<p class="title"><strong>ನವದೆಹಲಿ: </strong>‘2021–22ರ ಹಣಕಾಸು ವರ್ಷದಲ್ಲಿ ರಾಷ್ಟ್ರೀಯ ಪಕ್ಷಗಳಿಗೆ ದೊರೆತ ದೇಣಿಗೆಯ ಪ್ರಮಾಣವು ಶೇ 31.50ರಷ್ಟು (₹ 187.03 ಕೋಟಿ) ಹೆಚ್ಚಳವಾಗಿದೆ’ ಎಂದು ಅಸೋಸಿಯೇಷನ್ ಆಫ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಸಂಸ್ಥೆಯ ವರದಿ ಹೇಳಿದೆ.</p>.<p class="title">‘2021–22ರ ದೇಣಿಗೆಯ ವಿವರಗಳನ್ನು (₹ 20,000ಕ್ಕೂ ಮೇಲ್ಪಟ್ಟ ಮೊತ್ತ) ರಾಷ್ಟ್ರೀಯ ಪಕ್ಷಗಳು ಘೋಷಿಸಿದ್ದು, 7,141 ದೇಣಿಗಾರರಿಂದ ₹ 780.774 ಕೋಟಿ ಸಂಗ್ರಹವಾಗಿದೆ’ ಎಂದು ವರದಿಯಲ್ಲಿ ತಿಳಿಸಲಾಗಿದೆ.</p>.<p class="title">‘ಬಿಜೆಪಿಯು 4,957 ಮಂದಿಯಿಂದ ₹ 614.63 ಕೋಟಿ ದೇಣಿಗೆಯನ್ನು, ಕಾಂಗ್ರೆಸ್ 1,255 ಮಂದಿಯಿಂದ ₹ 95.46 ಕೋಟಿ ದೇಣಿಗೆಯನ್ನು ಸ್ವೀಕರಿಸಿರುವುದಾಗಿ ಆ ಪಕ್ಷಗಳು ಘೋಷಿಸಿವೆ’ ಎಂದು ವರದಿ ಹೇಳಿದೆ.</p>.<p class="title">‘ಬಿಜೆಪಿ ಘೋಷಿಸಿದ ದೇಣಿಗೆಯ ಮೊತ್ತವು ಕಾಂಗ್ರೆಸ್, ಎನ್ಸಿಪಿ, ಸಿಪಿಐ, ಸಿಪಿಎಂ, ಎನ್ಪಿಇಪಿ ಮತ್ತು ಎಐಟಿಸಿ ಪಕ್ಷಗಳು ಘೋಷಿಸಿದ ಒಟ್ಟು ಮೊತ್ತಕ್ಕಿಂತ ಮೂರು ಪಟ್ಟು ಹೆಚ್ಚು. ಇದೇ ವೇಳೆ, ಬಹುಜನ ಸಮಾಜ ಪಕ್ಷವು ಕಳೆದ 16 ವರ್ಷಗಳಿಂದ ಘೋಷಿಸುತ್ತಿರುವಂತೆ ಈ ಬಾರಿಯೂ ₹ 20,000ಕ್ಕೆ ಮೇಲ್ಪಟ್ಟು ಯಾವುದೇ ದೇಣಿಗೆ ಸ್ವೀಕರಿಸಿಲ್ಲ ಎಂದು ಹೇಳಿದೆ’ ಎಂದೂ ವರದಿ ವಿವರಿಸಿದೆ.</p>.<p class="title">‘2020–21ರಲ್ಲಿ ಬಿಜೆಪಿಗೆ ಸಂದಾಯವಾದ ದೇಣಿಗೆ ಪ್ರಮಾಣವು ₹ 477.55 ಕೋಟಿ. 2021–22ರಲ್ಲಿ ಈ ಪ್ರಮಾಣ ಶೇ 28.71ರಷ್ಟು ಹೆಚ್ಚಾಗಿದೆ. ಆದರೆ 2019–20ಕ್ಕೆ ಹೋಲಿಸಿದರೆ ಈ ಬಾರಿ ದೇಣಿಗೆಯ ಪ್ರಮಾಣವು ಶೇ 41.49ರಷ್ಟು ಇಳಿಕೆಯಾಗಿದೆ.’</p>.<p class="title">‘ಅದೇ ರೀತಿ, ಕಾಂಗ್ರೆಸ್ ಪಕ್ಷಕ್ಕೆ ದೊರೆತ ದೇಣಿಗೆಯು ₹ 74.52 ಕೋಟಿ. 2021–22ರ ದೇಣಿಗೆ ಪ್ರಮಾಣ ಶೇ 28.09ರಷ್ಟು ಹೆಚ್ಚಾಗಿದೆ. 2019–20ರ ಹಣಕಾಸು ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಕಾಂಗ್ರೆಸ್ಗೆ ದೊರತ ದೇಣಿಗೆ ಪ್ರಮಾಣವು ಶೇ 46.39ರಷ್ಟು ಇಳಿಕೆಯಾಗಿದೆ.’</p>.<p class="title">‘ಹಿಂದಿನ ಹಣಕಾಸು ವರ್ಷಕ್ಕೆ ಹೋಲಿಸಿದರೆ, ಸಿಪಿಎಂ ಸಂಗ್ರಹಿಸಿರುವ ದೇಣಿಗೆಯಲ್ಲಿ ಶೇ.22.06ರಷ್ಟು (₹ 2.85 ಕೋಟಿ) ಮತ್ತು ನ್ಯಾಷನಲ್ ಪೀಪಲ್ಸ್ ಪಾರ್ಟಿ ಸಂಗ್ರಹ ಮಾಡಿರುವ ದೇಣಿಗೆಯಲ್ಲಿ ಶೇ 40.50ರಷ್ಟು (₹ 24.10 ಲಕ್ಷ) ಇಳಿಕೆಯಾಗಿದೆ’ ಎಂದು ವರದಿಯಲ್ಲಿ ಮಾಹಿತಿ ನೀಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p class="title"><strong>ನವದೆಹಲಿ: </strong>‘2021–22ರ ಹಣಕಾಸು ವರ್ಷದಲ್ಲಿ ರಾಷ್ಟ್ರೀಯ ಪಕ್ಷಗಳಿಗೆ ದೊರೆತ ದೇಣಿಗೆಯ ಪ್ರಮಾಣವು ಶೇ 31.50ರಷ್ಟು (₹ 187.03 ಕೋಟಿ) ಹೆಚ್ಚಳವಾಗಿದೆ’ ಎಂದು ಅಸೋಸಿಯೇಷನ್ ಆಫ್ ಡೆಮಾಕ್ರಟಿಕ್ ರಿಫಾರ್ಮ್ಸ್ (ಎಡಿಆರ್) ಸಂಸ್ಥೆಯ ವರದಿ ಹೇಳಿದೆ.</p>.<p class="title">‘2021–22ರ ದೇಣಿಗೆಯ ವಿವರಗಳನ್ನು (₹ 20,000ಕ್ಕೂ ಮೇಲ್ಪಟ್ಟ ಮೊತ್ತ) ರಾಷ್ಟ್ರೀಯ ಪಕ್ಷಗಳು ಘೋಷಿಸಿದ್ದು, 7,141 ದೇಣಿಗಾರರಿಂದ ₹ 780.774 ಕೋಟಿ ಸಂಗ್ರಹವಾಗಿದೆ’ ಎಂದು ವರದಿಯಲ್ಲಿ ತಿಳಿಸಲಾಗಿದೆ.</p>.<p class="title">‘ಬಿಜೆಪಿಯು 4,957 ಮಂದಿಯಿಂದ ₹ 614.63 ಕೋಟಿ ದೇಣಿಗೆಯನ್ನು, ಕಾಂಗ್ರೆಸ್ 1,255 ಮಂದಿಯಿಂದ ₹ 95.46 ಕೋಟಿ ದೇಣಿಗೆಯನ್ನು ಸ್ವೀಕರಿಸಿರುವುದಾಗಿ ಆ ಪಕ್ಷಗಳು ಘೋಷಿಸಿವೆ’ ಎಂದು ವರದಿ ಹೇಳಿದೆ.</p>.<p class="title">‘ಬಿಜೆಪಿ ಘೋಷಿಸಿದ ದೇಣಿಗೆಯ ಮೊತ್ತವು ಕಾಂಗ್ರೆಸ್, ಎನ್ಸಿಪಿ, ಸಿಪಿಐ, ಸಿಪಿಎಂ, ಎನ್ಪಿಇಪಿ ಮತ್ತು ಎಐಟಿಸಿ ಪಕ್ಷಗಳು ಘೋಷಿಸಿದ ಒಟ್ಟು ಮೊತ್ತಕ್ಕಿಂತ ಮೂರು ಪಟ್ಟು ಹೆಚ್ಚು. ಇದೇ ವೇಳೆ, ಬಹುಜನ ಸಮಾಜ ಪಕ್ಷವು ಕಳೆದ 16 ವರ್ಷಗಳಿಂದ ಘೋಷಿಸುತ್ತಿರುವಂತೆ ಈ ಬಾರಿಯೂ ₹ 20,000ಕ್ಕೆ ಮೇಲ್ಪಟ್ಟು ಯಾವುದೇ ದೇಣಿಗೆ ಸ್ವೀಕರಿಸಿಲ್ಲ ಎಂದು ಹೇಳಿದೆ’ ಎಂದೂ ವರದಿ ವಿವರಿಸಿದೆ.</p>.<p class="title">‘2020–21ರಲ್ಲಿ ಬಿಜೆಪಿಗೆ ಸಂದಾಯವಾದ ದೇಣಿಗೆ ಪ್ರಮಾಣವು ₹ 477.55 ಕೋಟಿ. 2021–22ರಲ್ಲಿ ಈ ಪ್ರಮಾಣ ಶೇ 28.71ರಷ್ಟು ಹೆಚ್ಚಾಗಿದೆ. ಆದರೆ 2019–20ಕ್ಕೆ ಹೋಲಿಸಿದರೆ ಈ ಬಾರಿ ದೇಣಿಗೆಯ ಪ್ರಮಾಣವು ಶೇ 41.49ರಷ್ಟು ಇಳಿಕೆಯಾಗಿದೆ.’</p>.<p class="title">‘ಅದೇ ರೀತಿ, ಕಾಂಗ್ರೆಸ್ ಪಕ್ಷಕ್ಕೆ ದೊರೆತ ದೇಣಿಗೆಯು ₹ 74.52 ಕೋಟಿ. 2021–22ರ ದೇಣಿಗೆ ಪ್ರಮಾಣ ಶೇ 28.09ರಷ್ಟು ಹೆಚ್ಚಾಗಿದೆ. 2019–20ರ ಹಣಕಾಸು ವರ್ಷಕ್ಕೆ ಹೋಲಿಸಿದರೆ ಈ ಬಾರಿ ಕಾಂಗ್ರೆಸ್ಗೆ ದೊರತ ದೇಣಿಗೆ ಪ್ರಮಾಣವು ಶೇ 46.39ರಷ್ಟು ಇಳಿಕೆಯಾಗಿದೆ.’</p>.<p class="title">‘ಹಿಂದಿನ ಹಣಕಾಸು ವರ್ಷಕ್ಕೆ ಹೋಲಿಸಿದರೆ, ಸಿಪಿಎಂ ಸಂಗ್ರಹಿಸಿರುವ ದೇಣಿಗೆಯಲ್ಲಿ ಶೇ.22.06ರಷ್ಟು (₹ 2.85 ಕೋಟಿ) ಮತ್ತು ನ್ಯಾಷನಲ್ ಪೀಪಲ್ಸ್ ಪಾರ್ಟಿ ಸಂಗ್ರಹ ಮಾಡಿರುವ ದೇಣಿಗೆಯಲ್ಲಿ ಶೇ 40.50ರಷ್ಟು (₹ 24.10 ಲಕ್ಷ) ಇಳಿಕೆಯಾಗಿದೆ’ ಎಂದು ವರದಿಯಲ್ಲಿ ಮಾಹಿತಿ ನೀಡಲಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
