<p><strong>ಬೆಂಗಳೂರು:</strong> ‘ಬೆಂಗಳೂರು– ಮೈಸೂರು ಇನ್ಫ್ರಾಸ್ಟ್ರಕ್ಚರ್ ಕಾರಿಡಾರ್ ಯೋಜನೆ’ (ಬಿಎಂಐಸಿ) ಒಪ್ಪಂದದ ಷರತ್ತುಗಳನ್ನು ಉಲ್ಲಂಘಿಸಿರುವ ಆರೋಪ ಎದುರಿಸುತ್ತಿರುವ ‘ನಂದಿ ಇನ್ಫ್ರಾಸ್ಟ್ರಕ್ಚರ್ ಕಾರಿಡಾರ್ ಎಂಟರ್ಪ್ರೈಸಸ್’ (ನೈಸ್) ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ರಾಜ್ಯ ಸರ್ಕಾರ ನಿರಾಸಕ್ತಿ ತೋರುತ್ತಿದೆ.</p>.<p>ರಾಜ್ಯ ಸರ್ಕಾರ ಮತ್ತು ನೈಸ್ ನಡುವೆ ಏರ್ಪಟ್ಟಿರುವ ಒಪ್ಪಂದದಂತೆ ನಿಗದಿತ ಕಾಲಮಿತಿಯೊಳಗೆ ಕಾಂಕ್ರಿಟ್ ರಸ್ತೆ ನಿರ್ಮಿಸದೆ, ಏಕಪಕ್ಷೀಯವಾಗಿ ಟೋಲ್ ಶುಲ್ಕ ಏರಿಸಿದ ನೈಸ್ ಕಂಪನಿಯ ಗುತ್ತಿಗೆ ರದ್ದುಪಡಿಸಲು ಸುಪ್ರೀಂ ಕೋರ್ಟ್ಗೆ ಅರ್ಜಿ ಸಲ್ಲಿಸಬಹುದು ಎಂದು ಈ ಹಿಂದಿನ ಅಡ್ವೊಕೇಟ್ ಜನರಲ್ (ಎ.ಜಿ) ಮಧುಸೂದನ ಆರ್. ನಾಯಕ್ ಸರ್ಕಾರಕ್ಕೆ ಸಲಹೆ ನೀಡಿದ್ದರು.</p>.<p>‘ಬಿಎಂಐಸಿ’ ಯೋಜನೆ ಜಾರಿಗೆ ಸುಪ್ರೀಂ ಕೋರ್ಟ್, ಹೈಕೋರ್ಟ್ ನಿರ್ದೇಶನಗಳ ಹಿನ್ನೆಲೆಯಲ್ಲೇ, ವಾಸ್ತವಾಂಶವನ್ನು ಸುಪ್ರೀಂಕೋರ್ಟ್ಗೆ ಮನವರಿಕೆ ಮಾಡಿ, ತಾನೇ ಯೋಜನೆ ಮುಂದುವರಿಸಲು ಅಥವಾ ಬೇರೆ ಕಂಪನಿಗಳೊಂದಿಗೆ ಹೊಸ ಗುತ್ತಿಗೆ ಒಪ್ಪಂದ ಮಾಡಿಕೊಳ್ಳಲು ಅನುಮತಿ ಕೇಳಬಹುದು ಎಂದು ನಾಯಕ್ ಅಭಿಪ್ರಾಯ ಕೊಟ್ಟಿದ್ದರು.</p>.<p>ಅಡ್ವೊಕೇಟ್ ಜನರಲ್ ಕಚೇರಿಯಿಂದ ಕಳೆದ ಮೇ 14ರಂದು ರವಾನೆಯಾಗಿರುವ ಕಡತ 5 ತಿಂಗಳಿಂದ ಲೋಕೋಪಯೋಗಿ ಇಲಾಖೆಯಲ್ಲಿ ದೂಳು ಹಿಡಿಯುತ್ತಿದೆ. ಇದೊಂದೇ ಅಲ್ಲ, ಟಿ.ಬಿ. ಜಯಚಂದ್ರ ನೇತೃತ್ವದ ಸದನ ಸಮಿತಿ ನೀಡಿರುವ ವರದಿ, ಬಿಎಂಐಸಿಗೆ ಸಂಬಂಧಿಸಿದ ಕಡತಗಳಿಗೂ ಇದೇ ಸ್ಥಿತಿ ಬಂದೊದಗಿದೆ!</p>.<p><strong>ಏನಿದು ವಿವಾದ:</strong> 2017ರ ಜುಲೈ 1ರಿಂದ ಅನಧಿಕೃತವಾಗಿ ಟೋಲ್ ಶುಲ್ಕ ಏರಿಸಿರುವ ನೈಸ್ ಕ್ರಮ ಪ್ರಶ್ನಿಸಿ ಲೋಕೋ ಪಯೋಗಿ ಇಲಾಖೆ ಅದೇ ತಿಂಗಳ 7ರಂದು ನೋಟಿಸ್ ನೀಡಿತ್ತು. ಇದಕ್ಕೆ ನೈಸ್ ವಾರದಲ್ಲಿ ಉತ್ತರಿಸಿತ್ತು. ಈ ಬಗ್ಗೆ ಸರ್ಕಾರ (ಪಿಡಬ್ಲ್ಯುಡಿ 50 ಸಿಆರ್ಎಂ 2017) ಎ.ಜಿ ಸಲಹೆ ಕೇಳಿತ್ತು.</p>.<p>ಸರ್ಕಾರ ಮತ್ತು ನೈಸ್ ಮಧ್ಯೆ 1997ರ ಏಪ್ರಿಲ್ 3ರಂದು ಆಗಿರುವ ಒಪ್ಪಂದದಂತೆ ಮೊದಲೆರಡು ಹಂತದ ಟೋಲ್ ರಸ್ತೆ ಕಾಮಗಾರಿ ಆರಂಭಿಕ ಹಣ ಹೂಡಿಕೆಯ 8 ವರ್ಷದೊಳಗೇ ಮುಗಿಯಬೇಕಿತ್ತು. 2002ರ ಜೂನ್ 4ರಂದು ಸರ್ಕಾರಕ್ಕೆ ಪತ್ರ ಬರೆದ ನೈಸ್, 24 ತಿಂಗಳಲ್ಲಿ ಎರಡು ಲೇನ್ ಡಾಂಬರ್ ರಸ್ತೆ ನಿರ್ಮಿಸಿ, ಟೋಲ್ ಸಂಗ್ರಹಣೆಗೆ ಒಪ್ಪಿಗೆ ಕೇಳಿತ್ತು. ಈ ರಸ್ತೆಯನ್ನು ಕಾಲಮಿತಿಗೆ ಮುನ್ನವೇ ನಾಲ್ಕು ಲೇನ್ ಕಾಂಕ್ರಿಟ್ ರಸ್ತೆಯಾಗಿ ಪರಿವರ್ತಿಸುವುದಾಗಿ ಭರವಸೆ ನೀಡಿತ್ತು. ಅದಕ್ಕೆ ಸರ್ಕಾರ ಸಮ್ಮತಿಸಿತ್ತು.</p>.<p>ಅದರಂತೆ, ‘ಎ’ ವಿಭಾಗದಲ್ಲಿ 62 ಕಿ.ಮೀ. ಉದ್ದದ ನಾಲ್ಕು ಲೇನ್ ಕಾಂಕ್ರಿಟ್ ರಸ್ತೆ ನಿರ್ಮಾಣ 2012ರ ಮಾರ್ಚ್ ಅಂತ್ಯಕ್ಕೆ ಮುಗಿಯಬೇಕಿತ್ತು. ಇದುವರೆಗೆ ಕಂಪನಿ 54.75 ಕಿ.ಮೀ. ಡಾಂಬರ್ ರಸ್ತೆ ಮಾತ್ರ ನಿರ್ಮಿಸಿದೆ. ಇದರಲ್ಲಿ 41 ಕಿ.ಮೀ ಪೆರಿಫೆರಲ್ ರಸ್ತೆ, 8.75 ಕಿ.ಮೀ. ಸಂಪರ್ಕ ರಸ್ತೆ, 5 ಕಿ.ಮೀ. ಎಕ್ಸ್ಪ್ರೆಸ್ ರಸ್ತೆ ಸೇರಿದೆ.</p>.<p>ಎಲ್ಲ ಅಂಶಗಳನ್ನು ಪರಿಶೀಲಿಸಿದ ಎ.ಜಿ, ‘ವಿವಾದವನ್ನು ಚರ್ಚೆಯ ಮೂಲಕ ಬಗೆಹರಿಸಿಕೊಳ್ಳಬಹುದು. ಮಧ್ಯಸ್ಥಿಕೆಗೂ ಅವಕಾಶವಿದೆ. ಸರ್ಕಾರ ಸಂವಿಧಾನದತ್ತ ಪರಮಾಧಿಕಾರ ಬಳಸಿ, ಯೋಜನೆಯನ್ನು ವಶಪಡಿಸಿಕೊಳ್ಳಲು ಮಸೂದೆ ರೂಪಿಸಬಹುದು. ಈ ಮಸೂದೆಗೆ ರಾಷ್ಟ್ರಪತಿ ಅಂಕಿತ ಬೇಕಾಗುತ್ತದೆ’ ಎಂದಿದ್ದರು. ಇದಕ್ಕೆ ಪೂರಕವಾಗಿ ಸುಪ್ರೀಂಕೋರ್ಟ್ನ ಕೆಲವು ತೀರ್ಪುಗಳನ್ನು ಉಲ್ಲೇಖಿಸಿದ್ದರು.</p>.<p>**</p>.<p><strong>ಮಧ್ಯಸ್ಥಿಕೆ ಎಲ್ಲಿ?</strong></p>.<p>ಬಿಎಂಐಸಿ ಯೋಜನೆ ಸಂಬಂಧದ ಮಧ್ಯಸ್ಥಿಕೆ ಎಲ್ಲಿ ನಡೆಯಬೇಕು ಗೊತ್ತೇ? ಲಂಡನ್ನಲ್ಲಿ! ಅದೂ ನ್ಯೂಯಾರ್ಕ್ ಕನ್ವೆಷನ್ 1998 ಪ್ರಕಾರ!</p>.<p>ರಾಜ್ಯ ಸರ್ಕಾರ ಹಾಗೂ ನೈಸ್ ನಡುವೆ ಏರ್ಪಟ್ಟಿರುವ ಒಪ್ಪಂದದಲ್ಲಿ ಈ ಅಂಶ ಅಡಕವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ಬೆಂಗಳೂರು– ಮೈಸೂರು ಇನ್ಫ್ರಾಸ್ಟ್ರಕ್ಚರ್ ಕಾರಿಡಾರ್ ಯೋಜನೆ’ (ಬಿಎಂಐಸಿ) ಒಪ್ಪಂದದ ಷರತ್ತುಗಳನ್ನು ಉಲ್ಲಂಘಿಸಿರುವ ಆರೋಪ ಎದುರಿಸುತ್ತಿರುವ ‘ನಂದಿ ಇನ್ಫ್ರಾಸ್ಟ್ರಕ್ಚರ್ ಕಾರಿಡಾರ್ ಎಂಟರ್ಪ್ರೈಸಸ್’ (ನೈಸ್) ವಿರುದ್ಧ ಕಾನೂನು ಕ್ರಮ ಕೈಗೊಳ್ಳಲು ರಾಜ್ಯ ಸರ್ಕಾರ ನಿರಾಸಕ್ತಿ ತೋರುತ್ತಿದೆ.</p>.<p>ರಾಜ್ಯ ಸರ್ಕಾರ ಮತ್ತು ನೈಸ್ ನಡುವೆ ಏರ್ಪಟ್ಟಿರುವ ಒಪ್ಪಂದದಂತೆ ನಿಗದಿತ ಕಾಲಮಿತಿಯೊಳಗೆ ಕಾಂಕ್ರಿಟ್ ರಸ್ತೆ ನಿರ್ಮಿಸದೆ, ಏಕಪಕ್ಷೀಯವಾಗಿ ಟೋಲ್ ಶುಲ್ಕ ಏರಿಸಿದ ನೈಸ್ ಕಂಪನಿಯ ಗುತ್ತಿಗೆ ರದ್ದುಪಡಿಸಲು ಸುಪ್ರೀಂ ಕೋರ್ಟ್ಗೆ ಅರ್ಜಿ ಸಲ್ಲಿಸಬಹುದು ಎಂದು ಈ ಹಿಂದಿನ ಅಡ್ವೊಕೇಟ್ ಜನರಲ್ (ಎ.ಜಿ) ಮಧುಸೂದನ ಆರ್. ನಾಯಕ್ ಸರ್ಕಾರಕ್ಕೆ ಸಲಹೆ ನೀಡಿದ್ದರು.</p>.<p>‘ಬಿಎಂಐಸಿ’ ಯೋಜನೆ ಜಾರಿಗೆ ಸುಪ್ರೀಂ ಕೋರ್ಟ್, ಹೈಕೋರ್ಟ್ ನಿರ್ದೇಶನಗಳ ಹಿನ್ನೆಲೆಯಲ್ಲೇ, ವಾಸ್ತವಾಂಶವನ್ನು ಸುಪ್ರೀಂಕೋರ್ಟ್ಗೆ ಮನವರಿಕೆ ಮಾಡಿ, ತಾನೇ ಯೋಜನೆ ಮುಂದುವರಿಸಲು ಅಥವಾ ಬೇರೆ ಕಂಪನಿಗಳೊಂದಿಗೆ ಹೊಸ ಗುತ್ತಿಗೆ ಒಪ್ಪಂದ ಮಾಡಿಕೊಳ್ಳಲು ಅನುಮತಿ ಕೇಳಬಹುದು ಎಂದು ನಾಯಕ್ ಅಭಿಪ್ರಾಯ ಕೊಟ್ಟಿದ್ದರು.</p>.<p>ಅಡ್ವೊಕೇಟ್ ಜನರಲ್ ಕಚೇರಿಯಿಂದ ಕಳೆದ ಮೇ 14ರಂದು ರವಾನೆಯಾಗಿರುವ ಕಡತ 5 ತಿಂಗಳಿಂದ ಲೋಕೋಪಯೋಗಿ ಇಲಾಖೆಯಲ್ಲಿ ದೂಳು ಹಿಡಿಯುತ್ತಿದೆ. ಇದೊಂದೇ ಅಲ್ಲ, ಟಿ.ಬಿ. ಜಯಚಂದ್ರ ನೇತೃತ್ವದ ಸದನ ಸಮಿತಿ ನೀಡಿರುವ ವರದಿ, ಬಿಎಂಐಸಿಗೆ ಸಂಬಂಧಿಸಿದ ಕಡತಗಳಿಗೂ ಇದೇ ಸ್ಥಿತಿ ಬಂದೊದಗಿದೆ!</p>.<p><strong>ಏನಿದು ವಿವಾದ:</strong> 2017ರ ಜುಲೈ 1ರಿಂದ ಅನಧಿಕೃತವಾಗಿ ಟೋಲ್ ಶುಲ್ಕ ಏರಿಸಿರುವ ನೈಸ್ ಕ್ರಮ ಪ್ರಶ್ನಿಸಿ ಲೋಕೋ ಪಯೋಗಿ ಇಲಾಖೆ ಅದೇ ತಿಂಗಳ 7ರಂದು ನೋಟಿಸ್ ನೀಡಿತ್ತು. ಇದಕ್ಕೆ ನೈಸ್ ವಾರದಲ್ಲಿ ಉತ್ತರಿಸಿತ್ತು. ಈ ಬಗ್ಗೆ ಸರ್ಕಾರ (ಪಿಡಬ್ಲ್ಯುಡಿ 50 ಸಿಆರ್ಎಂ 2017) ಎ.ಜಿ ಸಲಹೆ ಕೇಳಿತ್ತು.</p>.<p>ಸರ್ಕಾರ ಮತ್ತು ನೈಸ್ ಮಧ್ಯೆ 1997ರ ಏಪ್ರಿಲ್ 3ರಂದು ಆಗಿರುವ ಒಪ್ಪಂದದಂತೆ ಮೊದಲೆರಡು ಹಂತದ ಟೋಲ್ ರಸ್ತೆ ಕಾಮಗಾರಿ ಆರಂಭಿಕ ಹಣ ಹೂಡಿಕೆಯ 8 ವರ್ಷದೊಳಗೇ ಮುಗಿಯಬೇಕಿತ್ತು. 2002ರ ಜೂನ್ 4ರಂದು ಸರ್ಕಾರಕ್ಕೆ ಪತ್ರ ಬರೆದ ನೈಸ್, 24 ತಿಂಗಳಲ್ಲಿ ಎರಡು ಲೇನ್ ಡಾಂಬರ್ ರಸ್ತೆ ನಿರ್ಮಿಸಿ, ಟೋಲ್ ಸಂಗ್ರಹಣೆಗೆ ಒಪ್ಪಿಗೆ ಕೇಳಿತ್ತು. ಈ ರಸ್ತೆಯನ್ನು ಕಾಲಮಿತಿಗೆ ಮುನ್ನವೇ ನಾಲ್ಕು ಲೇನ್ ಕಾಂಕ್ರಿಟ್ ರಸ್ತೆಯಾಗಿ ಪರಿವರ್ತಿಸುವುದಾಗಿ ಭರವಸೆ ನೀಡಿತ್ತು. ಅದಕ್ಕೆ ಸರ್ಕಾರ ಸಮ್ಮತಿಸಿತ್ತು.</p>.<p>ಅದರಂತೆ, ‘ಎ’ ವಿಭಾಗದಲ್ಲಿ 62 ಕಿ.ಮೀ. ಉದ್ದದ ನಾಲ್ಕು ಲೇನ್ ಕಾಂಕ್ರಿಟ್ ರಸ್ತೆ ನಿರ್ಮಾಣ 2012ರ ಮಾರ್ಚ್ ಅಂತ್ಯಕ್ಕೆ ಮುಗಿಯಬೇಕಿತ್ತು. ಇದುವರೆಗೆ ಕಂಪನಿ 54.75 ಕಿ.ಮೀ. ಡಾಂಬರ್ ರಸ್ತೆ ಮಾತ್ರ ನಿರ್ಮಿಸಿದೆ. ಇದರಲ್ಲಿ 41 ಕಿ.ಮೀ ಪೆರಿಫೆರಲ್ ರಸ್ತೆ, 8.75 ಕಿ.ಮೀ. ಸಂಪರ್ಕ ರಸ್ತೆ, 5 ಕಿ.ಮೀ. ಎಕ್ಸ್ಪ್ರೆಸ್ ರಸ್ತೆ ಸೇರಿದೆ.</p>.<p>ಎಲ್ಲ ಅಂಶಗಳನ್ನು ಪರಿಶೀಲಿಸಿದ ಎ.ಜಿ, ‘ವಿವಾದವನ್ನು ಚರ್ಚೆಯ ಮೂಲಕ ಬಗೆಹರಿಸಿಕೊಳ್ಳಬಹುದು. ಮಧ್ಯಸ್ಥಿಕೆಗೂ ಅವಕಾಶವಿದೆ. ಸರ್ಕಾರ ಸಂವಿಧಾನದತ್ತ ಪರಮಾಧಿಕಾರ ಬಳಸಿ, ಯೋಜನೆಯನ್ನು ವಶಪಡಿಸಿಕೊಳ್ಳಲು ಮಸೂದೆ ರೂಪಿಸಬಹುದು. ಈ ಮಸೂದೆಗೆ ರಾಷ್ಟ್ರಪತಿ ಅಂಕಿತ ಬೇಕಾಗುತ್ತದೆ’ ಎಂದಿದ್ದರು. ಇದಕ್ಕೆ ಪೂರಕವಾಗಿ ಸುಪ್ರೀಂಕೋರ್ಟ್ನ ಕೆಲವು ತೀರ್ಪುಗಳನ್ನು ಉಲ್ಲೇಖಿಸಿದ್ದರು.</p>.<p>**</p>.<p><strong>ಮಧ್ಯಸ್ಥಿಕೆ ಎಲ್ಲಿ?</strong></p>.<p>ಬಿಎಂಐಸಿ ಯೋಜನೆ ಸಂಬಂಧದ ಮಧ್ಯಸ್ಥಿಕೆ ಎಲ್ಲಿ ನಡೆಯಬೇಕು ಗೊತ್ತೇ? ಲಂಡನ್ನಲ್ಲಿ! ಅದೂ ನ್ಯೂಯಾರ್ಕ್ ಕನ್ವೆಷನ್ 1998 ಪ್ರಕಾರ!</p>.<p>ರಾಜ್ಯ ಸರ್ಕಾರ ಹಾಗೂ ನೈಸ್ ನಡುವೆ ಏರ್ಪಟ್ಟಿರುವ ಒಪ್ಪಂದದಲ್ಲಿ ಈ ಅಂಶ ಅಡಕವಾಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
