ಜಿಲ್ಲೆಯಲ್ಲಿ ಹಾದು ಹೋಗಿರುವ ಎನ್‌.ಎಚ್‌–48 ಕೃಷಿ ಫಸಲಿಗೆ ರೈತರ ಕಾವಲು ಸರ್ವೀಸ್ ರಸ್ತೆಯಲ್ಲಿ ರಾತ್ರಿ ವಾಸ್ತವ್ಯ
ಬಣವೆ ಹಾಕಿದರೆ ವಿಚಾರಣೆ
‘ರಾಷ್ಟ್ರೀಯ ಹೆದ್ದಾರಿಯಲ್ಲಿ ಬಣವೆ ಹಾಕಿದರೆ ಹೆದ್ದಾರಿ ಪ್ರಾಧಿಕಾರದ ಸಿಬ್ಬಂದಿ ಸ್ಥಳಕ್ಕೆ ಬಂದು ವಿಚಾರಣೆ ಮಾಡುತ್ತಾರೆ. ದಿನಗಳ ಗಡುವು ನೀಡಿ ವಾಪಸು ಹೋಗುತ್ತಾರೆ. ಅವು ನೀಡಿದ ದಿನದೊಳಗೆ ಬಣವೆ ತೆರವು ಮಾಡಬೇಕು. ಕಾಳು ಬೇರ್ಪಡಿಸಿ ಒಣಗಿಸಿಕೊಂಡು ಸ್ಥಳದಿಂದ ಹೊರಟು ಹೋಗಬೇಕು’ ಎಂದು ರೈತ ಬಸವರಾಜ ಹೇಳಿದರು. ‘ಕೃಷಿ ಫಸಲು ಬರುವ ಸಮಯದಲ್ಲಿ ಕಣಕ್ಕೆ ಮಹತ್ವವಿದೆ. ಈಗ ರಾಷ್ಟ್ರೀಯ ಹೆದ್ದಾರಿಯ ಸರ್ವೀಸ್ ರಸ್ತೆಯನ್ನು ಕಣವನ್ನಾಗಿ ಮಾಡಿಕೊಂಡಿದ್ದೇವೆ. ಸದ್ಯಕ್ಕೆ ಸಮಸ್ಯೆ ಇಲ್ಲ’ ಎಂದರು.
‘ಫಸಲು ಕಳವಿನ ಭಯ’
ಹಲವು ಜಿಲ್ಲೆ ಹಾಗೂ ಹಲವು ರಾಜ್ಯಗಳ ಲಕ್ಷಾಂತರ ಜನರು ರಾಷ್ಟ್ರೀಯ ಹೆದ್ದಾರಿ ಮೂಲಕ ನಿತ್ಯವೂ ಸಂಚರಿಸುತ್ತಾರೆ. ಹೆದ್ದಾರಿ ಪಕ್ಕದಲ್ಲಿರುವ ಕೃಷಿ ಫಸಲು ಕಳವಿನ ಭೀತಿಯೂ ರೈತರಲ್ಲಿದೆ. ಅದೇ ಕಾರಣಕ್ಕೆ ರೈತರು ಕೃಷಿ ಫಸಲಿನ ರಾಶಿ ಬಳಿ ಕಾವಲು ಕಾಯುತ್ತಿದ್ದಾರೆ. ‘ಸೋಯಾಬೀನ್ ಹಾಗೂ ಶೇಂಗಾ ಬೆಳೆಯನ್ನು ಕೆಲವರು ಚೀಲದಲ್ಲಿ ತುಂಬಿಕೊಂಡು ಹೋಗುತ್ತಾರೆ. ರಾತ್ರಿ ಸಮಯದಲ್ಲಿ ರಸ್ತೆ ಬದಿ ವಾಹನ ನಿಲ್ಲಿಸುವವರಿಂದ ಇಂಥ ಕೃತ್ಯಗಳು ಹೆಚ್ಚಾಗಿ ನಡೆಯುತ್ತದೆ. ಅದೇ ಕಾರಣಕ್ಕೆ ನಾವು ಕಾವಲು ಕಾಯುತ್ತೇವೆ’ ಎಂದು ವರದಾಹಳ್ಳಿಯ ರೈತ ಶಂಕರ ಹೇಳಿದರು.
