ನೀರಿನ ನಿರ್ವಹಣೆಗೆ ‘ಹಾರಿಜಾನ್ 2020’

ಬೆಂಗಳೂರು: ಐರೋಪ್ಯ ಒಕ್ಕೂಟ ಮತ್ತು ಭಾರತವು ಜಲ ನಿರ್ವಹಣೆಗೆ ಸಂಬಂಧಿಸಿದಂತೆ ಭಾರತದಲ್ಲಿ ಏಳು ಸಂಶೋಧನಾ ಯೋಜನೆಗಳನ್ನು ಜಂಟಿಯಾಗಿ ಕೈಗೆತ್ತಿಕೊಳ್ಳಲಿವೆ. ಈ ಸಂಬಂಧ ‘ಹಾರಿಜಾನ್ 2020’ ಎಂಬ ಸಹಕಾರ ಒಪ್ಪಂದಕ್ಕೆ ಸಹಿ ಮಾಡಲಾಗಿದೆ.

. ನೀರಿಗೆ ಸಂಬಂಧಿಸಿದ ಸದ್ಯದ ಸವಾಲುಗಳನ್ನು ಹೇಗೆ ಎದುರಿಸಬಹುದು ಎಂಬುದನ್ನು ಈ ಯೋಜನೆಗಳ ಅಡಿ ಪರಿಶೀಲಿಸಲಾಗುತ್ತದೆ. ಇದಕ್ಕಾಗಿ ಹೊಸ ಅನ್ವೇಷಣೆಗಳನ್ನು ಕೈಗೊಳ್ಳಲಾಗುತ್ತದೆ. ಈ ಸಂಬಂಧ ಫೆ.14ರಂದು ಜಂಟಿ ಘೋಷಣೆ ಹೊರಡಿಸಲಾಗಿದೆ.

. ‘ಭಾರತದಲ್ಲಿ ಕುಡಿಯುವ ನೀರಿನ ಗುಣಮಟ್ಟದ ಹೆಚ್ಚಳ, ಕೊಳಚೆ ನೀರಿನ ಶುದ್ಧೀಕರಣ ಮತ್ತು ಮರು ಬಳಕೆ ಸಾಧ್ಯತೆಗಳು, ಕೊಳಚೆ ನೀರಿನ ಸಮರ್ಥ ನಿರ್ವಹಣೆಗೆ ಪರಿಹಾರ ಕಂಡುಕೊಳ್ಳುವುದು ಈ ಸಹಕಾರದ ಪ್ರಮುಖ ಉದ್ದೇಶ’ ಎಂದು ಜಂಟಿ ಘೋಷಣೆಯಲ್ಲಿ ವಿವರಿಸಲಾಗಿದೆ.

. ಭಾರತ ಮತ್ತು ಯೂರೋಪ್ನ ವಿವಿಗಳು, ಸಂಶೋಧನಾ ಸಂಸ್ಥೆಗಳು, ನಗರಪಾಲಿಕೆ, ಖಾಸಗಿ ಸಂಸ್ಥೆ ಸೇರಿಈ ಯೋಜನೆಗಳಲ್ಲಿ 130ಕ್ಕೂ ಹೆಚ್ಚು ಸಂಸ್ಥೆಗಳು ಭಾಗಿಯಾಗಲಿವೆ. ಐಐಟಿ ಬಾಂಬೆ, ಐಐಟಿ ಭುವನೇಶ್ವರ, ಐಐಟಿ ಗುವಾಹಟಿ, ಐಐಟಿ ರೂರ್ಕಿ, ಐಐಟಿ ಡೆಹಲಿ, ಸಿಎಸ್ಐಆರ್–ಎನ್ಇಇಆರ್ಐ ಮತ್ತು ಟೆರಿ ಸಂಸ್ಥೆ ಈ ಯೋಜನೆಗಳಲ್ಲಿ ಭಾಗಿಯಾಗಲಿವೆ.

. ‘ಹಾರಿಜಾನ್ 2020’ ಮುಖ್ಯಾಂಶಗಳು

. *ಗಂಗಾನದಿ ಪುನರುಜ್ಜೀವನಕ್ಕೆ ತಾಂತ್ರಿಕ ನೆರವು *ಕೊಳಚೆ ನೀರಿನ ಶುದ್ಧೀಕರಣ ಮತ್ತು ನಿರ್ವಹಣೆ ಸಂಬಂಧಿತಂತ್ರಜ್ಞಾನಗಳನ್ನು ಐರೋಪ್ಯ ಒಕ್ಕೂಟವು ಭಾರತಕ್ಕೆ ಒದಗಿಸಲಿದೆ. *ಈ ತಂತ್ರಜ್ಞಾನಗಳ ಪ್ರಾತ್ಯಕ್ಷಿಕೆಯನ್ನು ಭಾರತದಲ್ಲಿ ನಡೆಸಲಾಗುತ್ತದೆ. ಭಾರತದ ಅಗತ್ಯಕ್ಕೆ ತಕ್ಕಂತೆ ಇವನ್ನು ಮಾರ್ಪಡಿಸಲಾಗುತ್ತದೆ. ಜತೆಗೆ ಹೊಸ ತಂತ್ರಜ್ಞಾನಗಳ ಅನ್ವೇಷಣೆಗೂ ಅವಕಾಶವಿದೆ

. ಏಳು ಯೋಜನೆಗಳು

. 1.ಅತ್ಯಂತ ಕಡಿಮೆ ವೆಚ್ಚದಲ್ಲಿ ನೀರಿನ ಶುದ್ಧೀಕರಣ ವಿಧಾನ ಅನ್ವೇಷಣೆ

. 2.ನಗರ ಮತ್ತು ಗ್ರಾಮೀಣ ಪ್ರದೇಶಗಳಲ್ಲಿ ನೀರಿನ ಮೂಲಗಳ ನಿರ್ವಹಣೆಗೆ ಅಗ್ಗದ ತಂತ್ರಜ್ಞಾನ ಅನ್ವೇಷಣೆ

. 3.ಕೊಳಚೆ ನೀರಿನ ಸಂಸ್ಕರಣೆಗೆ ನವೀನ ತಂತ್ರಜ್ಞಾನ ಅಳವಡಿಕೆ

. 4.ನೈಸರ್ಗಿಕವಾಗಿ ನೀರಿನ ಶುದ್ಧೀಕರಣ ಸಾಧ್ಯತೆಗಳ ಪರಿಶೀಲನೆ, ಸುಸ್ಥಿರ ವಿಧಾನ ರೂಪಿಸಲು ಯತ್ನ

. 5.ನಗರ ಮತ್ತು ಪಟ್ಟಣ ಪ್ರದೇಶಗಳಲ್ಲಿ ಕೊಳಚೆ ನೀರಿನ ಮರುಬಳಕೆ ಸಾಧ್ಯತೆಗಳ ಪರಿಶೀಲನೆ

. 6.ಕೊಳಚೆ ನೀರಿನ ಸಂಸ್ಕರಣೆಗೆ ಭಾರತದಲ್ಲಿ ಲಭ್ಯವಿರುವ ವಿಧಾನಗಳಲ್ಲಿ ಯಾವುದು ಹೆಚ್ಚು ಲಾಭದಾಯಕ ಎಂಬುದರ ಬಗ್ಗೆ ಸಂಶೋಧನೆ

. 7.ದೇಶದ ಎಲ್ಲಾ ಜಲಮೂಲಗಳ ರಕ್ಷಣೆ, ನಿರ್ವಹಣೆ ಮತ್ತು ಸಂಸ್ಕರಣೆಗೆ ನೀತಿ ಮಟ್ಟದಲ್ಲಿ ತರಬಹುದಾದ ಬದಲಾವಣೆಗಳ ಬಗ್ಗೆ ಅಧ್ಯಯನ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನೀರಿನ ನಿರ್ವಹಣೆಗೆ ‘ಹಾರಿಜಾನ್ 2020’

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು