<p><strong>ಮುಂಬೈ: </strong>ಮಕ್ಕಳ ಅಶ್ಲೀಲ ಚಿತ್ರ ತಯಾರಿಸಿದ, ಅಂತರ್ಜಾಲದಲ್ಲಿ ಹಂಚಿದ ಆರೋಪದ ಮೇಲೆ ಮಹಾರಾಷ್ಟ್ರ ಪೊಲೀಸರು ಕಳೆದ 18 ತಿಂಗಳಲ್ಲಿ 105 ಜನರನ್ನು ಬಂಧಿಸಿರುವುದಾಗಿಯೂ, 213 ಪ್ರಕರಣಗಳನ್ನು ದಾಖಲಿಸಿರುವುದಾಗಿಯೂ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ.</p>.<p>ರಾಷ್ಟ್ರೀಯ ಅಪರಾಧ ದಾಖಲೀಕರಣ ವಿಭಾಗ (ಎನ್ಸಿಆರ್ಬಿ) ಹಂಚಿಕೊಂಡಿರುವ ‘ಟಿಪ್ಲೈನ್ ರಿಪೋರ್ಟ್’ ಆಧರಿಸಿ ಕಳೆದ 18 ತಿಂಗಳುಗಳಲ್ಲಿ ಇಷ್ಟು ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಮಹಾರಾಷ್ಟ್ರ ಸೈಬರ್ ಪೊಲೀಸ್ ಅಧೀಕ್ಷಕ ಸಂಜಯ್ ಶಿಂಟ್ರೆ ತಿಳಿಸಿದ್ದಾರೆ.</p>.<p>ಈ ‘ಟಿಪ್ಲೈನ್ ರಿಪೋರ್ಟ್’ ಅನ್ನು ಅಮೆರಿಕದ ‘ಕಾಣೆಯಾದ ಮತ್ತು ಶೋಷಿತ ಮಕ್ಕಳ ರಾಷ್ಟ್ರೀಯ ಕೇಂದ್ರ (ಎನ್ಸಿಎಂಇಸಿ)’ ಸೃಷ್ಟಿ ಮಾಡುತ್ತದೆ. ಮಕ್ಕಳ ಅಶ್ಲೀಲ ಚಿತ್ರಗಳನ್ನು ಹಂಚಿಕೊಳ್ಳುವುದು, ಅಪ್ಲೋಡ್ ಮಾಡುವುದರ ಮೇಲೆ ಎನ್ಸಿಎಂಇಸಿ ನಿಗಾವಹಿಸುತ್ತದೆ. ವೆಬ್ಸೈಟ್, ಸರ್ಚ್ ಎಂಜಿನ್, ಸಾಮಾಜಿಕ ಮಾಧ್ಯಮಗಳ ಮೇಲೆ ಎನ್ಸಿಎಂಇಸಿ ಕಣ್ಣಿಟ್ಟಿರುತ್ತದೆ.</p>.<p>ಅಮೆರಿಕದ ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ (ಎಫ್ಬಿಐ) ಸಹಾಯದಿಂದ ಎನ್ಸಿಎಂಇಸಿ ನಿಯಮಿತವಾಗಿ ಭಾರತದ ಎನ್ಸಿಆರ್ಬಿಯೊಂದಿಗೆ ವರದಿಗಳನ್ನು ಹಂಚಿಕೊಳ್ಳುತ್ತದೆ. ಅಂತಿಮವಾಗಿ ಅದನ್ನು ಎಲ್ಲಾ ರಾಜ್ಯಗಳ ಸೈಬರ್ ಪೊಲೀಸರಿಗೆ ನೀಡಲಾಗುತ್ತದೆ.</p>.<p>ಅಶ್ಲೀಲ ಚಿತ್ರಗಳನ್ನು ವೀಕ್ಷಿಸಿದವರ, ಹಂಚಿಕೊಂಡವರ ಐಪಿ ಅಡ್ರೆಸ್, ಲೋಕೇಷನ್ಗಳು ಟಿಪ್ಲೈನ್ ರಿಪೋರ್ಟ್ನಲ್ಲಿ ಇರುತ್ತವೆ. ಅದರ ಆಧಾರದ ಮೇಲೆ ಪೊಲೀಸರು ಆರೋಪಿಗಳನ್ನು ಪತ್ತೆಹಚ್ಚುತ್ತಾರೆ.</p>.<p>ಮಕ್ಕಳ ಅಶ್ಲೀಲ ಚಿತ್ರಗಳನ್ನು ಹತ್ತಿಕ್ಕಲು ಮಹಾರಾಷ್ಟ್ರ ಪೊಲೀಸರು 2019-20ರಲ್ಲಿ ‘ಆಪರೇಷನ್ ಬ್ಲ್ಯಾಕ್ಫೇಸ್’ಅನ್ನು ಆರಂಭಿಸಿದರು. ಮಹಾರಾಷ್ಟ್ರಕ್ಕೆ 18 ತಿಂಗಳಲ್ಲಿ 11,122 ಟಿಪ್ಲೈನ್ ವರದಿಗಳು ಬಂದಿದ್ದು, ಈ ಪೈಕಿ 5,699 ವರದಿಗಳು ಪುಣೆಗೆ ಸಂಬಂಧಿಸಿದ್ದಾಗಿವೆ. 4,496 ವರದಿಗಳು ಮುಂಬೈಗೆ, 364 ಥಾಣೆ, 302 ನಾಗ್ಪುರಕ್ಕೆ, 90 ರಂಗಾಬಾದ್ಗೆ ಸಂಬಂಧಿಸಿದ್ದಾಗಿವೆ.</p>.<p>ನಾಗ್ಪುರ ಪೊಲೀಸರು 38 ಅಪರಾಧ ಪ್ರಕರಣಗಳನ್ನು ದಾಖಲಿಸಿದ್ದಾರೆ. ‘ಟಿಪ್ ರಿಪೋರ್ಟ್’ ಆಧಾರದ ಮೇಲೆ ಮಹಾರಾಷ್ಟ್ರದಲ್ಲಿ ದಾಖಲಾದ ಅತಿ ಹೆಚ್ಚಿನ ಪ್ರಕರಣಗಳು ಇವಾಗಿವೆ.</p>.<p>ಮಕ್ಕಳ ಅಶ್ಲೀಲತೆಗೆ ಸಂಬಂಧಿತ ವಿಷಯವನ್ನು ಪ್ರಸಾರ ಮಾಡುವ ಜಿಲ್ಲೆಗಳನ್ನು ಮಹಾರಾಷ್ಟ್ರ ಸೈಬರ್ ಪೊಲೀಸರು ‘ಆಪರೇಷನ್ ಬ್ಲ್ಯಾಕ್ಫೇಸ್’ ಅಡಿಯಲ್ಲಿ ಗುರುತಿಸುತ್ತಿದ್ದಾರೆ.</p>.<p>ಕಳೆದ 18 ತಿಂಗಳಲ್ಲಿ ಕನಿಷ್ಠ 213 ಪ್ರಕರಣಗಳು ದಾಖಲಾಗಿವೆ. ಪೊಕ್ಸೊ ಕಾಯ್ದೆ, ಭಾರತೀಯ ದಂಡ ಸಂಹಿತೆ ಮತ್ತು ಮಾಹಿತಿ ತಂತ್ರಜ್ಞಾನ (ಐಟಿ) ಕಾಯ್ದೆಯಡಿ 105 ಜನರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.<br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮುಂಬೈ: </strong>ಮಕ್ಕಳ ಅಶ್ಲೀಲ ಚಿತ್ರ ತಯಾರಿಸಿದ, ಅಂತರ್ಜಾಲದಲ್ಲಿ ಹಂಚಿದ ಆರೋಪದ ಮೇಲೆ ಮಹಾರಾಷ್ಟ್ರ ಪೊಲೀಸರು ಕಳೆದ 18 ತಿಂಗಳಲ್ಲಿ 105 ಜನರನ್ನು ಬಂಧಿಸಿರುವುದಾಗಿಯೂ, 213 ಪ್ರಕರಣಗಳನ್ನು ದಾಖಲಿಸಿರುವುದಾಗಿಯೂ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ.</p>.<p>ರಾಷ್ಟ್ರೀಯ ಅಪರಾಧ ದಾಖಲೀಕರಣ ವಿಭಾಗ (ಎನ್ಸಿಆರ್ಬಿ) ಹಂಚಿಕೊಂಡಿರುವ ‘ಟಿಪ್ಲೈನ್ ರಿಪೋರ್ಟ್’ ಆಧರಿಸಿ ಕಳೆದ 18 ತಿಂಗಳುಗಳಲ್ಲಿ ಇಷ್ಟು ಪ್ರಕರಣಗಳನ್ನು ದಾಖಲಿಸಲಾಗಿದೆ ಎಂದು ಮಹಾರಾಷ್ಟ್ರ ಸೈಬರ್ ಪೊಲೀಸ್ ಅಧೀಕ್ಷಕ ಸಂಜಯ್ ಶಿಂಟ್ರೆ ತಿಳಿಸಿದ್ದಾರೆ.</p>.<p>ಈ ‘ಟಿಪ್ಲೈನ್ ರಿಪೋರ್ಟ್’ ಅನ್ನು ಅಮೆರಿಕದ ‘ಕಾಣೆಯಾದ ಮತ್ತು ಶೋಷಿತ ಮಕ್ಕಳ ರಾಷ್ಟ್ರೀಯ ಕೇಂದ್ರ (ಎನ್ಸಿಎಂಇಸಿ)’ ಸೃಷ್ಟಿ ಮಾಡುತ್ತದೆ. ಮಕ್ಕಳ ಅಶ್ಲೀಲ ಚಿತ್ರಗಳನ್ನು ಹಂಚಿಕೊಳ್ಳುವುದು, ಅಪ್ಲೋಡ್ ಮಾಡುವುದರ ಮೇಲೆ ಎನ್ಸಿಎಂಇಸಿ ನಿಗಾವಹಿಸುತ್ತದೆ. ವೆಬ್ಸೈಟ್, ಸರ್ಚ್ ಎಂಜಿನ್, ಸಾಮಾಜಿಕ ಮಾಧ್ಯಮಗಳ ಮೇಲೆ ಎನ್ಸಿಎಂಇಸಿ ಕಣ್ಣಿಟ್ಟಿರುತ್ತದೆ.</p>.<p>ಅಮೆರಿಕದ ಫೆಡರಲ್ ಬ್ಯೂರೋ ಆಫ್ ಇನ್ವೆಸ್ಟಿಗೇಷನ್ (ಎಫ್ಬಿಐ) ಸಹಾಯದಿಂದ ಎನ್ಸಿಎಂಇಸಿ ನಿಯಮಿತವಾಗಿ ಭಾರತದ ಎನ್ಸಿಆರ್ಬಿಯೊಂದಿಗೆ ವರದಿಗಳನ್ನು ಹಂಚಿಕೊಳ್ಳುತ್ತದೆ. ಅಂತಿಮವಾಗಿ ಅದನ್ನು ಎಲ್ಲಾ ರಾಜ್ಯಗಳ ಸೈಬರ್ ಪೊಲೀಸರಿಗೆ ನೀಡಲಾಗುತ್ತದೆ.</p>.<p>ಅಶ್ಲೀಲ ಚಿತ್ರಗಳನ್ನು ವೀಕ್ಷಿಸಿದವರ, ಹಂಚಿಕೊಂಡವರ ಐಪಿ ಅಡ್ರೆಸ್, ಲೋಕೇಷನ್ಗಳು ಟಿಪ್ಲೈನ್ ರಿಪೋರ್ಟ್ನಲ್ಲಿ ಇರುತ್ತವೆ. ಅದರ ಆಧಾರದ ಮೇಲೆ ಪೊಲೀಸರು ಆರೋಪಿಗಳನ್ನು ಪತ್ತೆಹಚ್ಚುತ್ತಾರೆ.</p>.<p>ಮಕ್ಕಳ ಅಶ್ಲೀಲ ಚಿತ್ರಗಳನ್ನು ಹತ್ತಿಕ್ಕಲು ಮಹಾರಾಷ್ಟ್ರ ಪೊಲೀಸರು 2019-20ರಲ್ಲಿ ‘ಆಪರೇಷನ್ ಬ್ಲ್ಯಾಕ್ಫೇಸ್’ಅನ್ನು ಆರಂಭಿಸಿದರು. ಮಹಾರಾಷ್ಟ್ರಕ್ಕೆ 18 ತಿಂಗಳಲ್ಲಿ 11,122 ಟಿಪ್ಲೈನ್ ವರದಿಗಳು ಬಂದಿದ್ದು, ಈ ಪೈಕಿ 5,699 ವರದಿಗಳು ಪುಣೆಗೆ ಸಂಬಂಧಿಸಿದ್ದಾಗಿವೆ. 4,496 ವರದಿಗಳು ಮುಂಬೈಗೆ, 364 ಥಾಣೆ, 302 ನಾಗ್ಪುರಕ್ಕೆ, 90 ರಂಗಾಬಾದ್ಗೆ ಸಂಬಂಧಿಸಿದ್ದಾಗಿವೆ.</p>.<p>ನಾಗ್ಪುರ ಪೊಲೀಸರು 38 ಅಪರಾಧ ಪ್ರಕರಣಗಳನ್ನು ದಾಖಲಿಸಿದ್ದಾರೆ. ‘ಟಿಪ್ ರಿಪೋರ್ಟ್’ ಆಧಾರದ ಮೇಲೆ ಮಹಾರಾಷ್ಟ್ರದಲ್ಲಿ ದಾಖಲಾದ ಅತಿ ಹೆಚ್ಚಿನ ಪ್ರಕರಣಗಳು ಇವಾಗಿವೆ.</p>.<p>ಮಕ್ಕಳ ಅಶ್ಲೀಲತೆಗೆ ಸಂಬಂಧಿತ ವಿಷಯವನ್ನು ಪ್ರಸಾರ ಮಾಡುವ ಜಿಲ್ಲೆಗಳನ್ನು ಮಹಾರಾಷ್ಟ್ರ ಸೈಬರ್ ಪೊಲೀಸರು ‘ಆಪರೇಷನ್ ಬ್ಲ್ಯಾಕ್ಫೇಸ್’ ಅಡಿಯಲ್ಲಿ ಗುರುತಿಸುತ್ತಿದ್ದಾರೆ.</p>.<p>ಕಳೆದ 18 ತಿಂಗಳಲ್ಲಿ ಕನಿಷ್ಠ 213 ಪ್ರಕರಣಗಳು ದಾಖಲಾಗಿವೆ. ಪೊಕ್ಸೊ ಕಾಯ್ದೆ, ಭಾರತೀಯ ದಂಡ ಸಂಹಿತೆ ಮತ್ತು ಮಾಹಿತಿ ತಂತ್ರಜ್ಞಾನ (ಐಟಿ) ಕಾಯ್ದೆಯಡಿ 105 ಜನರನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.<br /></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
