<p><strong>ಚೆನ್ನೈ:</strong> ಪಟಾಕಿ ತಯಾರಿಕೆ ಮತ್ತು ಮಾರಾಟದ ಮೇಲೆ ಸುಪ್ರೀಂ ಕೋರ್ಟ್ ನಿರ್ಬಂಧ ಹೇರಿದ ತೀರ್ಪು ಹೊರಬೀಳುತ್ತಲೇ ತಮಿಳುನಾಡಿನ ಶಿವಕಾಶಿಯಲ್ಲಿ ಅಂಧಕಾರ ಕವಿದಿದೆ.</p>.<p>ದೇಶದ ಅತಿ ದೊಡ್ಡ ಪಟಾಕಿ ಉದ್ಯಮ ಕೇಂದ್ರವಾದ ಶಿವಕಾಶಿಯಲ್ಲಿ ನೂರಾರು ಕೋಟಿ ರೂಪಾಯಿ ವಹಿವಾಟು ನಡೆಯುತ್ತದೆ.</p>.<p>ದೇಶದಲ್ಲಿ ಶೇ 90ರಷ್ಟು ಪಟಾಕಿಗಳು ಶಿವಕಾಶಿಯಲ್ಲಿಯೇ ತಯಾರಾಗುತ್ತವೆ. ಆ ಪೈಕಿ ಶೇ 75ರಷ್ಟು ಪಟಾಕಿಗಳನ್ನು ಬೇರಿಯಂ ನೈಟ್ರೇಟ್ನಿಂದ ತಯಾರಿಸಲಾಗುತ್ತದೆ.</p>.<p>ಬೇರಿಯಂ ನೈಟ್ರೇಟ್ ರಾಸಾಯನಿಕದಿಂದ ತಯಾರಿಸಿದ ಪಟಾಕಿ ಮಾರಾಟದ ಮೇಲೆ ಸುಪ್ರೀಂ ಕೋರ್ಟ್ ಹೇರಿರುವ ನಿರ್ಬಂಧ ಪಟಾಕಿ ತಯಾರಕರು, ವರ್ತಕರು ಮತ್ತು ಈ ಉದ್ಯಮದ ಮೇಲೆ ಅವಲಂಬಿತರಾಗಿರುವ ಕಾರ್ಮಿಕರನ್ನು ಆತಂಕಕ್ಕೆ ದೂಡಿದೆ.</p>.<p class="Subhead"><strong>ದುಬಾರಿಯಾಗಲಿವೆ ಪಟಾಕಿ:</strong>ಬೇರಿಯಂ ನೈಟ್ರೇಟ್ ಪಟಾಕಿಗಳ ಮೇಲೆ ಹೇರಿದ ನಿಷೇಧ ಜಾರಿಯಾದರೆ ಶೇ 75ರಷ್ಟು ಪಟಾಕಿಗಳ ತಯಾರಿಕೆಯನ್ನು ಸ್ಥಗಿತಗೊಳಿಸಬೇಕಾಗುತ್ತದೆ.</p>.<p>ಹೂ ಕುಂಡ, ನಕ್ಷತ್ರ ಕಡ್ಡಿ (ಸುರ್ಸುರ್ ಕಡ್ಡಿ), ಪೆನ್ಸಿಲ್ ಕಡ್ಡಿ, ರಾಕೆಟ್ ಸೇರಿದಂತೆ ಮಕ್ಕಳು ಮತ್ತು ಮಹಿಳೆಯರು ಬಳಸುವ ಅನೇಕ ಪಟಾಕಿಗಳ ತಯಾರಿಕೆ ಸ್ಥಗಿತಗೊಳ್ಳಲಿದೆ.</p>.<p>ಬೇರಿಯಂ ನೈಟ್ರೇಟ್ಗೆ ಪರ್ಯಾಯವಾಗಿ ಬೇರೆ ಯಾವ ರಾಸಾಯನಿಕ ಬಳಸಬೇಕು ಎನ್ನುವುದನ್ನು ಸೂಚಿಸಬೇಕಾಗುತ್ತದೆ. ಒಂದು ವೇಳೆ ಪರ್ಯಾಯ ರಾಸಾಯನಿಕ ದುಬಾರಿಯಾಗಿದ್ದರೆ ಸಹಜವಾಗಿ ಪಟಾಕಿಗಳ ಬೆಲೆಗಳು ಕೂಡ ದುಬಾರಿಯಾಗುತ್ತವೆ ಎನ್ನುತ್ತಾರೆ ಪಟಾಕಿ ತಯಾರಕರು.</p>.<p><strong>ನಿರ್ಬಂಧ ತೆರವು ಕೋರಿ ಮೇಲ್ಮನವಿ</strong></p>.<p>ಸುಪ್ರೀಂ ಕೋರ್ಟ್ ಆದೇಶದ ವಿರುದ್ಧ ತಮಿಳುನಾಡು ಪಟಾಕಿ ತಯಾರಕರ ಸಂಘ (ಟಿಎಎನ್ಎಫ್ಎಎಂಎ) ಪುನರ್ ಪರಿಶೀಲನಾ ಅರ್ಜಿ ಸಲ್ಲಿಸುವುದಾಗಿ ಹೇಳಿದೆ.</p>.<p>ನಿರ್ಬಂಧ ತೆರವುಗೊಳಿಸುವಂತೆ ಕೋರಿ ಮೇಲ್ಮನವಿ ಸಲ್ಲಿಸಲು ಪೆಟ್ರೋಲಿಯಂ ಮತ್ತು ಸ್ಫೋಟಕ ಸುರಕ್ಷತೆ ಸಂಘದ (ಪಿಇಎಸ್ಒ) ನೆರವು ಕೋರಲು ಟಿಎಎನ್ಎಫ್ಎಎಂಎ ನಿರ್ಧರಿಸಿದೆ.</p>.<p>ಹದಗೆಡುತ್ತಿರುವ ಪರಿಸರ ಸಂರಕ್ಷಣೆ ಉದ್ದೇಶದಿಂದ ಕಳೆದ ವರ್ಷ ದೆಹಲಿ ಸುತ್ತಮುತ್ತ ಪಟಾಕಿ ಬಳಕೆ ಮೇಲೆ ನ್ಯಾಯಾಲಯ ನಿಷೇಧ ಹೇರಿದ ಕಾರಣ ಉದ್ಯಮ ಕೋಟ್ಯಂತರ ರೂಪಾಯಿ ನಷ್ಟ ಅನುಭವಿಸಿತ್ತು.</p>.<p>ಇದೀಗ ಕೋರ್ಟ್ ತೀರ್ಪು ಪಟಾಕಿ ಉದ್ಯಮಕ್ಕೆ ಮತ್ತೊಂದು ಮಾರಕ ಹೊಡೆತ ನೀಡಿದೆ ಎನ್ನುತ್ತಾರೆ ಪಟಾಕಿ ತಯಾರಕರು.</p>.<p><strong>‘ಹಸಿರು ಪಟಾಕಿ ಎಂಬುದು ಇಲ್ಲವೇ ಇಲ್ಲ’</strong></p>.<p><strong>ನವದೆಹಲಿ (ಪಿಟಿಐ):</strong> ‘ಹಸಿರು ಪಟಾಕಿ’ ಎಂಬುದು ಇಲ್ಲವೇ ಇಲ್ಲ ಎಂದು ತಮಿಳುನಾಡು ಪಟಾಕಿ ತಯಾರಕರ ಸಂಘಟನೆ ಹೇಳಿದೆ.</p>.<p>ಕಡಿಮೆ ಶಬ್ದ ಮತ್ತು ಕಡಿಮೆ ಹೊಗೆ ಉಗುಳುವ ‘ಹಸಿರು ಪಟಾಕಿ’ಗಳನ್ನಷ್ಟೇ ತಯಾರಿಸಬೇಕು, ಮಾರಾಟ ಮಾಡಬೇಕು ಎಂದು ಸುಪ್ರೀಂ ಕೋರ್ಟ್ ನೀಡಿರುವ ತೀರ್ಪಿಗೆ ಪಟಾಕಿ ತಯಾರಕರ ಪ್ರತಿಕ್ರಿಯೆ ಇದು.</p>.<p>‘ಹಸಿರು ಪಟಾಕಿಗಳ ತಯಾರಿಕೆ ಸಾಧ್ಯವಿಲ್ಲ ಎಂದು ಸುಪ್ರೀಂ ಕೋರ್ಟ್ಗೆ ನಾವು ಮನವರಿಕೆ ಮಾಡಿಕೊಡಬೇಕಿದೆ. ಆದರೆ ಕಡಿಮೆ ಮಾಲಿನ್ಯದ ಪಟಾಕಿಗಳನ್ನು ತಯಾರಿಸಬಹುದು. ಆದರೆ ಅದಕ್ಕೆ ಬಹಳ ಸಮಯ ಬೇಕಾಗುತ್ತದೆ’ ಎಂದು ಸಂಘಟನೆ ಹೇಳಿದೆ.</p>.<p>ಈ ಆದೇಶವನ್ನು ಸಾಮಾಜಿಕ ಜಾಲತಾಣಗಳಲ್ಲೂ ಟ್ರೋಲ್ ಮಾಡಲಾಗುತ್ತಿದೆ. ಹಸಿರು ಬಣ್ಣದ ಹೊರಮೈ ಇರುವ ಪಟಾಕಿಗಳ ಚಿತ್ರಗಳನ್ನು ಹಾಕಿ. ‘ಗ್ರೀನ್ ಪಟಾಕಿ’ ಬಳಸಿ ಎಂದು ಹಲವರು ಫೇಸ್ಬುಕ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.</p>.<p>ಸುಪ್ರೀಂ ಕೋರ್ಟ್ನ ಆದೇಶವನ್ನು ಪಾಲಿಸುವುದು ಕಷ್ಟ ಎಂದು ದೆಹಲಿ ಪೊಲೀಸರೂ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಯಾವ ಪಟಾಕಿ ಎಷ್ಟು ಡೆಸಿಬಲ್ಸ್ನಷ್ಟು ಶಬ್ದ ಉಂಟು ಮಾಡುತ್ತದೆ ಎಂಬುದನ್ನು ಪತ್ತೆ ಮಾಡುವು ಸಲಕರಣೆಗಳು ನಮ್ಮಲ್ಲಿಲ್ಲ. ಹೀಗಿದ್ದ ಮೇಲೆ ಅದನ್ನು ಪತ್ತೆ ಮಾಡಿ, ನಿಷೇಧಿತ ಪಟಾಕಿಗಳ ಮಾರಾಟವನ್ನು ತಡೆಯುವುದು ಹೇಗೆ’ ಎಂದು ದೆಹಲಿಯ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.</p>.<p>‘ದೇಶದಲ್ಲಿ ಅತಿ ಹೆಚ್ಚು ಪಟಾಕಿ ತಯಾರಾಗುವ ಶಿವಕಾಶಿಯಲ್ಲಿ ಪೆಟ್ರೋಲಿಯಂ ಮತ್ತು ಸ್ಫೋಟಕ ಸುರಕ್ಷತಾ ಸಂಸ್ಥೆ ಈಗಾಗಲೇ ಒಂದು ಕೇಂದ್ರವನ್ನು ಹೊಂದಿದೆ. ಹೀಗಾಗಿ ತಯಾರಿಕೆ ಮಟ್ಟದಲ್ಲೇ ನಿಯಮ ಪಾಲನೆಯಾಗುವಂತೆ ಆ ಸಂಸ್ಥೆಯೇ ಎಚ್ಚರವಹಿಸುವುದು ಹೆಚ್ಚು ಪರಿಣಾಮಕಾರಿ’ ಎಂದು ಪರಿಸರವಾದಿಗಳು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಚೆನ್ನೈ:</strong> ಪಟಾಕಿ ತಯಾರಿಕೆ ಮತ್ತು ಮಾರಾಟದ ಮೇಲೆ ಸುಪ್ರೀಂ ಕೋರ್ಟ್ ನಿರ್ಬಂಧ ಹೇರಿದ ತೀರ್ಪು ಹೊರಬೀಳುತ್ತಲೇ ತಮಿಳುನಾಡಿನ ಶಿವಕಾಶಿಯಲ್ಲಿ ಅಂಧಕಾರ ಕವಿದಿದೆ.</p>.<p>ದೇಶದ ಅತಿ ದೊಡ್ಡ ಪಟಾಕಿ ಉದ್ಯಮ ಕೇಂದ್ರವಾದ ಶಿವಕಾಶಿಯಲ್ಲಿ ನೂರಾರು ಕೋಟಿ ರೂಪಾಯಿ ವಹಿವಾಟು ನಡೆಯುತ್ತದೆ.</p>.<p>ದೇಶದಲ್ಲಿ ಶೇ 90ರಷ್ಟು ಪಟಾಕಿಗಳು ಶಿವಕಾಶಿಯಲ್ಲಿಯೇ ತಯಾರಾಗುತ್ತವೆ. ಆ ಪೈಕಿ ಶೇ 75ರಷ್ಟು ಪಟಾಕಿಗಳನ್ನು ಬೇರಿಯಂ ನೈಟ್ರೇಟ್ನಿಂದ ತಯಾರಿಸಲಾಗುತ್ತದೆ.</p>.<p>ಬೇರಿಯಂ ನೈಟ್ರೇಟ್ ರಾಸಾಯನಿಕದಿಂದ ತಯಾರಿಸಿದ ಪಟಾಕಿ ಮಾರಾಟದ ಮೇಲೆ ಸುಪ್ರೀಂ ಕೋರ್ಟ್ ಹೇರಿರುವ ನಿರ್ಬಂಧ ಪಟಾಕಿ ತಯಾರಕರು, ವರ್ತಕರು ಮತ್ತು ಈ ಉದ್ಯಮದ ಮೇಲೆ ಅವಲಂಬಿತರಾಗಿರುವ ಕಾರ್ಮಿಕರನ್ನು ಆತಂಕಕ್ಕೆ ದೂಡಿದೆ.</p>.<p class="Subhead"><strong>ದುಬಾರಿಯಾಗಲಿವೆ ಪಟಾಕಿ:</strong>ಬೇರಿಯಂ ನೈಟ್ರೇಟ್ ಪಟಾಕಿಗಳ ಮೇಲೆ ಹೇರಿದ ನಿಷೇಧ ಜಾರಿಯಾದರೆ ಶೇ 75ರಷ್ಟು ಪಟಾಕಿಗಳ ತಯಾರಿಕೆಯನ್ನು ಸ್ಥಗಿತಗೊಳಿಸಬೇಕಾಗುತ್ತದೆ.</p>.<p>ಹೂ ಕುಂಡ, ನಕ್ಷತ್ರ ಕಡ್ಡಿ (ಸುರ್ಸುರ್ ಕಡ್ಡಿ), ಪೆನ್ಸಿಲ್ ಕಡ್ಡಿ, ರಾಕೆಟ್ ಸೇರಿದಂತೆ ಮಕ್ಕಳು ಮತ್ತು ಮಹಿಳೆಯರು ಬಳಸುವ ಅನೇಕ ಪಟಾಕಿಗಳ ತಯಾರಿಕೆ ಸ್ಥಗಿತಗೊಳ್ಳಲಿದೆ.</p>.<p>ಬೇರಿಯಂ ನೈಟ್ರೇಟ್ಗೆ ಪರ್ಯಾಯವಾಗಿ ಬೇರೆ ಯಾವ ರಾಸಾಯನಿಕ ಬಳಸಬೇಕು ಎನ್ನುವುದನ್ನು ಸೂಚಿಸಬೇಕಾಗುತ್ತದೆ. ಒಂದು ವೇಳೆ ಪರ್ಯಾಯ ರಾಸಾಯನಿಕ ದುಬಾರಿಯಾಗಿದ್ದರೆ ಸಹಜವಾಗಿ ಪಟಾಕಿಗಳ ಬೆಲೆಗಳು ಕೂಡ ದುಬಾರಿಯಾಗುತ್ತವೆ ಎನ್ನುತ್ತಾರೆ ಪಟಾಕಿ ತಯಾರಕರು.</p>.<p><strong>ನಿರ್ಬಂಧ ತೆರವು ಕೋರಿ ಮೇಲ್ಮನವಿ</strong></p>.<p>ಸುಪ್ರೀಂ ಕೋರ್ಟ್ ಆದೇಶದ ವಿರುದ್ಧ ತಮಿಳುನಾಡು ಪಟಾಕಿ ತಯಾರಕರ ಸಂಘ (ಟಿಎಎನ್ಎಫ್ಎಎಂಎ) ಪುನರ್ ಪರಿಶೀಲನಾ ಅರ್ಜಿ ಸಲ್ಲಿಸುವುದಾಗಿ ಹೇಳಿದೆ.</p>.<p>ನಿರ್ಬಂಧ ತೆರವುಗೊಳಿಸುವಂತೆ ಕೋರಿ ಮೇಲ್ಮನವಿ ಸಲ್ಲಿಸಲು ಪೆಟ್ರೋಲಿಯಂ ಮತ್ತು ಸ್ಫೋಟಕ ಸುರಕ್ಷತೆ ಸಂಘದ (ಪಿಇಎಸ್ಒ) ನೆರವು ಕೋರಲು ಟಿಎಎನ್ಎಫ್ಎಎಂಎ ನಿರ್ಧರಿಸಿದೆ.</p>.<p>ಹದಗೆಡುತ್ತಿರುವ ಪರಿಸರ ಸಂರಕ್ಷಣೆ ಉದ್ದೇಶದಿಂದ ಕಳೆದ ವರ್ಷ ದೆಹಲಿ ಸುತ್ತಮುತ್ತ ಪಟಾಕಿ ಬಳಕೆ ಮೇಲೆ ನ್ಯಾಯಾಲಯ ನಿಷೇಧ ಹೇರಿದ ಕಾರಣ ಉದ್ಯಮ ಕೋಟ್ಯಂತರ ರೂಪಾಯಿ ನಷ್ಟ ಅನುಭವಿಸಿತ್ತು.</p>.<p>ಇದೀಗ ಕೋರ್ಟ್ ತೀರ್ಪು ಪಟಾಕಿ ಉದ್ಯಮಕ್ಕೆ ಮತ್ತೊಂದು ಮಾರಕ ಹೊಡೆತ ನೀಡಿದೆ ಎನ್ನುತ್ತಾರೆ ಪಟಾಕಿ ತಯಾರಕರು.</p>.<p><strong>‘ಹಸಿರು ಪಟಾಕಿ ಎಂಬುದು ಇಲ್ಲವೇ ಇಲ್ಲ’</strong></p>.<p><strong>ನವದೆಹಲಿ (ಪಿಟಿಐ):</strong> ‘ಹಸಿರು ಪಟಾಕಿ’ ಎಂಬುದು ಇಲ್ಲವೇ ಇಲ್ಲ ಎಂದು ತಮಿಳುನಾಡು ಪಟಾಕಿ ತಯಾರಕರ ಸಂಘಟನೆ ಹೇಳಿದೆ.</p>.<p>ಕಡಿಮೆ ಶಬ್ದ ಮತ್ತು ಕಡಿಮೆ ಹೊಗೆ ಉಗುಳುವ ‘ಹಸಿರು ಪಟಾಕಿ’ಗಳನ್ನಷ್ಟೇ ತಯಾರಿಸಬೇಕು, ಮಾರಾಟ ಮಾಡಬೇಕು ಎಂದು ಸುಪ್ರೀಂ ಕೋರ್ಟ್ ನೀಡಿರುವ ತೀರ್ಪಿಗೆ ಪಟಾಕಿ ತಯಾರಕರ ಪ್ರತಿಕ್ರಿಯೆ ಇದು.</p>.<p>‘ಹಸಿರು ಪಟಾಕಿಗಳ ತಯಾರಿಕೆ ಸಾಧ್ಯವಿಲ್ಲ ಎಂದು ಸುಪ್ರೀಂ ಕೋರ್ಟ್ಗೆ ನಾವು ಮನವರಿಕೆ ಮಾಡಿಕೊಡಬೇಕಿದೆ. ಆದರೆ ಕಡಿಮೆ ಮಾಲಿನ್ಯದ ಪಟಾಕಿಗಳನ್ನು ತಯಾರಿಸಬಹುದು. ಆದರೆ ಅದಕ್ಕೆ ಬಹಳ ಸಮಯ ಬೇಕಾಗುತ್ತದೆ’ ಎಂದು ಸಂಘಟನೆ ಹೇಳಿದೆ.</p>.<p>ಈ ಆದೇಶವನ್ನು ಸಾಮಾಜಿಕ ಜಾಲತಾಣಗಳಲ್ಲೂ ಟ್ರೋಲ್ ಮಾಡಲಾಗುತ್ತಿದೆ. ಹಸಿರು ಬಣ್ಣದ ಹೊರಮೈ ಇರುವ ಪಟಾಕಿಗಳ ಚಿತ್ರಗಳನ್ನು ಹಾಕಿ. ‘ಗ್ರೀನ್ ಪಟಾಕಿ’ ಬಳಸಿ ಎಂದು ಹಲವರು ಫೇಸ್ಬುಕ್ನಲ್ಲಿ ಪೋಸ್ಟ್ ಮಾಡಿದ್ದಾರೆ.</p>.<p>ಸುಪ್ರೀಂ ಕೋರ್ಟ್ನ ಆದೇಶವನ್ನು ಪಾಲಿಸುವುದು ಕಷ್ಟ ಎಂದು ದೆಹಲಿ ಪೊಲೀಸರೂ ಅಭಿಪ್ರಾಯಪಟ್ಟಿದ್ದಾರೆ.</p>.<p>‘ಯಾವ ಪಟಾಕಿ ಎಷ್ಟು ಡೆಸಿಬಲ್ಸ್ನಷ್ಟು ಶಬ್ದ ಉಂಟು ಮಾಡುತ್ತದೆ ಎಂಬುದನ್ನು ಪತ್ತೆ ಮಾಡುವು ಸಲಕರಣೆಗಳು ನಮ್ಮಲ್ಲಿಲ್ಲ. ಹೀಗಿದ್ದ ಮೇಲೆ ಅದನ್ನು ಪತ್ತೆ ಮಾಡಿ, ನಿಷೇಧಿತ ಪಟಾಕಿಗಳ ಮಾರಾಟವನ್ನು ತಡೆಯುವುದು ಹೇಗೆ’ ಎಂದು ದೆಹಲಿಯ ಪೊಲೀಸ್ ಅಧಿಕಾರಿಯೊಬ್ಬರು ಹೇಳಿದ್ದಾರೆ.</p>.<p>‘ದೇಶದಲ್ಲಿ ಅತಿ ಹೆಚ್ಚು ಪಟಾಕಿ ತಯಾರಾಗುವ ಶಿವಕಾಶಿಯಲ್ಲಿ ಪೆಟ್ರೋಲಿಯಂ ಮತ್ತು ಸ್ಫೋಟಕ ಸುರಕ್ಷತಾ ಸಂಸ್ಥೆ ಈಗಾಗಲೇ ಒಂದು ಕೇಂದ್ರವನ್ನು ಹೊಂದಿದೆ. ಹೀಗಾಗಿ ತಯಾರಿಕೆ ಮಟ್ಟದಲ್ಲೇ ನಿಯಮ ಪಾಲನೆಯಾಗುವಂತೆ ಆ ಸಂಸ್ಥೆಯೇ ಎಚ್ಚರವಹಿಸುವುದು ಹೆಚ್ಚು ಪರಿಣಾಮಕಾರಿ’ ಎಂದು ಪರಿಸರವಾದಿಗಳು ಹೇಳಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
