Uttarkashi Tunnel Rescue: ನೆರವಿಗೆ ಬಂದ ರ್‍ಯಾಟ್‌–ಹೋಲ್ ಮೈನಿಂಗ್ ತಂತ್ರ

ಯಂತ್ರದ ನೆರವಿಲ್ಲದೆ ಸುರಂಗ ಕೊರೆದವರು (ರ್‍ಯಾಟ್‌ ಮೈನರ್ಸ್‌) ಹೀರೊಗಳಾಗಿ ಹೊರಹೊಮ್ಮಿದರು. ಉಸಿರಾಟ ಕೂಡ ಸವಾಲಾಗಿದ್ದ ಸುರಂಗವನ್ನು ಕೊರೆದು ದಣಿದಿದ್ದರೂ ಅವರ ಮೊಗದಲ್ಲಿನ ನಗು ಬಳಲಿಕೆಯನ್ನು ಮರೆಮಾಚಿತು. ‘ನಮ್ಮನ್ನು ನೋಡಿದ ಮೇಲೆ ಕಾರ್ಮಿಕರು ಸಂತಸಗೊಂಡರು. ನಮ್ಮನ್ನು ಬಿಗಿದಪ್ಪಿದ ಅವರು ನಮಗೆ ಬಾದಾಮಿ ತಿನ್ನುವಂತೆ ಹೇಳಿದರು’ ಎಂದು ಸುರಂಗ ಕೊರೆದ ತಂಡದಲ್ಲಿದ್ದ ದೇವೇಂದ್ರ ‘ಎನ್‌ಡಿಟಿವಿ’ಗೆ ಹೇಳಿದರು. ‘ಸಿಲುಕಿಕೊಂಡಿದ್ದ ಕಾರ್ಮಿಕರನ್ನು ಹೊರತರುವ ಬಗ್ಗೆ ಅವರಿಗೆ ಮನವರಿಕೆ ಆಗಿತ್ತು. ಕಾರ್ಮಿಕರನ್ನು ಹೊರತರಲು ಅವರು 24 ಗಂಟೆ ಕೆಲಸ ಮಾಡಿದರು’ ಎಂದು ಅವರ ತಂಡದ ನಾಯಕ ಸ್ಮರಿಸಿದರು.