ಕೋವಿಡ್‌ ಎದುರಿಸಲು ಆರು ಕಾರ್ಯತಂತ್ರ: ಈ ಹೊಸ ಪುಸ್ತಕದಲ್ಲಿದೆ ವಿವರಣೆ

ನವದೆಹಲಿ: ಕೋವಿಡ್-19 ಎಂಬ ಸಾಂಕ್ರಾಮಿಕ ಕಾಯಿಲೆಯು ಜಗತ್ತನ್ನು ದುರ್ಬಲಗೊಳಿಸಿರುವ ಈ ಸಮಯದಲ್ಲಿ ಜನ ಅದರಿಂದ ಪಾರಾಗಲು ಹಲವು ಮಾರ್ಗಗಳನ್ನು ಹುಡುಕುತ್ತಿದ್ದಾರೆ. ಇಂಥ ಸಮಯದಲ್ಲಿ ಕಾಯಿಲೆಯ ವಿರುದ್ಧ ಹೋರಾಡಲು ಬೇಕಾದ 6 ಅಂಶಗಳು ಮತ್ತು ಕೆಲವು ಪ್ರಾಯೋಗಿಕ ತಂತ್ರಗಳುಳ್ಳ ಪುಸ್ತಕವೊಂದು ಹೊರಬಂದಿದೆ.

. ಪೌಷ್ಟಿಕಾಂಶ ತಜ್ಞೆ ಡಾ. ವಿಶಾಖಾ ಶಿವದಾಸಾನಿ ಅವರು ಜೀವನಶೈಲಿಗೆ ಸಂಬಂಧಿಸಿದ ಸಮಸ್ಯೆಗೆ ಸಿಲುಕಿದ್ದ ರೋಗಿಗಳ ಆರೈಕೆಗಾಗಿ ಅನುಸರಿಸಿದ ಚಿಕಿತ್ಸಾ ಮಾರ್ಗಗಳನ್ನೇ ಬಳಸಿ, ಅದರಿಂದ ಕೋವಿಡ್ ಅನ್ನು ತಡೆಗಟ್ಟುವ, ಕೋವಿಡ್ ನಂತರದ ಸಮಸ್ಯೆಗಳನ್ನು ನಿವಾರಿಸುವ ಕ್ರಮಗಳನ್ನು ಕಂಡುಕೊಂಡಿದ್ದಾರೆ.

. ಈ ಚಿಕಿತ್ಸಾ ಮಾರ್ಗಗಳು ಹೊಸ ಕೋವಿಡ್ ತಳಿಗಳ ವಿರುದ್ಧವೂ ಕೆಲಸ ಮಾಡಲಿದೆ ಎಂದು ವಿಶಾಖಾ ಅವರು ಹೇಳಿದ್ದಾರೆ.

. ವಿಶಾಖಾ ಅವರ ‘ಕೋವಿಡ್ ಮತ್ತು ಕೋವಿಡ್ ನಂತರದ ಚೇತರಿಕೆ’ ಎಂಬ ಇ–ಪುಸ್ತಕವನ್ನು ‘ಹಾರ್ಪರ್ಕಾಲಿನ್ಸ್ ಇಂಡಿಯಾ‘ ಈ ವರ್ಷದ ಆರಂಭದಲ್ಲಿ ಪ್ರಕಟಿಸಿತ್ತು. ಈಗ ಅದರ ಮುದ್ರಿತ ಆವೃತ್ತಿಯನ್ನು ಬಿಡುಗಡೆ ಮಾಡಲಾಗಿದೆ. ವೈರಸ್ ರೋಗದ ಲಕ್ಷಣಗಳು, ಚೇತರಿಕೆ, ಪರಿಣಾಮಗಳು ಮತ್ತು ರೋಗನಿರೋಧಕ ಶಕ್ತಿ ವೃದ್ಧಿಸುವುದರ ಕುರಿತ ಸಲಹೆ ಸೂಚನೆಗಳು ಪುಸ್ತಕದಲ್ಲಿನ ಪ್ರಮುಖ ಮಾಹಿತಿಗಳೆನಿಸಿವೆ.

. ವಿಶಾಖಾ ಅವರ ಆರು ಅಂಶಗಳ ತಂತ್ರವು ಆಹಾರ, ಕರುಳಿನ ಆರೋಗ್ಯ, ನಿದ್ರೆ, ವ್ಯಾಯಾಮ, ಒತ್ತಡ ನಿರ್ವಹಣೆ ಮತ್ತು ಪೂರಕಾಂಶಗಳ (ಸಪ್ಲಿಮೆಂಟ್) ಸಹಿತ ಆರೈಕೆ ಎಂಬ ಆರು ಅಂಶಗಳನ್ನು ಒಳಗೊಂಡಿದೆ.

. ‘20 ವರ್ಷಗಳಿಂದಲೂ ಪೌಷ್ಟಿಕಾಂಶ ತಜ್ಞೆಯಾಗಿ ಕೆಲಸ ಮಾಡುತ್ತಿರುವ ನಾನು, ಮಧುಮೇಹ, ಸ್ಥೂಲಕಾಯ ಸಮಸ್ಯೆಯ ಹಲವು ರೋಗಿಗಳಿಗೆ ಪರಿಹಾರ ಒದಗಿಸಿದ್ದೇನೆ. ಪೂರಕ ಔಷಧೋಪಚಾರಗಳ ಜೊತೆಗೆ ಶಿಸ್ತುಬದ್ಧ ಜೀವನ ಶೈಲಿ ಅನುಸರಿಸಿದರೆ ಕಾಯಿಲೆಗಳು ವಾಸಿಯಾಗುತ್ತವೆ,’ ಎಂದು ವಿಶಾಖಾ ಹೇಳಿದ್ದಾರೆ.

. ‘ಕೋವಿಡ್ ಚಿಕಿತ್ಸೆಯಲ್ಲಿ ಇದು ನಿಜವಾಗಿದೆ. ನೀವು ಯೋಚಿಸುವುದಕ್ಕಿಂತ ಹೆಚ್ಚಿನ ಶಕ್ತಿಯನ್ನು ನೀವು ಹೊಂದಿರುತ್ತೀರಿ. ಜೀವನ ಶೈಲಿಯು ಅದನ್ನು ಉದ್ದೀಪಿಸುತ್ತದೆ. ಸಾಂಕ್ರಾಮಿಕ ಸಮಯದಲ್ಲಿ ರೋಗಿಗಳು ಚೇತರಿಸಿಕೊಳ್ಳುವುದನ್ನು ನೋಡುವುದೇ ಸಂತೋಷದ ವಿಷಯ. ಈ ಪುಸ್ತಕದಲ್ಲಿನ ನನ್ನ ಆರು ಅಂಶಗಳ ಯೋಜನೆ ಅಲ್ಪ ಮತ್ತು ದೀರ್ಘಾವಧಿಯಲ್ಲಿ ಕೋವಿಡ್ ಮತ್ತು ಅದಕ್ಕೆ ಸಂಬಂಧಿಸಿದ ಸಮಸ್ಯೆಗಳಿಂದ ಜನರನ್ನು ಪಾರು ಮಾಡುತ್ತದೆ,‘ ಎಂದು ವಿಶಾಖಾ ಹೇಳಿದ್ದಾರೆ.

. ‘ಮಲೇರಿಯಾ, ಟೈಫಾಯಿಡ್ ಅಥವಾ ಶೀತಜ್ವರದಂಥ ಕಾಯಿಲೆಗಳಿಗೆ ಸಂಬಂಧಿಸಿದ ಚಿಕಿತ್ಸಾ ಮಾರ್ಗಸೂಚಿಗಳ ಕುರಿತು ನಮ್ಮಲ್ಲಿ ಪಠ್ಯವಿಲ್ಲ,‘ ಎಂದೂ ಅವರು ಬೇಸರ ವ್ಯಕ್ತಪಡಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್‌ ಎದುರಿಸಲು ಆರು ಕಾರ್ಯತಂತ್ರ: ಈ ಹೊಸ ಪುಸ್ತಕದಲ್ಲಿದೆ ವಿವರಣೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ