<p><strong>ಮೈಸೂರು</strong>: ಕೇರಳದ ವಯನಾಡಿನಲ್ಲಿ ಸುರಿದ ‘ಮಾನಂದವಾಡಿ ಮಾನ್ಸೂನ್’ ವರ್ಷಧಾರೆಗೆ, ಆಗಸ್ಟ್ ಮೊದಲ ವಾರದಲ್ಲೇ ಭರ್ತಿಯಾದ ಕಬಿನಿ ಜಲಾಶಯಕ್ಕೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಗೌರಿ ಹಬ್ಬದಂದೇ (ಶುಕ್ರವಾರ) ಬಾಗಿನ ಅರ್ಪಿಸಲಿದ್ದಾರೆ.</p>.<p>ಮುಖ್ಯಮಂತ್ರಿ ಬಾಗಿನ ಅರ್ಪಣೆಗಾಗಿಯೇ 2284 ಅಡಿ ಎತ್ತರದ ಜಲಾಶಯವನ್ನು ಭರ್ತಿ ಮಾಡಲಾಗಿದೆ. 2283.84 ಅಡಿವರೆಗೂ ನೀರು ಸಂಗ್ರಹಿಸಿದ್ದು, ಇದು ಗರಿಷ್ಠ ಸಂಗ್ರಹಣೆಯಾಗಿದೆ. 4000 ಕ್ಯುಸೆಕ್ ನೀರಿನ ಹೊರ ಹರಿವಿದೆ.</p>.<p>19.52 ಟಿಎಂಸಿ ಅಡಿ ನೀರು ಸಂಗ್ರಹಣಾ ಸಾಮರ್ಥ್ಯದ ಜಲಾಶಯದಿಂದ ಇದೂವರೆಗೂ 35 ಟಿಎಂಸಿ ಅಡಿಗೂ ಹೆಚ್ಚಿನ ನೀರನ್ನು ನದಿ ಪಾತ್ರಕ್ಕೆ, ನಾಲೆಗಳಿಗೆ ಹರಿಸಲಾಗಿದೆ.</p>.<p>ಆ.6ರ ವೇಳೆಗೆ 15 ಟಿಎಂಸಿ ಅಡಿ ನೀರು ಹೊರ ಹರಿದಿದ್ದರೆ, ಉಳಿದ 14 ದಿನಗಳಲ್ಲಿ 20 ಟಿಎಂಸಿ ಅಡಿ ನೀರು ಹೊರ ಹರಿದಿದೆ. ಹಿಂದಿನ ವರ್ಷದ ಅವಧಿಯಲ್ಲಿ 53 ಟಿಎಂಸಿ ಅಡಿಗೂ ಹೆಚ್ಚು ನೀರು ಹೊರ ಹರಿದಿತ್ತು ಎಂಬುದನ್ನು ಜಲಾಶಯದ ಮೂಲಗಳು ತಿಳಿಸಿವೆ.</p>.<p><strong>ಮೂವರಿಂದ ಮೂರು ಬಾರಿ ಬಾಗಿನ</strong></p>.<p>2003–04ರಿಂದ 2019–20ರವರೆಗೆ ಕಬಿನಿಗೆ ಒಂಬತ್ತು ಬಾರಿ ನಾಲ್ವರು ಮುಖ್ಯಮಂತ್ರಿಗಳು ಬಾಗಿನ ಅರ್ಪಿಸಿದ್ದು, ಎರಡು ಬಾರಿ ಜಿಲ್ಲಾ ಉಸ್ತುವಾರಿ ಸಚಿವರು ಬಾಗಿನದ ಗೌರವ ನೀಡಿದ್ದಾರೆ.</p>.<p>ಬಿ.ಎಸ್.ಯಡಿಯೂರಪ್ಪ ಸೇರಿದಂತೆ ಎಚ್.ಡಿ.ಕುಮಾರಸ್ವಾಮಿ, ಸಿದ್ದರಾಮಯ್ಯ ತಮ್ಮ ಅಧಿಕಾರದ ಅವಧಿಯಲ್ಲಿ ತಲಾ ಮೂರು ಬಾರಿ ಮುಖ್ಯಮಂತ್ರಿಯಾಗಿ ಬಾಗಿನ ಅರ್ಪಿಸಿದ್ದಾರೆ.</p>.<p>2004–05ರಲ್ಲಿ ಎನ್.ಧರ್ಮಸಿಂಗ್, 2006–07, 2007–08, 2018–19ರಲ್ಲಿ ಕುಮಾರಸ್ವಾಮಿ, 2013–14, 2015–16, 2017–18ರಲ್ಲಿ ಸಿದ್ದರಾಮಯ್ಯ, 2009–10, 2019–20ರಲ್ಲಿ ಬಾಗಿನ ಅರ್ಪಿಸಿದ್ದ ಬಿ.ಎಸ್.ಯಡಿಯೂರಪ್ಪ ಇದೀಗ ಮತ್ತೊಮ್ಮೆ ಕಪಿಲೆಗೆ ಬಾಗಿನದ ಗೌರವ ನೀಡಲಿದ್ದಾರೆ.</p>.<p>2012–13ರಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರಾಗಿದ್ದ ಎಸ್.ಎ.ರಾಮದಾಸ್, 2014–15ರಲ್ಲಿ ವಿ.ಶ್ರೀನಿವಾಸ ಪ್ರಸಾದ್ ಸರ್ಕಾರದ ಪರವಾಗಿ ಕಪಿಲೆಗೆ ಗೌರವಾರ್ಪಣೆ ಸಲ್ಲಿಸಿದ್ದರು ಎಂಬುದು ಕಬಿನಿ ಜಲಾಶಯದ ಮೂಲಗಳಿಂದ ತಿಳಿದು ಬಂದಿದೆ.</p>.<p><strong>ಮೊದಲ ಬಾಗಿನ ನೀಡಿದ್ದು ಅರಸು:</strong> ಕಪಿಲೆಗೆ ಎಚ್.ಡಿ.ಕೋಟೆ ತಾಲ್ಲೂಕಿನಲ್ಲಿ ಕಬಿನಿ ಜಲಾಶಯ ನಿರ್ಮಿಸಲಾಗಿದೆ. 1974ರಿಂದಲೂ ಇಲ್ಲಿ ನೀರು ಸಂಗ್ರಹ ಮಾಡಲಾಗುತ್ತಿದೆ.</p>.<p>‘ಡಿ.ದೇವರಾಜ ಅರಸು ಮುಖ್ಯಮಂತ್ರಿಯಾಗಿದ್ದಾಗಲೇ ಜಲಾಶಯ ನಿರ್ಮಾಣಗೊಂಡಿತು. ಭರ್ತಿಯಾದ ಕಬಿನಿಗೆ ಬಾಗಿನ ಅರ್ಪಿಸಿದ ಮೊದಲ ಮುಖ್ಯಮಂತ್ರಿ ಅರಸು’ ಎಂದು ಜಲಾಶಯದ ಗೇಜ್ ರೀಡರ್ ನಾಗರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಅರಸು ನಂತರ ಆರ್.ಗುಂಡೂರಾವ್, ಎಸ್.ಬಂಗಾರಪ್ಪ, ಎಚ್.ಡಿ.ದೇವೇಗೌಡ, ಜೆ.ಎಚ್.ಪಟೇಲ್, ಎಸ್.ಎಂ.ಕೃಷ್ಣ ಸಹ ತಮ್ಮ ಆಡಳಿತದ ಅವಧಿಯಲ್ಲಿ ಕಪಿಲೆಗೆ ಬಾಗಿನದ ಗೌರವ ನೀಡಿದ್ದಾರೆ’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ಕೇರಳದ ವಯನಾಡಿನಲ್ಲಿ ಸುರಿದ ‘ಮಾನಂದವಾಡಿ ಮಾನ್ಸೂನ್’ ವರ್ಷಧಾರೆಗೆ, ಆಗಸ್ಟ್ ಮೊದಲ ವಾರದಲ್ಲೇ ಭರ್ತಿಯಾದ ಕಬಿನಿ ಜಲಾಶಯಕ್ಕೆ ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಗೌರಿ ಹಬ್ಬದಂದೇ (ಶುಕ್ರವಾರ) ಬಾಗಿನ ಅರ್ಪಿಸಲಿದ್ದಾರೆ.</p>.<p>ಮುಖ್ಯಮಂತ್ರಿ ಬಾಗಿನ ಅರ್ಪಣೆಗಾಗಿಯೇ 2284 ಅಡಿ ಎತ್ತರದ ಜಲಾಶಯವನ್ನು ಭರ್ತಿ ಮಾಡಲಾಗಿದೆ. 2283.84 ಅಡಿವರೆಗೂ ನೀರು ಸಂಗ್ರಹಿಸಿದ್ದು, ಇದು ಗರಿಷ್ಠ ಸಂಗ್ರಹಣೆಯಾಗಿದೆ. 4000 ಕ್ಯುಸೆಕ್ ನೀರಿನ ಹೊರ ಹರಿವಿದೆ.</p>.<p>19.52 ಟಿಎಂಸಿ ಅಡಿ ನೀರು ಸಂಗ್ರಹಣಾ ಸಾಮರ್ಥ್ಯದ ಜಲಾಶಯದಿಂದ ಇದೂವರೆಗೂ 35 ಟಿಎಂಸಿ ಅಡಿಗೂ ಹೆಚ್ಚಿನ ನೀರನ್ನು ನದಿ ಪಾತ್ರಕ್ಕೆ, ನಾಲೆಗಳಿಗೆ ಹರಿಸಲಾಗಿದೆ.</p>.<p>ಆ.6ರ ವೇಳೆಗೆ 15 ಟಿಎಂಸಿ ಅಡಿ ನೀರು ಹೊರ ಹರಿದಿದ್ದರೆ, ಉಳಿದ 14 ದಿನಗಳಲ್ಲಿ 20 ಟಿಎಂಸಿ ಅಡಿ ನೀರು ಹೊರ ಹರಿದಿದೆ. ಹಿಂದಿನ ವರ್ಷದ ಅವಧಿಯಲ್ಲಿ 53 ಟಿಎಂಸಿ ಅಡಿಗೂ ಹೆಚ್ಚು ನೀರು ಹೊರ ಹರಿದಿತ್ತು ಎಂಬುದನ್ನು ಜಲಾಶಯದ ಮೂಲಗಳು ತಿಳಿಸಿವೆ.</p>.<p><strong>ಮೂವರಿಂದ ಮೂರು ಬಾರಿ ಬಾಗಿನ</strong></p>.<p>2003–04ರಿಂದ 2019–20ರವರೆಗೆ ಕಬಿನಿಗೆ ಒಂಬತ್ತು ಬಾರಿ ನಾಲ್ವರು ಮುಖ್ಯಮಂತ್ರಿಗಳು ಬಾಗಿನ ಅರ್ಪಿಸಿದ್ದು, ಎರಡು ಬಾರಿ ಜಿಲ್ಲಾ ಉಸ್ತುವಾರಿ ಸಚಿವರು ಬಾಗಿನದ ಗೌರವ ನೀಡಿದ್ದಾರೆ.</p>.<p>ಬಿ.ಎಸ್.ಯಡಿಯೂರಪ್ಪ ಸೇರಿದಂತೆ ಎಚ್.ಡಿ.ಕುಮಾರಸ್ವಾಮಿ, ಸಿದ್ದರಾಮಯ್ಯ ತಮ್ಮ ಅಧಿಕಾರದ ಅವಧಿಯಲ್ಲಿ ತಲಾ ಮೂರು ಬಾರಿ ಮುಖ್ಯಮಂತ್ರಿಯಾಗಿ ಬಾಗಿನ ಅರ್ಪಿಸಿದ್ದಾರೆ.</p>.<p>2004–05ರಲ್ಲಿ ಎನ್.ಧರ್ಮಸಿಂಗ್, 2006–07, 2007–08, 2018–19ರಲ್ಲಿ ಕುಮಾರಸ್ವಾಮಿ, 2013–14, 2015–16, 2017–18ರಲ್ಲಿ ಸಿದ್ದರಾಮಯ್ಯ, 2009–10, 2019–20ರಲ್ಲಿ ಬಾಗಿನ ಅರ್ಪಿಸಿದ್ದ ಬಿ.ಎಸ್.ಯಡಿಯೂರಪ್ಪ ಇದೀಗ ಮತ್ತೊಮ್ಮೆ ಕಪಿಲೆಗೆ ಬಾಗಿನದ ಗೌರವ ನೀಡಲಿದ್ದಾರೆ.</p>.<p>2012–13ರಲ್ಲಿ ಜಿಲ್ಲಾ ಉಸ್ತುವಾರಿ ಸಚಿವರಾಗಿದ್ದ ಎಸ್.ಎ.ರಾಮದಾಸ್, 2014–15ರಲ್ಲಿ ವಿ.ಶ್ರೀನಿವಾಸ ಪ್ರಸಾದ್ ಸರ್ಕಾರದ ಪರವಾಗಿ ಕಪಿಲೆಗೆ ಗೌರವಾರ್ಪಣೆ ಸಲ್ಲಿಸಿದ್ದರು ಎಂಬುದು ಕಬಿನಿ ಜಲಾಶಯದ ಮೂಲಗಳಿಂದ ತಿಳಿದು ಬಂದಿದೆ.</p>.<p><strong>ಮೊದಲ ಬಾಗಿನ ನೀಡಿದ್ದು ಅರಸು:</strong> ಕಪಿಲೆಗೆ ಎಚ್.ಡಿ.ಕೋಟೆ ತಾಲ್ಲೂಕಿನಲ್ಲಿ ಕಬಿನಿ ಜಲಾಶಯ ನಿರ್ಮಿಸಲಾಗಿದೆ. 1974ರಿಂದಲೂ ಇಲ್ಲಿ ನೀರು ಸಂಗ್ರಹ ಮಾಡಲಾಗುತ್ತಿದೆ.</p>.<p>‘ಡಿ.ದೇವರಾಜ ಅರಸು ಮುಖ್ಯಮಂತ್ರಿಯಾಗಿದ್ದಾಗಲೇ ಜಲಾಶಯ ನಿರ್ಮಾಣಗೊಂಡಿತು. ಭರ್ತಿಯಾದ ಕಬಿನಿಗೆ ಬಾಗಿನ ಅರ್ಪಿಸಿದ ಮೊದಲ ಮುಖ್ಯಮಂತ್ರಿ ಅರಸು’ ಎಂದು ಜಲಾಶಯದ ಗೇಜ್ ರೀಡರ್ ನಾಗರಾಜ್ ‘ಪ್ರಜಾವಾಣಿ’ಗೆ ತಿಳಿಸಿದರು.</p>.<p>‘ಅರಸು ನಂತರ ಆರ್.ಗುಂಡೂರಾವ್, ಎಸ್.ಬಂಗಾರಪ್ಪ, ಎಚ್.ಡಿ.ದೇವೇಗೌಡ, ಜೆ.ಎಚ್.ಪಟೇಲ್, ಎಸ್.ಎಂ.ಕೃಷ್ಣ ಸಹ ತಮ್ಮ ಆಡಳಿತದ ಅವಧಿಯಲ್ಲಿ ಕಪಿಲೆಗೆ ಬಾಗಿನದ ಗೌರವ ನೀಡಿದ್ದಾರೆ’ ಎಂದು ಅವರು ಹೇಳಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
