ವರ್ಜೀನಿಯಾ: ನೌಕರನ ಗುಂಡಿಗೆ 12 ಮಂದಿ ಸಾವು

ವಾಷಿಂಗ್ಟನ್: ವರ್ಜೀನಿಯಾದ ತೀರ ಪ್ರದೇಶ ಬಳಿಯ ಸರ್ಕಾರಿ ಕಟ್ಟಡ ಸಮುಚ್ಛಯದಲ್ಲಿ ಸರ್ಕಾರಿ ನೌಕರನೊಬ್ಬ ಸಹೋದ್ಯೋಗಿಗಳ ಮೇಲೆ ಮನಸೋಇಚ್ಛೆ ಗುಂಡು ಹಾರಿಸಿ 12 ಜನರನ್ನು ಕೊಂದಿದ್ದಾನೆ. ಈ ವೇಳೆ ಆರು ಜನರು ತೀವ್ರವಾಗಿ ಗಾಯಗೊಂಡಿದ್ದಾರೆ.

. ವಿಷಯ ಗೊತ್ತಾದ ಕೂಡಲೇ ಅಲ್ಲಿದ್ದ ಪೊಲೀಸರು ಪ್ರತಿದಾಳಿ ನಡೆಸಿ, ಬಂದೂಕುಧಾರಿಯನ್ನು ಕೊಂದಿದ್ದಾರೆ. ಈ ಸಂದರ್ಭದಲ್ಲಿ ಒಬ್ಬ ಪೊಲೀಸ್ ಅಧಿಕಾರಿಗೂ ಗಾಯವಾಗಿದ್ದು, ಅವರು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ ಎಂದು ಪೊಲೀಸ್ ಮುಖ್ಯಸ್ಥ ಜೇಮ್ಸ್ ಸರ್ವೆರಾ ತಿಳಿಸಿದ್ದಾರೆ.

. ‘ವರ್ಜೀನಿಯಾ ಇತಿಹಾಸದಲ್ಲಿ ಇದೊಂದು ಕರಾಳ ದಿನ. ಇಲ್ಲಿನ ಜನರು ನಮ್ಮ ಸ್ನೇಹಿತರು, ಸಹ ಕೆಲಸಗಾರರು, ನೆರೆಯವರು, ಸಹೋದ್ಯೋಗಿಗಳಾಗಿದ್ದಾರೆ’ ಎಂದು ಇಲ್ಲಿನ ಮೇಯರ್ ಬಾಬಿ ಡಯರ್ ತಿಳಿಸಿದ್ದಾರೆ.

. ‘ಗುಂಡಿನ ದಾಳಿ ನಡೆಸಿದ ನೌಕರ ಬೇಸರಗೊಂಡಿದ್ದ’ ಎಂದು ಸರ್ಕಾರಿ ಮೂಲಗಳು ತಿಳಿಸಿವೆ. ದಾಳಿ ಸ್ಥಳದಲ್ಲಿ ಹಲವು ಸರ್ಕಾರಿ ಕಚೇರಿಗಳಿದ್ದು, ಸದಾ ಸಿಬ್ಬಂದಿ ಮತ್ತು ಸಾರ್ವಜನಿಕರಿಂದ ತುಂಬಿರುತ್ತವೆ.

. ‘ಈ ಘಟನೆ ಕುರಿತು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರಿಗೆ ವಿವರಿಸಲಾಗಿದೆ. ಅವರು ಈ ಸಂಬಂಧ ಮೇಲ್ವಿಚಾರಣೆ ನಡೆಸುತ್ತಿದ್ದಾರೆ’ ಎಂದು ಶ್ವೇತಭವನ ತಿಳಿಸಿದೆ. ಈ ಪ್ರಕರಣದ ತನಿಖೆಗೆ ವರ್ಜೀನಿಯಾ ಪೊಲೀಸರಿಗೆ ಎಫ್ಬಿಐ ಸಹಕರಿಸುತ್ತಿದೆ.

. ಹಿಂದಿನ ಗುಂಡಿನ ದಾಳಿ ಪ್ರಕರಣಗಳು * 2018 ಫೆಬ್ರುವರಿ 14: ಫ್ಲಾರಿಡಾದ ಪಾರ್ಕ್ಲೆಂಡ್ ಶಾಲೆಯಲ್ಲಿ 19 ವರ್ಷದ ಹಳೆ ವಿದ್ಯಾರ್ಥಿ ನಡೆಸಿದ ಗುಂಡಿನ ದಾಳಿಗೆ 14 ವಿದ್ಯಾರ್ಥಿಗಳು ಮತ್ತು ಮೂವರು ಸಿಬ್ಬಂದಿ ಕೊಲೆಯಾಗಿದ್ದರು.

. * 2018 ಮೇ 18: ಟೆಕ್ಸಾಸ್ನ ಶಾಲೆಯಲ್ಲಿ ವಿದ್ಯಾರ್ಥಿಯೊಬ್ಬ ತನ್ನ ತಂದೆಯ ಬಂದೂಕನ್ನು ಶಾಲೆಗೆ ತಂದು ಸಹಪಾಠಿಗಳ ಮೇಲೆ ಗುಂಡು ಹಾರಿಸಿದ್ದ. ಈ ಘಟನೆಯಲ್ಲಿ 8 ವಿದ್ಯಾರ್ಥಿಗಳೂ ಸೇರಿದಂತೆ 10 ಜನರು ಸಾವಿಗೀಡಾಗಿದ್ದರು.

. * 2018 ನವೆಂಬರ್ 7: ಕ್ಯಾಲಿಫೋರ್ನಿಯಾದ ಸಂಗೀತ ಕಾರ್ಯಕ್ರಮದಲ್ಲಿ ಗುಂಡಿನ ದಾಳಿ ನಡೆಸಿದ 28 ವರ್ಷದ ಯೋಧ, 12 ಜನರ ಸಾವು.

. * 2017ರ ಅಕ್ಟೋಬರ್ 1: ನಿವೃತ್ತ ಲೆಕ್ಕಾಧಿಕಾರಿ ನಡೆಸಿದ ಗುಂಡಿನ ದಾಳಿಗೆ 58 ಜನ ಸತ್ತು, 550 ಜನರು ಗಾಯಗೊಂಡಿದ್ದರು.

. * 2016ರ ಜೂನ್ 12: ಬಂದೂಕುಧಾರಿಯ ದಾಳಿಗೆ 49 ಜನ ಕೊಲೆಯಾಗಿದ್ದರು.

. * 2012 ಜುಲೈ: ಕೊಲರಾಡೊದ ಅರೋರಾದಲ್ಲಿ ರಾತ್ರಿ ಚಿತ್ರಮಂದಿರದೊಳಗೆ ವ್ಯಕ್ತಿಯೊಬ್ಬ ಗುಂಡಿನ ದಾಳಿ ನಡೆಸಿದ್ದರಿಂದ 12 ಜನ ಸತ್ತಿದ್ದರು. 70 ಮಂದಿ ಗಾಯಗೊಂಡಿದ್ದರು.

. * 2012 ಡಿಸೆಂಬರ್: ನ್ಯೂಟೌನ್ ಶಾಲೆಯೊಂದರಲ್ಲಿ 20 ವರ್ಷದ ಯುವಕ ನಡೆಸಿದ ಗುಂಡಿನ ದಾಳಿಗೆ 20 ಮಕ್ಕಳು ಹತರಾಗಿದ್ದರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ವರ್ಜೀನಿಯಾ: ನೌಕರನ ಗುಂಡಿಗೆ 12 ಮಂದಿ ಸಾವು

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ

ಚಾಂಪಿಯನ್ಸ್ ಟ್ರೋಫಿ: ಹೈಬ್ರಿಡ್‌ ಮಾದರಿಗೆ ಪಾಕ್ ಸಿದ್ಧ?

ಪ್ರೊ ಕಬಡ್ಡಿ ಲೀಗ್‌: ದಬಾಂಗ್‌ಗೆ ಮಣಿದ ವಾರಿಯರ್ಸ್‌

ರಣಜಿ ಟ್ರೋಫಿ ಕ್ರಿಕೆಟ್: ಆತಂಕದಲ್ಲಿರುವ ಆತಿಥೇಯರಿಗೆ ಅಭಿನವ್ ಆಸರೆ

ಇಂಡಿಯನ್‌ ಸೂಪರ್‌ ಲೀಗ್‌: ಬಿಎಫ್‌ಸಿಗೆ ನಾರ್ತ್ ಈಸ್ಟ್‌ ಸವಾಲು ಇಂದು

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಒಳನೋಟ | ಲಾಭದ ಕನವರಿಕೆ: ಆಹಾರ ಕಲಬೆರಕೆ

ಚಿನಕುರುಳಿ: ಗುರುವಾರ, 07 ನವೆಂಬರ್‌ 2024

ಚುರುಮುರಿ: ಕರುಳ ಸಂಬಂಧ ಸಾಹಿತ್ಯ!

ಚಿನ್ನದ ದರ ₹1,650, ಬೆಳ್ಳಿ ₹2,900 ಇಳಿಕೆ

ಮಾನನಷ್ಟ ವಿಚಾರಣೆ: ಸುಪ್ರೀಂ ಕೋರ್ಟ್‌ನಲ್ಲಿ ರೂಪಾ ಮೌದ್ಗಿಲ್‌ಗೆ ಹಿನ್ನಡೆ