ಉಡಾನ್‌– 3: ಬೆಳಗಾವಿ ವಿಮಾನ ನಿಲ್ದಾಣ ಟೇಕಾಫ್‌

ಬೆಳಗಾವಿ: ಕೇಂದ್ರ ಸರ್ಕಾರದ ‘ಉಡಾನ್ 3’ ಯೋಜನೆಯಿಂದಾಗಿ ಬೆಳಗಾವಿ ವಿಮಾನ ನಿಲ್ದಾಣ ಚೇತರಿಸಿಕೊಂಡಿದೆ. ಕಳೆದ ವರ್ಷ ಕೆಲವು ದಿನಗಳವರೆಗೆ ಯಾವುದೇ ವಿಮಾನಗಳು ಹಾರಾಟ ನಡೆಸದೇ ಸ್ಥಗಿತಗೊಂಡಿತ್ತು. ಶಾಶ್ವತವಾಗಿ ಬಂದ್ ಆಗುವ ಭೀತಿ ಎದುರಿಸುತ್ತಿತ್ತು. ಆ ಭೀತಿ ಈಗ ದೂರವಾಗಿದ್ದು, ಈ ವರ್ಷ ದಾಖಲೆ ಪ್ರಮಾಣದಲ್ಲಿ ಪ್ರಯಾಣಿಕರು ಇಲ್ಲಿಂದ ವಿಮಾನ ಹಾರಾಟ ನಡೆಸಿದ್ದಾರೆ.

. ಪ್ರಸ್ತುತ ಬೆಂಗಳೂರು, ಮುಂಬೈ, ಪುಣೆ, ಹೈದರಾಬಾದ್, ಅಹಮದಾಬಾದ್ಗೆ ಪ್ರತಿದಿನ 10 ವಿಮಾನಗಳು ಹಾರಾಟ ನಡೆಸುತ್ತಿವೆ. ಬೆಂಗಳೂರಿಗೆ– 5 (ಸ್ಪೈಸ್ ಜೆಟ್ 2, ಇಂಡಿಗೋ–1, ಅಲೈಯನ್ಸ್ ಏರ್–1 ಸ್ಟಾರ್ ಏರ್ –1) ಹೈದರಾಬಾದ್ –1 (ಸ್ಪೈಸ್ ಜೆಟ್), ಮುಂಬೈ– 2 (ಸ್ಪೈಸ್ ಜೆಟ್, ಸ್ಟಾರ್ ಏರ್), ಪುಣೆ– 1 (ಅಲೈಯನ್ಸ್ ಏರ್), ಅಹಮದಾಬಾದ್– 1 (ಸ್ಟಾರ್ ಏರ್) ವಿಮಾನ ಹಾರಾಟ ಮಾಡುತ್ತಿವೆ.

. ಇದನ್ನೂ ಓದಿ: ಬೆಳಗಾವಿ–ಬೆಂಗಳೂರಿಗೆ ಇಂಡಿಗೊ ವಿಮಾನ

. ಸರಾಸರಿಯಾಗಿ ಒಂದು ದಿನಕ್ಕೆ 21,000 ಜನ ಪ್ರಯಾಣಿಕರು ನಿಲ್ದಾಣವನ್ನು ಉಪಯೋಗಿಸುತ್ತಿದ್ದಾರೆ. ಇದು, ಇದುವರೆಗಿನ ದಾಖಲೆಯ ಪ್ರಮಾಣವಾಗಿದೆ. 2018ರಲ್ಲಿ 19,000 ಜನರು ಉಪಯೋಗಿಸಿದ್ದು, ಹಳೆಯ ದಾಖಲೆಯಾಗಿತ್ತು.

. 5 ಕಂಪನಿಗಳಿಗೆ ಸಮ್ಮತಿ: ಈ ಯೋಜನೆಯಡಿ ಬೆಳಗಾವಿಯಿಂದ ವಿವಿಧ ನಗರಗಳಿಗೆ ವಿಮಾನ ಹಾರಾಟ ನಡೆಸಲು ಬಿಡ್ ಸಲ್ಲಿಸಿದ್ದ ಕಂಪನಿಗಳ ಪೈಕಿ 5 ಕಂಪನಿಗಳಿಗೆ ಕೇಂದ್ರ ಸರ್ಕಾರ ಅನುಮತಿ ನೀಡಿದೆ. ಇವುಗಳಲ್ಲಿ ಈಗಾಗಲೇ 4 ಕಂಪನಿಗಳು ಹಾರಾಟ ನಡೆಸಿದ್ದು, ಹೈದರಾಬಾದ್ ಮೂಲದ ಟ್ರೂ ಜೆಟ್ ಸಂಸ್ಥೆ ಇನ್ನಷ್ಟೇ ಆರಂಭಿಸಬೇಕಾಗಿದೆ.

. ಟ್ರೂ ಜೆಟ್ ಶೀಘ್ರ ಆರಂಭ: ಟ್ರೂ ಜೆಟ್ ವಿಮಾನಯಾನ ಸಂಸ್ಥೆಯು ಬೆಳಗಾವಿಯಿಂದ ಹೈದರಾಬಾದ್ಗೆ ಈ ತಿಂಗಳ ಅಂತ್ಯದ ವೇಳೆಗೆ ಸೇವೆ ಪ್ರಾರಂಭಿಸುವ ನಿರೀಕ್ಷೆ ಇದೆ. ಸಂಸ್ಥೆಯ ಪ್ರತಿನಿಧಿಗಳು ಇತ್ತೀಚೆಗೆ ನಿಲ್ದಾಣಕ್ಕೆ ಭೇಟಿ ನೀಡಿ, ವಿಮಾನ ನಿಲ್ಲಿಸಲು ಸ್ಥಳ ಗುರುತಿಸಿಕೊಡುವಂತೆ ವಿಮಾನ ನಿಲ್ದಾಣ ಪ್ರಾಧಿಕಾರದ ಅಧಿಕಾರಿಗಳನ್ನು ಕೋರಿದ್ದರು. ಅವರ ಮನವಿಯ ಮೇರೆಗೆ ಸ್ಥಳಾವಕಾಶವನ್ನೂ ಹಂಚಿಕೆ ಮಾಡಲಾಗಿದೆ. ಈ ಮಾರ್ಗದ ಜೊತೆ ತಿರುಪತಿ, ಮೈಸೂರು ಹಾಗೂ ಕಡಪಾಕ್ಕೂ ಸೇವೆ ಆರಂಭಿಸುವ ಸಾಧ್ಯತೆ ಇದೆ.

. ಚೆನ್ನೈ, ನವದೆಹಲಿಗೆ ಬೇಡಿಕೆ ‘ಬಹುತೇಕ ಎಲ್ಲ ವಿಮಾನಗಳು ಶೇ 80ರಷ್ಟು ಭರ್ತಿಯಾಗಿ ಹಾರಾಟ ನಡೆಸುತ್ತಿವೆ. ಚೆನ್ನೈ ಹಾಗೂ ನವದೆಹಲಿಗೆ ವಿಮಾನ ಆರಂಭಿಸುವಂತೆ ಪ್ರಯಾಣಿಕರಿಂದ ಹೆಚ್ಚಿನ ಬೇಡಿಕೆ ಬಂದಿದೆ. ಸ್ಪೈಸ್ ಜೆಟ್ ಹಾಗೂ ಇಂಡಿಗೋ ಕಂಪನಿಯ ಪ್ರತಿನಿಧಿಗಳ ಜೊತೆ ಮಾತುಕತೆ ನಡೆದಿದೆ. ಸದ್ಯದಲ್ಲಿ ಈ ನಗರಗಳಿಗೂ ಸೇವೆ ಆರಂಭವಾಗಬಹುದು’ ಎಂದು ವಿಮಾನ ನಿಲ್ದಾಣದ ನಿರ್ದೇಶ ರಾಜೇಶಕುಮಾರ್ ಮೌರ್ಯ ‘ಪ್ರಜಾವಾಣಿ’ಗೆ ತಿಳಿಸಿದರು.

. * ವಿಮಾನ ನಿಲ್ದಾಣದಿಂದ ಕಾರ್ಗೊ ಸೇವೆ ಆರಂಭಿಸಲು ಅನುಮತಿ ನೀಡುವಂತೆ ಕೇಂದ್ರ ವಿಮಾನಯಾನ ಸಚಿವಾಲಯಕ್ಕೆ ಕೋರಿಕೆ ಸಲ್ಲಿಸಲಾಗಿದೆ. ಒಪ್ಪಿಗೆ ಸಿಕ್ಕರೆ ವಿಮಾನ ನಿಲ್ದಾಣದ ಬಳಕೆ ಇನ್ನೂ ಹೆಚ್ಚಾಗಲಿದೆ. – ರಾಜೇಶ ಮೌರ್ಯ, ವಿಮಾನ ನಿಲ್ದಾಣದ ನಿರ್ದೇಶಕ

. ಉಡಾನ್– 3 ಮಾರ್ಗಗಳ ಹಂಚಿಕೆ ವಿಮಾನಯಾನ ಸಂಸ್ಥೆ:ಮಾರ್ಗ ಇಂಡಿಗೋ:ಹೈದರಾಬಾದ್ ಅಲೈನ್ಸ್:ಪುಣೆ ಸ್ಪೈಸ್ಜೆಟ್:ಹೈದರಾಬಾದ್, ಮುಂಬೈ ಸ್ಟಾರ್ಏರ್:ಅಹಮದಾಬಾದ್, ಸೂರತ್, ಜೈಪುರ್, ಜೋಧಪುರ, ನಾಗ್ಪುರ, ನಾಸಿಕ್, ತಿರುಪತಿ ಟ್ರೂಜೆಟ್: ಹೈದರಾಬಾದ್, ಕಡಪಾ, ತಿರುಪತಿ, ಮೈಸೂರು

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಉಡಾನ್‌– 3: ಬೆಳಗಾವಿ ವಿಮಾನ ನಿಲ್ದಾಣ ಟೇಕಾಫ್‌

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಅಖಿಲ ಭಾರತ ಅಂತರ ವಿವಿ ‍ಪುರುಷರ ಕಬಡ್ಡಿ: ದಕ್ಷಿಣದ ತಂಡಗಳಿಗೆ ಉತ್ತರದ ಪೆಟ್ಟು

ನಿಕ್‌ ಚಾಪೆಲ್‌ಗೆ ಸಾಟಿಯಾಗದ ಕರಣ್‌

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶುಕ್ರವಾರ, ನವೆಂಬರ್ 22 2024

ಚುರುಮುರಿ: ಐಪಿಎಲ್- ಬಿಪಿಎಲ್!

ಮಾಜಿ ಸಚಿವ ಬಿ.ಸಿ. ನಾಗೇಶ್‌ ಮನೆಯಲ್ಲಿ ಬಿಜೆಪಿ ಭಿನ್ನಮತೀಯರು

ದಿನ ಭವಿಷ್ಯ: ಈ ರಾಶಿಯವರಿಗೆ ದೇವತಾನುಗ್ರಹ ಸಂಪೂರ್ಣವಾಗಿ ಇರಲಿದೆ