<p><strong>ಅಮರಾವತಿ:</strong> ಆಂಧ್ರ ಪ್ರದೇಶದ ಮುಖ್ಯಮಂತ್ರಿ ವೈ.ಎಸ್. ಜಗನ್ಮೋಹನ್ ರೆಡ್ಡಿ ಅವರ ಅಧಿಕೃತ ನಿವಾಸಕ್ಕೆ ಅಲ್ಯುಮಿನಿಯಂ ಕಿಟಕಿ, ಬಾಗಿಲು ಇತ್ಯಾದಿ ಕೂರಿಸಲು ₹ 73 ಲಕ್ಷ ನೀಡಿರುವುದು ವಿವಾದಕ್ಕೆ ಕಾರಣವಾಗಿದೆ. ವಿರೋಧ ಪಕ್ಷಗಳು ಮತ್ತು ಜನರು ಈ ಕ್ರಮದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p>.<p>ಮುಖ್ಯಮಂತ್ರಿಯ ಅಧಿಕೃತ ನಿವಾಸಕ್ಕೆ ಭಾರಿ ಭದ್ರತೆ ಇದೆ. ಗುಂಟೂರು ಜಿಲ್ಲೆಯ ತಾಡೇಪಲ್ಲಿಯಲ್ಲಿರುವ ಈ ಮನೆಯನ್ನು ಫೆಬ್ರುವರಿ 27ರಂದು ಉದ್ಘಾಟನೆ ಮಾಡಲಾಗಿತ್ತು.</p>.<p>ಮೇ 30ರಂದು ಜಗನ್ ಅವರು ಆಂಧ್ರ ಪ್ರದೇಶದ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ್ದರು. ಈಗ ಅವರು ಕುಟುಂಬದ ಜತೆಗೆ ತಾಡೇಪಲ್ಲಿ ನಿವಾಸದಲ್ಲಿ ನೆಲೆಸಿದ್ದಾರೆ. ಕಳೆದ ಆರು ತಿಂಗಳ ಅವಧಿಯಲ್ಲಿ ಈ ನಿವಾಸದಲ್ಲಿ ಹಲವು ಮಾರ್ಪಾಡುಗಳನ್ನು ಮಾಡಲಾಗಿದೆ. ಭದ್ರತೆ ಮತ್ತು ಅನುಕೂಲದ ಕಾರಣಕ್ಕಾಗಿ ಈ ಮಾರ್ಪಾಡುಗಳು ನಡೆದಿವೆ.</p>.<p>ಈ ಎಲ್ಲ ಮಾರ್ಪಾಡುಗಳಿಗೆ ಸರ್ಕಾರದ ಬೊಕ್ಕಸದಿಂದಲೇ ಹಣ ಪಾವತಿಯಾಗಿದೆ. ಕಿಟಕಿ, ಬಾಗಿಲು ಮತ್ತು ಇತರ ಸಾಧನಗಳ ಅಳವಡಿಕೆಗೆ ರಾಜ್ಯದ ರಸ್ತೆ ಮತ್ತು ಕಟ್ಟಡ ಇಲಾಖೆಯು ಅಕ್ಟೋಬರ್ 15ರಂದು ₹ 73 ಲಕ್ಷ ಹಣ ಪಾವತಿಸಿದೆ.</p>.<p>ಕಿಟಕಿಗಳಿಗಾಗಿಯೇ ₹ 73 ಲಕ್ಷ ವೆಚ್ಚ ಮಾಡುವ ಬದಲು ಮುಖ್ಯಮಂತ್ರಿ ಹೊಸ ಮನೆಯನ್ನೇ ಕಟ್ಟಿಸಬಹುದಿತ್ತು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ ವ್ಯಕ್ತವಾಗಿದೆ. ಕಿಟಕಿಗಳಿಗೆ ಕೆಲವೇ ಸಾವಿರ ರೂಪಾಯಿಗಳಿಗಿಂತ ಹೆಚ್ಚು ವೆಚ್ಚವಾಗುವ ಸಾಧ್ಯತೆ ಇಲ್ಲವೇ ಇಲ್ಲ. ಎಲ್ಲ ರೀತಿಯಲ್ಲಿಯೂ ಪೂರ್ಣಗೊಂಡಿರುವ ಮನೆಗೆ ಮತ್ತೆ ಈ ರೀತಿಯಲ್ಲಿ ಖರ್ಚು ಮಾಡುವುದು ತೆರಿಗೆದಾರರ ಹಣದ ಪೋಲು ಅಲ್ಲದೆ ಬೇರೇನಲ್ಲ ಎಂದು ಜಾಲತಾಣಗಳಲ್ಲಿ ಹೇಳಲಾಗಿದೆ.</p>.<p>ಮುಖ್ಯಮಂತ್ರಿ ನಿವಾಸದಲ್ಲಿ ಹೆಲಿಪ್ಯಾಡ್ ನಿರ್ಮಾಣಕ್ಕಾಗಿ ಜೂನ್ 26ರಂದು ರಾಜ್ಯ ಸರ್ಕಾರವು ₹ 1.89 ಕೋಟಿ ಮಂಜೂರು ಮಾಡಿದೆ. ಮುಖ್ಯಮಂತ್ರಿಯ ತಾಡೇಪಲ್ಲಿ ನಿವಾಸಕ್ಕೆ ಹೋಗುವ ರವೀಂದ್ರಪಾಡು–ಸೀತಾನಗರಂ ರಸ್ತೆಯನ್ನು ಅಗಲ ಮತ್ತು ಗಟ್ಟಿ ಮಾಡಲು ಜೂನ್ 25ರಂದು ₹ 5 ಕೋಟಿ ಬಿಡುಗಡೆ ಮಾಡಲಾಗಿದೆ.</p>.<p>ನಾಯ್ಡು ಅವರ ಟೀಕೆಗೆ ಜಗನ್ ನೇತೃತ್ವದ ವೈಎಸ್ಆರ್ ಕಾಂಗ್ರೆಸ್ ಪಕ್ಷವು ತಿರುಗೇಟು ನೀಡಿದೆ. ನಾಯ್ಡು ಅವರು ಮುಖ್ಯಮಂತ್ರಿಯಾಗಿದ್ದಾಗ ತಮ್ಮ ಕಚೇರಿಯನ್ನು ಆಗಾಗ ಬದಲಾಯಿಸಲು ಮತ್ತು ನವೀಕರಿಸಲು ₹ 80 ಕೋಟಿ ವೆಚ್ಚ ಮಾಡಿದ್ದನ್ನು ಮರೆಯಬಾರದು ಎಂದು ವೈಎಸ್ಆರ್ ಕಾಂಗ್ರೆಸ್ ಹೇಳಿದೆ.</p>.<p>ಆಂಧ್ರ ಪ್ರದೇಶವು ವಿಭಜನೆ ಗೊಂಡಾಗ ನಾಯ್ಡು ಅವರು ರಾಜಭವನ ರಸ್ತೆಯ ದಿಲ್ಕುಶಾ ಅತಿಥಿಗೃಹದಿಂದ ಕಾರ್ಯನಿರ್ವಹಿಸಿದ್ದರು. ಬಳಿಕ, ಅವರು ತೆಲಂಗಾಣ ವಿಧಾನಸಭಾ ಸಚಿವಾಲಯಕ್ಕೆ ಕಾರ್ಯಾಚರಣೆಯನ್ನು ಸ್ಥಳಾಂತರಿಸಿದರು.</p>.<p>ಅಲ್ಲಿ ಎರಡು ಕಚೇರಿಗಳನ್ನು ನಾಯ್ಡು ಅವರಿಗಾಗಿ ಸಿದ್ಧಪಡಿಸಲಾಗಿತ್ತು. ನಂತರ ಇದನ್ನು ತೊರೆದು ಅವರು ಅಮರಾವತಿಗೆ ಹೋದರು. ರಾಜಧಾನಿಯು ಹೈದರಾಬಾದ್ನಿಂದ ಅಮರಾವತಿಗೆ ಸ್ಥಳಾಂತರಗೊಂಡ ಸಂದರ್ಭದಲ್ಲಿ ವಿಜಯವಾಡದಲ್ಲಿದ್ದ ಮುಖ್ಯಮಂತ್ರಿ ಕಚೇರಿಯು ಈಗ ರಾಜಭವನವಾಗಿದೆ.</p>.<p><strong>ನಾಯ್ಡು ಟ್ವೀಟ್</strong><br />ಜಗನ್ ಅವರ ಮನೆಯ ಕಿಟಕಿ ಸರಿಮಾಡಲು ಸರ್ಕಾರದಿಂದ ₹ 73 ಲಕ್ಷ ಮಂಜೂರಾಗಿದೆ. ಸರ್ಕಾರದ ಬೊಕ್ಕಸದ ವೆಚ್ಚದಲ್ಲಿ ಕಿಟಕಿಯಾಚೆಗಿನ ದುಬಾರಿ ನೋಟ ಇದು. ಐದು ತಿಂಗಳಲ್ಲಿನ ದುರಾಡಳಿತದಿಂದಾಗಿ ಆಂಧ್ರದ ಆರ್ಥಿಕ ಸ್ಥಿತಿಯೇ ಗೋಜಲಯಮಯವಾಗಿರುವ ಸಂದರ್ಭದಲ್ಲಿ ಇಂತಹ ವೆಚ್ಚ!<br /><em><strong>-ಚಂದ್ರಬಾಬು ನಾಯ್ಡು, ವಿರೋಧ ಪಕ್ಷದ ನಾಯಕ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಮರಾವತಿ:</strong> ಆಂಧ್ರ ಪ್ರದೇಶದ ಮುಖ್ಯಮಂತ್ರಿ ವೈ.ಎಸ್. ಜಗನ್ಮೋಹನ್ ರೆಡ್ಡಿ ಅವರ ಅಧಿಕೃತ ನಿವಾಸಕ್ಕೆ ಅಲ್ಯುಮಿನಿಯಂ ಕಿಟಕಿ, ಬಾಗಿಲು ಇತ್ಯಾದಿ ಕೂರಿಸಲು ₹ 73 ಲಕ್ಷ ನೀಡಿರುವುದು ವಿವಾದಕ್ಕೆ ಕಾರಣವಾಗಿದೆ. ವಿರೋಧ ಪಕ್ಷಗಳು ಮತ್ತು ಜನರು ಈ ಕ್ರಮದ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.</p>.<p>ಮುಖ್ಯಮಂತ್ರಿಯ ಅಧಿಕೃತ ನಿವಾಸಕ್ಕೆ ಭಾರಿ ಭದ್ರತೆ ಇದೆ. ಗುಂಟೂರು ಜಿಲ್ಲೆಯ ತಾಡೇಪಲ್ಲಿಯಲ್ಲಿರುವ ಈ ಮನೆಯನ್ನು ಫೆಬ್ರುವರಿ 27ರಂದು ಉದ್ಘಾಟನೆ ಮಾಡಲಾಗಿತ್ತು.</p>.<p>ಮೇ 30ರಂದು ಜಗನ್ ಅವರು ಆಂಧ್ರ ಪ್ರದೇಶದ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ್ದರು. ಈಗ ಅವರು ಕುಟುಂಬದ ಜತೆಗೆ ತಾಡೇಪಲ್ಲಿ ನಿವಾಸದಲ್ಲಿ ನೆಲೆಸಿದ್ದಾರೆ. ಕಳೆದ ಆರು ತಿಂಗಳ ಅವಧಿಯಲ್ಲಿ ಈ ನಿವಾಸದಲ್ಲಿ ಹಲವು ಮಾರ್ಪಾಡುಗಳನ್ನು ಮಾಡಲಾಗಿದೆ. ಭದ್ರತೆ ಮತ್ತು ಅನುಕೂಲದ ಕಾರಣಕ್ಕಾಗಿ ಈ ಮಾರ್ಪಾಡುಗಳು ನಡೆದಿವೆ.</p>.<p>ಈ ಎಲ್ಲ ಮಾರ್ಪಾಡುಗಳಿಗೆ ಸರ್ಕಾರದ ಬೊಕ್ಕಸದಿಂದಲೇ ಹಣ ಪಾವತಿಯಾಗಿದೆ. ಕಿಟಕಿ, ಬಾಗಿಲು ಮತ್ತು ಇತರ ಸಾಧನಗಳ ಅಳವಡಿಕೆಗೆ ರಾಜ್ಯದ ರಸ್ತೆ ಮತ್ತು ಕಟ್ಟಡ ಇಲಾಖೆಯು ಅಕ್ಟೋಬರ್ 15ರಂದು ₹ 73 ಲಕ್ಷ ಹಣ ಪಾವತಿಸಿದೆ.</p>.<p>ಕಿಟಕಿಗಳಿಗಾಗಿಯೇ ₹ 73 ಲಕ್ಷ ವೆಚ್ಚ ಮಾಡುವ ಬದಲು ಮುಖ್ಯಮಂತ್ರಿ ಹೊಸ ಮನೆಯನ್ನೇ ಕಟ್ಟಿಸಬಹುದಿತ್ತು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಟೀಕೆ ವ್ಯಕ್ತವಾಗಿದೆ. ಕಿಟಕಿಗಳಿಗೆ ಕೆಲವೇ ಸಾವಿರ ರೂಪಾಯಿಗಳಿಗಿಂತ ಹೆಚ್ಚು ವೆಚ್ಚವಾಗುವ ಸಾಧ್ಯತೆ ಇಲ್ಲವೇ ಇಲ್ಲ. ಎಲ್ಲ ರೀತಿಯಲ್ಲಿಯೂ ಪೂರ್ಣಗೊಂಡಿರುವ ಮನೆಗೆ ಮತ್ತೆ ಈ ರೀತಿಯಲ್ಲಿ ಖರ್ಚು ಮಾಡುವುದು ತೆರಿಗೆದಾರರ ಹಣದ ಪೋಲು ಅಲ್ಲದೆ ಬೇರೇನಲ್ಲ ಎಂದು ಜಾಲತಾಣಗಳಲ್ಲಿ ಹೇಳಲಾಗಿದೆ.</p>.<p>ಮುಖ್ಯಮಂತ್ರಿ ನಿವಾಸದಲ್ಲಿ ಹೆಲಿಪ್ಯಾಡ್ ನಿರ್ಮಾಣಕ್ಕಾಗಿ ಜೂನ್ 26ರಂದು ರಾಜ್ಯ ಸರ್ಕಾರವು ₹ 1.89 ಕೋಟಿ ಮಂಜೂರು ಮಾಡಿದೆ. ಮುಖ್ಯಮಂತ್ರಿಯ ತಾಡೇಪಲ್ಲಿ ನಿವಾಸಕ್ಕೆ ಹೋಗುವ ರವೀಂದ್ರಪಾಡು–ಸೀತಾನಗರಂ ರಸ್ತೆಯನ್ನು ಅಗಲ ಮತ್ತು ಗಟ್ಟಿ ಮಾಡಲು ಜೂನ್ 25ರಂದು ₹ 5 ಕೋಟಿ ಬಿಡುಗಡೆ ಮಾಡಲಾಗಿದೆ.</p>.<p>ನಾಯ್ಡು ಅವರ ಟೀಕೆಗೆ ಜಗನ್ ನೇತೃತ್ವದ ವೈಎಸ್ಆರ್ ಕಾಂಗ್ರೆಸ್ ಪಕ್ಷವು ತಿರುಗೇಟು ನೀಡಿದೆ. ನಾಯ್ಡು ಅವರು ಮುಖ್ಯಮಂತ್ರಿಯಾಗಿದ್ದಾಗ ತಮ್ಮ ಕಚೇರಿಯನ್ನು ಆಗಾಗ ಬದಲಾಯಿಸಲು ಮತ್ತು ನವೀಕರಿಸಲು ₹ 80 ಕೋಟಿ ವೆಚ್ಚ ಮಾಡಿದ್ದನ್ನು ಮರೆಯಬಾರದು ಎಂದು ವೈಎಸ್ಆರ್ ಕಾಂಗ್ರೆಸ್ ಹೇಳಿದೆ.</p>.<p>ಆಂಧ್ರ ಪ್ರದೇಶವು ವಿಭಜನೆ ಗೊಂಡಾಗ ನಾಯ್ಡು ಅವರು ರಾಜಭವನ ರಸ್ತೆಯ ದಿಲ್ಕುಶಾ ಅತಿಥಿಗೃಹದಿಂದ ಕಾರ್ಯನಿರ್ವಹಿಸಿದ್ದರು. ಬಳಿಕ, ಅವರು ತೆಲಂಗಾಣ ವಿಧಾನಸಭಾ ಸಚಿವಾಲಯಕ್ಕೆ ಕಾರ್ಯಾಚರಣೆಯನ್ನು ಸ್ಥಳಾಂತರಿಸಿದರು.</p>.<p>ಅಲ್ಲಿ ಎರಡು ಕಚೇರಿಗಳನ್ನು ನಾಯ್ಡು ಅವರಿಗಾಗಿ ಸಿದ್ಧಪಡಿಸಲಾಗಿತ್ತು. ನಂತರ ಇದನ್ನು ತೊರೆದು ಅವರು ಅಮರಾವತಿಗೆ ಹೋದರು. ರಾಜಧಾನಿಯು ಹೈದರಾಬಾದ್ನಿಂದ ಅಮರಾವತಿಗೆ ಸ್ಥಳಾಂತರಗೊಂಡ ಸಂದರ್ಭದಲ್ಲಿ ವಿಜಯವಾಡದಲ್ಲಿದ್ದ ಮುಖ್ಯಮಂತ್ರಿ ಕಚೇರಿಯು ಈಗ ರಾಜಭವನವಾಗಿದೆ.</p>.<p><strong>ನಾಯ್ಡು ಟ್ವೀಟ್</strong><br />ಜಗನ್ ಅವರ ಮನೆಯ ಕಿಟಕಿ ಸರಿಮಾಡಲು ಸರ್ಕಾರದಿಂದ ₹ 73 ಲಕ್ಷ ಮಂಜೂರಾಗಿದೆ. ಸರ್ಕಾರದ ಬೊಕ್ಕಸದ ವೆಚ್ಚದಲ್ಲಿ ಕಿಟಕಿಯಾಚೆಗಿನ ದುಬಾರಿ ನೋಟ ಇದು. ಐದು ತಿಂಗಳಲ್ಲಿನ ದುರಾಡಳಿತದಿಂದಾಗಿ ಆಂಧ್ರದ ಆರ್ಥಿಕ ಸ್ಥಿತಿಯೇ ಗೋಜಲಯಮಯವಾಗಿರುವ ಸಂದರ್ಭದಲ್ಲಿ ಇಂತಹ ವೆಚ್ಚ!<br /><em><strong>-ಚಂದ್ರಬಾಬು ನಾಯ್ಡು, ವಿರೋಧ ಪಕ್ಷದ ನಾಯಕ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
