ಆಮೆ ಆಕಾರದ ದೇವನಹಳ್ಳಿ ಕೋಟೆ: ನೋಡಲು ಸುಂದರ, ಇತಿಹಾಸ ಅಪಾರ

ಇತ್ತೀಚಿನ ದಿನಗಳಲ್ಲಿ ಈ ಕೋಟೆಯು ಅವನತಿಯತ್ತ ಸಾಗುತ್ತಿದೆ ಎಂಬ ಕಳವಳವನ್ನು ಸ್ಥಳೀಯರು ವ್ಯಕ್ತಪಡಿಸುತ್ತಿದ್ದಾರೆ. ಐತಿಹಾಸಿಕ ಸ್ಥಳವಾಗಿರುವ ಈ ಪ್ರದೇಶದಲ್ಲಿ ಇತಿಹಾಸ ಸಾರುವ ಯಾವುದೇ ಫಲಕಗಳ ಸರಿಯಾಗಿಲ್ಲ. ಪ್ರವಾಸಿಗರಂತೂ ಇತ್ತ ತಲೆ ಹಾಕುತ್ತಿಲ್ಲ. ಅಪರೂಪಕ್ಕೆ ಈ ಸ್ಥಳ ನೋಡಲು ಬಂದವರಿಗೆ ಮಾಹಿತಿ ಒದಗಿಸಲು ಗೈಡ್‌ಗಳೂ ಇಲ್ಲ. ಕೋಟೆಯ ಕೆಲವು ಭಾಗಗಳು ಕುಸಿಯಲಾರಂಭಿಸಿ ಕ್ರಮೇಣ ಪಾಳು ಬೀಳುತ್ತಿದೆ. ಇದನ್ನೇ ಬಂಡವಾಳ ಮಾಡಿಕೊಂಡಿರುವ ಕೆಲವರಿಗೆ ಈ ಕೋಟೆ ಅನೈತಿಕ ಚಟುವಟಿಕೆಗಳ ಅಡ್ಡೆಯಾಗಿದೆ. ಕೋಟೆಯ ಸಂರಕ್ಷಣೆ ಜಿಲ್ಲಾಡಳಿತ ಯಾವುದೇ ಕ್ರಮ ಕೈಗೊಂಡಿಲ್ಲ ಎಂದು ದೇವನಹಳ್ಳಿ ನಗರದ ನಿವಾಸಿ ಧನುಶ್‌ ದೂರಿದರು.