<p><strong>ಕೊಚ್ಚಿ:</strong> ಭಾರತೀಯ ಬಾಹ್ಯಾಕಾಶ ಉದ್ಯಮವು ಖಾಸಗಿ ವಲಯಕ್ಕೆ ಹೆಚ್ಚಿನ ಉತ್ತೇಜನ ನೀಡುತ್ತಿದೆ. ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೊ) ಅಭಿವೃದ್ಧಿಪಡಿಸಿರುವ ತಂತ್ರಜ್ಞಾನದ ಅನುಕೂಲವನ್ನು ಸುಮಾರು 400 ಖಾಸಗಿ ಸಂಸ್ಥೆಗಳು ಪಡೆಯುತ್ತಿವೆ ಎಂದು ಇಸ್ರೊ ಮುಖ್ಯಸ್ಥ ಎಸ್. ಸೋಮನಾಥ್ ಅವರು ಶನಿವಾರ ಹೇಳಿದರು.</p>.<p>ನೆಸ್ಟ್ ಗ್ರೂಪ್ ಸಂಸ್ಥೆಯ ಎಸ್ಎಫ್ಒ ಟೆಕ್ನಾಲಜೀಸ್ನ ‘ಇಂಗಾಲ ಪ್ರಮಾಣ ತಗ್ಗಿಸುವ ಕಾರ್ಯಯೋಜನೆ’ಯನ್ನು ಅನಾವರಣ ಮಾಡಿ ಅವರು ಹೀಗೆ ಹೇಳಿದರು ಎಂದು ಸಂಸ್ಥೆಯ ಪ್ರಕಟಣೆಯಲ್ಲಿ ಹೇಳಲಾಗಿದೆ. </p>.<p>‘ಬಾಹ್ಯಾಕಾಶ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಭಾರತ ಸರ್ಕಾರವು ಕೈಗೊಂಡಿರುವ ಹೊಸ ನೀತಿಗಳ ಲಾಭ ಪಡೆದುಕೊಳ್ಳಲು ಎಸ್ಎಫ್ಒ ಟೆಕ್ನಾಲಜೀಸ್ನಂಥ ಸಂಸ್ಥೆಗಳು ಸನ್ನದ್ಧವಾಗಿವೆ’ ಎಂದು ಸೋಮನಾಥ್ ಹೇಳಿದರು.</p>.<p>ಇದೇ ವೇಳೆ ಸೋಮನಾಥ್ ಅವರು ನೆಸ್ಟ್ ಹೈಟೆಕ್ ಪಾರ್ಕ್ ಆವರಣದಲ್ಲಿ ಸಸಿ ನೆಟ್ಟರು. ಎಸ್ಎಫ್ಒ ಟೆಕ್ನಾಲಜೀಸ್ ಸಂಸ್ಥೆಯು ಇಸ್ರೊಗೆ ನೀಡಿರುವ ಸಹಕಾರದ ಸ್ಮರಣಾರ್ಥವಾಗಿ ‘ಚಂದ್ರಯಾನ’ದ ಪ್ರತಿಕೃತಿಯನ್ನು ಬಿಡುಗಡೆ ಮಾಡಿದರು. ಆ ಬಳಿಕ, ನೆಸ್ಟ್ ಸಂಸ್ಥೆಯ ಉದ್ಯೋಗಿಗಳ ಜೊತೆ ಸಂವಾದ ನಡೆಸಿದರು. </p>.<p>ಇಂಗಾಲ ಪ್ರಮಾಣ ತಗ್ಗಿಸುವ ಕಾರ್ಯಯೋಜನೆಯನ್ನು ನೆಸ್ಟ್ ಸಂಸ್ಥೆಯು ವಿಶ್ವಸಂಸ್ಥೆಯ ಸಹಯೋಗದಲ್ಲಿ ಆರಂಭಿಸಿದೆ. 2035ರ ಒಳಗೆ ಶೇ 50ರಷ್ಟು ಇಂಗಾಲ ಪ್ರಮಾಣ ತಗ್ಗಿಸುವ ಮತ್ತು 2040ರ ಒಳಗೆ ಶೂನ್ಯ ಇಂಗಾಲ ಸೂಸುವಿಕೆ ಸಾಧಿಸುವ ಗುರಿಯನ್ನು ಈ ಯೋಜನೆ ಹೊಂದಿದೆ.</p>.<p>ಎಸ್ಎಫ್ಒ ಟೆಕ್ನಾಲಜೀಸ್ ಸಂಸ್ಥೆಯು ಇಸ್ರೊ ಜೊತೆ ಹಲವು ವರ್ಷಗಳ ಸಹಯೋಗ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೊಚ್ಚಿ:</strong> ಭಾರತೀಯ ಬಾಹ್ಯಾಕಾಶ ಉದ್ಯಮವು ಖಾಸಗಿ ವಲಯಕ್ಕೆ ಹೆಚ್ಚಿನ ಉತ್ತೇಜನ ನೀಡುತ್ತಿದೆ. ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೊ) ಅಭಿವೃದ್ಧಿಪಡಿಸಿರುವ ತಂತ್ರಜ್ಞಾನದ ಅನುಕೂಲವನ್ನು ಸುಮಾರು 400 ಖಾಸಗಿ ಸಂಸ್ಥೆಗಳು ಪಡೆಯುತ್ತಿವೆ ಎಂದು ಇಸ್ರೊ ಮುಖ್ಯಸ್ಥ ಎಸ್. ಸೋಮನಾಥ್ ಅವರು ಶನಿವಾರ ಹೇಳಿದರು.</p>.<p>ನೆಸ್ಟ್ ಗ್ರೂಪ್ ಸಂಸ್ಥೆಯ ಎಸ್ಎಫ್ಒ ಟೆಕ್ನಾಲಜೀಸ್ನ ‘ಇಂಗಾಲ ಪ್ರಮಾಣ ತಗ್ಗಿಸುವ ಕಾರ್ಯಯೋಜನೆ’ಯನ್ನು ಅನಾವರಣ ಮಾಡಿ ಅವರು ಹೀಗೆ ಹೇಳಿದರು ಎಂದು ಸಂಸ್ಥೆಯ ಪ್ರಕಟಣೆಯಲ್ಲಿ ಹೇಳಲಾಗಿದೆ. </p>.<p>‘ಬಾಹ್ಯಾಕಾಶ ಕ್ಷೇತ್ರಕ್ಕೆ ಸಂಬಂಧಿಸಿದಂತೆ ಭಾರತ ಸರ್ಕಾರವು ಕೈಗೊಂಡಿರುವ ಹೊಸ ನೀತಿಗಳ ಲಾಭ ಪಡೆದುಕೊಳ್ಳಲು ಎಸ್ಎಫ್ಒ ಟೆಕ್ನಾಲಜೀಸ್ನಂಥ ಸಂಸ್ಥೆಗಳು ಸನ್ನದ್ಧವಾಗಿವೆ’ ಎಂದು ಸೋಮನಾಥ್ ಹೇಳಿದರು.</p>.<p>ಇದೇ ವೇಳೆ ಸೋಮನಾಥ್ ಅವರು ನೆಸ್ಟ್ ಹೈಟೆಕ್ ಪಾರ್ಕ್ ಆವರಣದಲ್ಲಿ ಸಸಿ ನೆಟ್ಟರು. ಎಸ್ಎಫ್ಒ ಟೆಕ್ನಾಲಜೀಸ್ ಸಂಸ್ಥೆಯು ಇಸ್ರೊಗೆ ನೀಡಿರುವ ಸಹಕಾರದ ಸ್ಮರಣಾರ್ಥವಾಗಿ ‘ಚಂದ್ರಯಾನ’ದ ಪ್ರತಿಕೃತಿಯನ್ನು ಬಿಡುಗಡೆ ಮಾಡಿದರು. ಆ ಬಳಿಕ, ನೆಸ್ಟ್ ಸಂಸ್ಥೆಯ ಉದ್ಯೋಗಿಗಳ ಜೊತೆ ಸಂವಾದ ನಡೆಸಿದರು. </p>.<p>ಇಂಗಾಲ ಪ್ರಮಾಣ ತಗ್ಗಿಸುವ ಕಾರ್ಯಯೋಜನೆಯನ್ನು ನೆಸ್ಟ್ ಸಂಸ್ಥೆಯು ವಿಶ್ವಸಂಸ್ಥೆಯ ಸಹಯೋಗದಲ್ಲಿ ಆರಂಭಿಸಿದೆ. 2035ರ ಒಳಗೆ ಶೇ 50ರಷ್ಟು ಇಂಗಾಲ ಪ್ರಮಾಣ ತಗ್ಗಿಸುವ ಮತ್ತು 2040ರ ಒಳಗೆ ಶೂನ್ಯ ಇಂಗಾಲ ಸೂಸುವಿಕೆ ಸಾಧಿಸುವ ಗುರಿಯನ್ನು ಈ ಯೋಜನೆ ಹೊಂದಿದೆ.</p>.<p>ಎಸ್ಎಫ್ಒ ಟೆಕ್ನಾಲಜೀಸ್ ಸಂಸ್ಥೆಯು ಇಸ್ರೊ ಜೊತೆ ಹಲವು ವರ್ಷಗಳ ಸಹಯೋಗ ಹೊಂದಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
