ಜಾದುವಿನಂತೆ ಮಾಯವಾಗುವ ಒತ್ತಡ

ನಾನೊಬ್ಬ ಜಾದುಗಾರ. ಕೆಲವು ನಿಪುಣತಂತ್ರಗಳನ್ನು ಬಳಸಿ ಜನರನ್ನು ಆಕರ್ಷಿಸುವಂತೆ ಮಾಡುತ್ತೇನೆ. ನನ್ನ ಜಾದು ನಿಮ್ಮೆಲ್ಲರಿಗೂ ಇಷ್ಟವಾಗಬಹುದು. ಆದರೆ ಇಷ್ಟವಾಗುವಂತೆ ಜಾದು ಮಾಡುವುದು ನಾನು ಇಷ್ಟ ಪಡುವ ಒತ್ತಡವಷ್ಟೆ!

. ನಮ್ಮಲ್ಲಿ ಹಲವಾರು ನಿರೀಕ್ಷೆಗಳಿರುತ್ತವೆ. ಅವು ಸಂಪೂರ್ಣವಾಗದೇ ಇದ್ದಾಗ ನಮ್ಮಲ್ಲಿ ಅವೇ ಒತ್ತಡವನ್ನು ಉಂಟಾಗಿಸುತ್ತವೆ.

. ಇಂದು ಒತ್ತಡವಿಲ್ಲದ ಬದುಕನ್ನು ನೆನಪಿಸಿಕೊಳ್ಳುವುದು ಕಷ್ಟ. ಅವರವರ ಕಾರ್ಯವೈಖರಿಗೆ ಅನುಗುಣವಾಗಿ ಒತ್ತಡಗಳು ಇರುತ್ತವೆ.

. ಒಂದು ಉತ್ಸವದಲ್ಲಿ ನನ್ನ ಜಾದುಪ್ರದರ್ಶನವಿತ್ತು. ಅಲ್ಲಿ ಕ್ರೇನ್ನಲ್ಲಿ ಒಂದು ಪೆಟ್ಟಿಗೆ ಇಟ್ಟಿರುತ್ತಾರೆ. ನನ್ನ ಕೈ ಕಾಲುಗಳನ್ನು ಕಟ್ಟಿ ಆ ಪೆಟ್ಟಿಗೆಯೊಳಗೆ ಮಲಗಿಸಿ, ಪೆಟ್ಟಿಗೆಗೆ ಬೆಂಕಿ ಹಚ್ಚುತ್ತಾರೆ. ಅಷ್ಟರೊಳಗೆ ನಾನು ಅಲ್ಲಿಂದ ಮಾಯವಾಗಬೇಕಿತ್ತು. ಆದರೆ ಅಷ್ಟರಲ್ಲಿ ಏನಾಯ್ತು ಎಂದರೆ ಸಾಮಾನ್ಯವಾಗಿ ಬೆಂಕಿ ಹಚ್ಚಲು ಬಳಸುತ್ತಿದ್ದಕ್ಕಿಂತ ಹೆಚ್ಚಿಗೆ, ನಾಲ್ಕು ಲೀಟರ್ನಷ್ಟು ಪೆಟ್ರೋಲ್ ಅನ್ನು ಆ ಪೆಟ್ಟಿಗೆಗೆ ಸುರಿಯಲಾಯಿತು. ಅದರೊಳಗಿದ್ದ ನನಗೆ ಉಸಿರಾಡಲು ಆಗಲಿಲ್ಲ. ಸತ್ತೇ ಹೋದೆನೇನೊ ಅನ್ನಿಸಿಬಿಟ್ಟಿತ್ತು. ಅದನ್ನು ನೆನಪಿಸಿಕೊಂಡರೆ ಈಗಲೂ ಒಂದು ಕ್ಷಣ ಮೈ ಜುಮ್ಮೆನ್ನುತ್ತದೆ.

. ಒಮ್ಮೆ ಮುಂಬೈನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಜಾದು ಮಾಡುವಾಗ ಸ್ವಲ್ಪ ಎಡವಟ್ಟಾಗಿ ಜಾದು ಮಾಡಲಾಗದೇ ಸೋತುಹೋದೆ. ನನಗೆ ಮಾತ್ರವಲ್ಲ, ಜನರಿಗೂ ನನಗೆ ಜಾದು ಮಾಡಲು ಆಗಲಿಲ್ಲ ಎಂಬುದು ತಿಳಿಯಿತು. ಆ ಕ್ಷಣದ ಒದ್ದಾಟ, ಜನರಿಗೆ ಅರ್ಥ ಮಾಡಿಸಿ ಮತ್ತೆ ತೋರಿಸುವುದಾಗಿ ಕೇಳಿದಾಗ ಅವರೊಪ್ಪಿದರು.

. ಹೀಗೆ ಯಾವಾಗಲೂ ಒಂದಲ್ಲಾ ಒಂದು ಕಾರಣಕ್ಕೆ ಒತ್ತಡಗಳು ನಮ್ಮೊಟ್ಟಿಗೆ ಇದ್ದೇ ಇರುತ್ತವೆ. ಏನು ಮಾಡಲು ಸಾಧ್ಯ ಹೇಳಿ. ಧೈರ್ಯವಾಗಿ ನಮಗೆ ತೊಡಕಾಗುವ ಎಲ್ಲಾ ಸವಾಲುಗಳನ್ನು ಎದುರಿಸಬೇಕು. ಆಗ ತನ್ನಿಂದ ತಾನೇ ಒತ್ತಡ ನಿವಾರಣೆಯಾಗಿ ನೆಮ್ಮದಿ ಮರಳುತ್ತದೆ.

. ಸಂತೋಷ, ದುಃಖ, ಅಸಹನೆ, ಕೋಪ – ಇವೆಲ್ಲವುಗಳಿಂದ ಎದುರಾಗುವ ಒತ್ತಡಗಳು ಒಂದು ಬಗೆ. ಇವಾವುದೂ ಶಾಶ್ವತವಲ್ಲ. ಕಾಲಕಾಲಕ್ಕೆ ಎಲ್ಲವೂ ಬದಲಾಗುತ್ತಿರುತ್ತದೆ.

. ತೀರಾ ಒತ್ತಡ ಅನ್ನಿಸಿದಾಗ ಸಿನಿಮಾ ನೋಡಲು ತೆರಳುತ್ತೇನೆ; ಇದು ನಾನು ಹುಟ್ಟಿಸಿಕೊಂಡಿರುವ ಗೀಳು ಹೌದು. ನಾನು ನೋಡುವ ಎಲ್ಲಾ ಸಿನಿಮಾಗಳು ಉತ್ತಮವಾಗಿ ಇರುತ್ತವೆ ಎಂದು ಹೇಳಲಾರೆ. ಒಳ್ಳೆ ಸಿನಿಮಾ ಆಗಿದ್ದರೆ ನೋಡುವೆ ಇಲ್ಲದಿದ್ದರೇ ನಿದ್ದೆ ಮಾಡುವೆ. ಹೀಗೆ ಹಾಗೂ ಹೀಗೂ ಮಾಡಿ ಒತ್ತಡದಿಂದ ಹೊರಬರುವೆ ಎನ್ನುವುದಂತೂ ಸತ್ಯ.

. ನನ್ನ ವೈಯಕ್ತಿಕ ಬದುಕಿಗಿಂತ ವೃತ್ತಿಪರ ಜೀವನದಲ್ಲಿ ಹೆಚ್ಚು ಒತ್ತಡಗಳು ಇವೆ. ಆದರೆ ಜಾದು ನನ್ನ ಗುರಿ ಮತ್ತು ಕನಸು ಆಗಿರುವುದರಿಂದ ಇವಾವುದೂ ಹೆಚ್ಚು ಹೊರೆ ಎನಿಸಿಲ್ಲ. ಜಾದುಗಾರಿಕೆಯನ್ನು ನನ್ನ ವೃತ್ತಿಯಾಗಿ ಆಯ್ಕೆ ಮಾಡಿಕೊಳ್ಳುವಾಗ ನನ್ನಲ್ಲಿ ಒತ್ತಡ ಉಂಟಾಗಿತ್ತು. ಕಾಲ ಹಾಗೂ ಅಂತರಂಗ – ಇವೆರಡೂ ನನ್ನನ್ನು ಜಾದುಗಾರಿಕೆಯನ್ನೇ ಆಯ್ಕೆ ಮಾಡಿಕೊಳ್ಳುವಂತೆ ಮಾಡಿದವು.

. ಇವತ್ತಿಗೂ ನನಗೆ ಅನಿಸುತ್ತಿರುವುದಷ್ಟೆ. ಯಾವುದೋ ಒಂದು ವಿಷಯ ನಮ್ಮಲ್ಲಿ ಗೊಂದಲ ಉಂಟು ಮಾಡುತ್ತದೆ ಎಂದಾದರೆ ಸರಿಯಾದ ನಿರ್ಧಾರ ತೆಗೆದುಕೊಳ್ಳಲು ಪ್ರಯತ್ನಿಸಿ. ಇಲ್ಲವೇ ಕಾಲವೇ ಎಲ್ಲವನ್ನು ಸರಿಪಡಿಸುತ್ತದೇ ಎಂದುಕೊಂಡು ತಮ್ಮಷ್ಟಕ್ಕೆ ಇರಲು ಬಿಟ್ಟುಬಿಡಿ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜಾದುವಿನಂತೆ ಮಾಯವಾಗುವ ಒತ್ತಡ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ

‘ತೊಗರಿ ಕಣಜ’ದಲ್ಲಿ ಟೆನಿಸ್‌ ಹಬ್ಬ ಇಂದಿನಿಂದ

ರಾಜ್ಯಮಟ್ಟದ ಅಥ್ಲೆಟಿಕ್ಸ್‌: ದಕ್ಷಿಣ ಕನ್ನಡ ಜಿಲ್ಲೆಗೆ ಸಮಗ್ರ ಪ್ರಶಸ್ತಿ

ಪುರುಷರ ರಾಷ್ಟ್ರೀಯ ಹಾಕಿ ಟೂರ್ನಿ: ಒಡಿಶಾ ತಂಡಕ್ಕೆ ಕಿರೀಟ

ಮಿನಿ ಒಲಿಂಪಿಕ್ಸ್ | ಸೈಕ್ಲಿಂಗ್: ಸಂಗಮೇಶ್, ನಂದಿನಿ ಮಿಂಚು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ರಾಜ್‌ಕುಮಾರ್, ವಿಷ್ಣುವರ್ಧನ್ ಅವರೊಂದಿಗೆ ನಟಿಸಿದ್ದ ಟಿ.ತಿಮ್ಮಯ್ಯ ನಿಧನ

ಚಿನಕುರುಳಿ | ಶುಕ್ರವಾರ, 15 ನವೆಂಬರ್ 2024

ಚುರುಮುರಿ | ನಿಶ್ಶಕ್ತಿ ಯೋಜನೆ!

ಚನ್ನಪಟ್ಟಣ ಉಪಚುನಾವಣೆ: ಅಂದಾಜಿಗೆ ಸಿಗದ ಸೋಲು, ಗೆಲುವಿನ ಲೆಕ್ಕಾಚಾರ