<p><strong>ಕೈರೊ</strong>: ಈಜಿಪ್ಟ್ ಗಡಿ ಮೂಲಕ ಗಾಜಾಕ್ಕೆ ಅಗತ್ಯವಸ್ತುಗಳನ್ನು ತಲುಪಿಸಲು ಅಡ್ಡಿಪಡಿಸುವುದಿಲ್ಲ ಎಂದು ಇಸ್ರೇಲ್ ಹೇಳಿಕೆ ನೀಡಿದ ಬೆನ್ನಲ್ಲೇ, ರಫಾ ಗಡಿಯಲ್ಲಿ ರಸ್ತೆ ದುರಸ್ತಿಪಡಿಸಲು ಈಜಿಪ್ಟ್ ಯಂತ್ರೋಪಕರಣಗಳನ್ನು ಕಳಿಸಿದೆ ಎಂದು ಅಲ್ಲಿಯ ಭದ್ರತಾ ಪಡೆಯ ಮೂಲಗಳು ಗುರುವಾರ ತಿಳಿಸಿವೆ. </p>.<p>ರಫಾ ಮಾರ್ಗವು ಇಸ್ರೇಲ್ ನಿಂತ್ರಣದಲ್ಲಿರದ ಏಕೈಕ ಗಡಿ ಮಾರ್ಗವಾಗಿದೆ. ಇಸ್ರೇಲ್– ಹಮಾಸ್ ನಡುವೆ ಸಂಘರ್ಷ ಆರಂಭವಾದಾಗಿನಿಂದ ಈ ಮಾರ್ಗ ಸ್ಥಗಿತಗೊಂಡಿದೆ. ಈಜಿಪ್ಟ್ನ ಸಿನಾಯ್ ಪರ್ಯಾಯ ದ್ವೀಪದಲ್ಲಿ ದಾಸ್ತಾನು ಇರಿಸಿರುವ ಅಗತ್ಯವಸ್ತುಗಳನ್ನು ಈ ಮಾರ್ಗದ ಮೂಲಕ ಗಾಜಾ ಪಟ್ಟಿಗೆ ತಲುಪಿಸಲಾಗುವುದು.</p>.<p>ಅಗತ್ಯವಸ್ತುಗಳನ್ನು ಗಾಜಾಕ್ಕೆ ತಲುಪಿಸಲು ಇಸ್ರೇಲ್ ಮನವೊಲಿಸಲು ಅಮೆರಿಕ ಮತ್ತು ಈಜಿಪ್ಟ್ ದೇಶಗಳು ಪ್ರಯತ್ನಿಸುತ್ತಿದ್ದವು. ಗಾಜಾಕ್ಕೆ 20 ಟ್ರಕ್ಗಳಲ್ಲಿ ಅಗತ್ಯವಸ್ತುಗಳನ್ನು ತಲುಪಿಸಲು ಇಸ್ರೇಲ್ ಒಪ್ಪಿಕೊಂಡಿದೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಟ್ರಕ್ಗಳನ್ನು ಕಳಿಸುವ ಭರವಸೆ ಇದೆ ಎಂದು ಅಮೆರಿಕ ಬುಧವಾರವಷ್ಟೇ ಹೇಳಿತ್ತು. </p>.<p>ವಿಶ್ವಸಂಸ್ಥೆ ಪ್ರಕಾರ, ಸದ್ಯದ ಯುದ್ಧ ಆರಂಭವಾಗುವ ಮೊದಲೂ ಗಾಜಾದ 23 ಲಕ್ಷ ನಿವಾಸಿಗಳ ಜೀವನವು ಅವರಿಗೆ ದೊರಕುವ ನೆರವಿನ ಮೇಲೆ ಆಧರಿಸಿತ್ತು. ಪ್ರತಿದಿನ 100ಕ್ಕೂ ಹೆಚ್ಚು ಟ್ರಕ್ಗಳಲ್ಲಿ ಅಗತ್ಯವಸ್ತುಗಳನ್ನು ಮಾನವೀಯ ನೆಲೆಯಲ್ಲಿ ಗಾಜಾಕ್ಕೆ ಕಳಿಸಲಾಗುತ್ತಿತ್ತು. </p>.<p>ನೂರಕ್ಕೂ ಹೆಚ್ಚು ಟ್ರಕ್ಗಳು ಗುರುವಾರ ಈಜಿಪ್ಟ್– ಗಾಜಾ ಗಡಿ ಬಳಿ ಕಾಯುತ್ತಾ ನಿಂತಿವೆ. ಆದರೂ ಶುಕ್ರವಾರದ ಒಳಗೆ ನೆರವು ತಲುಪುವ ನಿರೀಕ್ಷೆ ಇಲ್ಲ’ ಎಂದು ಈಜಿಪ್ಟ್ನ ಭದ್ರತಾ ಪಡೆ ಮೂಲಗಳು ತಿಳಿಸಿವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಕೈರೊ</strong>: ಈಜಿಪ್ಟ್ ಗಡಿ ಮೂಲಕ ಗಾಜಾಕ್ಕೆ ಅಗತ್ಯವಸ್ತುಗಳನ್ನು ತಲುಪಿಸಲು ಅಡ್ಡಿಪಡಿಸುವುದಿಲ್ಲ ಎಂದು ಇಸ್ರೇಲ್ ಹೇಳಿಕೆ ನೀಡಿದ ಬೆನ್ನಲ್ಲೇ, ರಫಾ ಗಡಿಯಲ್ಲಿ ರಸ್ತೆ ದುರಸ್ತಿಪಡಿಸಲು ಈಜಿಪ್ಟ್ ಯಂತ್ರೋಪಕರಣಗಳನ್ನು ಕಳಿಸಿದೆ ಎಂದು ಅಲ್ಲಿಯ ಭದ್ರತಾ ಪಡೆಯ ಮೂಲಗಳು ಗುರುವಾರ ತಿಳಿಸಿವೆ. </p>.<p>ರಫಾ ಮಾರ್ಗವು ಇಸ್ರೇಲ್ ನಿಂತ್ರಣದಲ್ಲಿರದ ಏಕೈಕ ಗಡಿ ಮಾರ್ಗವಾಗಿದೆ. ಇಸ್ರೇಲ್– ಹಮಾಸ್ ನಡುವೆ ಸಂಘರ್ಷ ಆರಂಭವಾದಾಗಿನಿಂದ ಈ ಮಾರ್ಗ ಸ್ಥಗಿತಗೊಂಡಿದೆ. ಈಜಿಪ್ಟ್ನ ಸಿನಾಯ್ ಪರ್ಯಾಯ ದ್ವೀಪದಲ್ಲಿ ದಾಸ್ತಾನು ಇರಿಸಿರುವ ಅಗತ್ಯವಸ್ತುಗಳನ್ನು ಈ ಮಾರ್ಗದ ಮೂಲಕ ಗಾಜಾ ಪಟ್ಟಿಗೆ ತಲುಪಿಸಲಾಗುವುದು.</p>.<p>ಅಗತ್ಯವಸ್ತುಗಳನ್ನು ಗಾಜಾಕ್ಕೆ ತಲುಪಿಸಲು ಇಸ್ರೇಲ್ ಮನವೊಲಿಸಲು ಅಮೆರಿಕ ಮತ್ತು ಈಜಿಪ್ಟ್ ದೇಶಗಳು ಪ್ರಯತ್ನಿಸುತ್ತಿದ್ದವು. ಗಾಜಾಕ್ಕೆ 20 ಟ್ರಕ್ಗಳಲ್ಲಿ ಅಗತ್ಯವಸ್ತುಗಳನ್ನು ತಲುಪಿಸಲು ಇಸ್ರೇಲ್ ಒಪ್ಪಿಕೊಂಡಿದೆ. ಮುಂದಿನ ದಿನಗಳಲ್ಲಿ ಮತ್ತಷ್ಟು ಟ್ರಕ್ಗಳನ್ನು ಕಳಿಸುವ ಭರವಸೆ ಇದೆ ಎಂದು ಅಮೆರಿಕ ಬುಧವಾರವಷ್ಟೇ ಹೇಳಿತ್ತು. </p>.<p>ವಿಶ್ವಸಂಸ್ಥೆ ಪ್ರಕಾರ, ಸದ್ಯದ ಯುದ್ಧ ಆರಂಭವಾಗುವ ಮೊದಲೂ ಗಾಜಾದ 23 ಲಕ್ಷ ನಿವಾಸಿಗಳ ಜೀವನವು ಅವರಿಗೆ ದೊರಕುವ ನೆರವಿನ ಮೇಲೆ ಆಧರಿಸಿತ್ತು. ಪ್ರತಿದಿನ 100ಕ್ಕೂ ಹೆಚ್ಚು ಟ್ರಕ್ಗಳಲ್ಲಿ ಅಗತ್ಯವಸ್ತುಗಳನ್ನು ಮಾನವೀಯ ನೆಲೆಯಲ್ಲಿ ಗಾಜಾಕ್ಕೆ ಕಳಿಸಲಾಗುತ್ತಿತ್ತು. </p>.<p>ನೂರಕ್ಕೂ ಹೆಚ್ಚು ಟ್ರಕ್ಗಳು ಗುರುವಾರ ಈಜಿಪ್ಟ್– ಗಾಜಾ ಗಡಿ ಬಳಿ ಕಾಯುತ್ತಾ ನಿಂತಿವೆ. ಆದರೂ ಶುಕ್ರವಾರದ ಒಳಗೆ ನೆರವು ತಲುಪುವ ನಿರೀಕ್ಷೆ ಇಲ್ಲ’ ಎಂದು ಈಜಿಪ್ಟ್ನ ಭದ್ರತಾ ಪಡೆ ಮೂಲಗಳು ತಿಳಿಸಿವೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
