<p>ಬೆಂಗಳೂರಿನ ವಿನೋದ್ ವೃತ್ತಿಯಲ್ಲಿ ಡಿಸೈನ್ ಎಂಜಿನಿಯರ್. ಛಾಯಾಗ್ರಹಣ ಹಾಗೂ ಓದುವುದರಲ್ಲಿ ಅವರಿಗೆ ಆಸಕ್ತಿ. ಇಷ್ಟಕ್ಕೇ ಅವರ ಪರಿಚಯ ಮುಗಿಯುವುದಾದರೂ, ದಾಸರ ಕೀರ್ತನೆಗಳಲ್ಲಿ ಅವರಿಗೆ ಅಪರಿಮಿತ ಪ್ರೀತಿ ಎನ್ನುವುದು ವಿನೋದ್ರ ಬ್ಲಾಗ್ ನೋಡಿದ ಯಾರಿಗಾದರೂ ಅನ್ನಿಸುತ್ತದೆ.<br /> <br /> ಹೆಚ್ಚಿನ ಸಂದರ್ಭದಲ್ಲಿ ಬ್ಲಾಗ್ಗಳು ವೈಯಕ್ತಿಕ ಇಷ್ಟ–ಕಷ್ಟಗಳನ್ನು ದಾಖಲುಗೊಳಿಸುವ ವೇದಿಕೆ ಆಗಿರುತ್ತವೆ. ಅಪರೂಪಕ್ಕೆ ವಿಷಯಾಧಾರಿತ ಬ್ಲಾಗ್ಗಳನ್ನೂ ಕಾಣಬಹುದು. ಕುಮಾರವ್ಯಾಸ ಭಾರತದ ಷಟ್ಪದಿಗಳನ್ನು ದಾಖಲಿಸಿರುವ, ಚಲನಚಿತ್ರ ಗೀತೆಗಳ ಸಾಹಿತ್ಯವನ್ನು ಸಂಕಲಿಸಿರುವ ಬ್ಲಾಗ್ಗಳೂ ಇವೆ. ವಿನೋದ್ರ ‘ದಾಸವಾಣಿ’ (dasavani.blogspot.in) ಕೂಡ ಇವುಗಳ ಸಾಲಿಗೆ ಸಲ್ಲುವಂತಹದ್ದು.<br /> <br /> ‘ದಾಸವಾಣಿ’ಯಲ್ಲಿ ನೂರಾರು ಕೀರ್ತನೆಗಳಿವೆ. 2007ರಿಂದ ಈ ಕೀರ್ತನೆ ದಾಖಲಾತಿ ನಡೆದಿದೆ. ಒಂದರ್ಥದಲ್ಲಿ ಇದು ಪುರಂದರ ದಾಸರ ಕೀರ್ತನೆಗಳ ಸಂಗ್ರಹವೂ ಹೌದು. ದಾಸರ ಕೀರ್ತನೆಗಳ ಬಗ್ಗೆ ಆಸಕ್ತಿಯುಳ್ಳವರಿಗೆ ಈ ಬ್ಲಾಗ್ ರುಚಿಸುತ್ತದೆ. ಸಮಯ ಸಿಕ್ಕಾಗ ಒಂದು ಕೀರ್ತನೆ ಓದಿಕೊಂಡೋ ಹಾಡಿಕೊಂಡೋ ಖುಷಿ ಪಡಬಹುದು. ವಿಷಯವಾರು, ಆ ವರ್ಷ ದಾಖಲಿಸಿದ ಕೀರ್ತನೆಗಳನ್ನು ಅಕಾರಾದಿಯಾಗಿ ನೀಡಲಾಗಿರುವುದರಿಂದ ಇಷ್ಟಪಡುವ ರಚನೆಯನ್ನು ಆಯ್ದುಕೊಂಡು ಆಸ್ವಾದಿಸಲಿಕ್ಕೂ ಅವಕಾಶವಿದೆ.<br /> <br /> ಪುರಂದರರ ರಚನೆಗಳನ್ನು ಸುಮ್ಮನೆ ದಾಖಲಿಸುವಷ್ಟಕ್ಕೆ ವಿನೋದ್ ಸುಮ್ಮನಾಗಿಲ್ಲ. ದಾಖಲಾಗಿರುವ ಕೀರ್ತನೆಯ ಸಂಗೀತದ ಕೊಂಡಿ ಲಭ್ಯವಿದ್ದಲ್ಲಿ ಅದನ್ನೂ ತಮ್ಮ ಬ್ಲಾಗಿನಲ್ಲಿ ನೀಡಿದ್ದಾರೆ. ಹಾಗಾಗಿ, ಕಿವಿ ತುಂಬಿಕೊಳ್ಳಲಿಕ್ಕೂ ಇಲ್ಲಿ ಸರಕಿದೆ. ಇಷ್ಟು ಮಾತ್ರವಲ್ಲ– ಕೆಲವು ಕೀರ್ತನೆಗಳ ಇಂಗ್ಲಿಷ್ ರೂಪಾಂತರಗಳೂ ಇವೆ. ಈ ಇಂಗ್ಲಿಷ್ ಕೊಂಡಿಗಳನ್ನು ಕನ್ನಡ ಬಾರದ ಗೆಳೆಯರ ಗಮನಕ್ಕೆ ತರಬಹುದಾಗಿದೆ.<br /> <br /> ಇವೆಲ್ಲಕ್ಕೂ ವಿಶಿಷ್ಟವಾಗಿರುವುದು ಕೀರ್ತನೆಗಳ ವಿನ್ಯಾಸ. ಪ್ರತಿ ಕೀರ್ತನೆಗೂ ವಿನೋದ್ ಸೊಗಸಾದ ವರ್ಣಚಿತ್ರಗಳನ್ನು ಆಯ್ದು ಪ್ರಕಟಿಸಿದ್ದಾರೆ. ಈ ಕಲಾಕೃತಿಗಳನ್ನು ಅವರು ಎಲ್ಲಿಂದ ಕಡ ತಂದರೋ ತಿಳಿಯದು. ಆದರೆ, ಅವು ಕೀರ್ತನೆಗಳ ಸೊಗಸು ಹೆಚ್ಚಿಸಿರುವುದಂತೂ ನಿಜ. ‘ದಾಸವಾಣಿ’ ಓದುವುದರ ಜೊತೆಗೆ ಹಾಡಿಕೊಳ್ಳಲಿಕ್ಕೂ ಕಣ್ತುಂಬಿಕೊಳ್ಳಲಿಕ್ಕೂ ಅವಕಾಶವಿರುವ ಬ್ಲಾಗು.<br /> <br /> ಒಂದು ಅಪರೂಪದ ಕೀರ್ತನೆಯೊಂದಿಗೆ ವಿನೋದ್ರ ‘ದಾಸವಾಣಿ’ ಪರಿಚಯವನ್ನು ಮುಗಿಸಬಹುದು. ‘ಫಲಾಹಾರವನು ಮಾಡೊ’ ಎಂದು ಪರಮಪುರುಷ ಭೂಬಲನನ್ನು ಲಕ್ಷ್ಮೀ ಸಹಿತ ಆಹ್ವಾನಿಸಿರುವ ದಾಸರು ನೀಡಿರುವ ಫಲಾಹಾರದ ಮೆನು ಆಕರ್ಷಕವಾಗಿದೆ. ಆ ಪಟ್ಟಿಯನ್ನು ನೋಡಿ:<br /> <br /> ಕದಳಿ ಕೆಂಬಾಳೆ ಕಿತ್ತಳೆ ಕಂಚಿಫಲಗಳು<br /> ಬದರಿ ಬೆಳುವಲ ಜಂಬೀರ ದ್ರಾಕ್ಷೆಗಳು<br /> ಮಧುರದ ಮಾದಾಳ ಮಾವಿನ ಹಣ್ಗಳು<br /> ತುದಿ ಮೊದಲಿಲ್ಲದ ಪರಿಪರಿ ಫಲಗಳ<br /> <br /> ಉತ್ತತ್ತಿ ಜಂಬು ನಾರಂಗ ದಾಳಿಂಬವು<br /> ಮುತ್ತಾದೌದುಂಬರ ಕಾರಿಯು ಕವಳಿ<br /> ಕತ್ತರಿಸಿದ ಕಬ್ಬು ಪಲಸು ತೆಂಗಿನಕಾಯಿ<br /> ಒತ್ತಿದ ಬೇಳೆ ನೆಲಗಡಲೆ ಖಜ್ಜೂರ ಹಣ್ಣ<br /> <br /> ಹಾಲು ಸಕ್ಕರೆ ಜೇನುತುಪ್ಪ ಸೀಕರಣೆಯು<br /> ಹಾಲು ರಸಾಯನ ಬೆಣ್ಣೆ ಸೀಯಾಳು<br /> ಮೂಲೋಕದೊಡೆಯ ಶ್ರೀಪುರಂದರವಿಠಲನೆ<br /> ಪಾಲಿಸೋ ನಿನ್ನಯ ಕರಕುಂಜದಿಂದಲಿ</p>.<p>ಫಲಾಹಾರದ ಪಟ್ಟಿ ಇಷ್ಟೊಂದು ಆಕರ್ಷಕವಾಗಿರುವಾಗ ಯಾವ ದೇವನೂ ಓಗೊಡದಿರಲಾರ ಎನ್ನಿಸುತ್ತದೆ. ಹಾಗೆಯೇ, ಕೀರ್ತನೆಗಳ ರುಚಿಯೂ ಸ್ವಾದಿಷ್ಟ. ದಾಸರೆಂದರೆ ಅವರು ಎಲ್ಲಕಾಲಕ್ಕೂ ಸಲ್ಲುವ ಸಮಾಜ ವಿಜ್ಞಾನಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಬೆಂಗಳೂರಿನ ವಿನೋದ್ ವೃತ್ತಿಯಲ್ಲಿ ಡಿಸೈನ್ ಎಂಜಿನಿಯರ್. ಛಾಯಾಗ್ರಹಣ ಹಾಗೂ ಓದುವುದರಲ್ಲಿ ಅವರಿಗೆ ಆಸಕ್ತಿ. ಇಷ್ಟಕ್ಕೇ ಅವರ ಪರಿಚಯ ಮುಗಿಯುವುದಾದರೂ, ದಾಸರ ಕೀರ್ತನೆಗಳಲ್ಲಿ ಅವರಿಗೆ ಅಪರಿಮಿತ ಪ್ರೀತಿ ಎನ್ನುವುದು ವಿನೋದ್ರ ಬ್ಲಾಗ್ ನೋಡಿದ ಯಾರಿಗಾದರೂ ಅನ್ನಿಸುತ್ತದೆ.<br /> <br /> ಹೆಚ್ಚಿನ ಸಂದರ್ಭದಲ್ಲಿ ಬ್ಲಾಗ್ಗಳು ವೈಯಕ್ತಿಕ ಇಷ್ಟ–ಕಷ್ಟಗಳನ್ನು ದಾಖಲುಗೊಳಿಸುವ ವೇದಿಕೆ ಆಗಿರುತ್ತವೆ. ಅಪರೂಪಕ್ಕೆ ವಿಷಯಾಧಾರಿತ ಬ್ಲಾಗ್ಗಳನ್ನೂ ಕಾಣಬಹುದು. ಕುಮಾರವ್ಯಾಸ ಭಾರತದ ಷಟ್ಪದಿಗಳನ್ನು ದಾಖಲಿಸಿರುವ, ಚಲನಚಿತ್ರ ಗೀತೆಗಳ ಸಾಹಿತ್ಯವನ್ನು ಸಂಕಲಿಸಿರುವ ಬ್ಲಾಗ್ಗಳೂ ಇವೆ. ವಿನೋದ್ರ ‘ದಾಸವಾಣಿ’ (dasavani.blogspot.in) ಕೂಡ ಇವುಗಳ ಸಾಲಿಗೆ ಸಲ್ಲುವಂತಹದ್ದು.<br /> <br /> ‘ದಾಸವಾಣಿ’ಯಲ್ಲಿ ನೂರಾರು ಕೀರ್ತನೆಗಳಿವೆ. 2007ರಿಂದ ಈ ಕೀರ್ತನೆ ದಾಖಲಾತಿ ನಡೆದಿದೆ. ಒಂದರ್ಥದಲ್ಲಿ ಇದು ಪುರಂದರ ದಾಸರ ಕೀರ್ತನೆಗಳ ಸಂಗ್ರಹವೂ ಹೌದು. ದಾಸರ ಕೀರ್ತನೆಗಳ ಬಗ್ಗೆ ಆಸಕ್ತಿಯುಳ್ಳವರಿಗೆ ಈ ಬ್ಲಾಗ್ ರುಚಿಸುತ್ತದೆ. ಸಮಯ ಸಿಕ್ಕಾಗ ಒಂದು ಕೀರ್ತನೆ ಓದಿಕೊಂಡೋ ಹಾಡಿಕೊಂಡೋ ಖುಷಿ ಪಡಬಹುದು. ವಿಷಯವಾರು, ಆ ವರ್ಷ ದಾಖಲಿಸಿದ ಕೀರ್ತನೆಗಳನ್ನು ಅಕಾರಾದಿಯಾಗಿ ನೀಡಲಾಗಿರುವುದರಿಂದ ಇಷ್ಟಪಡುವ ರಚನೆಯನ್ನು ಆಯ್ದುಕೊಂಡು ಆಸ್ವಾದಿಸಲಿಕ್ಕೂ ಅವಕಾಶವಿದೆ.<br /> <br /> ಪುರಂದರರ ರಚನೆಗಳನ್ನು ಸುಮ್ಮನೆ ದಾಖಲಿಸುವಷ್ಟಕ್ಕೆ ವಿನೋದ್ ಸುಮ್ಮನಾಗಿಲ್ಲ. ದಾಖಲಾಗಿರುವ ಕೀರ್ತನೆಯ ಸಂಗೀತದ ಕೊಂಡಿ ಲಭ್ಯವಿದ್ದಲ್ಲಿ ಅದನ್ನೂ ತಮ್ಮ ಬ್ಲಾಗಿನಲ್ಲಿ ನೀಡಿದ್ದಾರೆ. ಹಾಗಾಗಿ, ಕಿವಿ ತುಂಬಿಕೊಳ್ಳಲಿಕ್ಕೂ ಇಲ್ಲಿ ಸರಕಿದೆ. ಇಷ್ಟು ಮಾತ್ರವಲ್ಲ– ಕೆಲವು ಕೀರ್ತನೆಗಳ ಇಂಗ್ಲಿಷ್ ರೂಪಾಂತರಗಳೂ ಇವೆ. ಈ ಇಂಗ್ಲಿಷ್ ಕೊಂಡಿಗಳನ್ನು ಕನ್ನಡ ಬಾರದ ಗೆಳೆಯರ ಗಮನಕ್ಕೆ ತರಬಹುದಾಗಿದೆ.<br /> <br /> ಇವೆಲ್ಲಕ್ಕೂ ವಿಶಿಷ್ಟವಾಗಿರುವುದು ಕೀರ್ತನೆಗಳ ವಿನ್ಯಾಸ. ಪ್ರತಿ ಕೀರ್ತನೆಗೂ ವಿನೋದ್ ಸೊಗಸಾದ ವರ್ಣಚಿತ್ರಗಳನ್ನು ಆಯ್ದು ಪ್ರಕಟಿಸಿದ್ದಾರೆ. ಈ ಕಲಾಕೃತಿಗಳನ್ನು ಅವರು ಎಲ್ಲಿಂದ ಕಡ ತಂದರೋ ತಿಳಿಯದು. ಆದರೆ, ಅವು ಕೀರ್ತನೆಗಳ ಸೊಗಸು ಹೆಚ್ಚಿಸಿರುವುದಂತೂ ನಿಜ. ‘ದಾಸವಾಣಿ’ ಓದುವುದರ ಜೊತೆಗೆ ಹಾಡಿಕೊಳ್ಳಲಿಕ್ಕೂ ಕಣ್ತುಂಬಿಕೊಳ್ಳಲಿಕ್ಕೂ ಅವಕಾಶವಿರುವ ಬ್ಲಾಗು.<br /> <br /> ಒಂದು ಅಪರೂಪದ ಕೀರ್ತನೆಯೊಂದಿಗೆ ವಿನೋದ್ರ ‘ದಾಸವಾಣಿ’ ಪರಿಚಯವನ್ನು ಮುಗಿಸಬಹುದು. ‘ಫಲಾಹಾರವನು ಮಾಡೊ’ ಎಂದು ಪರಮಪುರುಷ ಭೂಬಲನನ್ನು ಲಕ್ಷ್ಮೀ ಸಹಿತ ಆಹ್ವಾನಿಸಿರುವ ದಾಸರು ನೀಡಿರುವ ಫಲಾಹಾರದ ಮೆನು ಆಕರ್ಷಕವಾಗಿದೆ. ಆ ಪಟ್ಟಿಯನ್ನು ನೋಡಿ:<br /> <br /> ಕದಳಿ ಕೆಂಬಾಳೆ ಕಿತ್ತಳೆ ಕಂಚಿಫಲಗಳು<br /> ಬದರಿ ಬೆಳುವಲ ಜಂಬೀರ ದ್ರಾಕ್ಷೆಗಳು<br /> ಮಧುರದ ಮಾದಾಳ ಮಾವಿನ ಹಣ್ಗಳು<br /> ತುದಿ ಮೊದಲಿಲ್ಲದ ಪರಿಪರಿ ಫಲಗಳ<br /> <br /> ಉತ್ತತ್ತಿ ಜಂಬು ನಾರಂಗ ದಾಳಿಂಬವು<br /> ಮುತ್ತಾದೌದುಂಬರ ಕಾರಿಯು ಕವಳಿ<br /> ಕತ್ತರಿಸಿದ ಕಬ್ಬು ಪಲಸು ತೆಂಗಿನಕಾಯಿ<br /> ಒತ್ತಿದ ಬೇಳೆ ನೆಲಗಡಲೆ ಖಜ್ಜೂರ ಹಣ್ಣ<br /> <br /> ಹಾಲು ಸಕ್ಕರೆ ಜೇನುತುಪ್ಪ ಸೀಕರಣೆಯು<br /> ಹಾಲು ರಸಾಯನ ಬೆಣ್ಣೆ ಸೀಯಾಳು<br /> ಮೂಲೋಕದೊಡೆಯ ಶ್ರೀಪುರಂದರವಿಠಲನೆ<br /> ಪಾಲಿಸೋ ನಿನ್ನಯ ಕರಕುಂಜದಿಂದಲಿ</p>.<p>ಫಲಾಹಾರದ ಪಟ್ಟಿ ಇಷ್ಟೊಂದು ಆಕರ್ಷಕವಾಗಿರುವಾಗ ಯಾವ ದೇವನೂ ಓಗೊಡದಿರಲಾರ ಎನ್ನಿಸುತ್ತದೆ. ಹಾಗೆಯೇ, ಕೀರ್ತನೆಗಳ ರುಚಿಯೂ ಸ್ವಾದಿಷ್ಟ. ದಾಸರೆಂದರೆ ಅವರು ಎಲ್ಲಕಾಲಕ್ಕೂ ಸಲ್ಲುವ ಸಮಾಜ ವಿಜ್ಞಾನಿಗಳು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
