ಕೊಡಗು–ಕೇರಳ ಪ್ರವಾಹ: ಸಂತ್ರಸ್ತರ ಮನಸ್ಸಿಗೆ ಶಕ್ತಿ ತುಂಬಲು ನಿಮ್ಹಾನ್ಸ್ ಯತ್ನ

ಬೆಂಗಳೂರು: ಕೊಡಗು ಮತ್ತು ಕೇರಳಗಳಲ್ಲಿ ಪ್ರವಾಹ ಸಂಕಷ್ಟಕ್ಕೆ ಸಿಲುಕಿದವರು ಮತ್ತೆ ಹೊಸ ಬದುಕು ಕಟ್ಟಿಕೊಳ್ಳಲು ಹಲವು ತಿಂಗಳುಗಳೇ ಬೇಕು. ಆದರೆ ಈ ಪೈಕಿ ಶೇ10ರಷ್ಟು ಜನರು ಗಂಭೀರ ಮಾನಸಿಕ ಸಮಸ್ಯೆಗಳಿಗೆ ತುತ್ತಾಗುವ ಸಾಧ್ಯತೆ ಇದೆ ಎಂದು ನಿಮ್ಹಾನ್ಸ್ನ ವೈದ್ಯರು ಅಭಿಪ್ರಾಯಪಡುತ್ತಾರೆ.

. ‘ಸಕಾಲದಲ್ಲಿ ವೈದ್ಯಕೀಯ ಮತ್ತು ಮಾನವೀಯ ನೆರವು ದೊರೆತರೆ ಈ ಸಮಸ್ಯೆಯನ್ನು ಗಣನೀಯ ಸಂಖ್ಯೆಯಲ್ಲಿ ಕಡಿಮೆ ಮಾಡಬಹುದು’ ಎನ್ನುತ್ತಾರೆ ನಿಮ್ಹಾನ್ಸ್ನ ಸಮಾಜಕಾರ್ಯ ಮನಃಶಾಸ್ತ್ರ ವಿಭಾಗದ ಮುಖ್ಯಸ್ಥರಾದ ಡಾ.ಶೇಖರ್.

. ನೈಸರ್ಗಿಕ ವಿಕೋಪಗಳಿಗೆ ತುತ್ತಾದ ಶೇ90ರಷ್ಟು ಜನರ ಮನಸು ಘಾಸಿಗೊಂಡಿರುತ್ತದೆ. ಅವರ ಮನಸ್ಸಿನಲ್ಲಿ ನಿಸರ್ಗ ವಿಕೋಪಗಳ ಘಟನಾವಳಿಗಳು ಮತ್ತೆಮತ್ತೆ ಪುನರಾವರ್ತಿಸುತ್ತಲೇ ಇರುತ್ತವೆ. ಇಂಥವರು ಕೆಲ ಸಮಯದವರೆಗೆ ಹೆದರಿಕೆ ಮತ್ತು ಉದ್ವಿಗ್ನತೆಯ ಭಾವ ಅನುಭವಿಸುತ್ತಿರುತ್ತಾರೆ.

. ಪುನರ್ವಸತಿ ಶಿಬಿರಗಳಲ್ಲಿ ತಮ್ಮಂತೆಯೇ ಜೀವ ಉಳಿಸಿಕೊಂಡ ಇತರರ ಜೊತೆಗೆ ಮಾತನಾಡುವಾಗಲೂ ಪ್ರವಾಹ, ಮಳೆ, ಭೂಕುಸಿತದ ಕಥೆಗಳನ್ನೇ ಪರಸ್ಪರ ಹಂಚಿಕೊಳ್ಳುತ್ತಾರೆ. ಕಳೆದುಕೊಂಡ ಮನೆ, ದನಗಳು, ಸಾಕುಪ್ರಾಣಿಗಳ ಬಗ್ಗೆ ಮಾತನಾಡಿಕೊಳ್ಳುತ್ತಾರೆ. ಈ ಮೂಲಕ ಮತ್ತೆಮತ್ತೆ ದುಃಖಕ್ಕೆ ಜಾರುತ್ತಾರೆ. ಬಹುತೇಕ ಜನರು ಕ್ರಮೇಣ ಈ ಆಘಾತದಿಂದ ಹೊರಬರುತ್ತಾರೆ. ಅದರೆ ಶೇ10ರಷ್ಟು ಜನರ ಮನಸ್ಸಿನಲ್ಲಿ ನೋವು ಗಟ್ಟಿಯಾಗಿ ಕೂತುಬಿಡುತ್ತದೆ. ಇವರು ಚೇತರಿಸಿಕೊಳ್ಳಲು ಇತರರಿಗಿಂತ ಹೆಚ್ಚು ಸಮಯ ಬೇಕಾಗುತ್ತದೆ.

. ನಿಮ್ಹಾನ್ಸ್ ಸಹಾಯಹಸ್ತ

. ಎಲ್ಲ ವಯೋಮಾನದ ಪ್ರವಾಹ ಸಂತ್ರಸ್ತರಿಗೆ ಸಾಂತ್ವನ ನೀಡಲು ನಿಮ್ಹಾನ್ಸ್ ‘ಸೈಕೊ–ಸೋಷಿಯಲ್ ಸಪೋರ್ಟ್’ ಕಾರ್ಯಕ್ರಮ ಜಾರಿ ಮಾಡಿದೆ. ಪುನರ್ವಸತಿ ಕೇಂದ್ರಗಳಂಥ ಸೀಮಿತ ಪ್ರದೇಶದಲ್ಲಿರುವ ಮಕ್ಕಳು ಒಂದು ರೀತಿಯ ಬಂಧನವನ್ನು ಅನುಭವಿಸುತ್ತಾರೆ. ಅವರನ್ನು ಚಿತ್ರಕಲೆ, ಆಟಗಳು ಮತ್ತು ಖುಷಿಹೆಚ್ಚಿಸುವ ಚಟುವಟಿಕೆಗಳಲ್ಲಿ ತೊಡಗಿಸುವುದು ಅಗತ್ಯ. ಈ ಪ್ರಯತ್ನವನ್ನು ಇದೀಗ ಆರೋಗ್ಯ ಇಲಾಖೆ ಮಾಡುತ್ತಿದೆ.

. ನೈಸರ್ಗಿಕ ವಿಕೋಪಗಳಲ್ಲಿ ತಮ್ಮವರನ್ನು ಕಳೆದುಕೊಂಡರು, ಆಸ್ತಿಹಾನಿಯಿಂದ ನಷ್ಟ ಅನುಭವಿಸಿದ ವೃದ್ಧರು ಪಾಪಪ್ರಜ್ಞೆಯಿಂದ ನಲುಗಿ ಹೋಗುತ್ತಾರೆ. ‘ನನಗೆ ಏಕೆ ಹೀಗಾಯ್ತು’ ಎನ್ನುವ ಪ್ರಶ್ನೆ ಅವರನ್ನು ಬಾಧಿಸುತ್ತಿರುತ್ತದೆ. ಇಂಥವರಿಗೆ ಆಪ್ತಸಮಾಲೋಚನೆ ಅತ್ಯಗತ್ಯ.

. ‘ಪ್ರವಾಹ ಸಂತ್ರಸ್ತರ ಮಾನಸಿಕ ಆರೋಗ್ಯ ಕಾಳಜಿಗಾಗಿ ಕೇರಳ ಸರ್ಕಾರವು ಸಹಾಯ ಯಾಚಿಸಿದ ಹಿನ್ನೆಲೆಯಲ್ಲಿ ಎಂಟು ಜನರ ತಂಡವನ್ನು ರವಾನಿಸಲಾಗಿದೆ. ಕಳೆದ ಮಂಗಳವಾರ ಮನಃಶಾಸ್ತ್ರಜ್ಞರು, ಸಮಾಜ ಸೇವಕರು ಮತ್ತು ದಾದಿಯರಿದ್ದ 20 ಜನರ ಮತ್ತೊಂದು ತಂಡವನ್ನು ಕೇರಳಕ್ಕೆ ಕಳುಹಿಸಿಕೊಡಲಾಯಿತು’ ಎಂದು ಶೇಖರ್ ತಿಳಿಸಿದರು.

. ‘ಕೊಡಗಿಗೆ ನಾಲ್ಕು ಜನರ ತಂಡವನ್ನು ನಿಮ್ಹಾನ್ಸ್ನಸಮಾಜಕಾರ್ಯ ಮನಃಶಾಸ್ತ್ರ ವಿಭಾಗ ವಿಭಾಗವು ಕಳುಹಿಸಲಿದೆ. ದೇಶದ ಇತರ ರಾಜ್ಯಗಳ ಜನರಿಗೆ ಹೋಲಿಸಿದರೆ ಕೇರಳದ ಜನರು ಬೇಗ ಚೇತರಿಸಿಕೊಳ್ಳುತ್ತಾರೆ. ಕೇರಳ ಮತ್ತು ಕೊಡಗು ಜಿಲ್ಲೆಯಲ್ಲಿರುವ ಸ್ಥಳೀಯರಿಗೂ ನಮ್ಮ ತಂಡ ತರಬೇತಿ ನೀಡುತ್ತದೆ. ಈ ಪ್ರಯತ್ನ ಸತತವಾಗಿ ಮುಂದುವರಿಯಲಿದೆ ಎಂದು ಹೇಳುತ್ತಾರೆ’ ಅವರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೊಡಗು–ಕೇರಳ ಪ್ರವಾಹ: ಸಂತ್ರಸ್ತರ ಮನಸ್ಸಿಗೆ ಶಕ್ತಿ ತುಂಬಲು ನಿಮ್ಹಾನ್ಸ್ ಯತ್ನ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!

Perth Test: ಬೂಮ್ರಾಗೆ ಐದು ವಿಕೆಟ್, ಆಸೀಸ್ 104ಕ್ಕೆ ಆಲೌಟ್, ಭಾರತಕ್ಕೆ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

₹10 ಲಕ್ಷ ಲಂಚದೊಂದಿಗೆ ಲೋಕಾಯುಕ್ತ ಪೊಲೀಸರ ಬಲೆಗೆ ಬಿದ್ದ ಬುಡಾ ಆಯುಕ್ತ

ಚಿನ್ನ: 10 ಗ್ರಾಂಗೆ ₹1,100 ಏರಿಕೆ

ಚುರುಮುರಿ: ಐಪಿಎಲ್- ಬಿಪಿಎಲ್!