<p>ಶ್ರೀಲಂಕಾದಲ್ಲಿ ದಿಸ್ಸಾನಾಯಕೆ ಅವರು ‘ಎಕೆಡಿ’ ಎಂದೇ ಪ್ರಸಿದ್ಧ. ಕೊಲಂಬೊದಿಂದ 100 ಕಿ.ಮೀ ದೂರದ ತಂಬುಟ್ಟೇಗಾಮ ಗ್ರಾಮದ ಕಾರ್ಮಿಕ ಕುಟುಂಬದಲ್ಲಿ ದಿಸ್ಸಾನಾಯಕೆ ಅವರ ಜನನ.</p><p>‘ಕ್ರಾಂತಿಕಾರಿ ಚೆಗವಾರ ನನಗೆ ಮಾದರಿ’ ಎನ್ನುತ್ತಾರೆ ದಿಸ್ಸಾನಾಯಕೆ. ಭಾರತ ವಿರೋಧಿ ಹೋರಾಟದಿಂದ ಅವರ ಹೋರಾಟದ ಜೀವನ ಆರಂಭಗೊಂಡಿತ್ತು. ಸರ್ಕಾರದ ವಿರುದ್ಧ ಪೀಪಲ್ಸ್ ಲಿಬರೇಷನ್ ಫ್ರಂಟ್ (ಜೆವಿಪಿ) ಎರಡು ದಂಗೆಗಳನ್ನು ರೂಪಿಸಿತ್ತು. ಅದು ವಿಫಲವೂ ಆಗಿತ್ತು. ಆದರೆ ಈ ಯತ್ನದಲ್ಲಿ ಪಕ್ಷದ ಹಲವು ಕಾರ್ಯಕರ್ತರು ಜೀವಕಳೆದುಕೊಂಡಿದ್ದರು. </p><p>ಎರಡನೇ ಬಾರಿ ದಂಗೆ ರೂಪಿಸಿದಾಗ ದಿಸ್ಸಾನಾಯಕೆ ಅವರು ಜೆವಿಪಿ ಪಕ್ಷದ ವಿದ್ಯಾರ್ಥಿ ನಾಯಕರಾಗಿದ್ದರು. ಶಿಕ್ಷಕರೊಬ್ಬರ ಸಹಕಾರದಿಂದ ಪ್ರಾಣವನ್ನೂ ಉಳಿಸಿಕೊಂಡಿದ್ದರು. ಬಂಡವಾಳಶಾಹಿಗೆ ವಿರೋಧ ತಮಿಳರ ವಿರೋಧ ಮಾರ್ಕ್ಸ್ವಾದಿ ಆರ್ಥಿಕ ನೀತಿಗಳ ಪರವಿದ್ದ ಪಕ್ಷವು ತನ್ನ ಸಿದ್ಧಾಂತದಲ್ಲಿ ಬದಲಾವಣೆ ಮಾಡಿಕೊಂಡಿದೆ. </p><p>ತನ್ನ ಮಾರ್ಕ್ಸ್ವಾದಿ ಆರ್ಥಿಕ ನೀತಿಯಿಂದ ಅದು ಈಗ ಉದಾರವಾದಿ ಆರ್ಥಿಕ ನೀತಿಗೆ ಹೊರಳಿದೆ. ದೇಶವನ್ನು ಭ್ರಷ್ಟಾಚಾರ ಮುಕ್ತಗೊಳಿಸಿ ಬಡವರ ಪರ ನೀತಿಗಳನ್ನು ಜಾರಿಗೊಳಿಸಲಾಗುವುದು ಎಂಬುದು ದಿಸ್ಸಾನಾಯಕೆ ಅವರ ಪ್ರತಿ ಚುನಾವಣಾ ಭಾಷಣದ ಹೂರಣವಾಗಿತ್ತು. </p><p>2000ರಲ್ಲಿ ಮೊದಲ ಬಾರಿಗೆ ಸಂಸತ್ತು ಪ್ರವೇಶಿಸಿದರು. 2004ರಲ್ಲಿ ಕೃಷಿ ಸಚಿವರಾದರು. ಈಗ ಅವರು ಶ್ರೀಲಂಕಾದ ಅಧ್ಯಕ್ಷ ಗಾದಿಗೆ ಏರಿದ್ದಾರೆ. </p><p>ದಂಗೆ ರೂಪಿಸಿದ ಕಳಂಕವನ್ನು ಕಳಚಿಕೊಂಡ ಜೆವಿಪಿ ಪಕ್ಷವು 2022ರ ಆರ್ಥಿಕ ಹಿಂಜರಿತ ವಿರುದ್ಧದ ಚಳವಳಿಯ ಬಳಿಕ ದೇಶದ ರಾಜಕಾರಣದಲ್ಲಿ ಮುನ್ನೆಲೆಗೆ ಬಂದಿತು. 2019ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಈ ಪಕ್ಷವು ಕೇವಲ ಶೇ 3ರಷ್ಟು ಮತಗಳನ್ನು ಗಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಶ್ರೀಲಂಕಾದಲ್ಲಿ ದಿಸ್ಸಾನಾಯಕೆ ಅವರು ‘ಎಕೆಡಿ’ ಎಂದೇ ಪ್ರಸಿದ್ಧ. ಕೊಲಂಬೊದಿಂದ 100 ಕಿ.ಮೀ ದೂರದ ತಂಬುಟ್ಟೇಗಾಮ ಗ್ರಾಮದ ಕಾರ್ಮಿಕ ಕುಟುಂಬದಲ್ಲಿ ದಿಸ್ಸಾನಾಯಕೆ ಅವರ ಜನನ.</p><p>‘ಕ್ರಾಂತಿಕಾರಿ ಚೆಗವಾರ ನನಗೆ ಮಾದರಿ’ ಎನ್ನುತ್ತಾರೆ ದಿಸ್ಸಾನಾಯಕೆ. ಭಾರತ ವಿರೋಧಿ ಹೋರಾಟದಿಂದ ಅವರ ಹೋರಾಟದ ಜೀವನ ಆರಂಭಗೊಂಡಿತ್ತು. ಸರ್ಕಾರದ ವಿರುದ್ಧ ಪೀಪಲ್ಸ್ ಲಿಬರೇಷನ್ ಫ್ರಂಟ್ (ಜೆವಿಪಿ) ಎರಡು ದಂಗೆಗಳನ್ನು ರೂಪಿಸಿತ್ತು. ಅದು ವಿಫಲವೂ ಆಗಿತ್ತು. ಆದರೆ ಈ ಯತ್ನದಲ್ಲಿ ಪಕ್ಷದ ಹಲವು ಕಾರ್ಯಕರ್ತರು ಜೀವಕಳೆದುಕೊಂಡಿದ್ದರು. </p><p>ಎರಡನೇ ಬಾರಿ ದಂಗೆ ರೂಪಿಸಿದಾಗ ದಿಸ್ಸಾನಾಯಕೆ ಅವರು ಜೆವಿಪಿ ಪಕ್ಷದ ವಿದ್ಯಾರ್ಥಿ ನಾಯಕರಾಗಿದ್ದರು. ಶಿಕ್ಷಕರೊಬ್ಬರ ಸಹಕಾರದಿಂದ ಪ್ರಾಣವನ್ನೂ ಉಳಿಸಿಕೊಂಡಿದ್ದರು. ಬಂಡವಾಳಶಾಹಿಗೆ ವಿರೋಧ ತಮಿಳರ ವಿರೋಧ ಮಾರ್ಕ್ಸ್ವಾದಿ ಆರ್ಥಿಕ ನೀತಿಗಳ ಪರವಿದ್ದ ಪಕ್ಷವು ತನ್ನ ಸಿದ್ಧಾಂತದಲ್ಲಿ ಬದಲಾವಣೆ ಮಾಡಿಕೊಂಡಿದೆ. </p><p>ತನ್ನ ಮಾರ್ಕ್ಸ್ವಾದಿ ಆರ್ಥಿಕ ನೀತಿಯಿಂದ ಅದು ಈಗ ಉದಾರವಾದಿ ಆರ್ಥಿಕ ನೀತಿಗೆ ಹೊರಳಿದೆ. ದೇಶವನ್ನು ಭ್ರಷ್ಟಾಚಾರ ಮುಕ್ತಗೊಳಿಸಿ ಬಡವರ ಪರ ನೀತಿಗಳನ್ನು ಜಾರಿಗೊಳಿಸಲಾಗುವುದು ಎಂಬುದು ದಿಸ್ಸಾನಾಯಕೆ ಅವರ ಪ್ರತಿ ಚುನಾವಣಾ ಭಾಷಣದ ಹೂರಣವಾಗಿತ್ತು. </p><p>2000ರಲ್ಲಿ ಮೊದಲ ಬಾರಿಗೆ ಸಂಸತ್ತು ಪ್ರವೇಶಿಸಿದರು. 2004ರಲ್ಲಿ ಕೃಷಿ ಸಚಿವರಾದರು. ಈಗ ಅವರು ಶ್ರೀಲಂಕಾದ ಅಧ್ಯಕ್ಷ ಗಾದಿಗೆ ಏರಿದ್ದಾರೆ. </p><p>ದಂಗೆ ರೂಪಿಸಿದ ಕಳಂಕವನ್ನು ಕಳಚಿಕೊಂಡ ಜೆವಿಪಿ ಪಕ್ಷವು 2022ರ ಆರ್ಥಿಕ ಹಿಂಜರಿತ ವಿರುದ್ಧದ ಚಳವಳಿಯ ಬಳಿಕ ದೇಶದ ರಾಜಕಾರಣದಲ್ಲಿ ಮುನ್ನೆಲೆಗೆ ಬಂದಿತು. 2019ರ ಅಧ್ಯಕ್ಷೀಯ ಚುನಾವಣೆಯಲ್ಲಿ ಈ ಪಕ್ಷವು ಕೇವಲ ಶೇ 3ರಷ್ಟು ಮತಗಳನ್ನು ಗಳಿಸಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
