<p><strong>ನವದೆಹಲಿ</strong>: ಉತ್ತರ ಧ್ರುವ ವಲಯಕ್ಕೆ ಚಳಿಗಾಲದ ಚಾರಣ ಕಾರ್ಯ ಕೈಗೊಳ್ಳಲು ಭಾರತ ಸಜ್ಜಾಗಿದೆ. ಮೊದಲ ಹಂತ ಮಂಗಳವಾರ ಆರಂಭವಾಗಲಿದೆ. ನಾಲ್ವರು ವಿಜ್ಞಾನಿಗಳು ನಾರ್ವೆಯ ನೈ ಅಲೆಸುಂಡ್ನಲ್ಲಿ ಭಾರತೀಯ ತಾಣ ‘ಹಿಮಾದ್ರಿ’ಗೆ ಪ್ರಯಾಣ ಆರಂಭಿಸುವರು.</p><p>ಬೆಂಗಳೂರಿನ ರಾಮನ್ ಸಂಶೋಧನಾ ಸಂಸ್ಥೆಯ ವಿಜ್ಞಾನಿಯೊಬ್ಬರು ತಂಡದ ಭಾಗವಾಗಿದ್ದಾರೆ. ದೇಶ ಈ ಮೂಲಕ ಧ್ರುವ ವಲಯದಲ್ಲಿ ವರ್ಷಪೂರ್ತಿ ನೆಲೆಸಿದ ಏಷಿಯಾದ ಪ್ರಥಮ ದೇಶ ಎಂಬ ಹಿರಿಮೆಗೆ ಪಾತ್ರವಾಗಲಿದೆ.</p><p>ಉತ್ತರಧ್ರುವ ಮಂಡಳಿಯಲ್ಲಿ (ಅರ್ಕ್ಟಿಕ್ ಕೌನ್ಸಿಲ್) ಭಾರತದ ಧ್ವನಿಗೂ ಬಲ ನೀಡಲಿದೆ. ‘ಹಿಮಾದ್ರಿ’ಯು ನಾರ್ವೆಯ ಸ್ವಾಲ್ಬಾರ್ಡ್ನಲ್ಲಿ ಉತ್ತರ ಅಕ್ಷಾಂಶದ 78.55 ಡಿಗ್ರಿ ಕೋನದಲ್ಲಿದೆ.</p><p>ಈಗ ಉತ್ತರಧ್ರುವದ ಚಾರಣ ಬೇಸಿಗೆಯಲ್ಲಿ ಮುಖ್ಯವಾಗಿ ಜೂನ್–ಅಕ್ಟೋಬರ್ನಲ್ಲಿ ನಡೆಯುತ್ತಿತ್ತು. ಇನ್ನು ವರ್ಷಪೂರ್ತಿ ನಡೆಯಲಿದೆ. ಮೊದಲ ತಂಡ ಜನವರಿ ಅಂತ್ಯಕ್ಕೆ ವಾಪಸಾದಂತೆ ಮತ್ತೊಂದು ತಂಡ ತೆರಳಲಿದೆ ಎಂದು ಕೇಂದ್ರ ಭೂವಿಜ್ಞಾನ ಸಚಿವಾಲಯದ ಕಾರ್ಯದರ್ಶಿ ಎಂ.ರವಿಚಂದ್ರನ್ ಅವರು ತಿಳಿಸಿದರು.</p><p>ಭಾರತೀಯ ಸಂಶೋಧನಾ ಕೇಂದ್ರ ‘ಹಿಮಾದ್ರಿ’ಯಲ್ಲಿ ಏಕಕಾಲಕ್ಕೆ 10 ಮಂದಿ ನೆಲೆಸಬಹುದಾಗಿದ್ದು, ಉತ್ತರಧ್ರುವದಲ್ಲಿ 2008ರಿಂದಲೂ ಬಳಕೆಯಲ್ಲಿದೆ. ದೇಶದ ಅಂಟಾರ್ಟಿಕಾ ಕಾರ್ಯಕ್ರಮದ 40ನೇ ವಾರ್ಷಿಕೋತ್ಸವ ಸಂದರ್ಭದಲ್ಲಿಯೇ ಭಾರತ ಚಳಿಗಾಲದ ಚಾರಣ ಕೈಗೊಳ್ಳುವ ತೀರ್ಮಾನ ಕೈಗೊಂಡಿದೆ.</p><p>ರಾಮನ್ ಸಂಸೋಧನಾ ಸಂಸ್ಥೆಯ ವಿಜ್ಞಾನಿಯಲ್ಲದೆ ವಾಸ್ಕೊದ ರಾಷ್ಟ್ರೀಯ ಧ್ರುವ ಅಧ್ಯಯನ ಸಂಸ್ಥೆ, ಮಂಡಿಯ ಭಾರತೀಯ ತಂತ್ರಜ್ಞಾನ ಸಂಸ್ಥೆ, ಪುಣೆಯ ಭಾರತೀಯ ಉಷ್ಣವಲಯದ ಹವಾಮಾನ ವಿಜ್ಞಾನ ಕೇಂದ್ರದ ತಲಾ ಒಬ್ಬರು ವಿಜ್ಞಾನಿ ಈ ತಂಡದಲ್ಲಿ ಇರುತ್ತಾರೆ.</p><p>ಭಾರತೀಯ ಹವಾಮಾನ ಮತ್ತು ಉತ್ತರಧ್ರುವದ ಹವಾಮಾನ ನಡುವಣ ವ್ಯತ್ಯಾಸ, ಅಂತರಿಕ್ಷ ಹವಾಮಾನ ಸಂಬಂಧಿತ ಅಧ್ಯಯನ ಸೇರಿದಂತೆ ವೈಜ್ಞಾನಿಕ ಪ್ರಯೋಗ ಕುರಿತು ಈ ಅಧ್ಯಯನ ನಡೆಯಲಿದೆ ಎಂದು ರವಿಚಂದ್ರನ್ ತಿಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಉತ್ತರ ಧ್ರುವ ವಲಯಕ್ಕೆ ಚಳಿಗಾಲದ ಚಾರಣ ಕಾರ್ಯ ಕೈಗೊಳ್ಳಲು ಭಾರತ ಸಜ್ಜಾಗಿದೆ. ಮೊದಲ ಹಂತ ಮಂಗಳವಾರ ಆರಂಭವಾಗಲಿದೆ. ನಾಲ್ವರು ವಿಜ್ಞಾನಿಗಳು ನಾರ್ವೆಯ ನೈ ಅಲೆಸುಂಡ್ನಲ್ಲಿ ಭಾರತೀಯ ತಾಣ ‘ಹಿಮಾದ್ರಿ’ಗೆ ಪ್ರಯಾಣ ಆರಂಭಿಸುವರು.</p><p>ಬೆಂಗಳೂರಿನ ರಾಮನ್ ಸಂಶೋಧನಾ ಸಂಸ್ಥೆಯ ವಿಜ್ಞಾನಿಯೊಬ್ಬರು ತಂಡದ ಭಾಗವಾಗಿದ್ದಾರೆ. ದೇಶ ಈ ಮೂಲಕ ಧ್ರುವ ವಲಯದಲ್ಲಿ ವರ್ಷಪೂರ್ತಿ ನೆಲೆಸಿದ ಏಷಿಯಾದ ಪ್ರಥಮ ದೇಶ ಎಂಬ ಹಿರಿಮೆಗೆ ಪಾತ್ರವಾಗಲಿದೆ.</p><p>ಉತ್ತರಧ್ರುವ ಮಂಡಳಿಯಲ್ಲಿ (ಅರ್ಕ್ಟಿಕ್ ಕೌನ್ಸಿಲ್) ಭಾರತದ ಧ್ವನಿಗೂ ಬಲ ನೀಡಲಿದೆ. ‘ಹಿಮಾದ್ರಿ’ಯು ನಾರ್ವೆಯ ಸ್ವಾಲ್ಬಾರ್ಡ್ನಲ್ಲಿ ಉತ್ತರ ಅಕ್ಷಾಂಶದ 78.55 ಡಿಗ್ರಿ ಕೋನದಲ್ಲಿದೆ.</p><p>ಈಗ ಉತ್ತರಧ್ರುವದ ಚಾರಣ ಬೇಸಿಗೆಯಲ್ಲಿ ಮುಖ್ಯವಾಗಿ ಜೂನ್–ಅಕ್ಟೋಬರ್ನಲ್ಲಿ ನಡೆಯುತ್ತಿತ್ತು. ಇನ್ನು ವರ್ಷಪೂರ್ತಿ ನಡೆಯಲಿದೆ. ಮೊದಲ ತಂಡ ಜನವರಿ ಅಂತ್ಯಕ್ಕೆ ವಾಪಸಾದಂತೆ ಮತ್ತೊಂದು ತಂಡ ತೆರಳಲಿದೆ ಎಂದು ಕೇಂದ್ರ ಭೂವಿಜ್ಞಾನ ಸಚಿವಾಲಯದ ಕಾರ್ಯದರ್ಶಿ ಎಂ.ರವಿಚಂದ್ರನ್ ಅವರು ತಿಳಿಸಿದರು.</p><p>ಭಾರತೀಯ ಸಂಶೋಧನಾ ಕೇಂದ್ರ ‘ಹಿಮಾದ್ರಿ’ಯಲ್ಲಿ ಏಕಕಾಲಕ್ಕೆ 10 ಮಂದಿ ನೆಲೆಸಬಹುದಾಗಿದ್ದು, ಉತ್ತರಧ್ರುವದಲ್ಲಿ 2008ರಿಂದಲೂ ಬಳಕೆಯಲ್ಲಿದೆ. ದೇಶದ ಅಂಟಾರ್ಟಿಕಾ ಕಾರ್ಯಕ್ರಮದ 40ನೇ ವಾರ್ಷಿಕೋತ್ಸವ ಸಂದರ್ಭದಲ್ಲಿಯೇ ಭಾರತ ಚಳಿಗಾಲದ ಚಾರಣ ಕೈಗೊಳ್ಳುವ ತೀರ್ಮಾನ ಕೈಗೊಂಡಿದೆ.</p><p>ರಾಮನ್ ಸಂಸೋಧನಾ ಸಂಸ್ಥೆಯ ವಿಜ್ಞಾನಿಯಲ್ಲದೆ ವಾಸ್ಕೊದ ರಾಷ್ಟ್ರೀಯ ಧ್ರುವ ಅಧ್ಯಯನ ಸಂಸ್ಥೆ, ಮಂಡಿಯ ಭಾರತೀಯ ತಂತ್ರಜ್ಞಾನ ಸಂಸ್ಥೆ, ಪುಣೆಯ ಭಾರತೀಯ ಉಷ್ಣವಲಯದ ಹವಾಮಾನ ವಿಜ್ಞಾನ ಕೇಂದ್ರದ ತಲಾ ಒಬ್ಬರು ವಿಜ್ಞಾನಿ ಈ ತಂಡದಲ್ಲಿ ಇರುತ್ತಾರೆ.</p><p>ಭಾರತೀಯ ಹವಾಮಾನ ಮತ್ತು ಉತ್ತರಧ್ರುವದ ಹವಾಮಾನ ನಡುವಣ ವ್ಯತ್ಯಾಸ, ಅಂತರಿಕ್ಷ ಹವಾಮಾನ ಸಂಬಂಧಿತ ಅಧ್ಯಯನ ಸೇರಿದಂತೆ ವೈಜ್ಞಾನಿಕ ಪ್ರಯೋಗ ಕುರಿತು ಈ ಅಧ್ಯಯನ ನಡೆಯಲಿದೆ ಎಂದು ರವಿಚಂದ್ರನ್ ತಿಳಿಸಿದರು. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
