ಜ.31ರಿಂದ ಹಂಪಿ ಮೋಟಾರ್‌ ರೇಸ್‌ ಸ್ಪರ್ಧೆ

ಹೊಸಪೇಟೆ : ಇಲ್ಲಿನ ‘ಮೋಟಾರ್ಸ್ಪೋರ್ಟ್ಸ್ ಅಕಾಡೆಮಿ ಆಫ್ ವಿಜಯನಗರ’ ಸಂಸ್ಥೆಯು ತಾಲ್ಲೂಕಿನ ನಾಲ್ಕು ಕಡೆಗಳಲ್ಲಿ ‘ಹಂಪಿ ಮೋಟಾರ್ ಸ್ಪೋರ್ಟ್ಸ್ ರೇಸ್’ ಸ್ಪರ್ಧೆ ಆಯೋಜಿಸಿದೆ.

. ‘ದಿ ಫೆಡರೇಶನ್ ಆಫ್ ಮೋಟಾರ್ ಸ್ಪೋರ್ಟ್ಸ್ ಕ್ಲಬ್ ಆಫ್ ಇಂಡಿಯಾ’ (ಎಫ್ಎಂಎಸ್ಸಿಐ) ಸಹಭಾಗಿತ್ವದಲ್ಲಿ ಜ. 31, ಫೆ. 6 ಹಾಗೂ 7ರಂದು ತಾಲ್ಲೂಕಿನ ರಾಜಪುರ, ಜಂಬುನಾಥಹಳ್ಳಿ, ಧರ್ಮಸಾಗರ ಹಾಗೂ ಕಾರಿಗನೂರು ಬಳಿ ಸ್ಪರ್ಧೆ ಏರ್ಪಡಿಸಿದೆ’ ಎಂದು ಮೋಟಾರ್ ಸ್ಪೋರ್ಟ್ಸ್ ಅಕಾಡೆಮಿ ಆಫ್ ವಿಜಯನಗರ ಅಧ್ಯಕ್ಷ ಸಂತೋಷ್ ಗುರುವಾರ ಇಲ್ಲಿ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

. ‘ಮಂಗಳೂರು, ಬೆಂಗಳೂರು, ಕೊಯಮತ್ತೂರಿನಲ್ಲಿ ಈಗಾಗಲೇ ಮೂರು ಹಂತದ ಸ್ಪರ್ಧೆಗಳು ನಡೆದಿವೆ. ನಾಲ್ಕನೇ ಹಂತದ ರಾಷ್ಟ್ರೀಯ ಸ್ಪರ್ಧೆ ಹಂಪಿಯಲ್ಲಿ ನಡೆಯುತ್ತಿರುವುದು ವಿಶೇಷ. 31ರಂದು ಬೆಳಿಗ್ಗೆ 8ಕ್ಕೆ ಜಂಬುನಾಥಹಳ್ಳಿಯಲ್ಲಿ ಬೈಕ್ ರೇಸ್ ಸ್ಪರ್ಧೆ ನಡೆಯಲಿದೆ. ಫೆ. 6ರಂದು ಆಟೊ ಕ್ರಾಸ್ ಕಾರ್ ರೇಸ್ ಸ್ಪರ್ಧೆ ಜರುಗಲಿದೆ. ಈ ಸ್ಪರ್ಧೆಯಲ್ಲಿ ಗೆದ್ದವರಿಗೆ ₹1 ಲಕ್ಷ ನಗದು ಬಹುಮಾನ, ‘ಡರ್ಟ್ ಕಿಂಗ್ ಆಫ್ ಹಂಪಿ’ ಪ್ರಶಸ್ತಿ ನೀಡಲಾಗುವುದು. ಫೆ. 7ರಂದು ನಾಲ್ಕು ಚಕ್ರಗಳ ವಾಹನಗಳ ರೇಸ್ ನಡೆಯಲಿದೆ. ಈ ಸ್ಪರ್ಧೆಗಳು ಕ್ರಮವಾಗಿ ರಾಜಪುರ, ಧರ್ಮಸಾಗರ ಹಾಗೂ ಕಾರಿಗನೂರಿನಲ್ಲಿ ನಡೆಯಲಿವೆ’ ಎಂದು ವಿವರಿಸಿದರು.

. ‘ಆಟೊ ಕ್ರಾಸ್ನಲ್ಲಿ 75 ಜನ, ಬೈಕ್ ರೇಸ್ನಲ್ಲಿ 50, ನಾಲ್ಕು ಚಕ್ರದ ವಾಹನ ಹಾಗೂ ಜೀಪ್ ರೇಸ್ ಸ್ಪರ್ಧೆಗೆ ತಲಾ 30 ಜನ ಈಗಾಗಲೇ ಹೆಸರು ನೋಂದಣಿ ಮಾಡಿಸಿದ್ದಾರೆ. ಬೈಕ್ ರೇಸ್ ಸ್ಪರ್ಧೆಯಲ್ಲಿ ಅಂತರರಾಷ್ಟ್ರೀಯ ಮಟ್ಟದಲ್ಲಿ ಹೆಸರು ಮಾಡಿರುವ ಐಶ್ವರ್ಯ ಪಿಸೆ ಸೇರಿದಂತೆ ಇತರೆ ರಾಷ್ಟ್ರೀಯ ಮಟ್ಟದ ಸ್ಪರ್ಧೆಯಲ್ಲಿ ಹೆಸರು ಮಾಡಿದವರು ಪಾಲ್ಗೊಳ್ಳುತ್ತಿರುವುದು ಈ ಸಲದ ವಿಶೇಷ’ ಎಂದು ಮಾಹಿತಿ ನೀಡಿದರು.

. ಅಕಾಡೆಮಿಯ ದರ್ಪನ್ ಗೌಡ ಮಾತನಾಡಿ, ‘ಮೊದಲ ಬಾರಿಗೆ ಹಂಪಿ ಸುತ್ತಮುತ್ತಲಿನ ಸ್ಥಳದಲ್ಲಿ 4X4 ಆಫ್ ರೋಡ್ ಸ್ಪರ್ಧೆ ಆಯೋಜಿಸಲಾಗಿದೆ. ದೇಶದಲ್ಲಿ ಈ ಹಿಂದೆ ಅರುಣಾಚಾಲ ಪ್ರದೇಶ, ಗೋವಾದಲ್ಲಷ್ಟೇ ಈ ಸ್ಪರ್ಧೆ ನಡೆದಿವೆ. 2019ರಲ್ಲಿ ಹಂಪಿಯಲ್ಲಿ ಮೊದಲ ಸಲ ಸ್ಪರ್ಧೆ ಏರ್ಪಡಿಸಿದ್ದಾಗ ಉತ್ತಮ ಪ್ರತಿಕ್ರಿಯೆ ಸಿಕ್ಕಿತ್ತು. ಈ ಸಲ ಅದಕ್ಕಿಂತಲೂ ಉತ್ತಮ ಪ್ರತಿಕ್ರಿಯೆ ಸಿಗುವ ಭರವಸೆ ಇದೆ. ಇಂತಹ ಸ್ಪರ್ಧೆಗಳಿಗೆ ಹಂಪಿ ಹೇಳಿ ಮಾಡಿಸಿದ ಸ್ಥಳವಾಗಿದೆ. ಸ್ಥಳೀಯ ಪ್ರವಾಸೋದ್ಯಮ ಬೆಳವಣಿಗೆಗೂ ಅನುಕೂಲವಾಗಲಿದೆ’ ಎಂದು ತಿಳಿಸಿದರು.

. ಸಂಘಟಕರಾದ ಸಿ.ಕೆ. ಚಿನ್ನಪ್ಪ, ರೋಹಿತ್ ಗೌಡ, ಶ್ಯಾಮ, ಗಿರಿಜಾ ಶಂಕರ್, ಬೈಕ್ ರೇಸ್ ಸ್ಪರ್ಧಿ ಐಶ್ವರ್ಯ ಇದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಜ.31ರಿಂದ ಹಂಪಿ ಮೋಟಾರ್‌ ರೇಸ್‌ ಸ್ಪರ್ಧೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು

ರಣಜಿ ಟ್ರೋಫಿ ಕ್ರಿಕೆಟ್ ಟೂರ್ನಿ: ಶ್ರೇಯಸ್ ಅಯ್ಯರ್ ದ್ವಿಶತಕ

ಐಎಸ್‌ಎಲ್‌: ಬೆಂಗಳೂರು ಎಫ್‌ಸಿಗೆ ನಾರ್ಥ್‌ಈಸ್ಟ್‌ ಸವಾಲು

ವಿಶ್ವ ರ‍್ಯಾಂಕಿಂಗ್‌: ಎರಡನೇ ಸ್ಥಾನಕ್ಕೇರಿದ ಅರ್ಜುನ್‌

ಮೂವರಿಗೆ ಅವಕಾಶ ಸಿಗಲಿ: ವೈಶಾಖ, ಯಶ್, ರಮಣದೀಪ್ ಬಗ್ಗೆ ಕುಂಬ್ಳೆ ಮೆಚ್ಚುಗೆ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

US Election: ಟ್ರಂಪ್‌ ಅಭಿನಂದಿಸಿದ ಕಮಲಾ; ಕರಾಳ ದಿನ ಸಮೀಪಿಸುವ ಕುರಿತು ಆತಂಕ

ದಿನ ಭವಿಷ್ಯ: ಮಾತೃ ವರ್ಗದವರ ಸಹಾಯದಿಂದ ಅವಿವಾಹಿತರಿಗೆ ಕಂಕಣ ಭಾಗ್ಯ ದೊರೆಯುವುದು