‘ಲೈಂಗಿಕ ದೌರ್ಜನ್ಯದ ಸಂತ್ರಸ್ತೆಯರು ಮನೆಯಲ್ಲಿ ಬಂದಿಯಾಗಿದ್ದಾರೆ. ಅವರ ಒಡನಾಟದ ಹೆಣ್ಣು ಮಕ್ಕಳು ಕೂಡ ಮುಕ್ತವಾಗಿ ಓಡಾಡುವ ಪರಿಸ್ಥಿತಿ ಉಳಿದಿಲ್ಲ. ‘ಏನಮ್ಮಾ ನಿನ್ನದೂ ವಿಡಿಯೊ ಇದೆಯಾ’ ಎಂದು ಪ್ರಶ್ನಿಸುವ ವಿಕೃತ ಮನಸ್ಸುಗಳು ಅವರ ಆತ್ಮವಿಶ್ವಾಸವನ್ನೇ ಕುಗ್ಗಿಸುತ್ತಿವೆ. ಸಾಮಾಜಿಕ ಚಟುವಟಿಕೆಗಳಲ್ಲಿ ತೊಡಗಿಕೊಂಡಿರುವ ಮಹಿಳೆಯರಿಗೆ ಕುಟುಂಬದ ಪುರುಷರೇ ಲಕ್ಷ್ಮಣ ರೇಖೆ ಹಾಕುತ್ತಿದ್ದಾರೆ. ಹೆಣ್ಣನ್ನು ಹತ್ತಿಕ್ಕಲು ಈ ಪ್ರಕರಣ ನೆಪವಾಗುತ್ತಿದೆ’ ಎಂದು ಬೇಸರಿಸಿದರು ಸ್ನೇಹ ಸಂಪದ ಮಹಿಳಾ ಸಮಿತಿಯ ಮಮತಾ ಶಿವು.