‘ನಮೋ ಟಿ.ವಿ. ವಿಶೇಷ ಸೇವೆ’

ನವದೆಹಲಿ: ಪ್ರಧಾನಿ ನರೇಂದ್ರ ಮೊದಿ ಅವರ ಭಾಷಣಗಳು ಹಾಗೂ ಬಿಜೆಪಿ ಪರ ಸುದ್ದಿಗಳನ್ನು ಒಳಗೊಂಡಿರುವ ನಮೋ ಟಿ.ವಿ. ಪ್ರಸಾರ ವಿಚಾರ ತಿರುವು ಪಡೆದುಕೊಂಡಿದೆ.‘ನಮೋ ಟಿ.ವಿ. ಹಿಂದಿ ಸುದ್ದಿ ವಾಹಿನಿ’ ಎಂದು ಗುರುವಾರ ಹೇಳಿದ್ದ ಡಿಟಿಎಚ್ ಸೇವಾದಾತ ಸಂಸ್ಥೆ ಟಾಟಾ ಸ್ಕೈ, ಸ್ವಲ್ಪ ಸಮಯದಲ್ಲೇ ತನ್ನ ಮಾತು ಬದಲಿಸಿದೆ.

. ‘ನಮೋ ಟಿ.ವಿ ಹಿಂದಿ ಸುದ್ದಿವಾಹಿನಿ ಅಲ್ಲ. ಅದು ಅಂತರ್ಜಾಲದ ಮೂಲಕ ಪ್ರಸಾರವಾಗುವ ವಿಶೇಷ ಸೇವೆಯಾಗಿದ್ದು, ಇದಕ್ಕೆ ಸರ್ಕಾರದ ಪರವಾನಗಿ ಬೇಕಿಲ್ಲ. ಬಿಜೆಪಿಯಿಂದ ಸುದ್ದಿ ಹಾಗೂ ಮಾಹಿತಿಗಳು ಪೂರೈಕೆಯಾಗುತ್ತವೆ’ ಎಂದು ಸಂಸ್ಥೆ ಸ್ಪಷ್ಟಪಡಿಸಿದೆ.

. ಗ್ರಾಹಕರೊಬ್ಬರ ಟ್ವೀಟ್ಗೆ ಕಳೆದ ವಾರ ಉತ್ತರಿಸಿದ್ದ ಟಾಟಾ ಸ್ಕೈ ಸಿಬ್ಬಂದಿಯೊಬ್ಬರು, ‘ಹಿಂದಿ ಸುದ್ದಿವಾಹಿನಿಯಲ್ಲಿ ರಾಷ್ಟ್ರ ರಾಜಕೀಯದ ತಾಜಾ ಸುದ್ದಿಗಳು ಪ್ರಸಾರವಾಗುತ್ತವೆ’ ಎಂದಿದ್ದರು. ಟ್ವಿಟರ್ನಲ್ಲಿ ಮತ್ತಷ್ಟು ಪ್ರಶ್ನೆಗಳು ಎದುರಾದ ಕಾರಣ ಸಂಸ್ಥೆಯ ಸಿಇಒ ಹರಿತ್ ನಾಗ್ಪಾಲ್ ಅವರು ಸ್ಪಷ್ಟನೆ ನೀಡಿದರು.

. ‘ನಮೋ ಟಿ.ವಿ. ಸುದ್ದಿ ವಾಹಿನಿಯಲ್ಲ. ಈ ಮಾಹಿತಿ ತಪ್ಪಾಗಿ ಪ್ರಕಟವಾಗಿದೆ. ಬಿಜೆಪಿಯು ಅಂತರ್ಜಾಲದ ಮೂಲಕ ಸುದ್ದಿ ಹಾಗೂ ಮಾಹಿತಿಯನ್ನು ಪೂರೈಸುತ್ತದೆ’ ಎಂದು ಹೇಳಿದ್ದಾರೆ.

. ‘ಲಾಂಚ್ ಆಫರ್ ಹೆಸರಿನಲ್ಲಿ ಎಲ್ಲ ಚಂದಾದಾರರಿಗೆ ವಾಹಿನಿ ಲಭ್ಯವಾಗಿದೆ. ಇದನ್ನು ಸ್ಥಗಿತಗೊಳಿಸಲು ಅವಕಾಶವಿಲ್ಲ’ ಎಂದೂ ಅವರು ಸ್ಪಷ್ಟನೆ ನೀಡಿದ್ದಾರೆ.

. ಸಮಯ ಕೇಳಿದ ಐಬಿ: ಈ ಸಂಬಂಧ ವರದಿ ನೀಡಲು ಏಪ್ರಿಲ್ 5ರವರೆಗೆ ಸಮಯ ನೀಡುವಂತೆಮಾಹಿತಿ ಮತ್ತು ಪ್ರಸಾರ ಸಚಿವಾಲಯವು ಕೇಂದ್ರ ಚುನಾವಣಾ ಆಯೋಗಕ್ಕೆ ಮನವಿ ಮಾಡಿದೆ. ‘ನಮೋ ಟಿ.ವಿ. ಸಾಮಾನ್ಯ ವಾಹಿನಿ ಅಲ್ಲ. ಅದು ಜಾಹೀರಾತು ವಾಹಿನಿಯಾಗಿದ್ದು, ಪರವಾನಗಿ ಬೇಕಿಲ್ಲ’ ಎಂದು ಸಚಿವಾಲಯದ ಮೂಲಗಳು ಬುಧವಾರ ತಿಳಿಸಿದ್ದವು.

. ಮೋದಿ ಚಿತ್ರ ಬಿಡುಗಡೆ ಸದ್ಯಕ್ಕಿಲ್ಲ

. ಮೋದಿ ಅವರ ಜೀನವಾಧಾರಿತ ‘ಪಿಎಂ ನರೇಂದ್ರ ಮೋದಿ’ ಚಿತ್ರ ಬಿಡುಗಡೆಯನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಗಿದೆ ಎಂದು ಚಿತ್ರದ ನಿರ್ಮಾಪಕ ಸಂದೀಪ್ ಸಿಂಗ್ ಗುರುವಾರ ಹೇಳಿದ್ದಾರೆ. ಏಪ್ರಿಲ್ 5ರಂದು ಚಿತ್ರ ಬಿಡುಗಡೆಯಾಗಬೇಕಿತ್ತು.

. ಚಿತ್ರ ಬಿಡುಗಡೆ ಮಾಡಬೇಕೇ ಬೇಡವೇ ಎಂಬ ಬಗ್ಗೆ ಶುಕ್ರವಾರ ನಿರ್ಧಾರ ಪ್ರಕಟಿಸುವುದಾಗಿ ಕೇಂದ್ರ ಚುನಾವಣಾ ಆಯೋಗ ತಿಳಿಸಿದೆ. ಚಿತ್ರದ ನಿರ್ಮಾಪಕರು ಹಾಗೂ ಬಿಜೆಪಿ ಪ್ರಧಾನ ಕಾರ್ಯದರ್ಶಿ ಅವರಿಂದ ಪ್ರತಿಕ್ರಿಯೆ ಬಂದಿದ್ದು, ಅವುಗಳನ್ನು ಪರಿಶೀಲಿಸಲಾಗುತ್ತಿದೆ ಎಂದು ಚುನಾವಣಾ ಉಪ ಆಯುಕ್ತ ಸಂದೀಪ್ ಸಕ್ಸೇನಾ ಅವರು ಗುರುವಾರ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

‘ನಮೋ ಟಿ.ವಿ. ವಿಶೇಷ ಸೇವೆ’

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್

Perth Test: ಬೂಮ್ರಾಗೆ ಐದು ವಿಕೆಟ್, ಸಂಕಷ್ಟದಲ್ಲಿ ಆಸ್ಟ್ರೇಲಿಯಾ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

KL ರಾಹುಲ್ ವಿವಾದಾತ್ಮಕ ಔಟ್: ನೆಟ್ಟಿಗರ ಮನಗೆದ್ದ ಹು–ಧಾ ಪೊಲೀಸರ ‘ಎಕ್ಸ್’ ಪೋಸ್ಟ್