ಮಹಾರಾಷ್ಟ್ರದ ಕೆಲವೆಡೆ ರೆಡ್‌ ಅಲರ್ಟ್‌ ಘೋಷಣೆ: ಮುಂಬೈ ಶಾಲಾ– ಕಾಲೇಜುಗಳಿಗೆ ರಜೆ

ಮುಂಬೈ ನಗರ, ಥಾಣೆ ಮತ್ತು ರಾಯಗಢ, ಪಾಲ್ಘರ್ ಜಿಲ್ಲೆಗಳಿಗೆ ಭಾರತೀಯ ಹವಾಮಾನ ಇಲಾಖೆ ( ಐಎಂಡಿ) ಗುರುವಾರ ರೆಡ್‌ ಅಲರ್ಟ್‌ ಘೋಷಿಸಿದೆ. ಹಲವೆಡೆ ಭಾರಿ ಮಳೆಯಾಗುವ ಮುನ್ಸೂಚನೆ ನೀಡಿದೆ.

ಮಹಾರಾಷ್ಟ್ರದ ರತ್ನಗಿರಿ ಜಿಲ್ಲೆಗೆ ’ಆರೆಂಜ್’ ಅಲರ್ಟ್‌ ಮತ್ತು ಸಿಂಧುದುರ್ಗ ಜಿಲ್ಲೆಗೆ ’ಯೆಲ್ಲೊ’ ಅಲರ್ಟ್ ಘೋಷಿಸಿದೆ.

ನಗರದ ಸುತ್ತಮುತ್ತ 10 ಸೆಂ.ಮೀ ಮಳೆಯಾಗಿದೆ. ಅಂಧೇರಿಯ ಮಲ್ಪಾ ಡೋಂಗ್ರಿ ಪ್ರದೇಶದಲ್ಲಿ 15.7 ಸೆಂ ಮೀ ಮಳೆ ಪ್ರಮಾಣ ದಾಖಲಾಗಿದೆ. ದಿಂಡೋಶಿಯಲ್ಲಿ 15.4 ಸೆಂ.ಮೀ, ಪಾಸ್‌ಪೊಲಿ 15.5 ಸೆಂ.ಮೀ ಮಳೆಯಾಗಿದೆ ಎಂದು ಅಧಿಕಾರಿಯೊಬ್ಬರು ಮಾಹಿತಿ ನೀಡಿದ್ದಾರೆ.