<p><strong>ಗುವಾಹಟಿ: </strong>ಅಸ್ಸಾಂನ ಪ್ರಖ್ಯಾತ ‘ಮನೋಹರಿ ಗೋಲ್ಡ್ ಟೀ’ ತೋಟದ 1 ಕಿಲೋಗ್ರಾಂ ಚಹಾ ಎಲೆ ₹1.15 ಲಕ್ಷಕ್ಕೆ ಹರಾಜಾಗುವ ಮೂಲಕ ಚಹಾ ಮಾರಾಟದ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿದೆ.</p>.<p>ಅಸ್ಸಾಂನ ದಿಬ್ರುಗಢ ಜಿಲ್ಲೆಯ ಚಹಾ ತೋಟವೊಂದರಲ್ಲಿ ಈ ವಿಶೇಷ ತಳಿಯ ಚಹಾ ಗಿಡವನ್ನು ಬೆಳೆಯಲಾಗುತ್ತದೆ. ಹೈದರಾಬಾದ್ ಮೂಲದ ತನ್ನ ಗ್ರಾಹಕರಾದ ಕೆಫೆ ನಿಲೋಫರ್ಗಾಗಿ ‘ಆರ್ಕೆ ಟೀ ಸೇಲ್ಸ್’ ಎಂಬ ಸಂಸ್ಥೆಯು ಶುಕ್ರವಾರ ಖಾಸಗಿ ಹರಾಜಿನಲ್ಲಿ ಭಾರಿ ಮೊತ್ತ ತೆತ್ತು ಚಹಾದ ಎಲೆಗಳನ್ನು ಖರೀದಿಸಿದೆ.</p>.<p>2021ರ ಡಿಸೆಂಬರ್ನಲ್ಲಿ ಗುವಾಹಟಿ ಚಹಾ ಹರಾಜು ಕೇಂದ್ರದಲ್ಲಿ ನಡೆದಿದ್ದ ಚಹಾ ಹರಾಜಿನಲ್ಲಿ ಮನೋಹರಿ ಗೋಲ್ಡ್<br />ಟೀ ₹99,999ಕ್ಕೆ ಮಾರಾಟವಾಗಿತ್ತು.</p>.<p>ಈ ಚಹಾ ಎಲೆಗಳು 24 ಕ್ಯಾರೆಟ್ ಚಿನ್ನದಂತೆ ಕಾಣುತ್ತವೆ ಮತ್ತು ಇದು ಆರೋಗ್ಯಕರ ಪೇಯವಾಗಿದೆ. ಇದರಲ್ಲಿ ಆ್ಯಂಟಿಆಕ್ಸಿಡೆಂಟ್ಸ್ ಮತ್ತು ಪೋಷಕಾಂಶಗಳು ಹೇರಳವಾಗಿ ಇವೆ. ಇದರಿಂದ ದೇಹಕ್ಕೆ ಸಾಕಷ್ಟು ಪ್ರಯೋಜನಗಳಿವೆ ಎಂದುಮನೋಹರಿ ಟೀ ಎಸ್ಟೇಟ್ ಮಾಲೀಕರಾದ ರಾಜನ್ ಲೋಹಿಯಾ ತಿಳಿಸಿದರು.</p>.<p>‘ಕಳೆದ ಬಾರಿ ಭಾರತದ ಚಹಾ ಮಂಡಳಿಯು ಗರಿಷ್ಠ ಹರಾಜು ಮೊತ್ತವನ್ನು ₹1 ಲಕ್ಷಕ್ಕೆ ನಿಗದಿಪಡಿಸಿತ್ತು. ಆ ಕಾರಣದಿಂದಾಗಿ 1 ಕಿಲೋ ಚಹಾ ಎಲೆ ₹99,999 ಲಕ್ಷಕ್ಕೆ ಹರಾಜಾಗಿತ್ತು. ಹಾಗಾಗಿ ಈ ಬಾರಿ ಖಾಸಗಿ ಹರಾಜಿನಲ್ಲಿ ಚಹಾ ಎಲೆ ಹರಾಜು ಮಾಡಲಾಯಿತು. ಮನೋಹರಿ ಟೀ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿರುವುದು ಸಂತಸ ತಂದಿದೆ’ ಎಂದು ಅವರು ತಿಳಿಸಿದರು.</p>.<p>ಜೊರ್ಹಾಟ್ ಚಹಾ ಹರಾಜು ಕೇಂದ್ರದಲ್ಲಿಜೂನ್ನಲ್ಲಿ ನಡೆದಿದ್ದ ಚಹಾ ಹರಾಜಿನಲ್ಲಿ ಪಭೋಜನ್ ಗೋಲ್ಡ್ ಟೀ ₹1 ಲಕ್ಷಕ್ಕೆ ಹರಾಜಾಗಿತ್ತು. ಈ ದಾಖಲೆಯನ್ನು ಮನೋಹರಿ ಗೋಲ್ಡ್ ಟೀ ಮುರಿದಿದೆ.</p>.<p>ಅಸ್ಸಾಂನಲ್ಲಿ 850ಕ್ಕೂ ಹೆಚ್ಚು ದೊಡ್ಡ ಚಹಾ ತೋಟಗಳಿವೆ. ಇದು ಪ್ರಪಂಚದ ಚಹಾ ಬೆಳೆಯುವ ಅತ್ಯಂತ ದೊಡ್ಡ ಪ್ರದೇಶವಾಗಿದೆ. ದೇಶದಲ್ಲಿ ಉತ್ಪಾದನೆ ಆಗುವ ಒಟ್ಟು ಚಹಾ ಪ್ರಮಾಣದಲ್ಲಿ ಶೇ 52ರಷ್ಟನ್ನು ಅಸ್ಸಾಂ ಒಂದೇ ರಾಜ್ಯ ಒದಗಿಸುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಗುವಾಹಟಿ: </strong>ಅಸ್ಸಾಂನ ಪ್ರಖ್ಯಾತ ‘ಮನೋಹರಿ ಗೋಲ್ಡ್ ಟೀ’ ತೋಟದ 1 ಕಿಲೋಗ್ರಾಂ ಚಹಾ ಎಲೆ ₹1.15 ಲಕ್ಷಕ್ಕೆ ಹರಾಜಾಗುವ ಮೂಲಕ ಚಹಾ ಮಾರಾಟದ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿದೆ.</p>.<p>ಅಸ್ಸಾಂನ ದಿಬ್ರುಗಢ ಜಿಲ್ಲೆಯ ಚಹಾ ತೋಟವೊಂದರಲ್ಲಿ ಈ ವಿಶೇಷ ತಳಿಯ ಚಹಾ ಗಿಡವನ್ನು ಬೆಳೆಯಲಾಗುತ್ತದೆ. ಹೈದರಾಬಾದ್ ಮೂಲದ ತನ್ನ ಗ್ರಾಹಕರಾದ ಕೆಫೆ ನಿಲೋಫರ್ಗಾಗಿ ‘ಆರ್ಕೆ ಟೀ ಸೇಲ್ಸ್’ ಎಂಬ ಸಂಸ್ಥೆಯು ಶುಕ್ರವಾರ ಖಾಸಗಿ ಹರಾಜಿನಲ್ಲಿ ಭಾರಿ ಮೊತ್ತ ತೆತ್ತು ಚಹಾದ ಎಲೆಗಳನ್ನು ಖರೀದಿಸಿದೆ.</p>.<p>2021ರ ಡಿಸೆಂಬರ್ನಲ್ಲಿ ಗುವಾಹಟಿ ಚಹಾ ಹರಾಜು ಕೇಂದ್ರದಲ್ಲಿ ನಡೆದಿದ್ದ ಚಹಾ ಹರಾಜಿನಲ್ಲಿ ಮನೋಹರಿ ಗೋಲ್ಡ್<br />ಟೀ ₹99,999ಕ್ಕೆ ಮಾರಾಟವಾಗಿತ್ತು.</p>.<p>ಈ ಚಹಾ ಎಲೆಗಳು 24 ಕ್ಯಾರೆಟ್ ಚಿನ್ನದಂತೆ ಕಾಣುತ್ತವೆ ಮತ್ತು ಇದು ಆರೋಗ್ಯಕರ ಪೇಯವಾಗಿದೆ. ಇದರಲ್ಲಿ ಆ್ಯಂಟಿಆಕ್ಸಿಡೆಂಟ್ಸ್ ಮತ್ತು ಪೋಷಕಾಂಶಗಳು ಹೇರಳವಾಗಿ ಇವೆ. ಇದರಿಂದ ದೇಹಕ್ಕೆ ಸಾಕಷ್ಟು ಪ್ರಯೋಜನಗಳಿವೆ ಎಂದುಮನೋಹರಿ ಟೀ ಎಸ್ಟೇಟ್ ಮಾಲೀಕರಾದ ರಾಜನ್ ಲೋಹಿಯಾ ತಿಳಿಸಿದರು.</p>.<p>‘ಕಳೆದ ಬಾರಿ ಭಾರತದ ಚಹಾ ಮಂಡಳಿಯು ಗರಿಷ್ಠ ಹರಾಜು ಮೊತ್ತವನ್ನು ₹1 ಲಕ್ಷಕ್ಕೆ ನಿಗದಿಪಡಿಸಿತ್ತು. ಆ ಕಾರಣದಿಂದಾಗಿ 1 ಕಿಲೋ ಚಹಾ ಎಲೆ ₹99,999 ಲಕ್ಷಕ್ಕೆ ಹರಾಜಾಗಿತ್ತು. ಹಾಗಾಗಿ ಈ ಬಾರಿ ಖಾಸಗಿ ಹರಾಜಿನಲ್ಲಿ ಚಹಾ ಎಲೆ ಹರಾಜು ಮಾಡಲಾಯಿತು. ಮನೋಹರಿ ಟೀ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದಿರುವುದು ಸಂತಸ ತಂದಿದೆ’ ಎಂದು ಅವರು ತಿಳಿಸಿದರು.</p>.<p>ಜೊರ್ಹಾಟ್ ಚಹಾ ಹರಾಜು ಕೇಂದ್ರದಲ್ಲಿಜೂನ್ನಲ್ಲಿ ನಡೆದಿದ್ದ ಚಹಾ ಹರಾಜಿನಲ್ಲಿ ಪಭೋಜನ್ ಗೋಲ್ಡ್ ಟೀ ₹1 ಲಕ್ಷಕ್ಕೆ ಹರಾಜಾಗಿತ್ತು. ಈ ದಾಖಲೆಯನ್ನು ಮನೋಹರಿ ಗೋಲ್ಡ್ ಟೀ ಮುರಿದಿದೆ.</p>.<p>ಅಸ್ಸಾಂನಲ್ಲಿ 850ಕ್ಕೂ ಹೆಚ್ಚು ದೊಡ್ಡ ಚಹಾ ತೋಟಗಳಿವೆ. ಇದು ಪ್ರಪಂಚದ ಚಹಾ ಬೆಳೆಯುವ ಅತ್ಯಂತ ದೊಡ್ಡ ಪ್ರದೇಶವಾಗಿದೆ. ದೇಶದಲ್ಲಿ ಉತ್ಪಾದನೆ ಆಗುವ ಒಟ್ಟು ಚಹಾ ಪ್ರಮಾಣದಲ್ಲಿ ಶೇ 52ರಷ್ಟನ್ನು ಅಸ್ಸಾಂ ಒಂದೇ ರಾಜ್ಯ ಒದಗಿಸುತ್ತಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
