ಆರ್ಡರ್‌ ಮಾಡಿ ಹೋಳಿಗೆ ತಿನ್ನಿ

ಬಾಗಿಲಿಗೆ ತೋರಣ ಕಟ್ಟಿ, ಹೊಸಿಲಿಗೆ ರಂಗೋಲಿ ಹಾಕಿ, ದೇವರಿಗೆ ಹೂವಿಟ್ಟು ಪೂಜೆ ಮಾಡುವ ನಗರದ ಜನರು ಯುಗಾದಿ ಹಬ್ಬದ ಸಂದರ್ಭದಲ್ಲಿ ಮನೆಯಲ್ಲಿಯೇ ಹೋಳಿಗೆ ತಯಾರಿಸಲು ಮಾತ್ರ ಒಲ್ಲೆ ಅನ್ನುತ್ತಾರೆ.

. ಹೋಳಿಗೆ ಮಾಡಿದರೆ ಇಡೀ ದಿನ ಅದೇ ಕೆಲಸ ಹಿಡಿಯುತ್ತದೆ, ಸಾಂಬಾರ್ ಮಾಡಬೇಕು, ರಾಶಿ ಪಾತ್ರೆಗಳನ್ನು ತೊಳೆಯಬೇಕು. ಒಂದು ರೀತಿ ಸರ್ಕಸ್ ಆಗಿಬಿಡುತ್ತದೆ ಎಂಬ ಅಭಿಪ್ರಾಯವೇ ಹೆಚ್ಚಿದೆ. ಆದ್ದರಿಂದಲೇ ಹತ್ತಾರು ವರ್ಷದಿಂದ ನಗರದಲ್ಲಿ ಹೋಳಿಗೆ ಬ್ಯುಸಿನೆಸ್ ತಲೆ ಎತ್ತಿದೆ.

. ಗಲ್ಲಿಗಲ್ಲಿಗೊಂದು ಹೋಳಿಗೆ ಅಂಗಡಿಗಳು ನಗರದಲ್ಲಿ ಸಿಗುತ್ತವೆ. ಬಸವನಗುಡಿಯಲ್ಲಿ, ನೂರಾರು ಹೋಳಿಗೆ ಮನೆಗಳಿವೆ.

. ಮನೆ ಹೋಳಿಗೆ: ಗಾಂಧಿ ಬಜಾರ್ನಲ್ಲಿ ‘ಭಾಸ್ಕರ್ಸ್ ಮನೆ ಹೋಳಿಗೆ’ ಅಂಗಡಿ ಇದೆ. ಮಲ್ಲೇಶ್ವರ ಸೇರಿದಂತೆ ಹಲವು ಕಡೆ ಇದರ ಬ್ರಾಂಚ್ಗಳಿವೆ. ಇಲ್ಲಿ ಆಯಾ ಕಾಲದ ಹಣ್ಣುಗಳ ಹೋಳಿಗೆಗಳನ್ನು ತಯಾರಿಸುತ್ತಾರೆ. ಮಾವಿನ ಹಣ್ಣು, ಹಲಸಿನ ಹಣ್ಣು, ಗೋಡಂಬಿ–ದ್ರಾಕ್ಷಿ, ಅನಾನಸ್, ಬಾದಾಮಿ ಹಣ್ಣಿನ ಹೋಳಿಗೆ ಇತ್ಯಾದಿ.

. ‘ನಮ್ಮಲ್ಲಿ ಹಣ್ಣಿನ ಹೋಳಿಗೆಗಳಿಗೆ ಬೇಡಿಕೆ ಇದೆ. ಆದರೆ ಹಬ್ಬದ ಸಂದರ್ಭದಲ್ಲಿ ಮಾತ್ರ ಇವುಗಳನ್ನು ಕೊಂಡುಕೊಳ್ಳುವುದು ತುಂಬಾ ಕಡಿಮೆ. ಈ ಸಂದರ್ಭದಲ್ಲಿ ಬೇಳೆ ಹೋಳಿಗೆಗೆ ಹೆಚ್ಚು ಬೇಡಿಕೆ ಇರುತ್ತದೆ. ಅಂಗಡಿಗೆ ಬಂದು ತಿನ್ನುವವರು ಕಡಿಮೆ. ಮನೆಗೆ ತೆಗೆದುಕೊಂಡು ಹೋಗಲು ಮೊದಲೇ ಆರ್ಡರ್ ಮಾಡುತ್ತಾರೆ’ ಎನ್ನುತ್ತಾರೆ ಮಾಲೀಕ ಭಾಸ್ಕರ್.

. ಅನ್ನಪೂರ್ಣೇಶ್ವರಿ ಹೋಳಿಗೆ ಮನೆ: ಶ್ರೀನಗರದ ರಾಮಾಂಜನೇಯ ಗುಡ್ಡ ರಸ್ತೆಯಲ್ಲಿ ಅನ್ನಪೂರ್ಣೇಶ್ವರಿ ಹೋಳಿಗೆ ಮನೆ ಇದೆ. ಬಸವನಗುಡಿಯಲ್ಲಿ ಇದು ಹೆಸರುವಾಸಿ.

. ‘ನಮ್ಮಲ್ಲಿ ಹಬ್ಬದ ಸಂದರ್ಭದಲ್ಲಿ 35 ಸಾವಿರಕ್ಕಿಂತಲೂ ಹೆಚ್ಚು ಹೋಳಿಗೆಗಳು ಮಾರಾಟವಾಗುತ್ತವೆ. ಹೆಚ್ಚು ಆರ್ಡರ್ ಸಿಗುತ್ತದೆ. ಆದರೆ ಈ ವೇಳೆ ಹಬ್ಬವನ್ನು ಬಿಟ್ಟು 24 ಗಂಟೆ ಕೆಲಸ ಮಾಡುವವರು ಸಿಗುವುದಿಲ್ಲ. ನಮ್ಮ ಕೈಲಿ ಆದಷ್ಟು ಆರ್ಡರ್ ತೆಗೆದುಕೊಂಡು ಮುಗಿಸುತ್ತೇವೆ. ಈ ವೇಳೆ ದೊಡ್ಡ ಆರ್ಡರ್ ಕಡಿಮೆ ಮಾಡುತ್ತೇವೆ. ಮನೆಗೆ ತೆಗೆದುಕೊಂಡು ಹೋಗಿ ತಿನ್ನುವವರಿಗೆ ಪ್ರಾಮುಖ್ಯತೆ ಕೊಡುತ್ತೇವೆ. 500, 1000ಕ್ಕಿಂತ ಹೆಚ್ಚು ಹೋಳಿಗೆ ಕೇಳೋರಿಗೆಲ್ಲಾ ಪೂರೈಸುವುದು ಕಷ್ಟ’ ಎನ್ನುತ್ತಾರೆ ಅಂಗಡಿ ಕೆಲಸಗಾರ ಜಯರಾಮ್.

. ಮಾರುತಿ ಸರ್ಕಲ್ನಿಂದ ಸ್ವಲ್ಪ ಮುಂದೆ ಹೋದರೆ ಬಿಎಸ್ವಿ ಕಾಂಡಿಮೆಂಟ್ಸ್ ಇದೆ. ಇಲ್ಲಿಯೂ ಹಬ್ಬಕ್ಕಾಗಿ ರುಚಿಕರ ಹೋಳಿಗೆ ತಯಾರಿಸಿ ಕೊಡುತ್ತಾರೆ.

. ಕುರುಕುಲು ತಿಂಡಿಗಳಿಗೂ ಬೇಡಿಕೆ: ಹೋಳಿಗೆ ಕೊಳ್ಳಲು ಬಂದವರು ಕುರುಕುಲು ತಿಂಡಿಗಳನ್ನೂ ಕೊಳ್ಳುತ್ತಾರೆ.

. ಸಿಹಿ ಜೊತೆ ಖಾರದ ಪದಾರ್ಥಗಳನ್ನೂ ಕೊಳ್ಳುತ್ತಾರೆ. ಬಹುತೇಕ ಎಲ್ಲಾ ಹೋಳಿಗೆ ಮನೆಗಳಲ್ಲಿ ಈಗ ಕುರುಕಲು ತಿಂಡಿಗಳೂ ಸಿಗುತ್ತವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆರ್ಡರ್‌ ಮಾಡಿ ಹೋಳಿಗೆ ತಿನ್ನಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು