ತೈವಾನ್‌ ಸೇರ್ಪಡೆಗೆ ಸೇನೆ ಬಳಕೆ ಅವಕಾಶ ಕೈಬಿಡುವುದಿಲ್ಲ: ಅಧ್ಯಕ್ಷ ಷಿ ಪ್ರತಿಜ್ಞೆ

ಬೀಜಿಂಗ್: ‘ತೈವಾನ್ ಅನ್ನು ಚೀನಾದೊಂದಿಗೆ ಸೇರಿಸಲು ಸೇನೆ ಬಳಸುವ ಅವಕಾಶವನ್ನು ಕೈಬಿಡುವುದಿಲ್ಲ. ಆ ಮೂಲಕ ಚೀನಾದ ಏಕೀಕರಣ ಮಾಡುತ್ತೇವೆ’ ಎಂದು ಚೀನಾ ಅಧ್ಯಕ್ಷ ಷಿ ಜಿನ್ಪಿಂಗ್ ಭಾನುವಾರ ಪ್ರತಿಜ್ಞೆ ಮಾಡಿದರು.

. ಚೀನಾದ ಕಮ್ಯುನಿಸ್ಟ್ ಪಕ್ಷದ 20ನೇ ಸಮ್ಮೇಳನವನ್ನು ಉದ್ಘಾಟಿಸಿ ಮಾತನಾಡಿದ ಅವರು, ‘ತೈವಾನ್ ಅನ್ನು ಚೀನಾದೊಂದಿಗೆ ಸೇರಿಸಿ, ಚೀನಾವನ್ನು ಒಂದುಗೂಡಿಸುವ ಕಾರ್ಯತಂತ್ರಕ್ಕೆ ಪಕ್ಷದ ಎಲ್ಲಾ ಸದಸ್ಯರು ಬದ್ಧರಾಗಿಬೇಕು’ ಎಂದರು. ಇಂತಹ ಸಮ್ಮೇಳನವುಐದು ವರ್ಷಕ್ಕೊಮ್ಮೆ ನಡೆಯುತ್ತದೆ.

. ಜಿನ್ಪಿಂಗ್ ಅವರು ತೈವಾನ್ ಕುರಿತು ಪ್ರತಿಜ್ಞೆ ಮಾಡುತ್ತಿದ್ದಂತೆಯೇ, ಸಮ್ಮೇಳನದಲ್ಲಿ ಭಾಗವಹಿಸಿದ್ದ 2,300 ಚುನಾಯಿತ ಪ್ರತಿನಿಧಿಗಳು ಸುದೀರ್ಘ ಕರತಾಡನದ ಮೂಲಕ ತಮ್ಮ ನಾಯಕನೊಂದಿಗೆ ಸಹಮತ ವ್ಯಕ್ತಪಡಿಸಿದರು.

. ‘ಏಕೀಕರಣಕ್ಕಾಗಿ ಶಾಂತಿಯುತ ಮಾರ್ಗ ಅನುಸರಿಸುವುದನ್ನು ಚೀನಾ ಮುಂದುವರಿಸಲಿದೆ. ಆದರೆ, ಅದಕ್ಕಾಗಿ ಸೇನೆಯನ್ನು ಬಳಸುವುದಿಲ್ಲ ಎಂದು ನಾವು ಎಂದೂ ಹೇಳಿಲ್ಲ. ‘ತೈವಾನ್ ಸ್ವಾತಂತ್ರ್ಯ’ಕ್ಕಾಗಿ ಹವಣಿಸುತ್ತಿರುವ ಪ್ರತ್ಯೇಕತಾವಾದಿಗಳನ್ನು ಗುರಿಯಾಗಿಸುತ್ತೇವೆಯೇ ಹೊರತು ತೈವಾನ್ನಲ್ಲಿ ಇರುವ ನಮ್ಮ ನಾಗರಿಕ ಬಾಂಧವರನ್ನಲ್ಲ’ ಎಂದೂ ಹೇಳಿದ್ದಾರೆ.

. ಸೇನೆ ಆಧುನೀಕರಣ: ಸೇನೆಯನ್ನು ಬಲಗೊಳಿಸುವ ಕುರಿತು ಮಾತನಾಡಿದ ಜಿನ್ಪಿಂಗ್, ದೇಶದ ಸಾರ್ವಭೌಮತ್ವದ ರಕ್ಷಣೆ ಮತ್ತು ಅಭಿವೃದ್ಧಿಗಾಗಿ ಸೇನೆಯನ್ನು ಜಗತ್ತಿನ ಅತ್ಯುನ್ನತ ಮಟ್ಟಕ್ಕೆ ಆಧುನಿಕಗೊಳಿಸುವುದಾಗಿ ಹೇಳಿದರು.

. ಎದುರಾಳಿ ರಾಷ್ಟ್ರಗಳೊಂದಿಗೆ ಹೋರಾಡಿ ಗೆಲ್ಲುವ ಸಲುವಾಗಿ ಸೇನಾಪಡೆಗಳಿಗೆ ನೀಡುವ ತರಬೇತಿಯನ್ನು ಇನ್ನಷ್ಟು ತೀವ್ರಗೊಳಿಸಲು ಹಾಗೂ ಪ್ರಬಲ ವ್ಯೂಹಾತ್ಮಕ ಪ್ರತಿರೋಧ ವ್ಯವಸ್ಥೆಯನ್ನು ರೂಪಿಸಲಾಗುವುದು ಎಂದು ಷಿ ಅವರು ತಮ್ಮ 63 ಪುಟಗಳ ವರದಿಯಲ್ಲಿ ತಿಳಿಸಿದ್ದಾರೆ.

. ‘ಚೀನಾ ಸೇನೆ ‘ಪೀಪಲ್ಸ್ ಲಿಬರೇಷನ್ ಆರ್ಮಿ’ಗೆ2027ಕ್ಕೆ ನೂರು ವರ್ಷ ತುಂಬಲಿದೆ. ಈ ವೇಳೆಗೆ ಸೇನೆಯನ್ನು ಇನ್ನಷ್ಟು ಬಲಗೊಳಿಸುವ ಕಾರ್ಯತಂತ್ರ ರೂಪಿಸಲಾಗುವುದು. ಸೆಂಟ್ರಲ್ ಮಿಲಿಟರಿ ಕಮಿಷನ್ (ಸಿಎಂಸಿ) ಮುಖ್ಯಸ್ಥನ ಬಳಿಯೇ ಎಲ್ಲಾ ಹೊಣೆಗಾರಿಕೆ ಇರುವಂತೆ ನೋಡಿಕೊಳ್ಳಲಾಗುವುದು’ ಎಂದರು. ಚೀನಾ ಅಧ್ಯಕ್ಷ ಷಿಜಿನ್ಪಿಂಗ್ ಅವರೇ ಸಿಎಂಸಿನ ಮುಖ್ಯಸ್ಥರಾಗಿದ್ದಾರೆ.

. ಕ್ವಾಡ್: ಚೀನಾ ವಿರೋಧ

. ‘ಒಂದು ರಾಷ್ಟ್ರವನ್ನು ಗುರಿಯಾಗಿಸಿ ಅದರ ವಿರುದ್ಧ ಗುಂಪುಕಟ್ಟುವುದನ್ನು ಚೀನಾವು ತೀವ್ರವಾಗಿ ವಿರೋಧಿಸುತ್ತದೆ’ ಎಂದು ‘ಕ್ವಾಡ್‘ ಕೂಟವನ್ನು ಪರೋಕ್ಷವಾಗಿ ಉದ್ದೇಶಿಸಿ ಷಿ ಜಿನ್ಪಿಂಗ್ ಹೇಳಿದರು.

. ಅಮೆರಿಕ, ಭಾರತ, ಆಸ್ಟ್ರೇಲಿಯಾ ಹಾಗೂ ಜಪಾನ್ ದೇಶಗಳು ಸೇರಿ ಮಾಡಿಕೊಂಡಿವ ಕ್ವಾಡ್ ಕೂಟವನ್ನು ಚೀನಾವು ಹಿಂದಿನಿಂದಲೂ ವಿರೋಧಿಸುತ್ತಲೇ ಬಂದಿದೆ.ಹಿಂದೂ ಮಹಾಸಾಗರ–ಪೆಸಿಫಿಕ್ ಪ್ರದೇಶದಲ್ಲಿ ಚೀನಾದ ಸೇನಾ ಚಟುವಟಿಕೆ ಹೆಚ್ಚಾಗಿದ್ದು, ಈ ಪ್ರದೇಶವನ್ನು ಮುಕ್ತವಾಗಿ ಇರುವುದನ್ನು ಖಚಿತಪಡಿಸಿಕೊಳ್ಳಲು ಈ ಕೂಟವನ್ನು ರೂಪಿಸಲಾಗಿದೆ.

. 3ನೇ ಬಾರಿಗೆ ಅಧ್ಯಕ್ಷ ಸಾಧ್ಯತೆ

. ಚೀನಾದ ಕಮ್ಯುನಿಸ್ಟ್ ಪಕ್ಷದ ಪ್ರಧಾನ ಕಾರ್ಯದರ್ಶಿಯಾಗಿ ಷಿ ಜಿನ್ಪಿಂಗ್ ಅವರು ಮೂರನೇ ಬಾರಿಗೆ ಆಯ್ಕೆ ಆಗುವುದು ಬಹುತೇಕ ಖಚಿತವಾಗಿದೆ. 2018ರಲ್ಲಿನ್ಯಾಷನಲ್ ಪೀಪಲ್ಸ್ ಕಾಂಗ್ರೆಸ್ ಸಂವಿಧಾನ ತಿದ್ದುಪಡಿ ತಂದಿರುವ ಕಾರಣ ಷಿ ಹಾದಿ ಸುಗಮವಾಗಿದೆ.

. ಆಡಳಿತದ ವಿರುದ್ಧ ಪ್ರತಿಭಟನೆ

. ಪಕ್ಷದ ಸಮ್ಮೇಳನ ಆರಂಭವಾಗಿರುವಂತೆಯೇ ಕೋವಿಡ್ ಹರಡುವಿಕೆ ತಡೆಗಾಗಿ ಜಿನ್ಪಿಂಗ್ ಅವರು ಜಾರಿಗೆ ತಂದ ಕಠಿಣ ನಿಯಮಗಳನ್ನು ಖಂಡಿಸಿ ಜನರು ಪ್ರತಿಭಟನೆ ತೀವ್ರಗೊಳಿಸಿದ್ದಾರೆ. ಕಠಿಣ ನೀತಿಯಿಂದಾಗಿ ಜಗತ್ತಿನ ಎರಡನೇ ಅತಿ ದೊಡ್ಡ ಆರ್ಥಿಕತೆಯ ಪ್ರಗತಿ ಕುಂಠಿತಗೊಂಡಿದೆ ಎಂದು ಜನರು ಅಸಮಾಧಾನಗೊಂಡಿದ್ದಾರೆ.

. ‘ಆಹಾರ ಬೇಕು; ಕೋವಿಡ್ ಪರೀಕ್ಷೆಯಲ್ಲ, ಸುಧಾರಣೆ ಬೇಕು; ಸಾಂಸ್ಕೃತಿಕ ಕ್ರಾಂತಿಯಲ್ಲ, ಸ್ವಾತಂತ್ರ್ಯಬೇಕು; ಲಾಕ್ಡೌನ್ ಅಲ್ಲ, ಮತದಾರರು ಬೇಕು; ನಾಯಕರಲ್ಲ, ಘನತೆ ಬೇಕು; ಸುಳ್ಳುಗಳಲ್ಲ, ನಾಗರಿಕರು ಬೇಕು; ಗುಲಾಮರಲ್ಲ’ ಎಂದು ಚೀನಾದ ಹೈಡಾನ್ ಜಿಲ್ಲೆಯ ಸೇತುವೆಯೊಂದರ ಮೇಲೆ ಕಟ್ಟಿದ ಬ್ಯಾನರ್ನಲ್ಲಿ ಬರೆಯಲಾಗಿತ್ತು. ಈ ಚಿತ್ರವು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ತೈವಾನ್‌ ಸೇರ್ಪಡೆಗೆ ಸೇನೆ ಬಳಕೆ ಅವಕಾಶ ಕೈಬಿಡುವುದಿಲ್ಲ: ಅಧ್ಯಕ್ಷ ಷಿ ಪ್ರತಿಜ್ಞೆ

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಚುರುಮುರಿ | ವೋಟ್ ಫಾರ್...

Karnataka Rains: ಇಂದು–ನಾಳೆ ರಾಜ್ಯದ ಕೆಲವೆಡೆ ಭಾರಿ ಮಳೆ ಸಾಧ್ಯತೆ

ಮನೆ ಬೀಗ ಹಾಕಿ ಉಪನಿರ್ದೇಶಕ ನಾಪತ್ತೆ: ಬಾಗಿಲು ಕಾಯುತ್ತಿರುವ ಲೋಕಾಯುಕ್ತ ಪೊಲೀಸರು

ಅಂಚೆ ನೌಕರರ ಬ್ಯಾಡ್ಮಿಂಟನ್‌ ಟೂರ್ನಿ | ಅಂಕಿತ್‌ಗೆ ಆಘಾತ: ಫೈನಲ್‌ಗೆ ಅಮಿತ್‌

ವಿಶ್ವ ವಿ.ವಿ. ಶೂಟಿಂಗ್ ಚಾಂಪಿಯನ್‌ಷಿಪ್‌: ಐಶ್ವರಿ– ಸಂಜೀತಾ ಜೋಡಿಗೆ ಚಿನ್ನ

ಮೊದಲ ದಿನವೇ 15 ವಿಕೆಟ್ ಪತನ: ಕೌಶಿಕ್ ದಾಳಿಗೆ ಉತ್ತರಪ್ರದೇಶ ನಿರುತ್ತರ

ಗುಜರಾತ್ ಟೈಟನ್ಸ್ ಸಹಾಯಕ ಕೋಚ್ ಆಗಿ ಪಾರ್ಥಿವ್‌

ಒಳನೋಟ: ದಾಂಪತ್ಯ ಸಾಂಗತ್ಯಗಳ ಸುತ್ತ

ಒಳನೋಟ | ಹೆಜ್ಜೆ ಹೆಜ್ಜೆಗೂ ಎಸ್‌ಐಟಿ ತನಿಖೆ

ಒಳನೋಟ | ‘ಅಕ್ರಮ ವಲಸೆ’: ನೆಲೆ ವಿಸ್ತಾರ

ಒಳನೋಟ | ಸಮ್ಮೇಳನಾಧ್ಯಕ್ಷತೆ: ‘ರಾಜಕೀಯ’ ಗುಂಗು

ಚಿನಕುರುಳಿ | ಬುಧವಾರ, 13 ನವೆಂಬರ್ 2024

ಚುರುಮುರಿ | ವೋಟ್ ಫಾರ್...

Karnataka Rains: ಇಂದು–ನಾಳೆ ರಾಜ್ಯದ ಕೆಲವೆಡೆ ಭಾರಿ ಮಳೆ ಸಾಧ್ಯತೆ

ಮನೆ ಬೀಗ ಹಾಕಿ ಉಪನಿರ್ದೇಶಕ ನಾಪತ್ತೆ: ಬಾಗಿಲು ಕಾಯುತ್ತಿರುವ ಲೋಕಾಯುಕ್ತ ಪೊಲೀಸರು