ಮುಂಬೈ: ಕೋವಿಡ್‌ ರೋಗಿಗಳಿಗೆ ಪ್ರತಿಕಾಯ ಕಾಕ್‌ಟೈಲ್ ಚಿಕಿತ್ಸೆ ಯಶಸ್ವಿ

ಮುಂಬೈ : ಇಲ್ಲಿನ ಮೀರಾ ರಸ್ತೆಯ ವೋಕ್ಹಾರ್ಡ್ ಆಸ್ಪತ್ರೆಯ ವೈದ್ಯರು, ಇತರೆ ಬೇರೆ ಬೇರೆ ಕಾಯಿಲೆಗಳನ್ನು ಹೊಂದಿರುವ ಕೋವಿಡ್ 19 ಸೋಂಕಿತ ಇಬ್ಬರು ರೋಗಿಗಳಿಗೆ ‘ಪ್ರತಿಕಾಯ ಕಾಕ್ಟೈಲ್ ಚಿಕಿತ್ಸೆ (ಆಂಟಿಬಾಡಿ ಕಾಕ್ಟೈಲ್ ಥೆರಪಿ)‘ ನೀಡುವಲ್ಲಿ ಯಶಸ್ವಿಯಾಗಿದ್ದಾರೆ.

. ಇಬ್ಬರು ರೋಗಿಗಳಿಗೆ ಇಂಟರ್ವೀನಸ್ (ಐವಿ) ಮೂಲಕ ಒಂದು ಡೋಸ್ ಆಂಟಿವೈರಲ್ ಕಾಕ್ಟೈಲ್ ಔಷಧವನ್ನು ನೀಡಲಾಗಿದೆ. ಔಷಧ ಪಡೆದ ನಂತರ ಇಬ್ಬರ ಆರೋಗ್ಯ ಸ್ಥಿರವಾಗಿದೆ.

. ಸೌಮ್ಯ ಕೊರೊನಾ ಸೋಂಕಿರುವ ರೋಗಿಗಳಿಗೆ ಚಿಕಿತ್ಸೆ ನೀಡುವ ಸಲುವಾಗಿ ಮೇ ತಿಂಗಳಲ್ಲಿ ’ಮೊನೊಕ್ಲೋನಲ್ ಆಂಟಿಬಾಡಿ ಕಾಕ್ಟೈಲ್’ ಚಿಕಿತ್ಸೆಯನ್ನು ಭಾರತದಲ್ಲಿ ಅನುಮೋದಿಸಲಾಗಿದೆ.

. ಕಳೆದ ವರ್ಷ ಅಮೆರಿಕದ ಮಾಜಿ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ಗೆ ಇದೇ ರೀತಿ ಇಂಟರ್ವೀನಸ್ ಮೂಲಕ ಆಂಟಿವೈರಲ್ ಔಷಧ ನೀಡಲಾಗಿತ್ತು. ಕೋವಿಡ್ ರೋಗಿಗಳಿಗೆ ಈ ಚಿಕಿತ್ಸೆ ಒಂದು ರೀತಿಯ ವರವಾಗಿದೆ ಎಂದು ಆಸ್ಪತ್ರೆ ತಿಳಿಸಿದೆ.

. 60 ವರ್ಷಕ್ಕಿಂತ ಹೆಚ್ಚು ವಯಸ್ಸಾಗಿರುವ ಇಬ್ಬರು ಮಹಿಳಾ ಕೋವಿಡ್–19ರೋಗಿಗಳಿಗೆ ಈ ಚಿಕಿತ್ಸೆ ನೀಡಲಾಗಿದೆ. ಮಧುಮೇಹ, ಮೂತ್ರಪಿಂಡ ತೊಂದರೆ ಮತ್ತು ಅತಿ ಹೆಚ್ಚು ರಕ್ತದೊಡದಿಂದ ಬಳಲುತ್ತಿದ್ದ ಇವರನ್ನು ಮೇ ತಿಂಗಳಲ್ಲಿರುವ ಮೀರಾ ರಸ್ತೆಯ ವಕಾರ್ಡ್ ಆಸ್ಪತ್ರೆಗೆ ದಾಖಲಿಸಲಾಗಿತ್ತು.

. ರೋಗಿಗಳಿಗೆ ’ಆಂಟಿಬಾಡಿ ಕಾಕ್ಟೈಲ್ ಚಿಕಿತ್ಸೆ’ ನೀಡುವ ಕುರಿತು ಕುಟುಂಬದ ಸದಸ್ಯರು ಮತ್ತು ರೋಗಿಗಳೊಂದಿಗೆ ಚರ್ಚಿಸಿ, ನಂತರ ಈ ಚಿಕಿತ್ಸೆ ನೀಡಲಾಯಿತು. ಚಿಕಿತ್ಸೆ ಪಡೆದ ಇಬ್ಬರು ರೋಗಿಗಳಲ್ಲಿ ಒಬ್ಬರು ಗುಣಮುಖರಾಗಿ ಆಸ್ಪತ್ರೆಯಿಂದ ಮನೆಗೆ ತೆರಳಿದ್ದಾರೆ. ಇನ್ನೊಬ್ಬರು ತ್ವರಿತಗತಿಯಲ್ಲಿ ಗುಣಮುಖರಾಗುತ್ತಿದ್ದಾರೆ. ಅವರನ್ನು ಶೀಘ್ರದಲ್ಲೇ ಆಸ್ಪತ್ರೆಯಿಂದ ಮನೆಗೆ ಕಳುಹಿಸಲಾಗುತ್ತದೆ.

. ‘65 ವರ್ಷಕ್ಕಿಂತ ಮೇಲ್ಪಟ್ಟವರು, ಮನೆಯಲ್ಲೇ ಪ್ರತ್ಯೇಕವಾಗಿದ್ದು, ಆಮ್ಲಜನಕ ಮಟ್ಟ 93ಕ್ಕೂ ಹೆಚ್ಚು ಇರುವವರಿಗೆ ‘ಆಂಟಿ ಬಾಡಿ ಕಾಕ್ಟೇಲ್ ಥೆರಪಿ‘ ಸೂಕ್ತ. ಆದರೆ, ಈ ಚಿಕಿತ್ಸೆ ಪಡೆಯುವ ರೋಗಿಗಳಲ್ಲಿ ಮಧುಮೇಹ, ಯಕೃತ್, ಹೃದಯ ಸಂಬಂಧಿ ತೊಂದರೆ ಹಾಗೂ ದೀರ್ಘಕಾಲೀನ ಶ್ವಾಸಕೋಶಕ್ಕೆ ಸಂಬಂಧಿಸಿದ ಕಾಯಿಲೆಗಳಿದ್ದಲ್ಲಿ, ಅವರಿಗೆ ತೀವ್ರ ಸ್ವರೂಪದ ಸೋಂಕು ಕಾಣಿಸಿಕೊಳ್ಳುವ ಅಪಾಯ ಹೆಚ್ಚಿರುತ್ತದೆ‘ ಎಂದು ತಜ್ಞ ವೈದ್ಯ ಡಾ. ಜಿನೇಂದ್ರ ಜೈನ್ ವಿವರಿಸಿದ್ದಾರೆ.

. ‘ಮಾನೊಕ್ಲೋನಲ್ ಪ್ರತಿಕಾಯಗಳನ್ನು ಕೋವಿಡ್ ಸೋಂಕಿನಿಂದ ಗುಣಮುಖರಾದವರಿಂದ ತೆಗೆದುಕೊಳ್ಳುವ ಪ್ಲಾಸ್ಮಾದಿಂದ ಸಂಗ್ರಹಿಸಲಾಗುತ್ತದೆ. ಕಾಸಿರಿವಿಂಬ ಮತ್ತು ಇಮ್ಡೆವಿಂಬ ಎಂಬುದು ಮಾನೊಕ್ಲೋನಲ್ ಪ್ರತಿಕಾಯಗಳು. ಇವೆರಡನ್ನೂ ಮಿಶ್ರಮಾಡಿ ಇಂಟ್ರಾವೀನಸ್ ಮೂಲಕ ರೋಗಿಯ ದೇಹಕ್ಕೆ ನೀಡಲಾಗುತ್ತದೆ. ಇದನ್ನೇ ಕಾಕ್ಟೈಲ್ ಚಿಕಿತ್ಸೆ ಎನ್ನುವುದು. ಈ ಪ್ರತಿಕಾಯಗಳು ಕೋವಿಡ್ ಸೋಂಕಿತರ ದೇಹದಲ್ಲಿ ಸಾರ್ಸ್–ಕೋವ್–2 ವೈರಸ್ನ ಪ್ರೊಟಿನ್ ಏರಿಕೆಯಾಗುವುದನ್ನು ತಡೆದು, ಆ ವೈರಸ್ ಜೀವಕೋಶದೊಳಗೆ ಸೇರುವುದನ್ನೂ ನಿಗ್ರಹಿಸುತ್ತದೆ‘ ಎಂದು ಜಿನೇಂದ್ರ ವಿವರಿಸಿದರು.

. ‘ಕೋವಿಡ್ ರೋಗಿಗಳಿಗೆ ಕಾಕ್ಟೈಲ್ ಚಿಕಿತ್ಸೆಯ ಇಂಜೆಕ್ಷನ್ ನೀಡಿದ ನಂತರ, ಏನಾದರೂ ಪರಿಣಾಮ ಉಂಟಾಗಬಹುದೇ ಎಂದು ಪರೀಕ್ಷಿಸಲು, ಒಂದು ಗಂಟೆ ಕಾಲ ರೋಗಿಯ ಬಗ್ಗೆ ನಿಗಾವಹಿಸಲಾಗುತ್ತದೆ‘ ಎಂದರು.

. ‘ಈ ಚಿಕಿತ್ಸೆ, ಸೋಂಕು ಗಂಭೀರವಾಗುವುದನ್ನು ಕಡಿಮೆಗೊಳಿಸುತ್ತದೆ‘ ಎಂದು ಜೈನ್ ಹೇಳಿದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಮುಂಬೈ: ಕೋವಿಡ್‌ ರೋಗಿಗಳಿಗೆ ಪ್ರತಿಕಾಯ ಕಾಕ್‌ಟೈಲ್ ಚಿಕಿತ್ಸೆ ಯಶಸ್ವಿ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಸೈಯದ್ ಮುಷ್ತಾಕ್ ಅಲಿ ಟಿ20 ಕ್ರಿಕೆಟ್ ಟೂರ್ನಿ ಇಂದಿನಿಂದ: ತಾರಾ ಆಟಗಾರರ ರಂಗು

ಯೋಧಾಸ್ ಗೆಲುವಿನಲ್ಲಿ ಮಿಂಚಿದ ಭವಾನಿ ರಜಪೂತ್

ಫುಟ್‌ಬಾಲ್‌: ಎಜಿಒಆರ್‌ಸಿ ತಂಡಕ್ಕೆ ಗೆಲುವು

ಸಿವಿಎಲ್‌ ಶಾಸ್ತ್ರಿ ಸ್ಮಾರಕ ಟಿಟಿ: ಅನರ್ಘ್ಯಾಗೆ ಕಿರೀಟ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು