ವೈದ್ಯಲೋಕದಲ್ಲಿ ಇತಿಹಾಸ: ಹೃದ್ರೋಗಿಗೆ ಹಂದಿ ಹೃದಯ ಕಸಿ ಮಾಡಿದ ಅಮೆರಿಕ ವೈದ್ಯರು

ಹೃದಯ ಸಂಬಂಧಿ ರೋಗದಿಂದ ಬಳಲುತ್ತಿದ್ದ ವ್ಯಕ್ತಿಗೆ ತಳೀಯವಾಗಿ ಮಾರ್ಪಡಿಸಿರುವ ಹಂದಿಯ ಹೃದಯವನ್ನು ಯಶಸ್ವಿಯಾಗಿ ಕಸಿ ಮಾಡುವ ಮೂಲಕ ಅಮೆರಿಕ ವೈದ್ಯರು ಹೊಸಇತಿಹಾಸ ಬರೆದಿದ್ದಾರೆ.

. ಅಮೆರಿಕದ ಮೇರಿಲ್ಯಾಂಡ್ ಯೂನಿವರ್ಸಿಟಿ ಮೆಡಿಕಲ್ ಸ್ಕೂಲಿನ ಶಸ್ತ್ರಚಿಕಿತ್ಸಕರು57 ವರ್ಷದ ಡೇವಿಡ್ ಬೆನೆಟ್ ಅವರಿಗೆ ಹಂದಿಯ ಹೃದಯವನ್ನು ಕಸಿ ಮಾಡಿದ್ದಾರೆ. ಇದುವೈದ್ಯಕೀಯ ಲೋಕದಲ್ಲಿ ಪ್ರಥಮವಾಗಿದೆ.

. ಡೇವಿಡ್ ಬೆನೆಟ್ ಅವರು ಶ್ವಾಸಕೋಶಹಾಗೂ ಹೃದಯ ರೋಗದಿಂದ ಬಳಲುತ್ತಿದ್ದರು. ಅವರು ಹಲವು ದಿನಗಳಿಂದ ಹಾಸಿಗೆ ಹಿಡಿದಿದ್ದು ಆರೋಗ್ಯವು ತುಂಬ ಕ್ಷೀಣವಾಗಿತ್ತು. ಅವರಿಗೆ ಮನುಷ್ಯರ ಹೃದಯವನ್ನು ಕಸಿ ಮಾಡುವ ಪ್ರಯತ್ನ ನಡೆದಿತ್ತು. ಆದರೆ ಅದು ಸಾಧ್ಯವಾಗಿರಲಿಲ್ಲ.

. ಈ ಹಂತದಲ್ಲಿ ಡೇವಿಡ್ ಬೆನೆಟ್ಗೆ ಹಂದಿಯ ಹೃದಯವನ್ನು ಕಸಿ ಮಾಡಲಾಯಿತು. ಈ ಶಸ್ತ್ರಚಿಕಿತ್ಸೆ ಯಶಸ್ವಿಯಾಗಿದ್ದು ಅವರು ಚೇತರಿಸಿಕೊಳ್ಳುತ್ತಿದ್ದಾರೆ. ಕಸಿಯಾಗಿರುವ ಹೃದಯ ಹೇಗೆ ಕೆಲಸ ಮಾಡುತ್ತಿದೆ ಎಂಬುದನ್ನು ಗಮನಿಸುತ್ತಿದ್ದು ಅವರ ಮೇಲೆ ನಿಗಾ ವಹಿಸಲಾಗಿದೆ ಎಂದು ವ್ಯದ್ಯರು ಹೇಳಿದ್ದಾರೆ.

. ’ಮೇರಿಲ್ಯಾಂಡ್ನಿವಾಸಿಯಾದ ನಾನು ಹಲವು ತಿಂಗಳಿಂದ ಹಾಸಿಗೆಯಲ್ಲಿ ಮಲಗಿದ್ದೆ. ಅಂತಿಮವಾಗಿ ವೈದ್ಯರು ಕಸಿಶಸ್ತ್ರಚಿಕಿತ್ಸೆ ಮಾಡುವುದಾಗಿ ಹೇಳಿದರು. ನಾನು ಇದಕ್ಕೆ ಒಪ್ಪಿಕೊಂಡೆ. ಈ ಚಿಕಿತ್ಸೆ ನನಗೆ ಮಾಡುವ ಅಂತಿಮ ಚಿಕಿತ್ಸೆಯಾಗಿತ್ತು. ಕತ್ತಲಲ್ಲಿ ಗುಂಡು ಹೊಡೆದರೆ ವ್ಯಕ್ತಿಗೆ ತಗಲಬಹುದು ಅಥವಾ ತಾಗದಿರಬಹುದಾದ ಪರಿಸ್ಥಿತಿ ನನ್ನದಾಗಿತ್ತು. ಕೊನೆಗೆ ವೈದ್ಯರು ಯಶಸ್ವಿಯಾಗಿ ಕಸಿ ಮಾಡಿದ್ದಾರೆ’ ಎಂದು ಅವರು ಹೇಳಿದ್ದಾರೆ. ಮುಂದಿನ ದಿನಗಳಲ್ಲಿ ನಾನು ನಡೆಯ ಬಲ್ಲೇ ಎಂಬ ವಿಶ್ವಾಸವನ್ನುಅವರು ವ್ಯಕ್ತಪಡಿಸಿದ್ದಾರೆ.

. ಅಮೆರಿಕದ ಆಹಾರ ಮತ್ತು ಔಷಧ ಆಡಳಿತವು ಅನುಮತಿ ನೀಡಿದ ಬಳಿಕವೇ ಶಸ್ತ್ರಚಿಕಿತ್ಸೆ ಮಾಡಲಾಯಿತು. ಚೇತರಿಸಿಕೊಳ್ಳುತ್ತಿರುವ ರೋಗಿಯು ಮಾತನಾಡಿದ್ದಾರೆ ಎಂದು ಶಸ್ತ್ರಚಿಕಿತ್ಸಕವೈದ್ಯ ಬಾರ್ಟ್ಲಿ ಗ್ರಿಫಿತ್ ಹೇಳಿದ್ದಾರೆ.

. ಹಂದಿ ಹೃದಯ ಕಸಿ ಮಾಡಿರುವ ಶಸ್ತ್ರಚಿಕಿತ್ಸೆಯು ಜಗತ್ತಿನಲ್ಲೇ ಮೊದಲ ಬಾರಿಗೆ ನಡೆದ ಸರ್ಜರಿಯಾಗಿದೆ. ಭವಿಷ್ಯದಲ್ಲಿ ಅಂಗಾಂಗಳ ಕೊರತೆ ಸಮಸ್ಯೆಯನ್ನು ಪರಿಹರಿಸಲುಇದುಭರವಸೆ ಮೂಡಿಸಿರುವ ವಿಧಾನವಾಗಿದೆ ಎಂದು ಬಾರ್ಟ್ಲಿ ಗ್ರಿಫಿತ್ ಹೇಳಿದ್ದಾರೆ.

. ಹೃದಯ ಕಸಿ ಮಾಡುವ ಬಗ್ಗೆ ಹಲವು ವರ್ಷಗಳಿಂದ ಸಂಶೋಧನೆ ನಡೆಸಿದ್ದೇವೆ. ಹಂದಿ, ಬಬೂನ್ (ಕೋತಿ) ಸೇರಿದಂತೆ ವಿವಿಧ ಪ್ರಾಣಿಗಳ ಮೇಲೆ ಪ್ರಯೋಗ ಮಾಡಲಾಗಿತ್ತು ಎಂದು ವೈದ್ಯ ಮೊಹಮ್ಮದ್ ಮೊಹಿದ್ದೀನ್ ತಿಳಿಸಿದ್ದಾರೆ.

. ಅಮೆರಿಕದಲ್ಲಿ ಸದ್ಯ 1.1 ಲಕ್ಷ ಜನರು ಅಂಗಾಂಗ ಕಸಿಗಾಗಿ ಕಾಯುತ್ತಿದ್ದಾರೆ. ಪ್ರತಿ ವರ್ಷ 6 ಸಾವಿರ ಜನರು ಅಂಗಾಂಗ ಕಸಿ ಸಾಧ್ಯವಾಗದೆಮೃತರಾಗುತ್ತಿದ್ದಾರೆ ಎಂದು ವೈದ್ಯಕೀಯ ಮೂಲಗಳು ತಿಳಿಸಿವೆ.

. ಇದನ್ನೂ ಓದಿ: ಮತ್ತೆ ಲಾಕ್ಡೌನ್?: ಇದು ಬಂಧನವೋ? ಹೊಸತನದ ಅವಕಾಶವೋ? ಒಂದ್ನಿಮಿಷ ಇಲ್ಲಿ ನೋಡಿ

. ಅಮೆರಿಕದಲ್ಲಿ1984ರಲ್ಲಿ ಆಗ ತಾನೇ ಜನಿಸಿದ ಶಿಶುವಿನ ಹೃದಯಕ್ಕೆ ಕೋತಿಯ ಹೃದಯವನ್ನು ಕಸಿ ಮಾಡಲಾಗಿತ್ತು. ಆದರೆ ಆ ಶಿಶು 20 ದಿನಗಳವರೆಗೆ ಬದುಕಿತ್ತು.

. ಸದ್ಯ ವೈದ್ಯಲೋಕದಲ್ಲಿ ಮಾನವರ ಹೃದಯದ ಶಸ್ತ್ರಚಿಕಿತ್ಸೆ ಸಂದರ್ಭದಲ್ಲಿ ಹಂದಿಯ ಹೃದಯದ ಕವಾಟವನ್ನು ಬಳಕೆ ಮಾಡಲಾಗುತ್ತಿದೆ. ಹಾಗೇ ಹಂದಿಯ ಚರ್ಮವನ್ನು ಮನುಷ್ಯರ ಸುಟ್ಟ ಗಾಯಗಳ ಚರ್ಮಕ್ಕೆ ಕಸಿ ಮಾಡಲಾಗುತ್ತಿದೆ.

. ಇದನ್ನೂ ಓದಿ: ಸರ್ವಾಂಗಗಳೂ ಶುದ್ಧವಾಗಿರಲಿ: ಹಾಗಾದರೆ ಮಾಡಬೇಕಾದ ಸರಳ ಕೆಲಸಗಳೇನು?ಇಲ್ಲಿದೆ ಮಾಹಿತಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವೈದ್ಯಲೋಕದಲ್ಲಿ ಇತಿಹಾಸ: ಹೃದ್ರೋಗಿಗೆ ಹಂದಿ ಹೃದಯ ಕಸಿ ಮಾಡಿದ ಅಮೆರಿಕ ವೈದ್ಯರು

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ವೈದ್ಯಲೋಕದಲ್ಲಿ ಇತಿಹಾಸ: ಹೃದ್ರೋಗಿಗೆ ಹಂದಿ ಹೃದಯ ಕಸಿ ಮಾಡಿದ ಅಮೆರಿಕ​ ವೈದ್ಯರು

ವೈದ್ಯಲೋಕದಲ್ಲಿ ಇತಿಹಾಸ: ಹೃದ್ರೋಗಿಗೆ ಹಂದಿ ಹೃದಯ ಕಸಿ ಮಾಡಿದ ಅಮೆರಿಕ ವೈದ್ಯರು