<p><strong>ಬೆಂಗಳೂರು:</strong> `ಹಳೆಗನ್ನಡವನ್ನು ಅಭ್ಯಾಸ ಮಾಡಿದ ವಿದ್ವಾಂಸರ ಸಂಖ್ಯೆ ಗಣನೀಯವಾಗಿ ಕ್ಷೀಣಿಸಿದೆ. ಆಗೆಲ್ಲ ದೊಡ್ಡ ದೊಡ್ಡ ಸಂಶೋಧನೆ ಕೈಗೊಳ್ಳಲು ಆರ್ಥಿಕ ತೊಂದರೆಯಿತ್ತು. ಈಗ ಸಾಕಷ್ಟು ಹಣವಿದ್ದರೂ ಸಂಶೋಧನೆ ನಡೆಸಲು ವಿದ್ವಾಂಸರ ಕೊರತೆ ಎದ್ದುಕಾಣುತ್ತಿದೆ' ಎಂದು ಹಿರಿಯ ಸಂಶೋಧಕ ಡಾ.ಎಂ.ಎಂ.ಕಲಬುರ್ಗಿ ಅವರು ವಿಷಾದ ವ್ಯಕ್ತಪಡಿಸಿದರು.<br /> <br /> ಕನ್ನಡ ಪುಸ್ತಕ ಪ್ರಾಧಿಕಾರವು ನಗರದ ಕನ್ನಡಭವನದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಪ್ರಾಚೀನ ಗದ್ಯಸಾಹಿತ್ಯ ಮಾಲೆಯ ಕೃತಿಗಳನ್ನು ಬಿಡುಗಡೆ ಮಾಡಿ ಅವರು ಮಾತನಾಡಿದರು.<br /> <br /> `ಪ್ರಾಚೀನ ಮತ್ತು ಆಧುನಿಕ ವಿದ್ವಾಂಸರಲ್ಲಿ ಪದ್ಯವೇ ಶ್ರೇಷ್ಠ ಎಂಬ ಭಾವನೆಯಿದೆ. ಆದರೆ ಗದ್ಯದ ಅಳ ವಿಸ್ತಾರ ತಿಳಿಯಪಡಿಸುವ ಸಲುವಾಗಿಯೇ ಪ್ರಾಚೀನ ಗದ್ಯ ಸಾಹಿತ್ಯ ಕೃತಿಗಳನ್ನು ಸಂಪಾದಿಸಲಾಗಿದೆ' ಎಂದರು.<br /> <br /> `ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್, ಚಿತ್ರ ನಟಿ- ನಿರ್ದೇಶಕಿ ಅಪರ್ಣಾ ಸೇನ್ ಸೇರಿದಂತೆ ಪಶ್ಚಿಮ ಬಂಗಾಳದ ಸೇನ್ ವಂಶಸ್ಥರು ಮೂಲತಃ ಕರ್ನಾಟಕದವರು. ಇವರೊಂದಿಗೆ ರಾಜ್ಯದ ಗ್ರಾಮದೇವತೆ ಮಂಚಮ್ಮ ಕೂಡ ಬಂಗಾಳಕ್ಕೆ ವಲಸೆ ಹೋಗಿದ್ದಾಳೆ. ಬಂಗಾಳ, ಒಡಿಶಾ, ಅಸ್ಸಾಂ, ನಾಗಲ್ಯಾಂಡ್ ಸೇರಿದಂತೆ ಬಹುಭಾಗದಲ್ಲಿ ಈ ಮಂಚಮ್ಮನನ್ನು ಮಾನಸಾ ದೇವಿ ಎಂದು ಪೂಜಿಸಲಾಗುತ್ತಿದೆ.<br /> <br /> ಸಂಶೋಧನೆಯಿಂದ ಇಂತಹ ಹತ್ತು ಹಲವು ಸತ್ಯ ಸಂಗತಿಗಳು ಹೊರಬರಬೇಕಿದೆ' ಎಂದು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಆಯುಕ್ತ ಕೆ.ಆರ್.ರಾಮಕೃಷ್ಣ ತಿಳಿಸಿದರು.<br /> <br /> ಪ್ರಾಧಿಕಾರದ ಅಧ್ಯಕ್ಷ ಡಾ.ಸಿದ್ಧಲಿಂಗಯ್ಯ, `ಪ್ರಾಚೀನ ಗದ್ಯಕಾವ್ಯದ ಬಗ್ಗೆ ಯುವಜನರಲ್ಲಿ ಆಸಕ್ತಿ ಮೂಡಿಸುವ ಜವಾಬ್ದಾರಿ ಹಿರಿಯರ ಮೇಲಿದೆ. ಇನ್ನಷ್ಟು ಗದ್ಯಸಾಹಿತ್ಯಮಾಲೆ ಹೊರತರುವ ಪ್ರಯತ್ನ ಪ್ರಾಧಿಕಾರದಿಂದ ಜರುಗಲಿದೆ' ಎಂದರು.</p>.<p><strong>ಬಿಡುಗಡೆಯಾದ ಕೃತಿಗಳು</strong><br /> ಸಮಾರಂಭದಲ್ಲಿ ಬಿಡುಗಡೆಯಾದ ಸಂಪಾದಿತ ಪ್ರಾಚೀನ ಗದ್ಯಸಾಹಿತ್ಯ ಮಾಲೆಯ ಕೃತಿಗಳು ಹಾಗೂ ಅವುಗಳ ಸಂಪಾದಕರು<br /> `ಚಾವುಂಡರಾಯ ವಿರಚಿತ ಚಾವುಂಡರಾಯ ಪುರಾಣ' (ಡಾ.ಎಂ.ಎ.ಜಯಚಂದ್ರ), `ನಯಸೇನ ವಿರಚಿತ ಧರ್ಮಾಮೃತ' (ಡಾ.ಶುಭಚಂದ್ರ), `ದುರ್ಗಸಿಂಹ ವಿರಚಿತ ಕರ್ನಾಟಕ ಪಂಚತಂತ್ರಂ' (ಡಾ.ಪಿ.ವಿ.ನಾರಾಯಣ), `ಬ್ರಾಜಿಷ್ಣು ವಿರಚಿತ ಆರಾಧನಾ ಕರ್ಣಾಟಟೀಕಾ- `ವಡ್ಡಾರಾಧನೆ' (ಡಾ.ಶಾಂತಿನಾಥ ದಿಬ್ಬದ), `ಹರಿಹರ ವಿರಚಿತ ಕನ್ನಡ ಶರಣರ ಕತೆಗಳು' (ಡಾ.ಎಂ.ಎಂ.ಕಲಬುರ್ಗಿ), `ನಿಜಗುಣ ಶಿವಯೋಗಿ ವಿರಚಿತ ವಿವೇಕ ಚಿಂತಾಮಣಿ' (ಡಾ ಶಿವಲಿಂಗಯ್ಯ ಜಿ.ಎ), `ತಿರುಮಲಾರ್ಯ ವಿರಚಿತ ಚಿಕ್ಕದೇವರಾಯ ವಂಶಾವಳಿ' (ಡಾ.ಎಚ್.ಎಂ.ನಾಗರಾಜರಾವ್), `ನಾರಾಯಣಶರ್ಮ ವಿರಚಿತ ಮುದ್ರಾಮಂಜೂಷವು' (ಡಾ.ಟಿ.ವಿ.ವೆಂಕಟಾಚಲಶಾಸ್ತ್ರಿ), `ದೇವಚಂದ್ರ ವಿರಚಿತ ರಾಜಾವಳಿ ಕತೆ' (ಡಾ.ರಾಮೇಗೌಡ,) `ಮುದ್ದಣ ವಿರಚಿತ ರಾಮಾಶ್ವಮೇಧಂ' (ಡಾ.ಗಾಯತ್ರಿ ನಾವಡ).</p>.<p><strong>ವಡ್ಡಾರಾಧನೆ...</strong><br /> `ವಡ್ಡಾರಾಧನೆ ಎಂಬ ಹೆಸರುಳ್ಳ ಕೃತಿಯನ್ನು ಶಿವಕೋಟ್ಯಾಚಾರ್ಯ ಎಂಬುವವರು ರಚಿಸಿದ್ದಾರೆ ಎಂದೇ ಭಾವಿಸಲಾಗಿದೆ. ಆದರೆ, ಈ ಬಗ್ಗೆ ಹೆಚ್ಚಿನ ಚರ್ಚೆ ನಡೆಯಬೇಕಿದೆ' ಎಂದು ಡಾ.ಎಂ.ಎಂ.ಕಲಬುರ್ಗಿ ಅಭಿಪ್ರಾಯಪಟ್ಟರು.<br /> <br /> `ವಡ್ಡಾರಾಧನೆ ಎಂಬುದು ಕೃತಿಯ ಹೆಸರಲ್ಲ. ಶಿವಕೋಟ್ಯಾಚಾರ್ಯ ಎಂಬುದು ಕವಿ ಹೆಸರಲ್ಲ. ಬ್ರಾಜಿಷ್ಣು ಎಂಬ ಕವಿಯಿಂದ ರಚಿಸಲಾದ ಆರಾಧನಾ ಕರ್ಣಾಟಟೀಕಾ ಕೃತಿಯನ್ನೇ ವಡ್ಡಾರಾಧನೆ ಎಂದು ಹೆಸರಿಡಲಾಗಿದೆ. ಈ ವಿಚಾರವನ್ನು 40 ವರ್ಷಗಳ ಹಿಂದೆ ಪಿಎಚ್.ಡಿ. ಮಾಡುವ ಸಂದರ್ಭದಲ್ಲೇ ತಿಳಿಸಿದ್ದೆ. ಈಗ ಗದ್ಯಮಾಲೆ ಪ್ರಕಟಿಸುವಾಗ ಪ್ರಧಾನ ಸಂಪಾದಕತ್ವ ವಹಿಸಿಕೊಂಡಿರುವುದರಿಂದ ಶಾಂತಿನಾಥ ದಿಬ್ಬದ ಅವರು ಸಂಪಾದಿಸಿರುವ ಈ ಕೃತಿಗೆ ಬ್ರಾಜಿಷ್ಣು ವಿರಚಿತ ಆರಾಧನಾ ಕರ್ಣಾಟಟೀಕಾ ಎಂದೇ ಹೆಸರಿಡಲಾಗಿದೆ' ಎಂದು ಸ್ಪಷ್ಟಪಡಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> `ಹಳೆಗನ್ನಡವನ್ನು ಅಭ್ಯಾಸ ಮಾಡಿದ ವಿದ್ವಾಂಸರ ಸಂಖ್ಯೆ ಗಣನೀಯವಾಗಿ ಕ್ಷೀಣಿಸಿದೆ. ಆಗೆಲ್ಲ ದೊಡ್ಡ ದೊಡ್ಡ ಸಂಶೋಧನೆ ಕೈಗೊಳ್ಳಲು ಆರ್ಥಿಕ ತೊಂದರೆಯಿತ್ತು. ಈಗ ಸಾಕಷ್ಟು ಹಣವಿದ್ದರೂ ಸಂಶೋಧನೆ ನಡೆಸಲು ವಿದ್ವಾಂಸರ ಕೊರತೆ ಎದ್ದುಕಾಣುತ್ತಿದೆ' ಎಂದು ಹಿರಿಯ ಸಂಶೋಧಕ ಡಾ.ಎಂ.ಎಂ.ಕಲಬುರ್ಗಿ ಅವರು ವಿಷಾದ ವ್ಯಕ್ತಪಡಿಸಿದರು.<br /> <br /> ಕನ್ನಡ ಪುಸ್ತಕ ಪ್ರಾಧಿಕಾರವು ನಗರದ ಕನ್ನಡಭವನದಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಪ್ರಾಚೀನ ಗದ್ಯಸಾಹಿತ್ಯ ಮಾಲೆಯ ಕೃತಿಗಳನ್ನು ಬಿಡುಗಡೆ ಮಾಡಿ ಅವರು ಮಾತನಾಡಿದರು.<br /> <br /> `ಪ್ರಾಚೀನ ಮತ್ತು ಆಧುನಿಕ ವಿದ್ವಾಂಸರಲ್ಲಿ ಪದ್ಯವೇ ಶ್ರೇಷ್ಠ ಎಂಬ ಭಾವನೆಯಿದೆ. ಆದರೆ ಗದ್ಯದ ಅಳ ವಿಸ್ತಾರ ತಿಳಿಯಪಡಿಸುವ ಸಲುವಾಗಿಯೇ ಪ್ರಾಚೀನ ಗದ್ಯ ಸಾಹಿತ್ಯ ಕೃತಿಗಳನ್ನು ಸಂಪಾದಿಸಲಾಗಿದೆ' ಎಂದರು.<br /> <br /> `ಅರ್ಥಶಾಸ್ತ್ರಜ್ಞ ಅಮರ್ತ್ಯ ಸೇನ್, ಚಿತ್ರ ನಟಿ- ನಿರ್ದೇಶಕಿ ಅಪರ್ಣಾ ಸೇನ್ ಸೇರಿದಂತೆ ಪಶ್ಚಿಮ ಬಂಗಾಳದ ಸೇನ್ ವಂಶಸ್ಥರು ಮೂಲತಃ ಕರ್ನಾಟಕದವರು. ಇವರೊಂದಿಗೆ ರಾಜ್ಯದ ಗ್ರಾಮದೇವತೆ ಮಂಚಮ್ಮ ಕೂಡ ಬಂಗಾಳಕ್ಕೆ ವಲಸೆ ಹೋಗಿದ್ದಾಳೆ. ಬಂಗಾಳ, ಒಡಿಶಾ, ಅಸ್ಸಾಂ, ನಾಗಲ್ಯಾಂಡ್ ಸೇರಿದಂತೆ ಬಹುಭಾಗದಲ್ಲಿ ಈ ಮಂಚಮ್ಮನನ್ನು ಮಾನಸಾ ದೇವಿ ಎಂದು ಪೂಜಿಸಲಾಗುತ್ತಿದೆ.<br /> <br /> ಸಂಶೋಧನೆಯಿಂದ ಇಂತಹ ಹತ್ತು ಹಲವು ಸತ್ಯ ಸಂಗತಿಗಳು ಹೊರಬರಬೇಕಿದೆ' ಎಂದು ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಆಯುಕ್ತ ಕೆ.ಆರ್.ರಾಮಕೃಷ್ಣ ತಿಳಿಸಿದರು.<br /> <br /> ಪ್ರಾಧಿಕಾರದ ಅಧ್ಯಕ್ಷ ಡಾ.ಸಿದ್ಧಲಿಂಗಯ್ಯ, `ಪ್ರಾಚೀನ ಗದ್ಯಕಾವ್ಯದ ಬಗ್ಗೆ ಯುವಜನರಲ್ಲಿ ಆಸಕ್ತಿ ಮೂಡಿಸುವ ಜವಾಬ್ದಾರಿ ಹಿರಿಯರ ಮೇಲಿದೆ. ಇನ್ನಷ್ಟು ಗದ್ಯಸಾಹಿತ್ಯಮಾಲೆ ಹೊರತರುವ ಪ್ರಯತ್ನ ಪ್ರಾಧಿಕಾರದಿಂದ ಜರುಗಲಿದೆ' ಎಂದರು.</p>.<p><strong>ಬಿಡುಗಡೆಯಾದ ಕೃತಿಗಳು</strong><br /> ಸಮಾರಂಭದಲ್ಲಿ ಬಿಡುಗಡೆಯಾದ ಸಂಪಾದಿತ ಪ್ರಾಚೀನ ಗದ್ಯಸಾಹಿತ್ಯ ಮಾಲೆಯ ಕೃತಿಗಳು ಹಾಗೂ ಅವುಗಳ ಸಂಪಾದಕರು<br /> `ಚಾವುಂಡರಾಯ ವಿರಚಿತ ಚಾವುಂಡರಾಯ ಪುರಾಣ' (ಡಾ.ಎಂ.ಎ.ಜಯಚಂದ್ರ), `ನಯಸೇನ ವಿರಚಿತ ಧರ್ಮಾಮೃತ' (ಡಾ.ಶುಭಚಂದ್ರ), `ದುರ್ಗಸಿಂಹ ವಿರಚಿತ ಕರ್ನಾಟಕ ಪಂಚತಂತ್ರಂ' (ಡಾ.ಪಿ.ವಿ.ನಾರಾಯಣ), `ಬ್ರಾಜಿಷ್ಣು ವಿರಚಿತ ಆರಾಧನಾ ಕರ್ಣಾಟಟೀಕಾ- `ವಡ್ಡಾರಾಧನೆ' (ಡಾ.ಶಾಂತಿನಾಥ ದಿಬ್ಬದ), `ಹರಿಹರ ವಿರಚಿತ ಕನ್ನಡ ಶರಣರ ಕತೆಗಳು' (ಡಾ.ಎಂ.ಎಂ.ಕಲಬುರ್ಗಿ), `ನಿಜಗುಣ ಶಿವಯೋಗಿ ವಿರಚಿತ ವಿವೇಕ ಚಿಂತಾಮಣಿ' (ಡಾ ಶಿವಲಿಂಗಯ್ಯ ಜಿ.ಎ), `ತಿರುಮಲಾರ್ಯ ವಿರಚಿತ ಚಿಕ್ಕದೇವರಾಯ ವಂಶಾವಳಿ' (ಡಾ.ಎಚ್.ಎಂ.ನಾಗರಾಜರಾವ್), `ನಾರಾಯಣಶರ್ಮ ವಿರಚಿತ ಮುದ್ರಾಮಂಜೂಷವು' (ಡಾ.ಟಿ.ವಿ.ವೆಂಕಟಾಚಲಶಾಸ್ತ್ರಿ), `ದೇವಚಂದ್ರ ವಿರಚಿತ ರಾಜಾವಳಿ ಕತೆ' (ಡಾ.ರಾಮೇಗೌಡ,) `ಮುದ್ದಣ ವಿರಚಿತ ರಾಮಾಶ್ವಮೇಧಂ' (ಡಾ.ಗಾಯತ್ರಿ ನಾವಡ).</p>.<p><strong>ವಡ್ಡಾರಾಧನೆ...</strong><br /> `ವಡ್ಡಾರಾಧನೆ ಎಂಬ ಹೆಸರುಳ್ಳ ಕೃತಿಯನ್ನು ಶಿವಕೋಟ್ಯಾಚಾರ್ಯ ಎಂಬುವವರು ರಚಿಸಿದ್ದಾರೆ ಎಂದೇ ಭಾವಿಸಲಾಗಿದೆ. ಆದರೆ, ಈ ಬಗ್ಗೆ ಹೆಚ್ಚಿನ ಚರ್ಚೆ ನಡೆಯಬೇಕಿದೆ' ಎಂದು ಡಾ.ಎಂ.ಎಂ.ಕಲಬುರ್ಗಿ ಅಭಿಪ್ರಾಯಪಟ್ಟರು.<br /> <br /> `ವಡ್ಡಾರಾಧನೆ ಎಂಬುದು ಕೃತಿಯ ಹೆಸರಲ್ಲ. ಶಿವಕೋಟ್ಯಾಚಾರ್ಯ ಎಂಬುದು ಕವಿ ಹೆಸರಲ್ಲ. ಬ್ರಾಜಿಷ್ಣು ಎಂಬ ಕವಿಯಿಂದ ರಚಿಸಲಾದ ಆರಾಧನಾ ಕರ್ಣಾಟಟೀಕಾ ಕೃತಿಯನ್ನೇ ವಡ್ಡಾರಾಧನೆ ಎಂದು ಹೆಸರಿಡಲಾಗಿದೆ. ಈ ವಿಚಾರವನ್ನು 40 ವರ್ಷಗಳ ಹಿಂದೆ ಪಿಎಚ್.ಡಿ. ಮಾಡುವ ಸಂದರ್ಭದಲ್ಲೇ ತಿಳಿಸಿದ್ದೆ. ಈಗ ಗದ್ಯಮಾಲೆ ಪ್ರಕಟಿಸುವಾಗ ಪ್ರಧಾನ ಸಂಪಾದಕತ್ವ ವಹಿಸಿಕೊಂಡಿರುವುದರಿಂದ ಶಾಂತಿನಾಥ ದಿಬ್ಬದ ಅವರು ಸಂಪಾದಿಸಿರುವ ಈ ಕೃತಿಗೆ ಬ್ರಾಜಿಷ್ಣು ವಿರಚಿತ ಆರಾಧನಾ ಕರ್ಣಾಟಟೀಕಾ ಎಂದೇ ಹೆಸರಿಡಲಾಗಿದೆ' ಎಂದು ಸ್ಪಷ್ಟಪಡಿಸಿದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
