<p><strong>ಮೈಸೂರು</strong>: ಬೃಹತ್ ಶಿಲಾಯುಗಕ್ಕೆ ಸೇರಿದ ಸಮಾಧಿಗಳು ಹಾಗೂ ಅವುಗಳ ಪಕ್ಕದಲ್ಲೇ ಊರಿನ ಅವಶೇಷಗಳು ಚಾಮರಾಜನಗರ ಜಿಲ್ಲೆಯ ಹನೂರು ತಾಲ್ಲೂಕಿನ ಬೂದಿಪಡಗ ಗ್ರಾಮದಲ್ಲಿ ಪತ್ತೆಯಾಗಿವೆ.</p>.<p>ಮೈಸೂರು ವಿಶ್ವವಿದ್ಯಾಲಯದ ಪ್ರಾಚೀನ ಇತಿಹಾಸ ಮತ್ತು ಪುರಾತತ್ವ ಅಧ್ಯಯನ ವಿಭಾಗದ ಪ್ರಾಧ್ಯಾಪಕರು 1960ರ ದಶಕದಲ್ಲಿ ನಡೆದ ಭಾರತೀಯ ಪುರಾತತ್ವ ಸರ್ವೇಕ್ಷಣೆಯಲ್ಲಿ ದಾಖಲಾದ ಶಿಲಾಸಮಾಧಿಗಳು ಈಗ ಹೇಗಿವೆ ಎಂಬ ಮರು ಸರ್ವೇಕ್ಷಣೆ ವೇಳೆ ಹಲವು ಅಚ್ಚರಿಗಳು ಕಂಡು ಬಂದಿವೆ.</p>.<p>ವರದಿಯಲ್ಲಿ ದಾಖಲಾದ ಬಹುತೇಕ ಸಮಾಧಿಗಳು ಕೃಷಿ ವಿಸ್ತರಣೆಯಿಂದ ಹಾಳಾಗಿದ್ದವು. ಆದರೆ, ಹೊಸದಾಗಿ ಬೂದಿಪಡಗದಲ್ಲಿ 20ರಿಂದ 25 ಸಮಾಧಿಗಳನ್ನು ಪತ್ತೆ ಮಾಡಲಾಯಿತು. ಇವುಗಳು ಅಂದಾಜು ಕ್ರಿ.ಪೂ. 1,000ದಿಂದ 100ನೇ ಇಸವಿಗೆ ಸೇರಿದ್ದಿರಬಹುದೆಂದು ಅಂದಾಜು ಮಾಡಲಾಗಿದೆ.</p>.<p>ಈ ಕುರಿತು ಪ್ರತಿಕ್ರಿಯಿಸಿದ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ವಿ.ಶೋಭಾ, ‘ಪತ್ತೆಯಾಗಿರುವ ಸಮಾಧಿಗಳಲ್ಲಿ 3 ಸಮಾಧಿಗಳನ್ನು ಉತ್ಖನನ ಮಾಡಲಾಗುತ್ತಿದೆ. ಒಂದರಲ್ಲಿ 2 ಗುಂಡಿಗಳು ಪತ್ತೆಯಾಗಿದ್ದರೆ, ಮತ್ತೊಂದರಲ್ಲಿ ತೊಟ್ಟಿ ಸಮಾಧಿ ಸಿಕ್ಕಿದೆ. ಇದರಲ್ಲಿ ಚಪ್ಪಡಿ ಬಳಸಿ ಸಮಾಧಿ ನಿರ್ಮಿಸಲಾಗಿದ್ದು, ಮೂಳೆಯ ಚೂರುಗಳು, ಮಡಕೆಗಳು, ಕಬ್ಬಿಣದ ಉಪಕರಣಗಳು ಸಿಕ್ಕಿವೆ’ ಎಂದು ಹೇಳಿದರು.</p>.<p>‘ಸಮಾಧಿಗಳು ಶವವನ್ನು ಮಲಗಿಸುವಷ್ಟು ಉದ್ದವಿಲ್ಲ. ಬಹುಶಃ ಇವು ಆಂಶಿಕ ಸಮಾಧಿಗಳಿರಬಹುದು ಎನಿಸುತ್ತಿವೆ. ಸಮಾಧಿಗಳ ಪಕ್ಕದಲ್ಲೇ ಊರಿನ ಅವಶೇಷಗಳು ಸಿಕ್ಕಿವೆ. ಈ ಬಗೆಯ ತಾಣಗಳುರಾಜ್ಯದಲ್ಲಿ ಅಪರೂಪದಲ್ಲಿ ಅಪರೂಪ ಎನಿಸಿವೆ’ ಎಂದು ಹೇಳಿದರು.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ವಿಶ್ವವಿದ್ಯಾಲಯದ ಕುಲಸಚಿವ ಆರ್.ಶಿವಪ್ಪ, ‘ಸೀಮಿತ ಸಂಪನ್ಮೂಲಗಳನ್ನು ಬಳಸಿಕೊಂಡು ಅತ್ಯಮೂಲ್ಯವಾದ ಸಂಶೋಧನೆ ಮಾಡಲಾಗಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮೈಸೂರು</strong>: ಬೃಹತ್ ಶಿಲಾಯುಗಕ್ಕೆ ಸೇರಿದ ಸಮಾಧಿಗಳು ಹಾಗೂ ಅವುಗಳ ಪಕ್ಕದಲ್ಲೇ ಊರಿನ ಅವಶೇಷಗಳು ಚಾಮರಾಜನಗರ ಜಿಲ್ಲೆಯ ಹನೂರು ತಾಲ್ಲೂಕಿನ ಬೂದಿಪಡಗ ಗ್ರಾಮದಲ್ಲಿ ಪತ್ತೆಯಾಗಿವೆ.</p>.<p>ಮೈಸೂರು ವಿಶ್ವವಿದ್ಯಾಲಯದ ಪ್ರಾಚೀನ ಇತಿಹಾಸ ಮತ್ತು ಪುರಾತತ್ವ ಅಧ್ಯಯನ ವಿಭಾಗದ ಪ್ರಾಧ್ಯಾಪಕರು 1960ರ ದಶಕದಲ್ಲಿ ನಡೆದ ಭಾರತೀಯ ಪುರಾತತ್ವ ಸರ್ವೇಕ್ಷಣೆಯಲ್ಲಿ ದಾಖಲಾದ ಶಿಲಾಸಮಾಧಿಗಳು ಈಗ ಹೇಗಿವೆ ಎಂಬ ಮರು ಸರ್ವೇಕ್ಷಣೆ ವೇಳೆ ಹಲವು ಅಚ್ಚರಿಗಳು ಕಂಡು ಬಂದಿವೆ.</p>.<p>ವರದಿಯಲ್ಲಿ ದಾಖಲಾದ ಬಹುತೇಕ ಸಮಾಧಿಗಳು ಕೃಷಿ ವಿಸ್ತರಣೆಯಿಂದ ಹಾಳಾಗಿದ್ದವು. ಆದರೆ, ಹೊಸದಾಗಿ ಬೂದಿಪಡಗದಲ್ಲಿ 20ರಿಂದ 25 ಸಮಾಧಿಗಳನ್ನು ಪತ್ತೆ ಮಾಡಲಾಯಿತು. ಇವುಗಳು ಅಂದಾಜು ಕ್ರಿ.ಪೂ. 1,000ದಿಂದ 100ನೇ ಇಸವಿಗೆ ಸೇರಿದ್ದಿರಬಹುದೆಂದು ಅಂದಾಜು ಮಾಡಲಾಗಿದೆ.</p>.<p>ಈ ಕುರಿತು ಪ್ರತಿಕ್ರಿಯಿಸಿದ ವಿಭಾಗದ ಸಹಾಯಕ ಪ್ರಾಧ್ಯಾಪಕಿ ವಿ.ಶೋಭಾ, ‘ಪತ್ತೆಯಾಗಿರುವ ಸಮಾಧಿಗಳಲ್ಲಿ 3 ಸಮಾಧಿಗಳನ್ನು ಉತ್ಖನನ ಮಾಡಲಾಗುತ್ತಿದೆ. ಒಂದರಲ್ಲಿ 2 ಗುಂಡಿಗಳು ಪತ್ತೆಯಾಗಿದ್ದರೆ, ಮತ್ತೊಂದರಲ್ಲಿ ತೊಟ್ಟಿ ಸಮಾಧಿ ಸಿಕ್ಕಿದೆ. ಇದರಲ್ಲಿ ಚಪ್ಪಡಿ ಬಳಸಿ ಸಮಾಧಿ ನಿರ್ಮಿಸಲಾಗಿದ್ದು, ಮೂಳೆಯ ಚೂರುಗಳು, ಮಡಕೆಗಳು, ಕಬ್ಬಿಣದ ಉಪಕರಣಗಳು ಸಿಕ್ಕಿವೆ’ ಎಂದು ಹೇಳಿದರು.</p>.<p>‘ಸಮಾಧಿಗಳು ಶವವನ್ನು ಮಲಗಿಸುವಷ್ಟು ಉದ್ದವಿಲ್ಲ. ಬಹುಶಃ ಇವು ಆಂಶಿಕ ಸಮಾಧಿಗಳಿರಬಹುದು ಎನಿಸುತ್ತಿವೆ. ಸಮಾಧಿಗಳ ಪಕ್ಕದಲ್ಲೇ ಊರಿನ ಅವಶೇಷಗಳು ಸಿಕ್ಕಿವೆ. ಈ ಬಗೆಯ ತಾಣಗಳುರಾಜ್ಯದಲ್ಲಿ ಅಪರೂಪದಲ್ಲಿ ಅಪರೂಪ ಎನಿಸಿವೆ’ ಎಂದು ಹೇಳಿದರು.</p>.<p>ಈ ಕುರಿತು ‘ಪ್ರಜಾವಾಣಿ’ಗೆ ಪ್ರತಿಕ್ರಿಯಿಸಿದ ವಿಶ್ವವಿದ್ಯಾಲಯದ ಕುಲಸಚಿವ ಆರ್.ಶಿವಪ್ಪ, ‘ಸೀಮಿತ ಸಂಪನ್ಮೂಲಗಳನ್ನು ಬಳಸಿಕೊಂಡು ಅತ್ಯಮೂಲ್ಯವಾದ ಸಂಶೋಧನೆ ಮಾಡಲಾಗಿದೆ’ ಎಂದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
