<p><strong>ಬೆಂಗಳೂರು:</strong> ಆಸಕ್ತರಿಗೆ 53 ವರ್ಷಗಳಿಂದ ಸಾಹಿತ್ಯದ ಸವಿಯೂಟ ಉಣಬಡಿಸಿದ ‘ಸಂಕ್ರಮಣ’ ಮಾಸ ಪತ್ರಿಕೆ ಆರ್ಥಿಕ ಸಂಕಷ್ಟದಿಂದಾಗಿ ಈಗ ಸ್ಥಗಿತವಾಗುತ್ತಿದೆ.</p>.<p>ಈ ದ್ವೈಮಾಸಿಕದ ಸಾರಥಿ ಚಂದ್ರಶೇಖರ ಪಾಟೀಲ (ಚಂಪಾ) ಪ್ರಕಟಣೆಯನ್ನು ನಿಲ್ಲಿಸಲು ನಿರ್ಧರಿಸಿದ್ದಾರೆ. ಇದರ ಕಡೆಯ ಸಂಚಿಕೆ ನವೆಂಬರ್–ಡಿಸೆಂಬರ್ 2018ರಲ್ಲಿ ಪ್ರಕಟಗೊಂಡಿದೆ.</p>.<p>‘ಪತ್ರಿಕೆಗೆ ಲೇಖನಗಳು, ಲೇಖಕರು ಮತ್ತು ಓದುಗರ ಕೊರತೆ ಇಲ್ಲ. ಇರುವ 3,000 ಚಂದಾದಾರರಲ್ಲಿ 1,500 ಜನರಿಂದ ₹ 5 ಲಕ್ಷ ಬಾಕಿ ಉಳಿದಿದೆ. ಚಂದಾ ಕೊಟ್ಟರಾಯಿತು, ಬಿಟ್ಟರಾಯಿತು ಎಂದು ಆಲಸ್ಯ ಮಾಡುತ್ತಿದ್ದಾರೆ. ದುಡ್ಡಿನ ಸಮಸ್ಯೆ ಜಾಸ್ತಿಯಾಗಿದೆ. ಎಲ್ಲ ಹೊಡೆತ ತಡೆಯಬಹುದು, ಆದರೆ, ದುಡ್ಡಿನ ಹೊಡೆತ ತಡೆದುಕೊಳ್ಳುವುದಕ್ಕೆ ಆಗುವುದಿಲ್ಲ. ಹಾಗಾಗಿ ಪತ್ರಿಕೆ ನಿಲ್ಲಿಸುವುದು ಅನಿವಾರ್ಯವಾಗಿದೆ’ ಎಂದರು ಚಂಪಾ.</p>.<p>ಮಿತ್ರತ್ರಯರಾದ ಚಂಪಾ,ಗಿರಡ್ಡಿ ಗೋವಿಂದರಾಜ,ಸಿದ್ಧಲಿಂಗ ಪಟ್ಟಣಶೆಟ್ಟಿ ಈ ಸಂಕ್ರಮಣಕ್ಕೆ ಚಾಲನೆ ನೀಡಿದ್ದರು. ‘ಮೈಸೂರಿನಲ್ಲಿ ತೇಜಸ್ವಿ, ವಿ.ಎನ್. ಶ್ರೀರಾಮ್ ಕೂಡಿ ಲಹರಿ ಪತ್ರಿಕೆ ಮಾಡಿದ್ದರು. ಅದನ್ನು ನೋಡಿ ನಾವು ಮೂರು ಜನ 1964ರಲ್ಲಿ ತಲಾ ₹ 10 ಬಂಡವಾಳ ಹಾಕಿ ಧಾರವಾಡದಲ್ಲಿ ಪತ್ರಿಕೆ ಶುರು ಮಾಡಿದೆವು. ಪರಿಚಿತ ಲೇಖಕರಿಗೆಐದು ಪೈಸಾದ ಪೋಸ್ಟ್ಕಾರ್ಡ್ ಬರೆದು ಪತ್ರಿಕೆಯನ್ನು ಪರಿಚಯಿಸಿದ್ದೆವು. ಆಗ ಬಹಳ ಚಂದ ಸ್ಪಂದನೆ ಸಿಕ್ಕಿತು. ಈಗ ಚಂದಾವೇ ಬರುತ್ತಿಲ್ಲ’ ಎಂದು ಅವರು ಸ್ಮರಿಸಿದರು.</p>.<p>ಸಂಕ್ರಮಣ ಪ್ರಕಾಶನ ಮುಂದುವರಿಯಲಿದೆ. ಸಂಕ್ರಮಣ ಸುವರ್ಣ ಸಂಪುಟಗಳೂ ಹೊರಬರಲಿವೆ ಎಂದು ಅವರು ತಿಳಿಸಿದರು.</p>.<p>*<br />ಈ ವರ್ಷ ಪೂರ್ತಿ ಬಾಕಿ ವಸೂಲು ಮಾಡಬೇಕೆಂದಿದ್ದೇನೆ. ಒಂದು ವೇಳೆ ಅದು ವಾಪಸ್ಸು ಬಂತು ಅಂದ್ರ, ಮತ್ತ ಸಂಕ್ರಮಣಕ್ಕ ಹೊಸರೂಪ ಕೊಡೊ ಪ್ರಯತ್ನ ಮಾಡ್ತೀನಿ.<br /><em><strong>-ಚಂದ್ರಶೇಖರ ಪಾಟೀಲ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ಆಸಕ್ತರಿಗೆ 53 ವರ್ಷಗಳಿಂದ ಸಾಹಿತ್ಯದ ಸವಿಯೂಟ ಉಣಬಡಿಸಿದ ‘ಸಂಕ್ರಮಣ’ ಮಾಸ ಪತ್ರಿಕೆ ಆರ್ಥಿಕ ಸಂಕಷ್ಟದಿಂದಾಗಿ ಈಗ ಸ್ಥಗಿತವಾಗುತ್ತಿದೆ.</p>.<p>ಈ ದ್ವೈಮಾಸಿಕದ ಸಾರಥಿ ಚಂದ್ರಶೇಖರ ಪಾಟೀಲ (ಚಂಪಾ) ಪ್ರಕಟಣೆಯನ್ನು ನಿಲ್ಲಿಸಲು ನಿರ್ಧರಿಸಿದ್ದಾರೆ. ಇದರ ಕಡೆಯ ಸಂಚಿಕೆ ನವೆಂಬರ್–ಡಿಸೆಂಬರ್ 2018ರಲ್ಲಿ ಪ್ರಕಟಗೊಂಡಿದೆ.</p>.<p>‘ಪತ್ರಿಕೆಗೆ ಲೇಖನಗಳು, ಲೇಖಕರು ಮತ್ತು ಓದುಗರ ಕೊರತೆ ಇಲ್ಲ. ಇರುವ 3,000 ಚಂದಾದಾರರಲ್ಲಿ 1,500 ಜನರಿಂದ ₹ 5 ಲಕ್ಷ ಬಾಕಿ ಉಳಿದಿದೆ. ಚಂದಾ ಕೊಟ್ಟರಾಯಿತು, ಬಿಟ್ಟರಾಯಿತು ಎಂದು ಆಲಸ್ಯ ಮಾಡುತ್ತಿದ್ದಾರೆ. ದುಡ್ಡಿನ ಸಮಸ್ಯೆ ಜಾಸ್ತಿಯಾಗಿದೆ. ಎಲ್ಲ ಹೊಡೆತ ತಡೆಯಬಹುದು, ಆದರೆ, ದುಡ್ಡಿನ ಹೊಡೆತ ತಡೆದುಕೊಳ್ಳುವುದಕ್ಕೆ ಆಗುವುದಿಲ್ಲ. ಹಾಗಾಗಿ ಪತ್ರಿಕೆ ನಿಲ್ಲಿಸುವುದು ಅನಿವಾರ್ಯವಾಗಿದೆ’ ಎಂದರು ಚಂಪಾ.</p>.<p>ಮಿತ್ರತ್ರಯರಾದ ಚಂಪಾ,ಗಿರಡ್ಡಿ ಗೋವಿಂದರಾಜ,ಸಿದ್ಧಲಿಂಗ ಪಟ್ಟಣಶೆಟ್ಟಿ ಈ ಸಂಕ್ರಮಣಕ್ಕೆ ಚಾಲನೆ ನೀಡಿದ್ದರು. ‘ಮೈಸೂರಿನಲ್ಲಿ ತೇಜಸ್ವಿ, ವಿ.ಎನ್. ಶ್ರೀರಾಮ್ ಕೂಡಿ ಲಹರಿ ಪತ್ರಿಕೆ ಮಾಡಿದ್ದರು. ಅದನ್ನು ನೋಡಿ ನಾವು ಮೂರು ಜನ 1964ರಲ್ಲಿ ತಲಾ ₹ 10 ಬಂಡವಾಳ ಹಾಕಿ ಧಾರವಾಡದಲ್ಲಿ ಪತ್ರಿಕೆ ಶುರು ಮಾಡಿದೆವು. ಪರಿಚಿತ ಲೇಖಕರಿಗೆಐದು ಪೈಸಾದ ಪೋಸ್ಟ್ಕಾರ್ಡ್ ಬರೆದು ಪತ್ರಿಕೆಯನ್ನು ಪರಿಚಯಿಸಿದ್ದೆವು. ಆಗ ಬಹಳ ಚಂದ ಸ್ಪಂದನೆ ಸಿಕ್ಕಿತು. ಈಗ ಚಂದಾವೇ ಬರುತ್ತಿಲ್ಲ’ ಎಂದು ಅವರು ಸ್ಮರಿಸಿದರು.</p>.<p>ಸಂಕ್ರಮಣ ಪ್ರಕಾಶನ ಮುಂದುವರಿಯಲಿದೆ. ಸಂಕ್ರಮಣ ಸುವರ್ಣ ಸಂಪುಟಗಳೂ ಹೊರಬರಲಿವೆ ಎಂದು ಅವರು ತಿಳಿಸಿದರು.</p>.<p>*<br />ಈ ವರ್ಷ ಪೂರ್ತಿ ಬಾಕಿ ವಸೂಲು ಮಾಡಬೇಕೆಂದಿದ್ದೇನೆ. ಒಂದು ವೇಳೆ ಅದು ವಾಪಸ್ಸು ಬಂತು ಅಂದ್ರ, ಮತ್ತ ಸಂಕ್ರಮಣಕ್ಕ ಹೊಸರೂಪ ಕೊಡೊ ಪ್ರಯತ್ನ ಮಾಡ್ತೀನಿ.<br /><em><strong>-ಚಂದ್ರಶೇಖರ ಪಾಟೀಲ</strong></em></p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
