ಅಮೆರಿಕದ ಅಧ್ಯಕ್ಷರಾಗಿದ್ದ ಜಾನ್‌ ಎಫ್‌. ಕೆನಡಿ ಅವರ ಹತ್ಯೆ ನಡೆದ ಸಂದರ್ಭದಲ್ಲಿ ಅಮೆರಿಕ ಕಾಂಗ್ರೆಸ್‌, ಅಮೆರಿಕ ಸಂವಿಧಾನಕ್ಕೆ 25ನೇ ತಿದ್ದುಪಡಿಯನ್ನು ಮಾಡಿತ್ತು. ಅಧ್ಯಕ್ಷರೊಬ್ಬರು ತನ್ನ ಉತ್ತರಾಧಿಕಾರಿಯನ್ನು ನೇಮಕ ಮಾಡಿಕೊಳ್ಳುವುದಕ್ಕೆ ಸಂಬಂಧಿಸಿದ ತಿದ್ದುಪಡಿ ಇದಾಗಿದೆ. ಜೊತೆಗೆ, ಒಂದೊಮ್ಮೆ ಅಧ್ಯಕ್ಷನು ದೈಹಿಕವಾಗಿ ಅಶಕ್ತನಾಗಿದ್ದರೆ, ಆತನನ್ನು ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಸುವ ಅಧಿಕಾರವು ಉಪಾಧ್ಯಕ್ಷನಿಗೆ ಮತ್ತು ಸಂಪುಟಕ್ಕೆ ಇರುತ್ತದೆ ಎಂಬುದನ್ನೂ ಈ ತಿದ್ದುಪಡಿ ಹೇಳುತ್ತದೆ.
