<p><strong>ನವದೆಹಲಿ</strong>: ದೇಶೀಯವಾಗಿ ಅಭಿವೃದ್ಧಿಪಡಿಸಲಾಗಿರುವ ‘ತೇಜಸ್ ಎಂಕೆ–1’ ಯುದ್ಧ ವಿಮಾನದ ರಫ್ತು ಕುರಿತಂತೆ ನೈಜೀರಿಯಾ ಸೇರಿದಂತೆ ಮೂರು ರಾಷ್ಟ್ರಗಳ ಜತೆಗೆ ಹಿಂದುಸ್ತಾನ್ ಏರೊನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ಚರ್ಚೆ ನಡೆಸುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p><p>‘ನೈಜೀರಿಯಾ ಜೊತೆಗಿನ ಚರ್ಚೆಯು ಈಗ ಆರಂಭಿಕ ಹಂತದಲ್ಲಿದೆ. ಈಜಿಪ್ಟ್ ಮತ್ತು ಅರ್ಜೆಂಟೀನಾ ಜೊತೆಗೆ ಮಾತುಕತೆ ನಡೆದಿದೆ. ಈ ಎರಡೂ ದೇಶಗಳ ಅಧಿಕಾರಿಗಳು ಈ ವರ್ಷದ ಆರಂಭದಲ್ಲಿ ಭಾರತಕ್ಕೆ ಭೇಟಿ ನೀಡಿದ್ದರು’ ಎಂದು ಬೆಂಗಳೂರು ಮೂಲದ ಎಚ್ಎಎಲ್ ತಿಳಿಸಿದೆ.</p><p>‘ಆರಂಭಿಕವಾಗಿ ಅರ್ಜೆಂಟೀನಾಗೆ 15, ಈಜಿಪ್ಟ್ಗೆ 20 ಯುದ್ಧ ವಿಮಾನ ಮಾರುವ ಗುರಿಯಿದೆ. ಉಳಿದಂತೆ ಅಮೆರಿಕ, ಆಸ್ಟ್ರೇಲಿಯಾ, ಇಂಡೊನೇಷಿಯಾ, ಫಿಲಿಪ್ಪೀನ್ಸ್ ಕೂಡಾ ಎಲ್ಸಿಎ ಖರೀದಿಗೆ ಆಸಕ್ತಿ ತೋರಿವೆ’ ಎಂದು ಎಚ್ಎಎಲ್ ಅಧ್ಯಕ್ಷ ಸಿ.ಇ.ಅನಂತಕೃಷ್ಣನ್ ತಿಳಿಸಿದ್ದಾರೆ.</p><p>‘ತೇಜಸ್’ –ಲಘು ಯುದ್ಧ ವಿಮಾನವು ಒಂದೇ ಎಂಜಿನ್ ಅನ್ನು ಅಳವಡಿಸಿರುವ, ಗಂಭೀರ ಸ್ವರೂಪದ ವಾತಾವರಣದಲ್ಲಿಯೂ ಕಾರ್ಯ ನಿರ್ವಹಿಸಬಹುದಾದ ಬಹು ಸಾಮರ್ಥ್ಯದ ಯುದ್ಧ ವಿಮಾನವಾಗಿದೆ ಎಂದು ತಿಳಿಸಿದರು.</p><p>ಈ ಹಿಂದೆ ಎಚ್ಎಎಲ್, 18 ಎಲ್ಸಿಎ ಪೂರೈಸಲು ಮಲೇಷಿಯಾದ ರಕ್ಷಣಾ ಸಚಿವಾಲಯಕ್ಕೆ ಪ್ರಸ್ತಾವ ಸಲ್ಲಿಸಿತ್ತು. ಈ ಸಂಬಂಧ ರಾಯಲ್ ಮಲೇಷಿಯಾ ಏರ್ಫೋರ್ಸ್ ಜಾಗತಿಕ ಟೆಂಡರ್ ಸಲ್ಲಿಸಿತ್ತು. ಅಂತಿಮ ಹಂತದಲ್ಲಿ ಈ ಪ್ರಸ್ತಾಪವು ಎಚ್ಎಎಲ್ ಕೈತಪ್ಪಿತ್ತು.</p><p>ಇದರ ಹೊರತಾಗಿ ಮಿಷನ್ ಕಂಪ್ಯೂಟರ್ಸ್ಗಳು, ದಿಕ್ಸೂಚಿ ಪರಿಕರಗನ್ನು ಜಾಗತಿಕ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಗುರಿ ಹೊಂದಿದೆ. ಜಾಗತಿಕವಾಗಿ ಇದರ ಮಾರುಕಟ್ಟೆಯು 2030ರ ವೇಳೆಗೆ 70 ಬಿಲಿಯನ್ ಡಾಲರ್ಗೆ ಮುಟ್ಟುವ ಸಾಧ್ಯತೆಗಳಿವೆ ಎಂದು ತಿಳಿಸಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ದೇಶೀಯವಾಗಿ ಅಭಿವೃದ್ಧಿಪಡಿಸಲಾಗಿರುವ ‘ತೇಜಸ್ ಎಂಕೆ–1’ ಯುದ್ಧ ವಿಮಾನದ ರಫ್ತು ಕುರಿತಂತೆ ನೈಜೀರಿಯಾ ಸೇರಿದಂತೆ ಮೂರು ರಾಷ್ಟ್ರಗಳ ಜತೆಗೆ ಹಿಂದುಸ್ತಾನ್ ಏರೊನಾಟಿಕ್ಸ್ ಲಿಮಿಟೆಡ್ (ಎಚ್ಎಎಲ್) ಚರ್ಚೆ ನಡೆಸುತ್ತಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.</p><p>‘ನೈಜೀರಿಯಾ ಜೊತೆಗಿನ ಚರ್ಚೆಯು ಈಗ ಆರಂಭಿಕ ಹಂತದಲ್ಲಿದೆ. ಈಜಿಪ್ಟ್ ಮತ್ತು ಅರ್ಜೆಂಟೀನಾ ಜೊತೆಗೆ ಮಾತುಕತೆ ನಡೆದಿದೆ. ಈ ಎರಡೂ ದೇಶಗಳ ಅಧಿಕಾರಿಗಳು ಈ ವರ್ಷದ ಆರಂಭದಲ್ಲಿ ಭಾರತಕ್ಕೆ ಭೇಟಿ ನೀಡಿದ್ದರು’ ಎಂದು ಬೆಂಗಳೂರು ಮೂಲದ ಎಚ್ಎಎಲ್ ತಿಳಿಸಿದೆ.</p><p>‘ಆರಂಭಿಕವಾಗಿ ಅರ್ಜೆಂಟೀನಾಗೆ 15, ಈಜಿಪ್ಟ್ಗೆ 20 ಯುದ್ಧ ವಿಮಾನ ಮಾರುವ ಗುರಿಯಿದೆ. ಉಳಿದಂತೆ ಅಮೆರಿಕ, ಆಸ್ಟ್ರೇಲಿಯಾ, ಇಂಡೊನೇಷಿಯಾ, ಫಿಲಿಪ್ಪೀನ್ಸ್ ಕೂಡಾ ಎಲ್ಸಿಎ ಖರೀದಿಗೆ ಆಸಕ್ತಿ ತೋರಿವೆ’ ಎಂದು ಎಚ್ಎಎಲ್ ಅಧ್ಯಕ್ಷ ಸಿ.ಇ.ಅನಂತಕೃಷ್ಣನ್ ತಿಳಿಸಿದ್ದಾರೆ.</p><p>‘ತೇಜಸ್’ –ಲಘು ಯುದ್ಧ ವಿಮಾನವು ಒಂದೇ ಎಂಜಿನ್ ಅನ್ನು ಅಳವಡಿಸಿರುವ, ಗಂಭೀರ ಸ್ವರೂಪದ ವಾತಾವರಣದಲ್ಲಿಯೂ ಕಾರ್ಯ ನಿರ್ವಹಿಸಬಹುದಾದ ಬಹು ಸಾಮರ್ಥ್ಯದ ಯುದ್ಧ ವಿಮಾನವಾಗಿದೆ ಎಂದು ತಿಳಿಸಿದರು.</p><p>ಈ ಹಿಂದೆ ಎಚ್ಎಎಲ್, 18 ಎಲ್ಸಿಎ ಪೂರೈಸಲು ಮಲೇಷಿಯಾದ ರಕ್ಷಣಾ ಸಚಿವಾಲಯಕ್ಕೆ ಪ್ರಸ್ತಾವ ಸಲ್ಲಿಸಿತ್ತು. ಈ ಸಂಬಂಧ ರಾಯಲ್ ಮಲೇಷಿಯಾ ಏರ್ಫೋರ್ಸ್ ಜಾಗತಿಕ ಟೆಂಡರ್ ಸಲ್ಲಿಸಿತ್ತು. ಅಂತಿಮ ಹಂತದಲ್ಲಿ ಈ ಪ್ರಸ್ತಾಪವು ಎಚ್ಎಎಲ್ ಕೈತಪ್ಪಿತ್ತು.</p><p>ಇದರ ಹೊರತಾಗಿ ಮಿಷನ್ ಕಂಪ್ಯೂಟರ್ಸ್ಗಳು, ದಿಕ್ಸೂಚಿ ಪರಿಕರಗನ್ನು ಜಾಗತಿಕ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಗುರಿ ಹೊಂದಿದೆ. ಜಾಗತಿಕವಾಗಿ ಇದರ ಮಾರುಕಟ್ಟೆಯು 2030ರ ವೇಳೆಗೆ 70 ಬಿಲಿಯನ್ ಡಾಲರ್ಗೆ ಮುಟ್ಟುವ ಸಾಧ್ಯತೆಗಳಿವೆ ಎಂದು ತಿಳಿಸಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
