ಐವತ್ತು ವರ್ಷದ ಆಸುಪಾಸಿನ ಕೆಲವು ಮಹಿಳೆಯರಲ್ಲಿ ಕಿಬ್ಬೊಟ್ಟೆಯ ಅಂಗಗಳು (ಗರ್ಭಕೋಶ, ಮೂತ್ರಕೋಶ ಹಾಗೂ ಕರುಳು) ಜಾರುವ ಪ್ರಕ್ರಿಯೆ ಸಾಮಾನ್ಯ. ಇದು ಜೀವಕ್ಕೆ ಅಪಾಯ ತರದಿದ್ದರೂ ಜೀವನದ ಗುಣಮಟ್ಟದ ಮೇಲೆ ಪರಿಣಾಮ ಬೀರಬಹುದು. ಸೂಕ್ತ ತಪಾಸಣೆ ಮಾಡಿಸಿಕೊಂಡು, ಚಿಕಿತ್ಸೆ ಪಡೆಯುವುದೊಂದೇ ಪರಿಹಾರ.
ಆನುವಂಶೀಯವಲ್ಲ..
ಗರ್ಭಕೋಶ ಜಾರುವಿಕೆ ಆನುವಂಶೀಯವಲ್ಲ. ಆನುವಂಶೀಯ ಎಂಬುದು ತಪ್ಪು ತಿಳಿವಳಿಕೆ. ಪದೇ ಪದೇ ಗರ್ಭಪಾತಗಳು ಆಗುವುದು, ಮೇಲಿಂದ ಮೇಲೆ ಹೆರಿಗೆ ಆಗುವುದು, ಉದರದ ಭಾಗಕ್ಕೆ ಪೆಟ್ಟು ಬೀಳುವುದು, ಬೊಜ್ಜು ಇರುವಿಕೆ ಮುಂತಾದ ಕಾರಣಗಳಿಂದ ಗರ್ಭಕೋಶ ತನ್ನ ಸ್ಥಾನದಿಂದ ಕೆಳಗಡೆ ಜಾರಬಹುದು.
ಶಸ್ತ್ರಚಿಕಿತ್ಸೆ ಅವಶ್ಯವೇ?
ಗರ್ಭಕೋಶ ಜಾರಿದಾಗ ಮಾತ್ರ ಶಸ್ತ್ರಚಿಕಿತ್ಸೆ ಅವಶ್ಯಕ ಇರುತ್ತದೆ. ಆದರೆ, ಯಾವುದೇ ಸಮಸ್ಯೆ ಇಲ್ಲದಿದ್ದರೆ, ಗರ್ಭಕೋಶ ಆರೋಗ್ಯ ಸ್ಥಿತಿಯಲ್ಲಿ ಇರುವಾಗ, ಗರ್ಭಕೋಶದ ಕೊಯ್ತೆಗೆತ (hystrectomy) ಮಾಡುವುದು ಸಲ್ಲದು.
