ಆರೋಪಿಗಳ ಮನೆ ಧ್ವಂಸ ಮಾಡುವುದು ಗ್ಯಾಂಗ್‌ವಾರ್‌ಗೆ ಸಮ: ಗುವಾಹಟಿ ಹೈಕೋರ್ಟ್‌

ಗುವಾಹಟಿ: ‘ಆರೋಪಿಯ ಮನೆ ಧ್ವಂಸ ಮಾಡುವ ಅವಕಾಶ ಯಾವ ಅಪರಾಧ ಕಾನೂನಿನಲ್ಲಿಯೂ ಇಲ್ಲ, ಹೀಗೆ ಮಾಡುವುದು ಗ್ಯಾಂಗ್ ವಾರ್ಗೆ ಸಮ‘ ಎಂದು ಗುವಾಹಟಿ ಹೈ ಕೋರ್ಟ್ ಹೇಳಿದೆ.

. ಆ ಮೂಲಕ ಅಪರಾಧ ಚುಟುವಟಿಕೆಯಲ್ಲಿ ಭಾಗಿಯಾದವರ ಮನೆ, ಆಸ್ತಿ-ಪಾಸ್ತಿ ಕೆಡವಿದ ಅಸ್ಸಾಂನ ಬಿಜೆಪಿ ಸರ್ಕಾರಕ್ಕೆ ಹೈ ಕೋರ್ಟ್ ಚಾಟಿ ಬೀಸಿದೆ.

. ನಗಾಂವ್ ಜಿಲ್ಲೆಯಲ್ಲಿ ಪೊಲೀಸ್ ಠಾಣೆಗೆ ಬೆಂಕಿ ಇಟ್ಟ ಆರೋಪಿಗಳ ಮನೆ ಧ್ವಂಸ ಪ್ರಕರಣದ ದೂರನ್ನು ಸ್ವಯಂ ಪ್ರೇರಿತವಾಗಿ ದಾಖಲಿಸಿದ್ದ ಗುವಾಹಟಿ ಹೈ ಕೋರ್ಟ್ ಹೀಗೆ ಅಭಿಪ್ರಾಯ ಪಟ್ಟಿದೆ. ಅಲ್ಲದೇ ಸರ್ಕಾರದ ಈ ಕೃತ್ಯವನ್ನು ಗ್ಯಾಂಗ್ವಾರ್ಗೆ ಹೋಲಿಕೆ ಮಾಡಿದೆ.

. ಕೆಲ ತಿಂಗಳ ಹಿಂದೆ, ಸ್ಥಳೀಯ ಮೀನು ವ್ಯಾಪಾರಿ ಸಫೀಕುಲ್ ಇಸ್ಲಾಂ (39) ಎಂಬವರನ್ನು ಬಂಧಿಸಿದ್ದರು. ಬಂಧನದ ಮರುದಿನವೇ, ಪೊಲೀಸರ ಸುಪರ್ದಿಯಲ್ಲಿರುವಾಗಲೇ ಸಫೀಕುಲ್ ಅವರು ಮೃತಪಟ್ಟಿದ್ದರು. ಇದಾದ ಬಳಿಕ ಮೇ 21 ರಂದು ಬತದ್ರಾವ ಪೊಲೀಸ್ ಠಾಣೆಗೆ ಉದ್ರಿಕ್ತರ ಗುಂಪೊಂದು ಬೆಂಚಿ ಹಚ್ಚಿತ್ತು.

. ಈ ಘಟನೆ ನಡೆದ ಮರುದಿನವೇ ಜಿಲ್ಲಾಡಳಿತ ಸಫೀಕುಲ್ ಅವರದ್ದೂ ಸೇರಿ, ಕನಿಷ್ಠ 6 ಮನೆಗಳನ್ನು ಜೆಸಿಬಿ ಮೂಲಕ ಧ್ವಂಸ ಮಾಡಿತ್ತು. ಮನೆಯ ಡ್ರಗ್ಸ್ ಅಥವಾ ಆಯುಧಗಳಿವೆಯೇ ಎಂದು ಶೋಧನೆ ಮಾಡಲೋಸುಗ ಧ್ವಂಸ ಮಾಡಲಾಗಿದೆ ಎಂದು ಜಿಲ್ಲಾಡಳಿತ ಕಾರಣ ನೀಡಿತ್ತು.

. ‘ಯಾವುದೇ ಗಂಭೀರ ವಿಚಾರದ ತನಿಖೆಯ ವೇಳೆಯೂ, ಅರೋಪಿಗಳ ಮನೆ ಬುಲ್ಡೋಜರ್ನಿಂದ ಧ್ವಂಸ ಮಾಡುವ ಅವಕಾಶ ಯಾವ ಅಪರಾಧ ಕಾನೂನಿನಲ್ಲಿಯೂ ಇಲ್ಲ‘ ಎಂದು ಮುಖ್ಯನ್ಯಾಯಮೂರ್ತಿ ಆರ್ಎಂ ಛಾಯಾ ಅಭಿಪ್ರಾಯ ಪಟ್ಟಿದ್ದಾರೆ.

. ‘ಒಂದು ಮನೆ ಪರಿಶೋಧನೆ ನಡೆಸುವುದಿದ್ದರೂ ಅನುಮತಿ ಬೇಕು. ನಾಳೆ ನಿಮಗೆ ಏನಾದರೂ ಬೇಕು ಎಂದಾದರೆ, ಕೋರ್ಟ್ ಅಂಗಳವನ್ನೂ ಅಗೆಯುತ್ತೀರಾ? ಎಂದು ಪ್ರಶ್ನೆ ಮಾಡಿದ್ದಾರೆ.

. ‘ತನಿಖೆಯ ಹೆಸರಲ್ಲಿ ಒಬ್ಬರ ಮನೆ ಧ್ವಂಸ ಮಾಡುತ್ತಾ ಹೋದರೆ, ಇಲ್ಲಿ ಯಾರೂ ಸುರಕ್ಷಿತರಲ್ಲ. ನಾವು ಪ್ರಜಾತಾಂತ್ರಿಕ ವ್ಯವಸ್ಥೆಯಲ್ಲಿದ್ದೇವೆ‘ ಎಂದು ನ್ಯಾಯಮೂರ್ತಿಗಳು ಅಭಿಪ್ರಾಯಪಟ್ಟಿದ್ದಾರೆ.

. ಅಲ್ಲದೇ, ಧ್ವಂಸಗೊಂಡ ಮನೆಯಿಂದ ಪಿಸ್ತೂಲು ವಶಪಡಿಸಿಕೊಳ್ಳಲಾಗಿದೆ ಎನ್ನುವ ಹೇಳಿಕೆಗೆ, ‘ಅದು ಕಟ್ಟುಕತೆ ಯಾಕಾಗಿರಬಾರದು?‘ ಎಂದು ನ್ಯಾಯಮೂರ್ತಿಗಳು ಪ್ರಶ್ನೆ ಮಾಡಿದ್ದಾರೆ.

. ಮನೆಯನ್ನು ಬುಲ್ಡೋಜರ್ ಮೂಲಕ ಧ್ವಂಸ ಮಾಡುವ ಪ್ರಕ್ರಿಯೆಯನ್ನು ನಾವು ಸಿನಿಮಾದಲ್ಲಿ ನೋಡುತ್ತಿದ್ದೆವು. ಅದರಲ್ಲೂ ಧ್ವಂಸಕ್ಕೂ ಮುನ್ನ ಸರ್ಚ್ ವಾರೆಂಟ್ ನೀಡಲಾಗುತ್ತಿತ್ತು ಎಂದು ಹೇಳಿದರು.

. ಬುಲ್ಡೋಜರ್ನಿಂದ ಮನೆ ಧ್ವಂಸ ಮಾಡುವ ಪ್ರಕ್ರಿಯೆಯನ್ನು ಗ್ಯಾಂಗ್ ವಾರ್ಗೆ ಹೋಲಿಕೆ ಮಾಡಿರುವ ನ್ಯಾಯಾಧೀಶರು, ತನಿಖೆ ನಡೆಸಲು ಬೇರೆ ಮಾರ್ಗ ಅನುಸರಿಸಿ ಎಂದು ಸೂಚನೆ ನೀಡಿದ್ದಾರೆ.

. ‘ಕಾನೂನು ಹಾಗೂ ಸುವ್ಯವಸ್ಥೆ‘ ಎನ್ನುವ ಪದಗಳು ಒಟ್ಟಾಗಿ ಬಳಸಲು ಒಂದು ಕಾರಣವಿದೆ. ಇದು ಕಾನೂನು ಸುವ್ಯವಸ್ಥೆ ಕಾಪಾಡುವ ವಿಧಾನವಲ್ಲ ಎಂದು ಕೋರ್ಟ್ ಹೇಳಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆರೋಪಿಗಳ ಮನೆ ಧ್ವಂಸ ಮಾಡುವುದು ಗ್ಯಾಂಗ್‌ವಾರ್‌ಗೆ ಸಮ: ಗುವಾಹಟಿ ಹೈಕೋರ್ಟ್‌

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC

ರಣಜಿ ಕ್ರಿಕೆಟ್: ಮತ್ತೊಂದು ಗೆಲುವಿಗೆ ಕರ್ನಾಟಕದ ತುಡಿತ

ಪ್ರೊ ಕಬಡ್ಡಿ: ಯು.ಪಿ. ಯೋಧಾಸ್ ವಿರುದ್ಧ ಪ್ಯಾಂಥರ್ಸ್‌ಗೆ ರೋಚಕ ಗೆಲುವು

2036ರ ಒಲಿಂಪಿಕ್ಸ್‌: ಐಒಸಿಗೆ ‘ಆಸಕ್ತಿ ಪತ್ರ’ ಸಲ್ಲಿಸಿದ ಭಾರತ

ನ.24ರಿಂದ ಜೆದ್ದಾದಲ್ಲಿ ಐಪಿಎಲ್ ಮೆಗಾ ಬಿಡ್

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ | ಮಂಗಳವಾರ, 05 ನವೆಂಬರ್ 2024

ನಾನು, ಕರಂದ್ಲಾಜೆ ಮುಂದಿನ ನಾಯಕರು: ಬಸನಗೌಡ ಪಾಟೀಲ ಯತ್ನಾಳ್

ದಿನ ಭವಿಷ್ಯ: ಆಹಾರ ಬೆಳೆಗಳು ರೈತರಿಗೆ ನಿರೀಕ್ಷೆಗೂ ಮೀರಿದ ಆದಾಯ ತರಲಿದೆ

ಸರ್ವರ ಹಿತಕ್ಕೆ ಎಲ್ಲ ಖಾಸಗಿ ಸಂಪನ್ಮೂಲ ಸ್ವಾಧೀನ: ರಾಜ್ಯಗಳಿಗೆ ಅಧಿಕಾರ ಇಲ್ಲ; SC