ಭೂಕಂಪದಿಂದಾಗಿ ತತ್ತರಿಸಿರುವ ಟರ್ಕಿ, ಸಿರಿಯಾದ ನಾಗರಿಕರ ನೋವು ಹೆಚ್ಚಿಸಿದ ಚಳಿ

ಕಹ್ರಮನ್ಮರಸ್, ಟರ್ಕಿ: ಭೂಕಂಪದಿಂದಾಗಿ ತತ್ತರಿಸಿರುವ ಟರ್ಕಿ ಹಾಗೂ ಸಿರಿಯಾದ ನಾಗರಿಕರು ಈಗ ಕೊರೆಯುವ ಚಳಿಯಿಂದಾಗಿ ಮತ್ತಷ್ಟು ನಲುಗಿ ಹೋಗಿದ್ದಾರೆ. ಅಗೆದಷ್ಟು ಆಳದಲ್ಲಿ ಶವಗಳು ಪತ್ತೆಯಾಗುತ್ತಿದ್ದು, ಈವರೆಗೆ ಸುಮಾರು 25 ಸಾವಿರ ಮಂದಿ ಅಸುನೀಗಿದ್ದಾರೆ.

. ಉಭಯ ದೇಶಗಳ ಕನಿಷ್ಠ 8.70 ಲಕ್ಷ ಮಂದಿಗೆ ತುರ್ತಾಗಿ ಆಹಾರ ಒದಗಿಸಬೇಕಾಗಿದೆ. ಭೂಕಂಪದಿಂದಾಗಿ ಸಿರಿಯಾವೊಂದರಲ್ಲೇ 53 ಲಕ್ಷ ಜನ ನಿರಾಶ್ರಿತರಾಗಿದ್ದಾರೆ ಎಂದು ವಿಶ್ವಸಂಸ್ಥೆ ಹೇಳಿದೆ.

. ಟರ್ಕಿಯ ಭೂಕಂಪ ಪೀಡಿತ ಪ್ರದೇಶದಿಂದ ಹೊಸದಾಗಿ 5.90 ಲಕ್ಷ ಹಾಗೂ ಸಿರಿಯಾದಿಂದ 2.84 ಲಕ್ಷ ಮಂದಿಯನ್ನು ಸುರಕ್ಷಿತ ಸ್ಥಳಗಳಿಗೆ ಸ್ಥಳಾಂತರಿಸಲಾಗಿದೆ. ಇವರಿಗೆ ಆಹಾರ ಧಾನ್ಯ ಪೂರೈಸುವುದಕ್ಕಾಗಿಯೇ ₹635.21 ಕೋಟಿ ನೆರವು ಒದಗಿಸುವಂತೆ ವಿಶ್ವಸಂಸ್ಥೆಯ ‘ವಿಶ್ವ ಆಹಾರ ಕಾರ್ಯಕ್ರಮ’ ಮನವಿ ಮಾಡಿದೆ.

. ಕೊರೆಯುವ ಚಳಿಯು ಭೂಕಂಪ ಪೀಡಿತ ಪ್ರದೇಶದಲ್ಲಿನ ಜನರ ನೋವನ್ನು ಹೆಚ್ಚಿಸಿದೆ. ಚಳಿಯಿಂದ ರಕ್ಷಣೆ ಪಡೆಯಲು ಸಾವಿರಾರು ಮಂದಿ ತಮ್ಮ ಕಾರುಗಳಲ್ಲೇ ರಾತ್ರಿ ಕಳೆಯುವಂತಾಗಿದೆ. ಬೆಂಕಿ ಕಾಯಿಸುವುದೂ ಸಾಮಾನ್ಯವಾಗಿದೆ.

. ‘ಭೂಕಂಪನದಿಂದ ಜೀವ ಉಳಿಸಿಕೊಂಡಿರುವವರು ಈಗ ಚಳಿಯಿಂದ ಪ್ರಾಣ ಬಿಡುವಂತಾಗಿದೆ’ ಎಂದು ಟರ್ಕಿಯ ಅದಿಯಾಮನ್ ಪ್ರಾಂತ್ಯದ ನಿವಾಸಿ ಹಕನ್ ತನ್ರಿವರ್ದಿ ಎಂಬುವರು ನೋವು ವ್ಯಕ್ತಪಡಿಸಿದ್ದಾರೆ.

. ದಶಕಗಳಿಂದ ನಡೆದ ನಾಗರಿಕ ದಂಗೆ ಹಾಗೂ ತನ್ನ ನಿಯಂತ್ರಣಕ್ಕೆ ಒಳಪಡದ ಪ್ರದೇಶಗಳಲ್ಲಿನ ವೈದ್ಯಕೀಯ ಸೌಕರ್ಯಗಳನ್ನು ಗುರಿಯಾಗಿಸಿಕೊಂಡು ಸಿರಿಯಾ–ರಷ್ಯಾ ಜಂಟಿಯಾಗಿ ನಡೆಸಿದ ವೈಮಾನಿಕ ಬಾಂಬ್ ದಾಳಿಯಿಂದಾಗಿ ಈಗಾಗಲೇ ಹಲವು ಆಸ್ಪತ್ರೆಗಳು ಧ್ವಂಸಗೊಂಡಿದ್ದು, ಸಿರಿಯಾದಲ್ಲಿ ವಿದ್ಯುತ್ ಹಾಗೂ ನೀರಿನ ಅಭಾವವೂ ಸೃಷ್ಟಿಯಾಗಿದೆ.

. ಕಟ್ಟಡಗಳ ಕಳಪೆ ಕಾಮಗಾರಿ ಹಾಗೂ ತಮ್ಮ ಕಷ್ಟಕ್ಕೆ ಸಕಾರಾತ್ಮಕವಾಗಿ ಸ್ಪಂದಿಸದ ಟರ್ಕಿ ಸರ್ಕಾರದ ನಡೆ ನಾಗರಿಕರನ್ನು ಕೆರಳುವಂತೆ ಮಾಡಿದೆ.

. ‘ನಿರೀಕ್ಷಿಸಿದಷ್ಟು ತ್ವರಿತವಾಗಿ ನೆರವು ಒದಗಿಸುವಲ್ಲಿ ಹಾಗೂ ನಾಗರಿಕರ ನೋವಿಗೆ ಸ್ಪಂದಿಸುವಲ್ಲಿ ನಮ್ಮ ಸರ್ಕಾರ ವಿಫಲವಾಗಿದೆ’ ಎಂದು ಟರ್ಕಿ ಅಧ್ಯಕ್ಷ ರೆಸೆಪ್ ತಯ್ಯಿಪ್ ಎರ್ಡೊಗನ್ ಹೇಳಿದ್ದಾರೆ.

. ಭೂಕಂಪನದಿಂದಾಗಿ 12,141 ಕಟ್ಟಡಗಳು ಧ್ವಂಸಗೊಂಡಿವೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

. ಬಾಕ್ಸ್ಗಳು

. 110 ಗಂಟೆ ಅವಶೇಷಗಳಡಿ ಸಿಲುಕಿದ್ದ ಮೂವರ ರಕ್ಷಣೆ

. ಬೈರೂತ್ (ರಾಯಿಟರ್ಸ್): ಸಿರಿಯಾ ನಗರದ ಜಬಲೆಹ್ ಎಂಬಲ್ಲಿ 110 ಗಂಟೆಗಳವರೆಗೆ ಕಟ್ಟಡವೊಂದರ ಅವಶೇಷಗಳ ಅಡಿಯಲ್ಲಿ ಸಿಲುಕಿದ್ದ ಮೂವರನ್ನು ರಕ್ಷಿಸಲಾಗಿದೆ.

. ಸಿರಿಯಾ ಹಾಗೂ ಲೆಬನಾನ್ನ ರಕ್ಷಣಾ ಪಡೆಗಳ ಸದಸ್ಯರು ತಾಯಿ ಮತ್ತು ಮಗು ಸೇರಿದಂತೆ ಮೂವರನ್ನು ಅವಶೇಷಗಳ ಅಡಿಯಿಂದ ಹೊರ ತೆಗೆಯುತ್ತಿದ್ದಂತೆ ನೆರೆದಿದ್ದರು ಚಪ್ಪಾಳೆ ತಟ್ಟಿ ಸಂಭ್ರಮಿಸಿದರು. ‘ದೇವರು ದೊಡ್ಡವನು’ ಎಂಬ ಘೋಷಣೆ ಕೂಗಿದರು.

. ರಕ್ಷಿಸಲ್ಪಟ್ಟಿದ್ದ ಮಹಿಳೆ ಸಾವು

. ಕಿರಿಖಾನ್, ಟರ್ಕಿ (ರಾಯಿಟರ್ಸ್): ‘ದಕ್ಷಿಣ ಟರ್ಕಿಯಲ್ಲಿ 104 ಗಂಟೆವರೆಗೆ ಕಟ್ಟಡವೊಂದರ ಅವಶೇಷಗಳ ಅಡಿ ಸಿಲುಕಿದ್ದ ಮಹಿಳೆಯೊಬ್ಬರನ್ನು ಶುಕ್ರವಾರ ರಕ್ಷಿಸಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆಕೆ ಶನಿವಾರ ಆಸ್ಪತ್ರೆಯಲ್ಲಿ ಅಸುನೀಗಿದ್ದಾಳೆ’ ಎಂದು ರಕ್ಷಣಾ ಪಡೆಯವರು ಹೇಳಿದ್ದಾರೆ.

. ‘40 ವರ್ಷದ ಝೆಯನೆಪ್ ಕಹ್ರಮನ್ ಎಂಬುವರನ್ನು ನಾವು ರಕ್ಷಿಸಿದ್ದೆವು. ಅವರು ಮೃತಪಟ್ಟಿರುವುದು ದುರದೃಷ್ಟಕರ’ ಎಂದು ಜರ್ಮನಿಯ ಅಂತರರಾಷ್ಟ್ರೀಯ ಶೋಧ ಮತ್ತು ರಕ್ಷಣಾ ತಂಡದ ಮುಖ್ಯಸ್ಥ ಸ್ಟೀವನ್ ಬೇಯರ್ ತಿಳಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭೂಕಂಪದಿಂದಾಗಿ ತತ್ತರಿಸಿರುವ ಟರ್ಕಿ, ಸಿರಿಯಾದ ನಾಗರಿಕರ ನೋವು ಹೆಚ್ಚಿಸಿದ ಚಳಿ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ

IND-W vs AUS-W Test Cricket: ಭಾರತ ವಿರುದ್ಧ ಸರಣಿಗೆ ತಾಹಿಲಾ ನಾಯಕಿ

Perth Test: ಆಸೀಸ್‌ ವಿರುದ್ಧ ಟೀಮ್ ಇಂಡಿಯಾಗೆ 218 ರನ್‌ಗಳ ಮಹತ್ವದ ಮುನ್ನಡೆ

ಚಿನ್ನಸ್ವಾಮಿ ಕ್ರೀಡಾಂಗಣದ ಸ್ಟ್ಯಾಂಡ್‌ಗಳಿಗೆ ದಿಗ್ಗಜ ಕ್ರಿಕೆಟಿಗರ ಹೆಸರು?

ಅಂಧರ ಚೆಸ್: ತೆಲಂಗಾಣದ ಆಕಾಶ್‌ಗೆ ಪ್ರಶಸ್ತಿ

ಒಳನೋಟ | ಪೈರಸಿ ಅಪಾರ, ದೂರು ವಿರಳ

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಚಿನಕುರುಳಿ | ಶನಿವಾರ, ನವೆಂಬರ್ 23 2024

ಚುರುಮುರಿ: ಸಂಪುಟ ಸರ್ಜರಿ!

Election Results | ಮಹಾರಾಷ್ಟ್ರದಲ್ಲಿ ಮಹಾಯುತಿ– ಜಾರ್ಖಂಡ್‌ನಲ್ಲಿ ಇಂಡಿಯಾ ಬಣಕ್ಕೆ ಜನಾದೇಶ

ದಿನ ಭವಿಷ್ಯ: ಸತ್ಕಾರ್ಯದ ಯತ್ನಗಳು ಕೈಗೂಡಲು ತಾಳ್ಮೆ ವಹಿಸುವುದು ಸೂಕ್ತ