ಪುನರಾರಂಭವಾಗದ ಬಿಜೆಪಿ ಜಾಲತಾಣ

ನವದೆಹಲಿ: ಹ್ಯಾಕರ್ಗಳ ದಾಳಿಗೆ ತುತ್ತಾಗಿ 15 ದಿನ ಕಳೆದರೂ ಬಿಜೆಪಿಯ ಅಧಿಕೃತ ಜಾಲತಾಣ ಇನ್ನೂ ಕಾರ್ಯನಿರ್ವಹಿಸುತ್ತಿಲ್ಲ.

. ಬಿಜೆಪಿ ಜಾಲತಾಣದ ಪುಟದಲ್ಲಿ ‘ನಾವು ಶೀಘ್ರದಲ್ಲೇ ಹಿಂತಿರುಗುತ್ತೇವೆ’ ಮತ್ತು ‘ಅಡಚಣೆಗಾಗಿ ವಿಷಾದಿಸುತ್ತೇವೆ. ನಿರ್ವಹಣಾ ಕಾರ್ಯಕ್ಕಾಗಿ ಜಾಲತಾಣ ವನ್ನು ಸ್ಥಗಿತಗೊಳಿಸಲಾಗಿದೆ. ನಾವು ಶೀಘ್ರದಲ್ಲೇ ಆನ್ಲೈನ್ಗೆ ಹಿಂತಿರುಗುತ್ತೇವೆ’ ಎಂಬ ಸಂದೇಶ ಬಿತ್ತರವಾಗುತ್ತಿದೆ.

. ಈ ಬಗ್ಗೆ ಮಾಹಿತಿ ನೀಡುವಂತೆ ಕಳುಹಿಸಿದ ಸಂದೇಶಕ್ಕೆ ಬಿಜೆಪಿಯ ಮಾಹಿತಿ ತಂತ್ರಜ್ಞಾನ ಘಟಕದ ಮುಖ್ಯಸ್ಥ ಅಮಿತ್ ಮಾಳವೀಯ ಅವರಿಂದ ಯಾವುದೇ ಪ್ರತಿಕ್ರಿಯೆ ಬಂದಿಲ್ಲ.

. ಮಾರ್ಚ್ 5ರಂದು ಬಿಜೆಪಿಯ ಜಾಲತಾಣ ಹ್ಯಾಕ್ ಆಗಿತ್ತು. ಜಾಲತಾಣದ ಹೋಮ್ಪೇಜ್ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಜರ್ಮನಿಯ ಛಾನ್ಸಲರ್ ಏಂಜೆಲಾ ಮರ್ಕೆಲ್ ಅವರ ಚಿತ್ರವಿರುವ ಮೀಮ್ ಬಿತ್ತರವಾಗುತ್ತಿತ್ತು. ಮಾರ್ಚ್ 5ರಂದೇ ಜಾಲತಾಣವನ್ನು ಸ್ಥಗಿತಗೊಳಿಸಲಾಯಿತು. ಆದರೆ ಈಗಲೂ ಆನ್ಲೈನ್ನಲ್ಲಿ ಜಾಲತಾಣ ಲಭ್ಯವಿಲ್ಲ.

. ನಮ್ಮ ಜಾಲತಾಣ ಕೆಲವು ನಿಮಿಷಗಳಷ್ಟೇ ಹ್ಯಾಕ್ ಹಾಗಿತ್ತು. ಇದೇನು ದೊಡ್ಡ ಹ್ಯಾಕ್ ಅಲ್ಲ ಎಂದು ಕೇಂದ್ರ ಮಾಹಿತಿ ತಂತ್ರಜ್ಞಾನ ಸಚಿವ ರವಿಶಂಕರ್ ಪ್ರಸಾದ್ ಹೇಳಿದ್ದರು.

. ಆದರೆ ಭಾರಿ ಪ್ರಮಾಣದಲ್ಲಿ ದತ್ತಾಂಶ ಕಳವಾಗಿದ್ದರೆ, ಅವನ್ನು ಜಾಲತಾಣದಲ್ಲಿ ಮರುಸಂಯೋಜಿಸಲು ಸಾಕಷ್ಟು ಸಮಯ ಹಿಡಿಯುತ್ತದೆ ಎಂದು ಸೈಬರ್ ಭದ್ರತಾ ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ.

. * ಎಷ್ಟು ಪ್ರಮಾಣದ ದತ್ತಾಂಶ ಕಳವಾಗಿದೆ ಮತ್ತು ಜಾಲತಾಣದ ಸರ್ವರ್ ದೇಶದಲ್ಲೇ ಇದೆಯೇ ಅಥವಾ ವಿದೇಶದಲ್ಲಿ ಇದೆಯೇ ಎಂಬುದು ಬಹಳ ಮುಖ್ಯ. ಹ್ಯಾಕ್ಗೆ ತುತ್ತಾದ ಜಾಲತಾಣವನ್ನು ಮರುಸ್ಥಾಪಿಸಲು ತಗಲುವ ಸಮಯವನ್ನು ಈ ಅಂಶಗಳು ಪ್ರಭಾವಿಸುತ್ತವೆ

. -ಅಮಿತ್ ಮಲ್ಹೋತ್ರಾ, ಸೈಬರ್ ಭದ್ರತಾ ತಜ್ಞ

. * ಚುನಾವಣೆ ಸಂದರ್ಭದಲ್ಲಿ ರಾಜಕೀಯ ಪಕ್ಷಗಳ ಜಾಲತಾಣಗಳು ಹ್ಯಾಕ್ಗೆ ತುತ್ತಾಗುವುದು ಮಾಮೂಲು. ಮತ್ತೆ ಹ್ಯಾಕ್ ಅಗದಂತೆ ಜಾಲತಾಣವನ್ನು ಮರುರೂಪಿಸುತ್ತಿರುವ ಸಾಧ್ಯತೆ ಇದೆ. ಮತ್ತೆ ಹ್ಯಾಕ್ ಆದರೆ ಆಗುವ ಮುಜುಗರವನ್ನು ತಪ್ಪಿಸಲು ಈ ರೀತಿ ಮಾಡುತ್ತಿರಬಹುದು

. - ಮುಖೇಶ್ ಚೌಧರಿ (ಸೈಬರ್ ಭದ್ರತಾ ತಜ್ಞ), ಸೈಬರ್ಒಪ್ಸ್ ಇನ್ಫೊಸೆಕ್ ಸಿಇಒ

. * ನಮ್ಮ ಜಾಲತಾಣವನ್ನು ಹಲವು ತಿಂಗಳಿಂದ ಸರಿಯಾಗಿ ನಿರ್ವಹಣೆ ಮಾಡಿರಲಿಲ್ಲ. ಈಗ ಒಟ್ಟಾರೆಯಾಗಿ ಇಡೀ ಜಾಲತಾಣವನ್ನೇ ಮರುಸಂಯೋಜನೆ ಮಾಡಲಾಗುತ್ತಿದೆ. ಹೀಗಾಗಿ ಜಾಲತಾಣ ಪುನರಾರಂಭಕ್ಕೆ ವಿಳಂಬವಾಗುತ್ತಿದೆ

. –ಬಿಜೆಪಿ ಮೂಲಗಳು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಪುನರಾರಂಭವಾಗದ ಬಿಜೆಪಿ ಜಾಲತಾಣ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನಕುರುಳಿ | ಗುರುವಾರ, ನವೆಂಬರ್ 21 2024

ಚುರುಮುರಿ: ದುಡ್ಡಿನ ದಾರಿ