ಕೊಡಗು: ರಸ್ತೆಗಾಗಿ ಕಾಫಿ ತೋಟ ನೀಡಿದ ಬೆಳೆಗಾರ; ಸಂಕಷ್ಟದ ನಡುವೆಯೂ ಮಿಡಿದ ಹೃದಯ

ಮಡಿಕೇರಿ: ಭೂಕುಸಿತದಿಂದ ರಸ್ತೆ ಸಂಪರ್ಕ ಕಡಿತವಾಗಿದ್ದ ಮಡಿಕೇರಿ– ಸೋಮವಾರಪೇಟೆ ರಾಜ್ಯ ಹೆದ್ದಾರಿಯ ಮರು ಜೋಡಣೆಗೆ ವ್ಯಕ್ತಿಯೊಬ್ಬರು 3 ಎಕರೆ ಕಾಫಿ ತೋಟವನ್ನೇ ಬಿಟ್ಟು ಕೊಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.

. ಮಹಾಮಳೆಯಿಂದ ‘ಬಾಲಾಜಿ ಎಸ್ಟೇಟ್’ ಬಳಿ ಹೆದ್ದಾರಿ ಜಾರು ಬಂಡಿಯಂತೆ ಕುಸಿದಿತ್ತು. 450 ಮೀಟರ್ ಉದ್ದದಷ್ಟು ರಸ್ತೆಯೇ ಕೊಚ್ಚಿ ಹೋಗಿದ್ದರ ಪರಿಣಾಮ ಬೃಹತ್ ಕಂದಕವೇ ಸೃಷ್ಟಿಯಾಗಿತ್ತು.ಈ ಮಾರ್ಗದಲ್ಲಿ 12 ಕಡೆ ರಸ್ತೆ ಕೊಚ್ಚಿ ಹೋಗಿತ್ತು. ಹಾಲೇರಿ, ಮಕ್ಕಂದೂರು, ಎಮ್ಮೆತ್ತಾಳ, ಹಟ್ಟಿಹೊಳೆ, ತಂತಿಪಾಲ ಹಾಗೂ ಮಾದಾಪುರ ಗ್ರಾಮಕ್ಕೆ ಈ ಮಾರ್ಗದಲ್ಲಿ ರಸ್ತೆ ಸಂಚಾರ ಸಾಧ್ಯವಿರಲಿಲ್ಲ. ಜನರು ಬೆಟ್ಟವನ್ನೇರಿ ಗ್ರಾಮವನ್ನು ತಲುಪುತ್ತಿದ್ದರು. ಅದರಲ್ಲೂ ಬಾಲಾಜಿ ಎಸ್ಟೇಟ್ ಬಳಿ ದೊಡ್ಡ ಸೇತುವೆ ನಿರ್ಮಿಸಿದರೆ ಮಾತ್ರ ಗ್ರಾಮಗಳಿಗೆ ಸಂಪರ್ಕ ಕಲ್ಪಿಸಬಹುದು ಎಂಬ ಸ್ಥಿತಿಯಿತ್ತು. ಕುಸಿದ ಮಣ್ಣಿನ ನಡುವೆ ಹೊಸ ಸೇತುವೆ ನಿರ್ಮಾಣಕ್ಕೆ ಹಲವು ತಿಂಗಳೇ ಬೇಕಿತ್ತು.

. ಇಂಥ ಇಕ್ಕಟ್ಟಿನ ಸ್ಥಿತಿಯಲ್ಲಿ ಚೆನ್ನೈನಲ್ಲಿ ನೆಲೆಸಿರುವ ‘ಸಿಂಕೋನ ಎಸ್ಟೇಟ್’ ಮಾಲೀಕ ಅಶೋಕ್ ಕುಮಾರ್ ಶೆಟ್ಟಿ ಅವರು 3 ಎಕರೆಯಷ್ಟು ಕಾಫಿ ತೋಟವನ್ನೇ ಲೋಕೋಪಯೋಗಿ ಇಲಾಖೆಗೆ ಬಿಟ್ಟು ಕೊಟ್ಟಿದ್ದಾರೆ. ಸೇತುವೆ ನಿರ್ಮಾಣದ ಆಲೋಚನೆ ಕೈಬಿಟ್ಟು ಎಡಬದಿ ಬೆಟ್ಟವನ್ನೇ ಕೊರೆದು ರಸ್ತೆ ನಿರ್ಮಿಸಲಾಗಿದೆ. ಕೊಚ್ಚಿಹೋದ ಸ್ಥಳದಲ್ಲಿ ತಿಂಗಳಲ್ಲಿ ಹೊಸರಸ್ತೆ ಎದ್ದು ನಿಂತಿದ್ದು ಗ್ರಾಮಸ್ಥರು ನೆಮ್ಮದಿಯ ನಿಟ್ಟುಸಿರು ಬಿಟ್ಟಿದ್ದಾರೆ.

. (ಅಶೋಕ್ ಕುಮಾರ್ ಶೆಟ್ಟಿ)

. ‘ಕೊಡಗಿನ ಮೂರು ಸ್ಥಳಗಳಲ್ಲಿ ಅಶೋಕ್ ಕುಮಾರ್ಗೆ ಸೇರಿದ 50 ಎಕರೆಯಷ್ಟು ಕಾಫಿ ತೋಟವು ಭೂಕುಸಿತದಿಂದ ಸರ್ವನಾಶವಾಗಿದೆ. ಸಂಕಷ್ಟದ ನಡುವೆಯೂ ರಸ್ತೆಗಾಗಿ ತೋಟವನ್ನೇ ನೀಡಿದ್ದಾರೆ. ಇದುವರೆಗೂ ಅವರು ನೆರವು ಕೇಳಿಲ್ಲ. ಆದರೆ, ಶಾಸಕ ಎಂ.ಪಿ.ಅಪ್ಪಚ್ಚು ರಂಜನ್ ಅವರೇ ಸಾವಿರಾರು ಜನರು ಸಂಚರಿಸುವ ರಸ್ತೆಗೆ ಜಾಗ ನೀಡಿದ ಮಾಲೀಕರಿಗೆ ಅಗತ್ಯ ಪರಿಹಾರ ಕೊಡಿಸುವ ಕುರಿತು ಅಧಿಕಾರಿಗಳ ಜತೆಗೆ ಚರ್ಚಿಸಿದ್ದಾರೆ’ ಎಂದು ಗುತ್ತಿಗೆದಾರ ಅಶ್ರಫ್ ‘ಪ್ರಜಾವಾಣಿ’ಗೆ ತಿಳಿಸಿದರು.

‘ಇನ್ನೆರಡು ದಿನಗಳಲ್ಲಿ ಲಘು ವಾಹನ ಸಂಚಾರಕ್ಕೆ ಈ ಮಾರ್ಗವು ಮುಕ್ತಗೊಳ್ಳುವ ಸಾಧ್ಯತೆಯಿದೆ. ತಾತ್ಕಾಲಿಕವಾಗಿ ರಸ್ತೆ ದುರಸ್ತಿ ಮಾಡಲಾಗಿದ್ದು ಸ್ಥಳೀಯರ ವಾಹನ ಸಂಚಾರಕ್ಕೆ ಮಾತ್ರ ಅನುಮತಿ ನೀಡಬೇಕು. ಭಾರೀ ವಾಹನ ಸಂಚಾರಕ್ಕೆ ಅನುಮತಿ ನೀಡಿದರೆ ಮತ್ತೆ ರಸ್ತೆ ಕುಸಿಯಲಿದೆ’ ಎಂದು ಕಾಂಡನಕೊಲ್ಲಿ ಪೂವಣ್ಣ ಆಗ್ರಹಿಸಿದ್ದಾರೆ.

. ಜನಪ್ರತಿನಿಧಿ ನೆರವು: ಆಶ್ರಯ ಕಳೆದುಕೊಂಡವರಿಗೆ ಮನೆ ನಿರ್ಮಿಸಿಕೊಡಲು ಸುಂಟಿಕೊಪ್ಪ ಕ್ಷೇತ್ರದ ಜಿ.ಪಂ. ಸದಸ್ಯ ಅಬ್ದುಲ್ ಲತೀಫ್ ಅವರು 1 ಎಕರೆ ಜಾಗವನ್ನು ಉಚಿತವಾಗಿ ನೀಡಿ ಹೃದಯವಂತಿಕೆ ಮೆರೆದಿದ್ದಾರೆ. ‘ಈ ಸ್ಥಳದಲ್ಲಿ ಎಲ್ಲ ಸಮುದಾಯದ ಜನರಿಗೂ ಮನೆ ನಿರ್ಮಿಸಿಕೊಡಿ’ ಎಂದು ವಸತಿ ಸಚಿವ ಯು.ಟಿ.ಖಾದರ್ ಅವರಿಗೆ ದಾಖಲೆಗಳನ್ನು ಹಸ್ತಾಂತರಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊಡಗು: ರಸ್ತೆಗಾಗಿ ಕಾಫಿ ತೋಟ ನೀಡಿದ ಬೆಳೆಗಾರ; ಸಂಕಷ್ಟದ ನಡುವೆಯೂ ಮಿಡಿದ ಹೃದಯ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಹೀನಾಯ ಬ್ಯಾಟಿಂಗ್ ಬಳಿಕ ಪುಟಿದೆದ್ದ ಭಾರತ; ಆತಿಥೇಯ ಆಸಿಸ್‌ಗೆ ವೇಗಿಗಳ ತಿರುಗೇಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಚುರುಮುರಿ: ದುಡ್ಡಿನ ದಾರಿ