಂಶ, ವಿಟಮಿನ್ ಡಿ, ಕ್ಯಾಲ್ಸಿಯಂ, ರಂಜಕ, ಕಬ್ಬಿಣ, ಸತು ಸೇರಿದಂತೆ ಹಲವು ಬಗೆಯ ಪೌಷ್ಟಿಕಾಂಶಗಳಿವೆ.

. ತಜ್ಞರ ಪ್ರಕಾರ ವಾರದಲ್ಲಿ ಎರಡು ಬಾರಿ ಮೀನು ತಿನ್ನುವುದು ಉತ್ತಮ. ಆದರೆ ಮೀನಿನ ಖಾದ್ಯ ತಿನ್ನುವ ಮೊದಲು ಅದರಲ್ಲಿರುವ ಪೌಷ್ಟಿಕಾಂಶಗಳು ಹಾಗೇ ಉಳಿಯಬೇಕು ಎಂದರೆ ಸರಿಯಾದ ಬೇಯಿಸುವ, ಹುರಿಯುವ ಅಥವಾ ಕರಿಯುವ ಕ್ರಮಗಳನ್ನು ಅನುಸರಿಸಬೇಕು.

. ಹಬೆಯಲ್ಲಿ ಬೇಯಿಸುವುದು: ಮೀನನ್ನು ಹಬೆಯಲ್ಲಿ ಬೇಯಿಸುವುದರಿಂದ ಯಾವುದೇ ಕೊಬ್ಬಿನಾಂಶ ಸೇರಿಸುವ ಅಥವಾ ಎಣ್ಣೆಯಲ್ಲಿ ಬೇಯಿಸುವ ಅವಶ್ಯಕತೆ ಬೀಳುವುದಿಲ್ಲ. ಹಬೆಯಲ್ಲಿ ಬೇಯಿಸುವಾಗ ನೀರು ಸೇರಿಸಿ ಬೇಯಿಸುತ್ತೇವೆ. ಕೆಲವು ಕಡೆ ಬಿಸಿನೀರು ಅಥವಾ ಕುದಿಯುವ ನೀರಿನಲ್ಲಿ ಮೀನನ್ನು ಬೇಯಿಸುವ ಕ್ರಮವೂ ಇದೆ. ಕಡಿಮೆ ಉಷ್ಣತೆಯಲ್ಲಿ ಮೀನನ್ನು ಬೇಯಿಸುವುದರಿಂದ ಒಮೆಗಾ– 3 ಕೊಬ್ಬಿನಂಶ ಸೇರಿದಂತೆ ಅನೇಕ ರೀತಿ ಪೌಷ್ಟಿಕಾಂಶಗಳು ಉಳಿಯುತ್ತವೆ.

. ಪೌಚಿಂಗ್: ಪೌಚಿಂಗ್ ಎನ್ನುವುದು ಮೀನನ್ನು ಬೇಯಿಸುವ ಇನ್ನೊಂದು ರೀತಿ. ನೀರು, ಹಾಲು ಅಥವಾ ವೈನ್ನಲ್ಲಿ ಮೀನಿನ ತುಂಡುಗಳನ್ನು ಹಾಕಿ ಬೇಯಿಸುವುದು. ಈ ರೀತಿ ಮೀನನ್ನು ಬೇಯಿಸುವುದು ತುಂಬಾ ಉತ್ತಮ ವಿಧಾನ. ಈ ರೀತಿ ಬೇಯಿಸುವಾಗ ಯಾವುದೇ ಎಣ್ಣೆ ಅಥವಾ ಕೊಬ್ಬಿನಂಶ ಸೇರಿಸದೆ ಸಣ್ಣ ಉರಿಯಲ್ಲಿ ಬೇಯಿಸುತ್ತಾರೆ. ಇದರಿಂದ ಒಮೆಗಾ– 3 ಕೊಬ್ಬಿನಂಶ ಉಳಿದುಕೊಳ್ಳುತ್ತದೆ.

. ಸುಡುವುದು (ಗ್ರಿಲ್ಲಿಂಗ್): ಮೀನನ್ನು ಸುಡುವುದರಿಂದ ಯಾವುದೇ ಕೊಬ್ಬಿನಂಶ ಸೇರಿಸುವ ಅವಶ್ಯಕತೆ ಇಲ್ಲ. ಆದರೆ ಮೀನನ್ನು ಗ್ರಿಲ್ಲಿಂಗ್ ಮಾಡುವುದರಿಂದ ಹೆಟೆರೊಸೈಕ್ಲಿಕ್ ಅಮೈನ್ಸ್ ಮತ್ತು ಪಾಲಿಸಿಕ್ಲಿಕ್ ಆರೊಮ್ಯಾಟಿಕ್ ಹೈಡ್ರೊಕಾರ್ಬನ್ ಎಂಬ ಹಾನಿಕಾರಕ ಅಂಶಗಳ ಉತ್ಪತಿಗೆ ಕಾರಣವಾಗಬಹುದು ಎಂಬುದನ್ನು ಅಧ್ಯಯನಗಳು ಸಾಬೀತುಪಡಿಸಿವೆ. ಆ ಕಾರಣಕ್ಕೆ ತೆರೆದ ಬೆಂಕಿಯಲ್ಲಿ ಕಡಿಮೆ ಉಷ್ಣಾಂಶ ಅಥವಾ ಉರಿಯಲ್ಲಿ ಮೀನನ್ನು ಬೇಯಿಸುವುದು ಉತ್ತಮ.

. ಡೀಪ್ ಫ್ರೈ: ಡೀಪ್ ಫ್ರೈ ವಿಧಾನದಲ್ಲಿ ಮೀನನ್ನು ಬೇಯಿಸುವುದರಿಂದ ಹೆಚ್ಚು ಕೊಬ್ಬಿನಂಶ ಸಂಗ್ರಹವಾಗುತ್ತದೆ. ಈ ರೀತಿ ಬೇಯಿಸುವ ವಿಧಾನದಲ್ಲಿ ಮೀನಿನ ಮಾಂಸ ಹೆಚ್ಚು ಕೊಬ್ಬಿನಾಂಶವನ್ನು ಹೀರಿಕೊಳ್ಳುತ್ತದೆ. ಇದು ಕ್ಯಾಲೊರಿಯನ್ನು ಹೆಚ್ಚಿಸುತ್ತದೆ. ಅಲ್ಲದೇ ಈ ರೀತಿ ಮಾಡುವುದರಿಂದ ಇಪಿಎ ಹಾಗೂ ಡಿಎಚ್ಎ ಅಂಶಗಳು ಕೂಡ ಮಾಂಸದಲ್ಲಿ ಉಳಿಯುವುದಿಲ್ಲ. ಅಲ್ಲದೇ ಕೆಲವು ಮೀನುಗಳನ್ನು ಡೀಪ್ ಫ್ರೈ ಮಾಡುವುದರಿಂದ ಮೀನಿನಲ್ಲಿರುವ ಒಮೆಗಾ– 3 ಕೊಬ್ಬಿನಾಂಶದ ನಾಶಕ್ಕೂ ಕಾರಣವಾಗಬಹುದು.

. ಬ್ರೈಲಿಂಗ್: ಮೀನನ್ನು ಬೇಯಿಸುವ ಇನ್ನೊಂದು ವಿಧಾನ ಬ್ರೈಲಿಂಗ್. ಇದರಲ್ಲಿ ಅತಿ ಹೆಚ್ಚು ಉಷ್ಣಾಂಶದಲ್ಲಿ ಮೀನನ್ನು ಬೇಯಿಸುತ್ತಾರೆ. ಸಾಮಾನ್ಯವಾಗಿ ಈ ವಿಧಾನದಲ್ಲಿ ಒವೆನ್ ಬಳಸುತ್ತಾರೆ. ಈ ವಿಧಾನದಿಂದ ತಯಾರಿಸಿದ ಮೀನಿನ ಸೇವನೆಯಿಂದ ಹೃದಯದ ರಕ್ತನಾಳಗಳು ಸ್ವಚ್ಛಗೊಳ್ಳುತ್ತವೆ.ಅಲ್ಲದೇ ಶುದ್ಧ ರಕ್ತದ ಹರಿವನ್ನು ಸುಧಾರಿಸಲು ಸಾಧ್ಯ ಎಂಬುದನ್ನು ಅಧ್ಯಯನಗಳು ಸಾಬೀತುಪಡಿಸಿವೆ.

. ಮೈಕ್ರೊವೇವ್: ಕಡಿಮೆ ಉಷ್ಣಾಂಶದಲ್ಲಿ ಅತಿ ಬೇಗನೆ ಬೇಯಿಸಲು ಸಾಧ್ಯವಾಗುವುದು ಮೈಕ್ರೊಒವೆನ್ನಲ್ಲಿ. ಅಧ್ಯಯನದ ಪ್ರಕಾರ ಮೈಕ್ರೊಒವೆನ್ನಲ್ಲಿ ಮೀನನ್ನು ಬೇಯಿಸುವುದರಿಂದ ಒಮೆಗಾ– 3 ಕೊಬ್ಬಿನಾಂಶವನ್ನು ಉಳಿಸಿಕೊಳ್ಳಬಹುದು.

. ಪ್ಯಾನ್ನಲ್ಲಿ ಹುರಿಯುವುದು: ಪ್ಯಾನ್ನಲ್ಲಿ ಮೀನನ್ನು ಹುರಿಯುವುದು ಸಾಮಾನ್ಯ ಎಲ್ಲರೂ ಅನುಸರಿಸುವ ವಿಧಾನ. ಹೆಚ್ಚಿನ ಉಷ್ಣಾಂಶದಲ್ಲಿ ಮೀನನ್ನು ಪ್ಯಾನ್ನ ಮೇಲೆ ಹುರಿದು ತಿನ್ನುವುದು ಆರೋಗ್ಯ ಪದ್ಧತಿ.

. ಮೀನನ್ನು ಸುಡುವುದು ಹಾಗೂ ಡೀಪ್ಫ್ರೈ ಮಾಡುವುದಕ್ಕಿಂತ ಹಬೆಯಲ್ಲಿ ಬೇಯಿಸುವುದು, ಪೌಚಿಂಗ್ ಹಾಗೂ ಮೈಕ್ರೊಒವೆನ್ನಲ್ಲಿ ಬೇಯಿಸುವುದು ಉತ್ತಮ. ಅದರೊಂದಿಗೆ ಬೇಯಿಸುವ ವಿಧಾನ, ಮೀನಿನ ಬಗೆ, ಬಳಸುವ ಎಣ್ಣೆ ಹಾಗೂ ಸಮಯವು ಮೀನಿನ ಪೌಷ್ಟಿಕಾಂಶದ ಮೇಲೆ ಪರಿಣಾಮ ಬೀರುತ್ತದೆ ಎಂಬುದನ್ನು ಗಮನದಲ್ಲಿರಿಸಿಕೊಳ್ಳಬೇಕು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮೀನನ್ನು ಹುರಿಯಬೇಕೇ.. ಕರಿಯಬೇಕೇ?

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

IND vs AUS Perth Test: ರಾಹುಲ್ ನಾಟೌಟ್..ಔಟ್!

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು