<p><strong>ಹಂಬಂಟೋಟಾ:</strong> ಚೀನಾದ ಕಣ್ಗಾವಲು ಹಡಗು ‘ಯುವಾನ್ ವಾಂಗ್ 5’ ಶ್ರೀಲಂಕಾದ ಹಂಬಂಟೋಟಾದಲ್ಲಿರುವ ಚೀನಾ ನಿರ್ಮಿತ ಬಂದರಿಗೆ ಬಂದು ಲಂಗರು ಹಾಕಿದೆ.</p>.<p>ಚೀನಾದ ಈ ಹಡಗು ಲಂಗರು ಹಾಕಲು ಅವಕಾಶ ನೀಡಿರುವುದಕ್ಕೆ ಭಾರತವು ಆಕ್ಷೇಪ ವ್ಯಕ್ತಪಡಿಸಿದೆ. ಭಾರತದ ಆಕ್ಷೇಪವನ್ನು ಉಪೇಕ್ಷಿಸಿರುವ ಶ್ರೀಲಂಕಾ ಕಣ್ಗಾವಲು ಹಡಗಿಗೆ ಅನುಮತಿ ನೀಡಿದೆ.</p>.<p>ಏಷ್ಯಾ-ಯುರೋಪ್ ಮುಖ್ಯ ಹಡಗು ಮಾರ್ಗದ ಬಳಿಯಿರುವ ಹಂಬಂಟೋಟಾ ಬಂದರನ್ನು ಚೀನಾ ತನ್ನ ಮಿಲಿಟರಿ ನೆಲೆಯಾಗಿ ಪರಿವರ್ತಿಸಿಕೊಳ್ಳಲಿದೆ ಎಂದು ಭಾರತ ಆತಂಕ ವ್ಯಕ್ತಪಡಿಸಿದೆ.</p>.<p>ಚೀನಾದ ‘ಯುವಾನ್ ವಾಂಗ್ 5’ ನೌಕೆಯು ಹೊಸ ಪೀಳಿಕೆಯ ಬಾಹ್ಯಾಕಾಶ ವಿಚಕ್ಷಣ ಹಡಗುಗಳಲ್ಲಿ ಒಂದು ಎಂದು ವಿದೇಶಿ ಭದ್ರತಾ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಇದು ಉಪಗ್ರಹ, ರಾಕೆಟ್ ಮತ್ತು ಖಂಡಾಂತರ ಕ್ಷಿಪಣಿ ಉಡಾವಣೆಗಳ ಮೇಲೆ ಕಣ್ಣಿಡಲಿದೆ ಎಂದು ಹೇಳಿದ್ದಾರೆ.</p>.<p>‘ಯುವಾನ್ ವಾಂಗ್’ ಸರಣಿಯ ಹಡಗುಗಳನ್ನು ಚೀನಾ ಸೇನೆ – ‘ಪೀಪಕ್ಸ್ ಲಿಬರೇಷನ್ ಆರ್ಮಿ’ಯ (ಪಿಎಲ್ಎ) ‘ಕಾರ್ಯತಂತ್ರ ನೆರವು ಪಡೆ’ ನಿರ್ವಹಿಸುತ್ತದೆ ಎಂದು ಅಮೆರಿಕ ಹೇಳಿದೆ.</p>.<p>ಭಾರತ ಮತ್ತು ಅಮೆರಿಕ ಎತ್ತಿರುವ ಭದ್ರತಾ ಆತಂಕದ ಹೊರತಾಗಿಯೂ ‘ಯುವಾನ್ ವಾಂಗ್ 5’ ಹಂಬಂಟೋಟಾದಲ್ಲಿ ಲಂಗರು ಹಾಕಲು ಶ್ರೀಲಂಕಾ ಕಳೆದ ಶನಿವಾರ ಅನುಮತಿ ನೀಡಿತ್ತು.</p>.<p>ಹಡಗನ್ನು ಅಲ್ಲಿಂದ ಕಳುಹಿಸುವಂತೆ ಶ್ರೀಲಂಕಾದ ಮೇಲೆ ಒತ್ತಡ ಹೇರಲಾಗುತ್ತಿದೆ ಎಂಬ ಆರೋಪಗಳನ್ನು ಭಾರತ ತಿರಸ್ಕರಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಹಂಬಂಟೋಟಾ:</strong> ಚೀನಾದ ಕಣ್ಗಾವಲು ಹಡಗು ‘ಯುವಾನ್ ವಾಂಗ್ 5’ ಶ್ರೀಲಂಕಾದ ಹಂಬಂಟೋಟಾದಲ್ಲಿರುವ ಚೀನಾ ನಿರ್ಮಿತ ಬಂದರಿಗೆ ಬಂದು ಲಂಗರು ಹಾಕಿದೆ.</p>.<p>ಚೀನಾದ ಈ ಹಡಗು ಲಂಗರು ಹಾಕಲು ಅವಕಾಶ ನೀಡಿರುವುದಕ್ಕೆ ಭಾರತವು ಆಕ್ಷೇಪ ವ್ಯಕ್ತಪಡಿಸಿದೆ. ಭಾರತದ ಆಕ್ಷೇಪವನ್ನು ಉಪೇಕ್ಷಿಸಿರುವ ಶ್ರೀಲಂಕಾ ಕಣ್ಗಾವಲು ಹಡಗಿಗೆ ಅನುಮತಿ ನೀಡಿದೆ.</p>.<p>ಏಷ್ಯಾ-ಯುರೋಪ್ ಮುಖ್ಯ ಹಡಗು ಮಾರ್ಗದ ಬಳಿಯಿರುವ ಹಂಬಂಟೋಟಾ ಬಂದರನ್ನು ಚೀನಾ ತನ್ನ ಮಿಲಿಟರಿ ನೆಲೆಯಾಗಿ ಪರಿವರ್ತಿಸಿಕೊಳ್ಳಲಿದೆ ಎಂದು ಭಾರತ ಆತಂಕ ವ್ಯಕ್ತಪಡಿಸಿದೆ.</p>.<p>ಚೀನಾದ ‘ಯುವಾನ್ ವಾಂಗ್ 5’ ನೌಕೆಯು ಹೊಸ ಪೀಳಿಕೆಯ ಬಾಹ್ಯಾಕಾಶ ವಿಚಕ್ಷಣ ಹಡಗುಗಳಲ್ಲಿ ಒಂದು ಎಂದು ವಿದೇಶಿ ಭದ್ರತಾ ವಿಶ್ಲೇಷಕರು ಅಭಿಪ್ರಾಯಪಟ್ಟಿದ್ದಾರೆ. ಇದು ಉಪಗ್ರಹ, ರಾಕೆಟ್ ಮತ್ತು ಖಂಡಾಂತರ ಕ್ಷಿಪಣಿ ಉಡಾವಣೆಗಳ ಮೇಲೆ ಕಣ್ಣಿಡಲಿದೆ ಎಂದು ಹೇಳಿದ್ದಾರೆ.</p>.<p>‘ಯುವಾನ್ ವಾಂಗ್’ ಸರಣಿಯ ಹಡಗುಗಳನ್ನು ಚೀನಾ ಸೇನೆ – ‘ಪೀಪಕ್ಸ್ ಲಿಬರೇಷನ್ ಆರ್ಮಿ’ಯ (ಪಿಎಲ್ಎ) ‘ಕಾರ್ಯತಂತ್ರ ನೆರವು ಪಡೆ’ ನಿರ್ವಹಿಸುತ್ತದೆ ಎಂದು ಅಮೆರಿಕ ಹೇಳಿದೆ.</p>.<p>ಭಾರತ ಮತ್ತು ಅಮೆರಿಕ ಎತ್ತಿರುವ ಭದ್ರತಾ ಆತಂಕದ ಹೊರತಾಗಿಯೂ ‘ಯುವಾನ್ ವಾಂಗ್ 5’ ಹಂಬಂಟೋಟಾದಲ್ಲಿ ಲಂಗರು ಹಾಕಲು ಶ್ರೀಲಂಕಾ ಕಳೆದ ಶನಿವಾರ ಅನುಮತಿ ನೀಡಿತ್ತು.</p>.<p>ಹಡಗನ್ನು ಅಲ್ಲಿಂದ ಕಳುಹಿಸುವಂತೆ ಶ್ರೀಲಂಕಾದ ಮೇಲೆ ಒತ್ತಡ ಹೇರಲಾಗುತ್ತಿದೆ ಎಂಬ ಆರೋಪಗಳನ್ನು ಭಾರತ ತಿರಸ್ಕರಿಸಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>