ಕೀ ಉತ್ತರಗಳಲ್ಲಿ ದೋಷ: ‘ರಾಜ್ಯಶಾಸ್ತ್ರ–2’ ಪತ್ರಿಕೆ ಮರುಪರೀಕ್ಷೆ

ಬೆಂಗಳೂರು: ಸರ್ಕಾರಿ ಪದವಿಪೂರ್ವ ಕಾಲೇಜುಗಳ ಉಪನ್ಯಾಸಕರ ನೇಮಕಾತಿ ಪರೀಕ್ಷೆಯ ಕೆಲವು ಕೀ ಉತ್ತರಗಳಲ್ಲಿ ದೋಷ ಇರುವುದನ್ನು ಸರ್ಕಾರ ನೇಮಿಸಿದ್ದ ತಜ್ಞರ ವರದಿ ದೃಢಪಡಿಸಿದೆ.

. ಎರಡು ವಿಷಯಗಳ ಫಲಿತಾಂಶ ತಡೆಹಿಡಿದು ಉಳಿದ ವಿಷಯಗಳ ನೇಮಕಾತಿ ಪಟ್ಟಿಯನ್ನು ಎರಡು ದಿನದೊಳಗೆಬಿಡುಗಡೆ ಮಾಡುವ ನಿರೀಕ್ಷೆ ಇದೆ.

. ನಿವೃತ್ತ ಐಎಎಸ್ ಅಧಿಕಾರಿಬಿ.ಎ.ಹರೀಶ್ಗೌಡ ನೇತೃತ್ವದ ಸಮಿತಿಯು ಪರಿಶೀಲನಾ ವರದಿಯನ್ನು ಇದೇ 10ರಂದು ಸರ್ಕಾರಕ್ಕೆ ಸಲ್ಲಿಸಿದೆ. ರಾಜ್ಯಶಾಸ್ತ್ರ–2ರ ವಿಷಯಕ್ಕೆ ಮರು ಪರೀಕ್ಷೆ ನಡೆಸಬೇಕು ಮತ್ತು ಇತಿಹಾಸ–1 ಪತ್ರಿಕೆಯನ್ನು ಹೊಸ ಸಮಿತಿಯಿಂದ ಪರಿಶೀಲನೆ ನಡೆಸಬೇಕು ಎಂದು ವರದಿಯಲ್ಲಿ ಶಿಫಾರಸು ಮಾಡಿದೆ.

. ‘ಈ ಎರಡು ವಿಷಯಗಳ ಫಲಿತಾಂಶ ತಡೆಹಿಡಿದು,ಉಳಿದ ವಿಷಯಗಳ ನೇಮಕಾತಿ ಪಟ್ಟಿಯ ಪ್ರಕಟಣೆಗೆ ಸೂಚನೆ ನೀಡಲಾಗಿದೆ’ ಎಂದು ಪ್ರಾಥಮಿಕ ಮತ್ತು ಪ್ರೌಢಶಿಕ್ಷಣ ಸಚಿವ ಎಸ್.ಸುರೇಶ್ ಕುಮಾರ್ ತಿಳಿಸಿದ್ದಾರೆ.

. ‘ಅಭ್ಯರ್ಥಿಗಳ ಆತಂಕ ಸರ್ಕಾರದ ಗಮನಕ್ಕೆ ಬಂದಿದೆ. ನೇಮಕಾತಿಯಲ್ಲಿ ವಿಳಂಬ ಮಾಡುವುದಿಲ್ಲ. ಸಮಸ್ಯೆ ಇಲ್ಲದ ವಿಷಯಗಳ ನೇಮಕಾತಿ ಪಟ್ಟಿಯನ್ನು ಶೀಘ್ರ ಪ್ರಕಟಿಸಲಾಗುವುದು. ಉಪಚುನಾವಣೆ ನೀತಿ ಸಂಹಿತೆ ಜಾರಿಗೆ ಬರುವುದಕ್ಕೆ ಮೊದಲೇ ಎಲ್ಲ ಪ್ರಕ್ರಿಯೆ ಮುಗಿಯಲಿದೆ’ ಎಂದು ಶಿಕ್ಷಣ ಇಲಾಖೆ ಮೂಲಗಳು ತಿಳಿಸಿವೆ.

. ಇತರ ಶಿಫಾರಸು: ಗಣಿತ–1ರ 66ನೇ ಪ್ರಶ್ನೆಗೆ ಎಲ್ಲರಿಗೂ ಪರಿಹಾರ ಅಂಕ ಕೊಡಬೇಕು, ಇತಿಹಾಸ–2ರ 44ನೇ ಪ್ರಶ್ನೆಗೆ ‘ಬಿ’ ಮತ್ತು ‘ಡಿ’ ಎಂದು ಉತ್ತರ ಬರೆದಿದ್ದರೂ ಅಂಕ ನೀಡಬೇಕು, ಕನ್ನಡ–2ರ ಪ್ರಶ್ನೆ 38ಕ್ಕೆ ‘ಸಿ’ ಎಂದು ಉತ್ತರಿಸಿದ್ದರೆ ಅಂಕ ನೀಡಬೇಕು, ಪ್ರಶ್ನೆ33ಕ್ಕೆ ‘ಎ’ಗೆ ಮಾತ್ರ ಅಂಕ ನೀಡಬೇಕು, 8ನೇ ಪ್ರಶ್ನೆಗೆ ಎಲ್ಲರಿಗೂ ಪರಿಹಾರ ಅಂಕ ನೀಡಬೇಕು, ಪ್ರಶ್ನೆ 41ಕ್ಕೆ ‘ಡಿ’ ಉತ್ತರಕ್ಕೆ ಮಾತ್ರ ಅಂಕ ನೀಡಬೇಕು ಎಂದು ಶಿಫಾರಸು ಮಾಡಲಾಗಿದೆ.

. ಮರುಪರೀಕ್ಷೆಗೆ ಅಭ್ಯರ್ಥಿಗಳ ಆಕ್ಷೇಪ ರಾಜ್ಯಶಾಸ್ತ್ರ–2 ವಿಷಯದಲ್ಲಿ ಮರು ಪರೀಕ್ಷೆ ನಡೆಸುವ ಸರ್ಕಾರದ ನಿರ್ಧಾರದಿಂದಆತಂಕಗೊಂಡಿರುವ ಕೆಲವು ಅಭ್ಯರ್ಥಿಗಳು, ಇದಕ್ಕೆ ತಮ್ಮ ವಿರೋಧವಿದೆ ಎಂದು ಹೇಳಿದ್ದಾರೆ.

. ‘ಕೀ ಉತ್ತರದಲ್ಲಿ ದೋಷ ಇದೆ ಎಂಬ ಆಕ್ಷೇಪಣೆ ಬಾರದೆ ಇದ್ದರೂ ಮರು ಪರೀಕ್ಷೆಗೆ ಸಲಹೆ ನೀಡಿದ್ದು ತಪ್ಪು’ ಎಂದು ‘ಪ್ರಜಾವಾಣಿ’ಗೆ ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕೀ ಉತ್ತರಗಳಲ್ಲಿ ದೋಷ: ‘ರಾಜ್ಯಶಾಸ್ತ್ರ–2’ ಪತ್ರಿಕೆ ಮರುಪರೀಕ್ಷೆ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ಕೂಚ್‌ ಬಿಹಾರ್ ಟ್ರೋಫಿ ಕ್ರಿಕೆಟ್‌: ಫಾಲೊಆನ್‌ಗೆ ಒಳಗಾಗಿದ್ದ ಕರ್ನಾಟಕಕ್ಕೆ ಜಯ

IPL | ಮುಂದಿನ 3 ಐಪಿಎಲ್ ಟೂರ್ನಿಗಳ ದಿನಾಂಕಗಳನ್ನು ಪ್ರಕಟಿಸಿದ ಬಿಸಿಸಿಐ

ಕೊಹ್ಲಿ ಮತ್ತೆ ವೈಫಲ್ಯ, ಜೈಸ್ವಾಲ್-ದೇವದತ್ತ ಶೂನ್ಯ; ಅಶ್ವಿನ್, ಜಡೇಜಗೆ ಕೊಕ್

ಪುರುಷರ ಐಟಿಎಫ್‌ ಟೆನಿಸ್‌: ಭಾರತದ ಸಿದ್ಧಾಂತ್‌–ವಿಷ್ಣು ಜೋಡಿ ಸೆಮಿಗೆ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು