<p><strong>ನವದೆಹಲಿ</strong>: ದೇಶದ ವೈಮಾನಿಕ ಸಂಚಾರ ನಿಯಂತ್ರಣ ಸಂಸ್ಥೆ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ( ಡಿಜಿಸಿಎ) ಅರ್ಹರಲ್ಲದ ಸಿಬ್ಬಂದಿಯೊಂದಿಗೆ ವಿಮಾನಗಳ ಹಾರಾಟ ನಡೆಸಿದ್ದಕ್ಕಾಗಿ ಏರ್ ಇಂಡಿಯಾಗೆ ₹90 ಲಕ್ಷ ದಂಡ ವಿಧಿಸಿದೆ.</p><p>ಈ ಲೋಪಕ್ಕಾಗಿ ಏರ್ ಇಂಡಿಯಾದ ವಿಮಾನಗಳ ಕಾರ್ಯಾಚರಣೆಯ ನಿರ್ದೆಶಕರು ಮತ್ತು ತರಬೇತಿ ನಿರ್ದೇಶಕರಿಗೆ ಕ್ರಮವಾಗಿ ₹6 ಲಕ್ಷ ಮತ್ತು ₹3 ಲಕ್ಷ ದಂಡ ವಿಧಿಸಿದೆ.</p><p>ಅರ್ಹರಲ್ಲದ ಸಿಬ್ಬಂದಿ ಸೇರಿದಂತೆ ಈ ರೀತಿಯ ಅವ್ಯವಸ್ಥೆ ಮತ್ತೆ ತಲೆದೋರದಂತೆ ಎಚ್ಚರವಹಿಸುವಂತೆಯೂ ಡಿಜಿಸಿಎ ಎಚ್ಚರಿಕೆ ನೀಡಿದೆ.</p><p>'ನಾನ್ ಟ್ರೇನರ್ ಲೈನ್ ಕ್ಯಾಪ್ಟನ್ ನೇತೃತ್ವದಲ್ಲಿ ಏರ್ ಇಂಡಿಯಾ ಲಿಮಿಟೆಡ್ ವಿಮಾನಗಳನ್ನು ನಿರ್ವಹಿಸಿದೆ. ಇದು ಗಮನಾರ್ಹವಾದ ಸುರಕ್ಷತಾ ಪರಿಣಾಮಗಳನ್ನು ಹೊಂದಿರುವ ಗಂಭೀರ ಘಟನೆಯಾಗಿದೆ ಎಂದು ಪರಿಶೀಲನೆ ವೇಳೆ ಕಂಡುಬಂದಿದೆ’ಎಂದು ಅದು ತಿಳಿಸಿದೆ.</p><p>ಘಟನೆ ಬೆಳಕಿಗೆ ಬರುತ್ತಿದ್ದಂತೆ ಜುಲೈ 10ರಂದೇ ಏರ್ ಇಂಡಿಯಾ ಸ್ವಯಂಪ್ರೇರಣೆಯಿಂದ ವರದಿ ನೀಡಿದೆ. ಈ ಬಗ್ಗೆ ಡಿಜಿಸಿಎ ತನಿಖೆ ನಡೆಸಿದೆ. ಸ್ಥಳ ಪರಿಶೀಲನೆ ಮತ್ತು ದಾಖಲೆಗಳ ಪರಿಶೀಲನೆ ಬಳಿಕ ಲೋಪ ಪತ್ತೆಯಾಗಿದೆ ಎಂದು ಅದು ಪ್ರಕಟಣೆ ತಿಳಿಸಿದೆ.</p><p>‘ತನಿಖೆ ವೇಳೆ ವಿಮಾನಯಾನ ಸಂಸ್ಥೆಯ ಉನ್ನತಾಧಿಕಾರಿಗಳು, ಸಿಬ್ಬಂದಿ ಸುರಕ್ಷತೆಗೆ ಧಕ್ಕೆಯಾಗುವಂತಹ ಹಲವು ನಿಯಮಗಳ ಉಲ್ಲಂಘನೆ ಮತ್ತು ಲೋಪ ಎಸಗಿರುವುದು ಕಂಡುಬಂದಿದೆ’ಎಂದು ಪ್ರಕಟಣೆ ತಿಳಿಸಿದೆ.</p><p> ಅಲ್ಲದೆ, ಏರ್ ಇಂಡಿಯಾ ವಿಮಾನಗಳ ನಿಯಂತ್ರಕರು ಮತ್ತು ವಿವಿಧ ಜವಾಬ್ದಾರಿಗಳನ್ನು ನಿರ್ವಹಿಸುವ ಅಧಿಕಾರಿಗಳಿಗೆ ಜುಲೈ 22ರಂದು ಶೋಕಾಸ್ ನೋಟಿಸ್ ನೀಡಿ ಲೋಪ ಕುರಿತಂತೆ ವಿವರಿಸಲು ಅವಕಾಶ ನೀಡಲಾಗಿತ್ತು. ಅವರು ನೀಡಿದ ಪ್ರತಿಕ್ರಿಯೆಯು ತೃಪ್ತಿಕರವಾಗಿರಲಿಲ್ಲ ಎಂದೂ ಡಿಜಿಸಿಎ ಹೇಳಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ದೇಶದ ವೈಮಾನಿಕ ಸಂಚಾರ ನಿಯಂತ್ರಣ ಸಂಸ್ಥೆ ನಾಗರಿಕ ವಿಮಾನಯಾನ ಮಹಾನಿರ್ದೇಶನಾಲಯ( ಡಿಜಿಸಿಎ) ಅರ್ಹರಲ್ಲದ ಸಿಬ್ಬಂದಿಯೊಂದಿಗೆ ವಿಮಾನಗಳ ಹಾರಾಟ ನಡೆಸಿದ್ದಕ್ಕಾಗಿ ಏರ್ ಇಂಡಿಯಾಗೆ ₹90 ಲಕ್ಷ ದಂಡ ವಿಧಿಸಿದೆ.</p><p>ಈ ಲೋಪಕ್ಕಾಗಿ ಏರ್ ಇಂಡಿಯಾದ ವಿಮಾನಗಳ ಕಾರ್ಯಾಚರಣೆಯ ನಿರ್ದೆಶಕರು ಮತ್ತು ತರಬೇತಿ ನಿರ್ದೇಶಕರಿಗೆ ಕ್ರಮವಾಗಿ ₹6 ಲಕ್ಷ ಮತ್ತು ₹3 ಲಕ್ಷ ದಂಡ ವಿಧಿಸಿದೆ.</p><p>ಅರ್ಹರಲ್ಲದ ಸಿಬ್ಬಂದಿ ಸೇರಿದಂತೆ ಈ ರೀತಿಯ ಅವ್ಯವಸ್ಥೆ ಮತ್ತೆ ತಲೆದೋರದಂತೆ ಎಚ್ಚರವಹಿಸುವಂತೆಯೂ ಡಿಜಿಸಿಎ ಎಚ್ಚರಿಕೆ ನೀಡಿದೆ.</p><p>'ನಾನ್ ಟ್ರೇನರ್ ಲೈನ್ ಕ್ಯಾಪ್ಟನ್ ನೇತೃತ್ವದಲ್ಲಿ ಏರ್ ಇಂಡಿಯಾ ಲಿಮಿಟೆಡ್ ವಿಮಾನಗಳನ್ನು ನಿರ್ವಹಿಸಿದೆ. ಇದು ಗಮನಾರ್ಹವಾದ ಸುರಕ್ಷತಾ ಪರಿಣಾಮಗಳನ್ನು ಹೊಂದಿರುವ ಗಂಭೀರ ಘಟನೆಯಾಗಿದೆ ಎಂದು ಪರಿಶೀಲನೆ ವೇಳೆ ಕಂಡುಬಂದಿದೆ’ಎಂದು ಅದು ತಿಳಿಸಿದೆ.</p><p>ಘಟನೆ ಬೆಳಕಿಗೆ ಬರುತ್ತಿದ್ದಂತೆ ಜುಲೈ 10ರಂದೇ ಏರ್ ಇಂಡಿಯಾ ಸ್ವಯಂಪ್ರೇರಣೆಯಿಂದ ವರದಿ ನೀಡಿದೆ. ಈ ಬಗ್ಗೆ ಡಿಜಿಸಿಎ ತನಿಖೆ ನಡೆಸಿದೆ. ಸ್ಥಳ ಪರಿಶೀಲನೆ ಮತ್ತು ದಾಖಲೆಗಳ ಪರಿಶೀಲನೆ ಬಳಿಕ ಲೋಪ ಪತ್ತೆಯಾಗಿದೆ ಎಂದು ಅದು ಪ್ರಕಟಣೆ ತಿಳಿಸಿದೆ.</p><p>‘ತನಿಖೆ ವೇಳೆ ವಿಮಾನಯಾನ ಸಂಸ್ಥೆಯ ಉನ್ನತಾಧಿಕಾರಿಗಳು, ಸಿಬ್ಬಂದಿ ಸುರಕ್ಷತೆಗೆ ಧಕ್ಕೆಯಾಗುವಂತಹ ಹಲವು ನಿಯಮಗಳ ಉಲ್ಲಂಘನೆ ಮತ್ತು ಲೋಪ ಎಸಗಿರುವುದು ಕಂಡುಬಂದಿದೆ’ಎಂದು ಪ್ರಕಟಣೆ ತಿಳಿಸಿದೆ.</p><p> ಅಲ್ಲದೆ, ಏರ್ ಇಂಡಿಯಾ ವಿಮಾನಗಳ ನಿಯಂತ್ರಕರು ಮತ್ತು ವಿವಿಧ ಜವಾಬ್ದಾರಿಗಳನ್ನು ನಿರ್ವಹಿಸುವ ಅಧಿಕಾರಿಗಳಿಗೆ ಜುಲೈ 22ರಂದು ಶೋಕಾಸ್ ನೋಟಿಸ್ ನೀಡಿ ಲೋಪ ಕುರಿತಂತೆ ವಿವರಿಸಲು ಅವಕಾಶ ನೀಡಲಾಗಿತ್ತು. ಅವರು ನೀಡಿದ ಪ್ರತಿಕ್ರಿಯೆಯು ತೃಪ್ತಿಕರವಾಗಿರಲಿಲ್ಲ ಎಂದೂ ಡಿಜಿಸಿಎ ಹೇಳಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
