ಜಾರ್ಖಂಡ್ ಚುನಾವಣೆ: ‘ಇಂಡಿಯಾ’ದಿಂದ 7 ‘ಗ್ಯಾರಂಟಿ’ಗಳ ಪ್ರಣಾಳಿಕೆ ಬಿಡುಗಡೆ

ಜೆಎಂಎಂ ಆಗ್ರಹ ರಾಷ್ಟ್ರಪತಿಗೆ ಪತ್ರ ರಾಂಚಿ (ಪಿಟಿಐ): ಜಾರ್ಖಂಡ್ ವಿಧಾನಸಭೆ ಚುನಾವಣೆಯಲ್ಲಿ ಪಕ್ಷಗಳ ತಾರಾ ಪ್ರಚಾರಕರಿಗೆ ಸಮಾನ ಅವಕಾಶ ಕಲ್ಪಿಸಬೇಕು ಎಂದು ಜಾರ್ಖಂಡ್ ಮುಕ್ತಿ ಮೋರ್ಚಾ (ಜೆಎಂಎಂ) ಒತ್ತಾಯಿಸಿದ್ದು ಈ ವಿಷಯದಲ್ಲಿ ಮಧ್ಯಪ್ರವೇಶಿಸಬೇಕು ಎಂದು ರಾಷ್ಟ್ರ‍ಪತಿ ದ್ರೌಪದಿ ಮುರ್ಮು ಅವರಿಗೆ ಆಗ್ರಹಪಡಿಸಿದೆ. ನವೆಂಬರ್ 4ರಂದು ಪ್ರಧಾನಿ ನರೇಂದ್ರ ಮೋದಿ ಅವರ ರಾಜ್ಯಪ್ರವಾಸದ ಸಂದರ್ಭದಲ್ಲಿ ಮುಖ್ಯಮಂತ್ರಿ ಪ್ರಯಾಣಿಸಬೇಕಿದ್ದ ಹೆಲಿಕಾಪ್ಟರ್ ಅನ್ನು ಒಂದು ಗಂಟೆ ತಡೆಯಲಾಗಿತ್ತು ಎಂದು ಆರೋಪಿಸಿದೆ. ಪಕ್ಷದ ತಾರಾ ಪ್ರಚಾರಕ ಹೇಮಂತ್ ಸೊರೇನ್ ಅವರು ಸಿಮಡೆಗಾದಲ್ಲಿ ಪ್ರಚಾರ ನಡೆಸಬೇಕಿತ್ತು. ಚಾಯಿಬಸದಲ್ಲಿ ಪ್ರಧಾನಿ ಪ್ರಚಾರ ನಡೆಸುವವರಿದ್ದರು. ಉಭಯ ಸ್ಥಳಗಳ ಅಂತರ 80 ಕಿ.ಮೀ ಆಗಿತ್ತು. ಸೊರೇನ್ ಅವರ ಭೇಟಿಗೆ ಚುನಾವಣಾ ಆಯೋಗವೂ ಅನುಮತಿ ನೀಡಿತ್ತು. ಆದರೆ ಶಿಷ್ಟಾಚಾರದ ನೆಪವೊಡ್ಡಿದ ಅಧಿಕಾರಿಗಳು ಸೊರೇನ್‌ ಇದ್ದ ಹೆಲಿಕಾಪ್ಟರ್‌ ಹಾರಾಟಕ್ಕೆ ಅವಕಾಶ ನೀಡಲಿಲ್ಲ ಎಂದು ಪಕ್ಷದ ನಾಯಕ ಸುಪ್ರಿಯೊ ಭಟ್ಟಾಚಾರ್ಯ ರಾಷ್ಟ್ರಪತಿಗೆ ಬರೆದ ಪತ್ರದಲ್ಲಿ ವಿವರಿಸಿದ್ದಾರೆ.

ರಾಂಚಿ: ಜೆಎಂಎಂ ನೇತೃತ್ವದ ಮೈತ್ರಿ‍ ಜೋಡಿಸಿದ ಪಟಾಕಿಗಳಾಗಿದೆ. ಬಿಜೆಪಿ ಶಕ್ತಿಯತ ರಾಕೆಟ್ ಆಗಿದ್ದು ಜಾರ್ಖಂಡ್ ಅನ್ನು ಹೊಸ ಎತ್ತರಕ್ಕೆ ಒಯ್ಯಲಿದೆ ಎಂದು ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಹೇಳಿದ್ದಾರೆ. ಹಟಿಯಾದಲ್ಲಿ ಪಕ್ಷದ ಚುನಾವಣಾ ಪ್ರಚಾರ ಸಭೆಯಲ್ಲಿ ಮಾತನಾಡಿದ ಅವರು ಹೇಮಂತ್ ಸೊರೇನ್‌ ಹೆಸರು ಅನುಮೋದಿಸಿದ್ದ ಮಂಡಲ್ ಮುರ್ಮು ಅವರೇ ಮುಳುಗುತ್ತಿರುವ ಹಡಗು ‘ಜೆಎಂಎಂ’ ಬಿಟ್ಟು ಬಿಜೆಪಿ ಸೇರಿದ ಬಳಿಕ ರಾಜ್ಯದಲ್ಲಿ ಯಾವ ಪಕ್ಷ ಸರ್ಕಾರ ರಚಿಸಲಿದೆ ಎಂಬುದು ಸ್ಪಷ್ಟವಾಗಿದೆ ಎಂದರು. ಜೆಎಂಎಂ ನೇತೃತ್ವದ ಸರ್ಕಾರ ರಾಜ್ಯದಲ್ಲಿ ಬುಡಕಟ್ಟು ಸಮುದಾಯದವರ ರಕ್ತ ಹೀರುತ್ತಿದ್ದು ಅವರ ಹಿತಾಸಕ್ತಿಗೆ ವಿರುದ್ಧವಾಗಿ ಕಾರ್ಯನಿರ್ವಹಿಸುತ್ತಿದೆ ಎಂದರು.