ಫ್ರೆಂಚ್ ನಾಗರಿಕತ್ವಕ್ಕೆ ಬ್ರಿಟನ್ ಪ್ರಧಾನಿಯ ತಂದೆ ಅರ್ಜಿ: ಕಾರಣವೇನು?

ಲಂಡನ್: ಬ್ರಿಟನ್ ಪ್ರಧಾನಿ ಬೋರಿಸ್ ಜಾನ್ಸನ್ ತಂದೆ ಸ್ಟಾನ್ಲಿ ಜಾನ್ಸನ್ ಅವರು ಫ್ರಾನ್ಸ್ ನಾಗರಿಕತ್ವಕ್ಕೆ ಅರ್ಜಿ ಸಲ್ಲಿಸುತ್ತಿರುವುದಾಗಿ ತಿಳಿಸಿದ್ದಾರೆ.

. ಜನವರಿ 1ರಿಂದ ಐರೋಪ್ಯ ಒಕ್ಕೂಟದಿಂದ ಬ್ರಿಟನ್ ಸಂಪೂರ್ಣ ಹೊರಬಂದಿದೆ. ಐರೋಪ್ಯ ಒಕ್ಕೂಟದೊಂದಿಗೆ ಬಾಂಧವ್ಯ ಉಳಿಸುವ ಸಲುವಾಗಿ ಈ ಕ್ರಮಕ್ಕೆ ಮುಂದಾಗಿರುವುದಾಗಿ ಅವರು ಹೇಳಿದ್ದಾರೆ.

. ‘ತಾಯಿ ಫ್ರಾನ್ಸ್ನವರು’: ಸ್ಟಾನ್ಲಿ ಜಾನ್ಸನ್ ಅವರು ಯುರೋಪ್ ಸಂಸತ್ನ ಮಾಜಿ ಸದಸ್ಯರೂ ಹೌದು. ಕುಟುಂಬದ ನಂಟಿನ ಹಿನ್ನೆಲೆಯಲ್ಲಿ ಫ್ರಾನ್ಸ್ ನಾಗರಿಕತ್ವ ಬಯಸುತ್ತಿದ್ದೇನೆ ಎಂದು ಅವರು ‘ಆರ್ಟಿಎಲ್ ರೇಡಿಯೊ’ಕ್ಕೆ ತಿಳಿಸಿದ್ದಾರೆ.

. ಇದನ್ನೂ ಓದಿ: ಬ್ರೆಕ್ಸಿಟ್: ಐರೋಪ್ಯ ಒಕ್ಕೂಟದಿಂದ ಬ್ರಿಟನ್ ಸಂಪೂರ್ಣ ಹೊರ, ಹೊಸ ನಿಯಮಗಳು ಜಾರಿ

. ‘ಸರಿಯಾಗಿ ನೋಡಿದರೆ ನಾನು ಫ್ರಾನ್ಸ್ನವ. ನನ್ನ ತಾಯಿ ಫ್ರಾನ್ಸ್ನಲ್ಲಿ ಜನಿಸಿದ್ದರು. ಅವರ ತಾಯಿ ಹಾಗೂ ಅಜ್ಜ ಪೂರ್ತಿಯಾಗಿ ಫ್ರಾನ್ಸ್ನವರೇ. ಹಾಗಾಗಿ ನನ್ನದಾಗಿದ್ದುದನ್ನು ಮತ್ತೆ ಪಡೆಯುತ್ತಿದ್ದೇನಷ್ಟೇ’ ಎಂದು 80 ವರ್ಷ ವಯಸ್ಸಿನ ಜಾನ್ಸನ್ ಹೇಳಿದ್ದಾರೆ.

. ‘ನಾನು ಯಾವತ್ತಿಗೂ ಯುರೋಪಿಯನ್, ಅದು ನಿಜ. ಬ್ರಿಟಿಷರನ್ನು ಯುರೋಪಿಯನ್ನರಲ್ಲ ಎಂದು ಹೇಳಲು ಸಾಧ್ಯವಿಲ್ಲ. ಐರೋಪ್ಯ ಒಕ್ಕೂಟದೊಂದಿಗೆ ನಂಟು ಹೊಂದಿರುವುದು ಬಹು ಮುಖ್ಯ’ ಎಂದು ಅವರು ಹೇಳಿದ್ದಾರೆ.

. ಬೋರಿಸ್ ಜಾನ್ಸನ್ ಅವರು 2016ರ ಜನಮತ ಸಂಗ್ರಹದಲ್ಲಿ ಮುಂಚೂಣಿಯಲ್ಲಿದ್ದರಲ್ಲದೆ, ಐರೋಪ್ಯ ಒಕ್ಕೂಟದಲ್ಲಿರುವುದಕ್ಕಿಂತಲೂ ಸಂಪೂರ್ಣ ಸಾರ್ವಭೌಮ ರಾಷ್ಟ್ರವಾಗಿ ಬ್ರಿಟನ್ ಹೆಚ್ಚು ಏಳಿಗೆ ಹೊಂದಬಹುದು ಎಂದು ಹೇಳಿದ್ದರು.

. ಆದರೆ ಇದೀಗ, ಐರೋಪ್ಯ ಒಕ್ಕೂಟದ ಜತೆ ಹೊಸ ವ್ಯಾಪಾರ ಒಪ್ಪಂದಕ್ಕೆ ಸಂಸತ್ ಅನುಮೋದನೆ ನೀಡಿದ್ದರಿಂದ, ‘ಮುಕ್ತ ವ್ಯಾಪಾರ ಒಪ್ಪಂದಕ್ಕೂ ನಾವು ತೆರೆದುಕೊಳ್ಳಲಿದ್ದೇವೆ’ ಎಂದು ಬೋರಿಸ್ ಜಾನ್ಸನ್ ಹೇಳಿದ್ದಾರೆ.

. ಐರೋಪ್ಯ ಒಕ್ಕೂಟದಿಂದ ಬ್ರಿಟನ್ ಸಂಪೂರ್ಣವಾಗಿ ಹೊರಬಂದ ಸಂದರ್ಭದಲ್ಲಿ ಶುಕ್ರವಾರ ಮಾತನಾಡಿದ್ದ ಬೋರಿಸ್ ಜಾನ್ಸನ್, ‘ಇದೊಂದು ಅಪೂರ್ವ ಕ್ಷಣ. ನಮ್ಮ ಸ್ವಾತಂತ್ರ್ಯ ನಮ್ಮ ಕೈಯಲ್ಲಿದೆ. ಮುಕ್ತ ವ್ಯಾಪಾರ ಒಪ್ಪಂದಕ್ಕೂ ನಾವು ತೆರೆದುಕೊಳ್ಳಲಿದ್ದೇವೆ’ ಎಂದು ಹೇಳಿದ್ದರು.

. ‘ಇದು, ಐರೋಪ್ಯ ರಾಷ್ಟ್ರವಾಗಿ ಬ್ರಿಟನ್ ಅಂತ್ಯಗೊಂಡಿದೆ ಎಂದರ್ಥವಲ್ಲ. ನಾವು ಅನೇಕ ವಿಧಗಳಲ್ಲಿ ಯುರೋಪ್ ನಾಗರಿಕತೆಯ ಸರ್ವಶ್ರೇಷ್ಠರು. ಇದು ಮುಂದುವರಿಯಲಿದೆ’ ಎಂದು ಜಾನ್ಸನ್ ಹೇಳಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಫ್ರೆಂಚ್ ನಾಗರಿಕತ್ವಕ್ಕೆ ಬ್ರಿಟನ್ ಪ್ರಧಾನಿಯ ತಂದೆ ಅರ್ಜಿ: ಕಾರಣವೇನು?

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌

ಆಸ್ಟ್ರೇಲಿಯಾ ಸರಣಿಗೆ ವೇಗಿ ಮೊಹಮ್ಮದ್ ಶಮಿ?

IND vs SA: ಸರಣಿ ಗೆಲುವಿನತ್ತ ಭಾರತದ ಚಿತ್ತ

ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ: ಪಾಕಿಸ್ತಾನಕ್ಕೆ ತಲುಪಿದ ಟ್ರೋಫಿ

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ: ತಮಿಳುನಾಡು, ದೆಹಲಿ ಚಾಂಪಿಯನ್

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಗುರುವಾರ, 14 ನವೆಂಬರ್ 2024

Gold Rate: ಚಿನ್ನ, ಬೆಳ್ಳಿ ಬೆಲೆ ಇಳಿಕೆ

ಮುನಿರತ್ನ ವಿರುದ್ಧದ ಕೇಸ್: ಹನಿಟ್ರ್ಯಾಪ್‌ಗೆ ಒಳಸಂಚು ಆರೋಪ;ಇನ್‌ಸ್ಪೆಕ್ಟರ್‌ ಸೆರೆ

ಪುರುಷರಿಗೂ ಉಚಿತ ಬಸ್‌ ಪ್ರಯಾಣ; ಚರ್ಚಿಸಿ ನಿರ್ಧಾರ: ಡಿ.ಕೆ. ಶಿವಕುಮಾರ್‌