ಎದೆ ವಿಶಾಲಕ್ಕೆ, ಥೈರಾಯಿಡ್ ಆರೋಗ್ಯಕ್ಕೆ ಮತ್ಸ್ಯಾಸನ

ಯೋಗಾ ಯೋಗ

ಸಮುದ್ರ, ನದಿ, ಕೆರೆ, ಹಳ್ಳಗಳಲ್ಲಿನ ಮೀನು ಹಲವರಿಗೆ ಆಹಾರ. ಮೀನನ್ನು ಬಲೆ, ಗಾಳ ಹಾಕಿ ಹಿಡಿದು ಮಾರುವವರಿಗೆ ಆದಾಯದ ಮೂಲ. ಬಣ್ಣ ಬಣ್ಣದ ಮೀನುಗಳನ್ನು ಅಕ್ವೇರಿಯಂನಲ್ಲಿಟ್ಟರೆ ಅವು ಅತ್ತಿತ್ತ ಚಲಿಸುತ್ತಾ ನೋಡುಗರ ಮನಕ್ಕೆ ಮುದ ನೀಡುತ್ತವೆ.

. ಅಂದಹಾಗೆ ಈ ಮೀನಿಗೆ ಮತ್ಸ್ಯ ಎಂಬ ಇನ್ನೊಂದು ಹೆಸರೂ ಇದೆ. ಯೋಗದಲ್ಲಿ ಹೇಳಲಾದ ಆಸನಗಳಲ್ಲಿ ಈ ಮತ್ಸ್ಯವನ್ನು ಹೋಲುವ ಮತ್ಸ್ಯಾಸನವೂ ಇದೆ. ಎದೆ, ಕುತ್ತಿಗೆ ಹಾಗೂ ಸೊಂಟ ಭಾಗದಲ್ಲಿನ ಅವಯವಗಳಿಗೆ ಉತ್ತಮ ವ್ಯಾಯಾಮ ಒದಗಿಸುವ ಇದು ದೇಹ ಕ್ರಿಯಾಶೀಲವಾಗಿರುವಂತೆ ನೋಡಿಕೊಳ್ಳುತ್ತದೆ.

. ಪುರಾಣಗಳಲ್ಲಿ ಉಲ್ಲೇಖವಿರುವ ವಿಷ್ಣುವಿನ ದಶಾವತಾರಗಳಲ್ಲಿ ಪ್ರಥಮ ಮತ್ಸ್ಯಾವತಾರಕ್ಕೆ ಈ ಆಸನ ಮೀಸಲಾಗಿದೆ ಎಂದು ಹೇಳಲಾಗಿದೆ.

. ಅಭ್ಯಾಸಕ್ರಮ

. ಕಾಲುಗಳನ್ನು ನೀಳವಾಗಿ ಚಾಚಿ ಕುಳಿತು ಪದ್ಮಾಸನ ಹಾಕಿ. ಕೈಗಳ ಸಹಾಯದಿಂದ ಬೆನ್ನನ್ನು ನೆಲಕ್ಕೊರಗಿಸಿ. ಬಳಿಕ, ಎರಡೂ ಅಂಗೈಗಳನ್ನು ತಲೆಯ ಪಕ್ಕದಲ್ಲಿ ಬೆರಳುಗಳನ್ನು ಬೆನ್ನಿನ ಭಾಗಕ್ಕೆ ಮುಖಮಾಡಿರುವಂತೆ ಇರಿಸಿ. ಬೆನ್ನನ್ನು ಮೇಲಕ್ಕೆತ್ತುತ್ತಾ ಎದೆಯನ್ನು ಹಿಗ್ಗಿಸಿ. ಕೈಗಳ ಮೇಲೆ ಭಾರ ಹಾಕಿ ತಲೆಯನ್ನು ನೆಲದಿಂದ ಬಿಡಿಸಿ ನಡುನೆತ್ತಿಯನ್ನು ನೆಲಕ್ಕೂರಿ. ಬಳಿಕ ಕೈಗಳನ್ನು ತಲೆಯ ಮೇಲೆ ನೀಳವಾಗಿ ಚಾಚಿ ನೇರವಾಗಿಸಿ ತಂದು ಎರಡೂ ಕಾಲಿನ ಹೆಬ್ಬೆರಳನ್ನು ಹಿಡಿದುಕೊಳ್ಳಿ. ಎದೆಯನ್ನು ಮತ್ತಷ್ಟು ಹಿಗ್ಗಿಸುತ್ತಾ ಕೈಗಳ ಹಿಡಿತವನ್ನು ಮತ್ತಷ್ಟು ಬಿಗಿಗೊಳಿಸಿ ಮೊಳಕೈಗಳನ್ನು ನೆಲಕ್ಕೆ ತಾಗಿಸಿ. ಈ ವೇಳೆ ಉಸಿರಾಟ ವೇಗದಿಂದ ಕೂಡಿರುತ್ತದೆ. ಅಂತಿಮ ಸ್ಥಿತಿಯಲ್ಲಿ 15ರಿಂದ 20 ಸೆಕೆಂಡು ನೆಲೆಸಿ, ವಿರಮಿಸಿ. ಅವರೋಹಣ ಮಾಡುವಾಗ ಕೈಗಳ ಸಹಾಯದಿಂದ ಮೊದಲು ತಲೆಯನ್ನು ಬಿಡಿಸಿ ಮೆಲ್ಲಗೆ ಭುಜ ಮತ್ತು ತಲೆಯನ್ನು ನೆಲಕ್ಕೊರಗಿಸಿ. ಕನಿಷ್ಠ 30 ಸೆಕೆಂಡು ವಿಶ್ರಾಂತಿ ಪಡೆದ ಬಳಿಕ ಮೇಲೆದ್ದು ಕಾಲುಗಳನ್ನು ಬಿಡಿಸಿ. ಬಳಿಕ, ಪುನರಾವರ್ತನೆ ಅಭ್ಯಾಸ ನಡೆಸಬಹುದು.

. ಸೂಚನೆ

. ಅಭ್ಯಾಸ ವೇಳೆ ಉಸಿರನ್ನು ಬಿಗಿ ಹಿಡಿಯಬೇಡಿ. ಸರಾಗವಾದ ಉಸಿರಾಟ ನಡೆಯುತ್ತಿರಬೇಕು. ಅಂತಿಮ ಸ್ಥಿತಿಯಲ್ಲಿ ಕತ್ತನ್ನು ಅತ್ತಿತ್ತ ಹೊರಳಿಸಬಾರದು. ಕತ್ತು ಸೂಕ್ಷ್ಮವಾದ್ದರಿಂದ ತೊಂದರೆ ತಂದುಕೊಳ್ಳಬೇಡಿ.

. ಫಲಗಳು

. * ಎದೆಯು ವಿಶಾಲವಾಗುತ್ತದೆ.

. * ಬೆನ್ನಿನ ಭಾಗ ಹಿಗ್ಗುವುದು, ನರಗಳು ಸಡಿಲಗೊಳ್ಳುತ್ತವೆ.

. * ಕುತ್ತಿಗೆಯು ಹಿಗ್ಗುವುದರಿಂದ ಗೋಮಾಳ ಭಾಗದಲ್ಲಿನ ಥೈರಾಯಿಡ್ ಗೆ ಉತ್ತಮ ವ್ಯಾಯಾಮ ದೊರೆತು, ಸಮಸ್ಯೆ ದೂರವಾಗುತ್ತವೆ.

. * ತುಂಬಿದ ಉಸಿರಾಟ ನಡೆಯಲು ಸಹಕಾರಿಯಾಗುವುದು.

. * ವಸ್ತಿಕುಹರ ಭಾಗದ ಕೀಲುಗಳು ಸ್ಥಿತಿಸ್ಥಾಪಕತ್ವ ಹೊಂದುತ್ತವೆ.

. * ಭುಜ ಮತ್ತು ತೋಳುಗಳಿಗೆ ಉತ್ತಮ ವ್ಯಾಯಾಮ ಲಭಿಸುತ್ತದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಎದೆ ವಿಶಾಲಕ್ಕೆ, ಥೈರಾಯಿಡ್ ಆರೋಗ್ಯಕ್ಕೆ ಮತ್ಸ್ಯಾಸನ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು