ನಿರ್ಮಲಾ ಹೇಳಿಕೆಗೆ ಕಾಂಗ್ರೆಸ್‌ ಲೇವಡಿ

ನವದೆಹಲಿ : ‘ಆಟೊಮೊಬೈಲ್ ಕ್ಷೇತ್ರದ ಕುಸಿತಕ್ಕೆ ಹೊಸ ತಲೆಮಾರಿನವರ ಮನಸ್ಥಿತಿಯೂ ಕಾರಣ’ ಎಂದು ಹಣ ಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಅವರು ನೀಡಿರುವ ಹೇಳಿಕೆಯನ್ನು ಕಾಂಗ್ರೆಸ್ ಲೇವಡಿ ಮಾಡಿದೆ.

. ‘ಆರ್ಥಿಕ ಹಿಂಜರಿತಕ್ಕೆ ಎಲ್ಲರನ್ನೂ ಹೊಣೆಯಾಗಿಸಿರುವ ಹಣಕಾಸು ಸಚಿವೆ, ಬಿಜೆಪಿ ನೇತೃತ್ವದ ಸರ್ಕಾರದ ವೈಫಲ್ಯವೇ ಈ ಸ್ಥಿತಿಗೆ ಕಾರಣ ಎಂಬುದನ್ನು ಮಾತ್ರ ಹೇಳಿಲ್ಲ’ ಎಂದು ಕಾಂಗ್ರೆಸ್ ಮುಖಂಡ ಅಭಿಷೇಕ್ ಮನು ಸಿಂಘ್ವಿ ಟೀಕಿಸಿದ್ದಾರೆ.

. ‘ಹೊಸ ಕಾರನ್ನು ಕೊಳ್ಳುವ ಬದಲು ಓಲಾ, ಉಬರ್ ಟ್ಯಾಕ್ಸಿಗಳಲ್ಲಿ ಓಡಾಡುವುದು ಲೇಸು ಎಂಬ ಹೊಸ ತಲೆಮಾರಿನ ಯುವಕರ ಮನಸ್ಥಿತಿಯೂ ಆಟೊಮೊಬೈಲ್ ಕ್ಷೇತ್ರದ ಹಿನ್ನಡೆಗೆ ಕಾರಣ’ ಎಂದು ನಿರ್ಮಲಾ ಅವರು ಮಂಗಳವಾರ ಹೇಳಿದ್ದರು.

. ‘ಹೌದು... ಒಳ್ಳೆಯದು. ಮತದಾರ ಮೇಲೆ ಆರೋಪ ಮಾಡಿ, ಪ್ರತಿಯೊಬ್ಬರ ಮೇಲೂ ಆರೋಪ ಹೊರಿಸಿ. ಆದರೆ, ಬಿಜೆಪಿಯ ವೈಫಲ್ಯವನ್ನು ಮಾತ್ರ ಹೇಳಬೇಡಿ ಅರ್ಥಸಚಿವರೇ’ ಎಂದು ಸಿಂಘ್ವಿ ಟ್ವೀಟ್ ಮಾಡಿದ್ದಾರೆ.

. ‘ಇಂದಿನ ಸ್ಥಿತಿಯಲ್ಲಿ ಅರ್ಥವ್ಯವಸ್ಥೆ ₹ 350 ಲಕ್ಷ ಕೋಟಿಯ ಗುರಿ ಸಾಧಿಸುವುದು ಹೇಗೆ ಸಾಧ್ಯ? ಮೋದಿ ಅವರ ಟ್ವಿಟ್ಟರ್ ಬೆಂಬಲಿಗರ ಸಂಖ್ಯೆ 5 ಕೋಟಿ ದಾಟಿದೆ. ದೇಶದ ಅರ್ಥ ವ್ಯವಸ್ಥೆ ಆ ಗುರಿ (5 ಟ್ರಿಲಿಯನ್ ಡಾಲರ್) ದಾಟುವುದು ಹೇಗೆ? ಯುವಕರಿಗೆ ಉದ್ಯೋಗ ಲಭಿಸುತ್ತಿಲ್ಲ, ಅದಕ್ಕೂ ವಿರೋಧಪಕ್ಷಗಳು ಕಾರಣವೇ? ಓಲಾ, ಉಬರ್ನವರು ಎಲ್ಲವನ್ನೂ ಹಾಳು ಮಾಡಿದರು...’ ಎಂದು ಅವರು ವ್ಯಂಗ್ಯವಾಡಿದ್ದಾರೆ.

. ಕಾಂಗ್ರೆಸ್ ತನ್ನ ಅಧಿಕೃತ ಟ್ವಿಟ್ಟರ್ ಖಾತೆಯ ಮೂಲಕ ಲೇವಡಿ ಮಾಡಿದ್ದು, ‘ಟ್ರಕ್ ಮತ್ತು ಬಸ್ ಗಳ ಮಾರಾಟ ಕುಸಿತಕ್ಕೂ ಹೊಸ ತಲೆಮಾರಿನವರು ಖರೀದಿ ನಿಲ್ಲಿಸಿರುವುದೇ ಕಾರಣ ಅಲ್ಲವೇ’ ಎಂದು ಪ್ರಶ್ನಿಸಿದೆ.

. ಕಾಲೆಳೆದ ಟ್ವೀಟಿಗರು

. ಟ್ವಿಟರ್ ಮೂಲಕ ಹಲವರು ನಿರ್ಮಲಾ ಅವರ ಹೇಳಿಕೆಗೆ ವ್ಯಂಗ್ಯವಾಡಿದ್ದಾರೆ.

. ‘ಹೊಸ ತಲೆಮಾರಿನವರು ಈಗ ನೆಹರೂ ಸ್ಥಾನಕ್ಕೆ ಬಂದಿದ್ದಾರೆ’ ಎಂದು ಕುನಾಲ್ ಕುಮಾರ್ ಎಂಬುವರು ಟೀಕಿಸಿದ್ದಾರೆ.

. ‘ನೀನು ಅಮೆರಿಕದ ಟಿ.ವಿ. ನೋಡುತ್ತಿರುವುದರಿಂದ ಡಾಲರ್ ಮೌಲ್ಯ ಏರಿಕೆಯಾಗಿದೆ, ಇನ್ನು ಮುಂದೆ ‘ಮನ್ ಕಿ ಬಾತ್’ ಮಾತ್ರ ಆಲಿಸು ಎಂದು ಹೊಸ ತಲೆಮಾರಿನ ಯುವಕನ ಮನವೊಲಿಸಿದ್ದೇನೆ. ರಾಷ್ಟ್ರಕ್ಕಾಗಿ ನನ್ನ ಪಾಲಿನ ಕೆಲಸ ಮಾಡಿದ್ದೇನೆ’ ಎಂದು ಸಾಕೇತ್ ಗೋಖಲೆ ಎಂಬುವರು ಟ್ವೀಟ್ ಮಾಡಿದ್ದಾರೆ.

. ನಿರ್ಮಲಾ ಅವರ ಹೇಳಿಕೆಯನ್ನು ಲೇವಡಿ ಮಾಡುವಂಥ ಅನೇಕ ವ್ಯಂಗ್ಯ ವಿಡಿಯೊಗಳೂ ಸಾಮಾಜಿಕ ಜಾಲತಾಣಗಳಲ್ಲಿ ಓಡಾಡುತ್ತಿವೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿರ್ಮಲಾ ಹೇಳಿಕೆಗೆ ಕಾಂಗ್ರೆಸ್‌ ಲೇವಡಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ವೆಸ್ಟ್‌ ಇಂಡೀಸ್‌ ಕ್ರಿಕೆಟ್‌ ಆಟಗಾರರ ಭೇಟಿ ಮಾಡಿದ ಮೋದಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು