ಮುಂಬೈನಲ್ಲಿ ಭಾರಿ ಮಳೆ: ಉಪನಗರ ರೈಲು ಸೇವೆಗೆ ಅಡಚಣೆ

ಈ ಬಗ್ಗೆ ಸುದ್ದಿ ಸಂಸ್ಥೆ ಎಎನ್‌ಐ ವರದಿ ಮಾಡಿದೆ.

ಭಾರಿ ಮಳೆಯಿಂದ ಉಪನಗರ ರೈಲು ಸೇವೆ, ವಿಶೇಷವಾಗಿ ಕೇಂದ್ರ ರೈಲ್ವೆ ಸೇವೆಗೆ ಅಡಚಣೆ ಉಂಟಾಗಿದೆ. ಮತ್ತೊಂದೆಡೆ ಪುಣೆ-ಮುಂಬೈ ಡೆಕ್ಕನ್ ಕ್ವೀನ್ ರೈಲು ಸೇವೆಯನ್ನು ಭಾರಿ ಮಳೆಯ ಕಾರಣ ದಿನದ ಮಟ್ಟಿಗೆ ರದ್ದುಗೊಳಿಸಲಾಗಿದೆ.

ಭಾರಿ ಟ್ರಾಫಿಕ್‌ ಜಾಮ್‌ನಿಂದಾಗಿ ರಸ್ತೆ ಸಂಚಾರಕ್ಕೆ ತೊಂದರೆಯಾಗಿದೆ. ಮುಂಬೈ ಅಲ್ಲದೆ, ಮುಂಬೈ ಮಹಾನಗರ ಪ್ರದೇಶದ ಜಿಲ್ಲೆಗಳಾದ ಥಾಣೆ, ಪಾಲ್ಘರ್ ಮತ್ತು ರಾಯಗಢ ಹಾಗೂ ದಕ್ಷಿಣ ಕೊಂಕಣ ಅವಳಿ ಜಿಲ್ಲೆಗಳಾದ ರತ್ನಗಿರಿ ಮತ್ತು ಸಿಂಧುದುರ್ಗದಲ್ಲಿ ಕೂಡ ಭಾರಿ ಮಳೆಯಾಗಿದೆ. ರತ್ನಗಿರಿಯಲ್ಲಿ ಕೆಲವು ನದಿಗಳು ಅಪಾಯದ ಮಟ್ಟದಲ್ಲಿ ಹರಿಯುತ್ತಿವೆ.