<p><strong>ಜೈಪುರ</strong>: ರಾಜಸ್ಥಾನದ ಚಿತ್ತೋರ್ಗಢ ಜಿಲ್ಲೆಯಲ್ಲಿ ಶಿಲಾಯುಗದ ಬಂಡೆಗಳ ವರ್ಣಚಿತ್ರಗಳು, ಕಲ್ಲಿನ ಕಪ್ಗಳು, ಚೂಪಾದ ಕಲ್ಲಿನ ಕಲಾಕೃತಿಗಳನ್ನು ಇತಿಹಾಸಕಾರರು ಪತ್ತೆಮಾಡಿದ್ದು, ಈ ಭಾಗದಲ್ಲಿ ಪ್ರಾಚೀನ ಶಿಲಾಯುಗದಲ್ಲಿ ಮಾನವರಿದ್ದ ಬಗ್ಗೆ ಪುರಾವೆ ಒದಗಿಸಿದೆ.</p><p>ಕೋಟಾದ ಅಲಾನಿಯಾ ನದಿಯಿಂದ 50 ಕಿ.ಮೀ ದೂರದಲ್ಲಿರುವ ಹಳ್ಳಿ ಬಳಿ ಈ ಕಲಾಕೃತಿಗಳು ಪತ್ತೆಯಾಗಿವೆ. ಈ ಕಲಾಕೃತಿಗಳ ಪತ್ತೆಯು ಈ ಭಾಗವು ಶಿಲಾಯುಗದ ಅವಧಿಯಲ್ಲಿ ಅತ್ಯಂತ ಪ್ರಮುಖ ಪ್ರದೇಶಗಳಲ್ಲಿ ಒಂದಾಗಿತ್ತು ಎಂಬುದಕ್ಕೆ ಇಂಬು ನೀಡಿದೆ. ಹದೌಟಿ ಮತ್ತು ಚಿತ್ತೋರಗಢ ಜಿಲ್ಲೆಗಳ ಇತಿಹಾಸಪೂರ್ವ ಮಹತ್ವವನ್ನು ಒತ್ತಿ ಹೇಳಿದೆ ಎಂದು ವರದಿ ತಿಳಿಸಿದೆ.</p><p>ಅಮರಪುರ ಹಳ್ಳಿ ಬಳಿಯ ಅರಣ್ಯದಲ್ಲಿ ಅಪರೂಪದ ಕಲ್ಲಿನ ಕೆತ್ತನೆಗಳನ್ನು ಕಂಡು ಮೂವರು ಯುವಕರು ಆಶ್ಚರ್ಯಚಕಿತರಾಗಿದ್ದರು. ಬಳಿಕ, ಮಾಹಿತಿ ಆಧರಿಸಿ ಕೋಟಾದ ಮಹರ್ಷಿ ಇತಿಹಾಸ ಕೇಂದ್ರದ ಇತಿಹಾಸಕಾರ ತೇಜ್ ಸಿಂಗ್ ಈ ಪ್ರದೇಶಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದರು.</p><p>ಶಿಲಾಯುಗದಲ್ಲಿ ಆಹಾರವನ್ನು ರುಬ್ಬಲು ಬಳಸಿದ್ದಿರಬಹುದಾದ ಕಪ್ ಆಕಾರದ ಕಲ್ಲಿನ ಕೆತ್ತನೆಗಳು ಮತ್ತು ರುಬ್ಬುವ ಕಲ್ಲು ಪತ್ತೆಯಾಗಿದೆ ಎಂದು ಸಿಂಗ್ ಹೇಳಿದ್ದಾರೆ. ಕಪ್ ಆಕಾರದ ಕೆತ್ತನೆ ಮತ್ತು ಬಂಡೆಗಳ ಮೇಲಿನ ವರ್ಣಚಿತ್ರಗಳು ಶಿಲಾಯುಗದ ಗುಣಲಕ್ಷಣಗಳನ್ನು ಹೊಂದಿವೆ.</p><p>ಕೆತ್ತನೆಗಳು ಪ್ರಾಯಶಃ 35,000 ದಿಂದ 2,00,000 ವರ್ಷಗಳ ಹಿಂದಿನವು ಎಂದು ಅವರು ಹೇಳಿದ್ದಾರೆ.</p><p>ರುಬ್ಬುವ ಕಲ್ಲು 2.4 ಕೆ.ಜಿ ತೂಕವಿದ್ದು, ಚೂಪಾದ ಕಲ್ಲುಗಳೂ ಸ್ಥಳದಲ್ಲಿ ಪತ್ತೆಯಾಗಿವೆ. ಈ ಹಿಂದೆ ಈ ಪ್ರದೇಶದಲ್ಲಿ ವಾಸವಿದ್ದ ಜನರು ಕಾಡಿನ ಧಾನ್ಯ, ಕಾಳು ಮತ್ತು ಇತರೆ ಆಹಾರ ಪದಾರ್ಥಗಳನ್ನು ರುಬ್ಬಲು ಈ ಕಲ್ಲಿನ ಸಾಧನಗಳನ್ನು ಬಳಸುತ್ತಿದ್ದರು ಎಂಬುದು ಗೊತ್ತಾಗುತ್ತದೆ ಎಂದು ಅವರು ಹೇಳಿದ್ದಾರೆ.</p><p> ಹೆಚ್ಚಿನ ಪರಿಶೀಲನೆಗಾಗಿ ಸಂಶೋಧನೆಯ ಮಾಹಿತಿಯನ್ನು ಜೋಧ್ಪುರದಲ್ಲಿರುವ ಪುರಾತತ್ವ ಇಲಾಖೆಯ ಕಚೇರಿಯೊಂದಿಗೆ ಹಂಚಿಕೊಳ್ಳಲಾಗಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೈಪುರ</strong>: ರಾಜಸ್ಥಾನದ ಚಿತ್ತೋರ್ಗಢ ಜಿಲ್ಲೆಯಲ್ಲಿ ಶಿಲಾಯುಗದ ಬಂಡೆಗಳ ವರ್ಣಚಿತ್ರಗಳು, ಕಲ್ಲಿನ ಕಪ್ಗಳು, ಚೂಪಾದ ಕಲ್ಲಿನ ಕಲಾಕೃತಿಗಳನ್ನು ಇತಿಹಾಸಕಾರರು ಪತ್ತೆಮಾಡಿದ್ದು, ಈ ಭಾಗದಲ್ಲಿ ಪ್ರಾಚೀನ ಶಿಲಾಯುಗದಲ್ಲಿ ಮಾನವರಿದ್ದ ಬಗ್ಗೆ ಪುರಾವೆ ಒದಗಿಸಿದೆ.</p><p>ಕೋಟಾದ ಅಲಾನಿಯಾ ನದಿಯಿಂದ 50 ಕಿ.ಮೀ ದೂರದಲ್ಲಿರುವ ಹಳ್ಳಿ ಬಳಿ ಈ ಕಲಾಕೃತಿಗಳು ಪತ್ತೆಯಾಗಿವೆ. ಈ ಕಲಾಕೃತಿಗಳ ಪತ್ತೆಯು ಈ ಭಾಗವು ಶಿಲಾಯುಗದ ಅವಧಿಯಲ್ಲಿ ಅತ್ಯಂತ ಪ್ರಮುಖ ಪ್ರದೇಶಗಳಲ್ಲಿ ಒಂದಾಗಿತ್ತು ಎಂಬುದಕ್ಕೆ ಇಂಬು ನೀಡಿದೆ. ಹದೌಟಿ ಮತ್ತು ಚಿತ್ತೋರಗಢ ಜಿಲ್ಲೆಗಳ ಇತಿಹಾಸಪೂರ್ವ ಮಹತ್ವವನ್ನು ಒತ್ತಿ ಹೇಳಿದೆ ಎಂದು ವರದಿ ತಿಳಿಸಿದೆ.</p><p>ಅಮರಪುರ ಹಳ್ಳಿ ಬಳಿಯ ಅರಣ್ಯದಲ್ಲಿ ಅಪರೂಪದ ಕಲ್ಲಿನ ಕೆತ್ತನೆಗಳನ್ನು ಕಂಡು ಮೂವರು ಯುವಕರು ಆಶ್ಚರ್ಯಚಕಿತರಾಗಿದ್ದರು. ಬಳಿಕ, ಮಾಹಿತಿ ಆಧರಿಸಿ ಕೋಟಾದ ಮಹರ್ಷಿ ಇತಿಹಾಸ ಕೇಂದ್ರದ ಇತಿಹಾಸಕಾರ ತೇಜ್ ಸಿಂಗ್ ಈ ಪ್ರದೇಶಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದರು.</p><p>ಶಿಲಾಯುಗದಲ್ಲಿ ಆಹಾರವನ್ನು ರುಬ್ಬಲು ಬಳಸಿದ್ದಿರಬಹುದಾದ ಕಪ್ ಆಕಾರದ ಕಲ್ಲಿನ ಕೆತ್ತನೆಗಳು ಮತ್ತು ರುಬ್ಬುವ ಕಲ್ಲು ಪತ್ತೆಯಾಗಿದೆ ಎಂದು ಸಿಂಗ್ ಹೇಳಿದ್ದಾರೆ. ಕಪ್ ಆಕಾರದ ಕೆತ್ತನೆ ಮತ್ತು ಬಂಡೆಗಳ ಮೇಲಿನ ವರ್ಣಚಿತ್ರಗಳು ಶಿಲಾಯುಗದ ಗುಣಲಕ್ಷಣಗಳನ್ನು ಹೊಂದಿವೆ.</p><p>ಕೆತ್ತನೆಗಳು ಪ್ರಾಯಶಃ 35,000 ದಿಂದ 2,00,000 ವರ್ಷಗಳ ಹಿಂದಿನವು ಎಂದು ಅವರು ಹೇಳಿದ್ದಾರೆ.</p><p>ರುಬ್ಬುವ ಕಲ್ಲು 2.4 ಕೆ.ಜಿ ತೂಕವಿದ್ದು, ಚೂಪಾದ ಕಲ್ಲುಗಳೂ ಸ್ಥಳದಲ್ಲಿ ಪತ್ತೆಯಾಗಿವೆ. ಈ ಹಿಂದೆ ಈ ಪ್ರದೇಶದಲ್ಲಿ ವಾಸವಿದ್ದ ಜನರು ಕಾಡಿನ ಧಾನ್ಯ, ಕಾಳು ಮತ್ತು ಇತರೆ ಆಹಾರ ಪದಾರ್ಥಗಳನ್ನು ರುಬ್ಬಲು ಈ ಕಲ್ಲಿನ ಸಾಧನಗಳನ್ನು ಬಳಸುತ್ತಿದ್ದರು ಎಂಬುದು ಗೊತ್ತಾಗುತ್ತದೆ ಎಂದು ಅವರು ಹೇಳಿದ್ದಾರೆ.</p><p> ಹೆಚ್ಚಿನ ಪರಿಶೀಲನೆಗಾಗಿ ಸಂಶೋಧನೆಯ ಮಾಹಿತಿಯನ್ನು ಜೋಧ್ಪುರದಲ್ಲಿರುವ ಪುರಾತತ್ವ ಇಲಾಖೆಯ ಕಚೇರಿಯೊಂದಿಗೆ ಹಂಚಿಕೊಳ್ಳಲಾಗಿದೆ.</p> .<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
