ಕೋವಿಡ್ ಕಾರಣದಿಂದ ಜಾತ್ರೆ ರದ್ದು: ಭಕ್ತರಿಲ್ಲದೇ ಬಣಗುಟ್ಟಿದ ಬನಶಂಕರಿ ಪರಿಸರ

ಬನಶಂಕರಿ (ಬಾದಾಮಿ): ಬನದ ಹುಣ್ಣಿಮೆ ದಿನ ರಥೋತ್ಸವದ ಕಾರಣ ಭಕ್ತ ಸಾಗರದ ಪ್ರವಾಹದಲ್ಲಿ ಮಿಂದೇಳಬೇಕಿದ್ದ ಉತ್ತರ ಕರ್ನಾಟಕದ ಪ್ರಮುಖ ಪುಣ್ಯ ಕ್ಷೇತ್ರ ಬನಶಂಕರಿ ಕೋವಿಡ್ ಸಂಕಷ್ಟದ ಕಾರಣ ಗುರುವಾರ ಜನರಿಲ್ಲದೇ ಬಿಕೊ ಎನ್ನುತ್ತಿತ್ತು.

. ಶಕ್ತಿ ದೇವತೆಯ ಜಾತ್ರೆ ಅಂಗವಾಗಿ ದೇವಾಲಯದ ಅರ್ಚಕರು ಧಾರ್ಮಿಕ ಪೂಜಾ ಕಾರ್ಯಕ್ರಮಗಳನ್ನು ಮಾತ್ರ ಕೈಗೊಂಡರು.

. ಕೋವಿಡ್ ಕಾರಣದಿಂದ ಜಿಲ್ಲಾಡಳಿತವು ಜಾತ್ರೆಯನ್ನು ರದ್ದು ಮಾಡಿತ್ತು. ಭಕ್ತರಿಗೆ ಜ.31ರ ವರೆಗೆ ದೇವಾಲಯಕ್ಕೆ ಪ್ರವೇಶ ನಿಷೇಧ ಮಾಡಿದ್ದ ಕಾರಣ ಪೊಲೀಸ್ ಸಿಬ್ಬಂದಿವಿಶೇಷ ಬಂದೋಬಸ್ತ್ ಕೈಗೊಂಡಿದ್ದರು.

. ದೇವಿಯ ಉತ್ಸವ ಮೂರ್ತಿಯನ್ನು ವಾದ್ಯ ವೈಭವದೊಂದಿಗೆಪಲ್ಲಕ್ಕಿಯಲ್ಲಿ ಪ್ರತಿಷ್ಠಾಪಿಸಿ ರಥದ ಸಮೀಪ ಆರಾಧಿಸಿ ಅರ್ಚಕರು ರಥಾಂಗ ಹೋಮ ಕೈಗೊಂಡರು. ದೇವಾಲಯದಿಂದ ಪಾದಗಟ್ಟೆಯ ವರೆಗೆ ಉತ್ಸವ ಮೂರ್ತಿಯನ್ನು ಮೆರವಣಿಗೆ ಮೂಲಕ ಕೊಂಡೊಯ್ಯಲಾಯಿತು.

. ಪ್ರತಿ ವರ್ಷ ಬನದ ಹುಣ್ಣಿಮೆ ದಿನ ದೇವಿಯ ರಥೋತ್ಸವ ಜರುಗುತ್ತದೆ. ರಥೋತ್ಸವದ ದಿನ ನಾಲ್ಕು ಕಡೆಯ ರಸ್ತೆಯಿಂದ ಜನಸಾಗರವೇ ಹರಿದು ಬರುತ್ತಿತ್ತು. ಸಂಭ್ರಮದಿಂದ ದೇವಿಯ ರತೋಥ್ಸವ ನಡೆಯುತ್ತಿತ್ತು. ಈ ವರ್ಷ ಅದು ಬರೀ ನೆನಪು ಮಾತ್ರ.

. ಈ ಬಾರಿ ರಥೋತ್ಸವ ಇಲ್ಲದ ಕಾರಣ ದೇವಾಲಯದ ಪ್ರಾಂಗಣ, ರಥ ಬೀದಿ, ಅಂಗಡಿಗಳು, ನಾಟಕ, ಸಿನಿಮಾ ಪ್ರದರ್ಶನವಿಲ್ಲದೇ ಹಾಗೂ ಜನರಿಲ್ಲದ ರಸ್ತೆಗಳು ಬಣಗುಟ್ಟಿದವು.

. ಜಾತ್ರೆ ರದ್ದಾಗಿರುವುದು ಗೊತ್ತಿಲ್ಲದೇ ಕೆಲವು ಭಕ್ತರು ಪಾದಯಾತ್ರೆ ಮತ್ತು ವಾಹನಗಳ ಮೂಲಕ ಬಂದಿದ್ದರು. ಅವರನ್ನು ಗದಗ ಬೈಪಾಸ್ ರಸ್ತೆಯಲ್ಲಿಯೇ ಪೊಲೀಸರು ತಡೆದು ಹಿಂದಕ್ಕೆ ಕಳುಹಿಸಿರುವುದು ಕಂಡು ಬಂತು. ಪೊಲೀಸ್ ಅಧಿಕಾರಿಗಳು ಮತ್ತು ಸಿಬ್ಬಂದಿ ವಿಶೇಷ ಬಂದೋಬಸ್ತ್ ಕಾರ್ಯ ಕೈಗೊಂಡಿದ್ದರು.

. ‘ರಾಜಕೀಯ ಕಾರ್ಯಕ್ರಮಗಳಿಗೆ ಲಕ್ಷಾಂತರ ಮಂದಿ ಸೇರುತ್ತಾರೆ. ಅಲ್ಲಿ ಕೊರೊನಾ ಹಬ್ಬುವುದಿಲ್ಲವೇ? ದೇವಿಯ ರಥೋತ್ಸವ ಮಾಡಿದ್ದರೆ ಏನಾಗುತ್ತಿತ್ತು’ ಎಂದು ಹನುಮನಾಳ ಗ್ರಾಮದ ಭಕ್ತ ಬಸವರಾಜ ಪ್ರಶ್ನಿಸಿದರು.

. ಡಿವೈಎಸ್ಪಿ ಚಂದ್ರಕಾಂತ ನಂದರಡ್ಡಿ, ಸಿಪಿಐ ರಮೇಶ ಹಾನಾಪುರ, ಪಿಎಸ್ಐ ಪ್ರಕಾಶ ಬಣಕಾರ, ಎನ್.ಎಸ್. ಘಂಟಿ ಮತ್ತು ಸಿಬ್ಬಂದಿ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೋವಿಡ್ ಕಾರಣದಿಂದ ಜಾತ್ರೆ ರದ್ದು: ಭಕ್ತರಿಲ್ಲದೇ ಬಣಗುಟ್ಟಿದ ಬನಶಂಕರಿ ಪರಿಸರ

Cartoon | ಚಿನಕುರುಳಿ: 26 ನವೆಂಬರ್ 2024

ಚುರುಮುರಿ: ಕಾಯಕವೇ ಕೈಸಾಲ

ದಿನ ಭವಿಷ್ಯ: ಈ ರಾಶಿಯ ಹೆಣ್ಮಕ್ಕಳಿಗೆ ವಾಹನ ಅಥವಾ ವಸ್ತ್ರಾಭರಣ ಪ್ರಾಪ್ತಿಯಾಗವುದು

ಸರ್ಕಾರಿ ಹುದ್ದೆಗಳ ನೇರ ನೇಮಕಾತಿ: ಹೊಸ ಅಧಿಸೂಚನೆಗೆ ತಡೆ

ಸಾಫ್ಟ್‌ಬಾಲ್ ಕ್ರಿಕೆಟ್: ಬೆಸ್ಟ್ ಆಫ್ ಕರ್ನಾಟಕ ಜಯ

IND vs AUS | ಎರಡನೇ ಟೆಸ್ಟ್‌: ಆಸ್ಟ್ರೇಲಿಯಾ ತಂಡದಲ್ಲಿ ಬದಲಾವಣೆ ಇಲ್ಲ

PAK vs ZIM | ಅಯೂಬ್ ಅಜೇಯ ಶತಕ; ಪಾಕ್‌ಗೆ ಸುಲಭ ಜಯ

World Chess Championship | ಗುಕೇಶ್-ಲಿರೆನ್ ನಡುವಣ ಎರಡನೇ ಆಟ ಸಮಬಲ

ಒಳನೋಟ: ಗೋಡಂಬಿಗೆ ‘ಆಪತ್ತಿನ’ ಕಾಲ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

Cartoon | ಚಿನಕುರುಳಿ: 26 ನವೆಂಬರ್ 2024

ಚುರುಮುರಿ: ಕಾಯಕವೇ ಕೈಸಾಲ

ದಿನ ಭವಿಷ್ಯ: ಈ ರಾಶಿಯ ಹೆಣ್ಮಕ್ಕಳಿಗೆ ವಾಹನ ಅಥವಾ ವಸ್ತ್ರಾಭರಣ ಪ್ರಾಪ್ತಿಯಾಗವುದು

ಸರ್ಕಾರಿ ಹುದ್ದೆಗಳ ನೇರ ನೇಮಕಾತಿ: ಹೊಸ ಅಧಿಸೂಚನೆಗೆ ತಡೆ